غزني کي په ۱۳ میلیونه افغانۍ د ۳ پروژو کارونه پیل سوي د کلیو د بیارغوني او پراختیا وزارت خبر ورکړی چي، د غزني ولایت په ناوه ولسوالۍ کي ئې په ۱۲،۷ میلیونه افغانۍ د درو پروژو کارونه پیل کړي دي. یاد وزارت نن (پنج شنبه) په یوه خبرپاڼه کي ویلي چي، په دغو پروژو کي د کلیوالي سړکونو، ګبیونونو، دېوالونو او پلچکونو جوړولو شامل دي. په خبرپاڼه کي راغلي چي، په دغو پروژو کي لسګونو کسانو ته د کار زمینه هم برابره سوې ده. #millatzagh