هينريچ له نړيوال کرکټ سره مخه ښه وکړه د سوېلي افريقا کرکټ ملي لوبډلي توپوهونکي هينريچ کلاسن له هر ډول نړيوال کرکټ سره مخه ښه اعلان کړه. د هغه د استعفاء خبر د یاد هیواد کرکټ بورډ نن (دوشنبه) پر خپلو ټولنیزو رسنیو خپور کړی دی. کلاسن له ۲۰۱۸ زېږديز کال راهيسي د سوېلي افریقا له پاره په ټولو فارمټونو او ۱۲۲ نړيوالو لوبو کي د څلورو سليزو او ۱۶ نيمه سليزو په جوړولو درې زره او ۲۴۵ منډي جوړي کړي وې. د دغه لوبغاړي استعفاء داسي مهال رسنیزه سوې چي، تازه د اسټرالیا ټولچاري (الراونډر) لوبغاړي ګلین مکسوېل هم له ۵۰ اوریزو لوبو سره مخه ښه وکړه. #millatzagh