*Deeni Majaalis Me Shaamil Hona Har Kisi Ke Naseeb Ki Baat Nahi Hoti!* ALLAH Ta'ala Usi Ko Deen Ki Mahfilon, Neki Ke Kaamon Aur Ilm O Zikr Ki Majaalis Me Baithhne Ki Taufeeq Deta Hai *Jis Se Wo Muhabbat* Karta Hai. Aaj Afsos Ye Hai Ke Bahot Se Log *Deen Ki Baat Sunna, Deeni Mahfil Me Baithhna, Qur'aan O Hadees Ki Majlis Ka Hissa Banna* Gawaara Nahi Karte — Lekin Agar Wahi Mahfil *Fahhaashi, Gaane, Naach Yaa Fuzool Tafreeh* Ki Ho, To Wahaan Khushi Khushi Chale Jaate Hain, Waqt Bhi Nikaalte Hain Aur Dil Bhi Khush Karte Hain! *Yaad Rakhen!* Ek Din Sab Kuchh Khatm Ho Jaaye Ga — Na Ye Dunya Baaqi Rahe Gi, Na Us Ki Raunaqen. Tab ALLAH Ta'ala Sawaal Kare Ga: *"Aye Insaan! Tu Ne Apni Zindagi Kahaan Guzaari?"* To Phir Ham Kya Jawaab Den Ge? > *ALLAH Ta'ala Hamen Hidaayat De, Deeni Mahfilon Se Muhabbat Ataa Farmaaye Aur Nekiyon Me Hissa Lene Waala Banaaye. Aameen Summa Aameen Yaa Rabbal Aalameen*