الزنجبيل : 🎉 كل سنة وإنتو طيبين، وعيدكم سعيد ومليان فرحة وخير! في عيد الأضحى، الكرم السوداني بيشتغل شغل عديل، اللحوم بتكون فوق كيف، والكوارع، والكمونية، والصحون شغالة 😋 لكن مع الأكل الدايم دا، المعدة مرات بتتعب، والهضم بيكون بطيء، والنفخة والمغص ما بتفارقنا! هنا بيجي دور الزنجبيل، أو زي ما بنقول في السودان الجنزبيل😆. الزنجبيل معروف بإنو بيحفز العصارات الهاضمة وبيساعد في تحريك الأمعاء. كمان بيقلّل الغثيان والنفخة، وبيفتح النفس للأكل بطريقة منظمة. طريقة الاستخدام؟ ✳️ قطّع شريحة صغيرة من الزنجبيل الطازج، صب عليها موية مغلية، خت ليها عصرة ليمونة وممكن نقطة عسل، واشربها بعد الأكل بنص ساعة. 🌿 الزنجبيل كمان مفيد لمرضى القولون العصبي، وبهدّي الجهاز الهضمي كلو. 👇 قول لينا في التعليقات، إنت جربتو قبل كدا؟ ولا أول مرة تسمع بالفوائد دي؟ #عيد_مباارك_عليكم #الطب_البديل #حرب_ما_بتوقفنا #تجمع_طلاب_الصيدلة_بالسودان #sps