*الفُصام* هو مرض نفسي، الشخص فيه بكون عايش بعالم مش حقيقي ممكن يسمع أصوات ما حدا بسمعها، أو يصدق أفكار غريبة زي إنه الناس بتراقبه أو بدهم يأذوه. كمان ممكن كلامه يكون مش مترابط، ومشاعره باردة، وبيبعد عن الناس. المهم نعرف إنه الفُصام مش يعني إنه عنده أكتر من شخصية، هو بس اضطراب في التفكير والإدراك. أما *انفصام الشخصية* (واللي اسمه الصحيح “اضطراب الهوية التفارقي”)، فهاد اشي الثاني تماما الشخص المصاب فيه بيكون عنده اكثر من شخصية جواته، وكل شخصية إلها اسم وطبع وتصرفات مختلفة، وممكن مرات ما يتذكر شو عملت الشخصية الثانية. هالحالة بتصير غالبا بسبب صدمة قوية عاشها الشخص، خصوصاً وهو صغير