🎯 *ഷെരീഫ് സാഗർ*✒️✒️ കേരള സംസ്ഥാന ഹജ്ജ് കമ്മിറ്റി ഇത്തവണ ഹാജിമാർക്കായി സർപ്രൈസ് ഗിഫ്റ്റ് കൊടുക്കുന്നുണ്ട് എന്ന പേരിൽ ഒരു വീഡിയോ വ്യാപകമായി പ്രചരിക്കുന്നുണ്ട്. ഒരു ബാഗും അതിനകത്ത് കണ്ണാടി, നെയിൽ കട്ടർ, ചെരിപ്പ്, മുസല്ല, കുട, വാട്ടർ ബോട്ടിൽ, വാട്ടർ സ്പ്രേ തുടങ്ങിയ സംഭവങ്ങളും കാണിച്ച് ഇതൊക്കെ കേരള സർക്കാർ കൊടുക്കുന്നതാണെന്ന മട്ടിലാണ് വീഡിയോ എടുത്ത് പ്രചരിപ്പിക്കുന്നത്. എന്താണ് യാഥാർത്ഥ്യം? ഹജ്ജ് സേവനത്തിന് കോൺട്രാക്ട് ലഭിക്കുന്ന സൗദി മുത്തവിഫ് എല്ലാ വർഷവും സൗദിയിലെ വിവിധ കമ്പനികളുടെയും സമ്പന്നരുടെയും സ്പോൺസർഷിപ്പോട് കൂടി ഹാജിമാർക്ക് പല സമ്മാനങ്ങളും കൊടുക്കാറുണ്ട്. അക്കൂട്ടത്തിൽ ഒന്നാണ് ഈ സമ്മാനം. എല്ലാ ഹാജിമാർക്കും ഇങ്ങനെയുള്ള ഗിഫ്റ്റ് ലഭിക്കുകയുമില്ല. അതായത് ഇത് കൊടുക്കുന്നത് ഇന്ത്യാ ഗവൺമെന്റോ കേരള ഗവൺമെന്റോ സൗദി ഗവൺമെന്റോ അല്ല. ഇവർ ഉയർത്തിക്കാട്ടുന്ന ആ ബാഗിൽ തന്നെ മുത്തവിഫ് കമ്പനിയുടെ പേരുണ്ട്. ദുയൂഫുൽ ബൈത് അഥവാ സ്വകാര്യ ഹജ്ജ് ഗ്രൂപ്പിന്റെ മുതവിഫ് അവരുടെ ഹാജിമാർക്ക് കൊടുത്തതാണിത്. ഇതിനെയാണ് ഇത്തവണ കേരള ഹജ്ജ് കമ്മിറ്റി വൻ സൗകര്യങ്ങളാണ് ഒരുക്കിയിരിക്കുന്നത് എന്ന മട്ടിൽ വ്യാജമായി പ്രചരിപ്പിക്കുന്നത്. സയ്യിദ് റഷീദലി ശിഹാബ് തങ്ങളുടെ നേതൃത്വത്തിലുള്ള ഓൾ ഇന്ത്യ ഹാജീസ് ഹെൽപ്പിങ് ഹാൻഡ്സ് വഴി കെ.എം.സി.സിയുടെ സേവനത്തെ ഹാജിമാർ മനസ്സറിഞ്ഞു പ്രാർത്ഥനാപൂർവ്വം സ്വീകരിക്കുന്നതിൽ ചിലരുടെ വിഷമം ഇത്തരം വ്യാജ നിർമിതിയിലുണ്ട്. ഇത്തരം നുണക്കഥകളുമായി വീഡിയോ എടുക്കുന്നവരും പ്രചരിപ്പിക്കുന്നതും ഇത് പരിശുദ്ധ ഹജ്ജ് കർമ്മമാണെന്ന കാര്യം മറക്കരുത്. അല്ലാഹു പൊറുത്തുതരട്ടെ. *Join WithUs*⭐ *രാജാജിഹാൾ-IUML* https://whatsapp.com/channel/0029VaezIBiGE56sExzvEc0e