🌸 عيد سعيد عليكم يا أحباب، وربنا يجعلو عيد خير وصحة وهنا! أيام العيد بننبسط، لكن برضو الأكل التقيل مرات بيخلي المعدة تتقلب، وتبدأ الحموضة، والغازات، والتقلصات. النعناع، أو النعنع زي ما بنسميهو، واحد من الأعشاب الساحرة للجهاز الهضمي. فيه زيوت طيّارة بترخي عضلات المصران وبتريح المعدة، وفعّال جداً في حالات القولون العصبي، المغص، والنفخة. طريقة التحضير؟ ✳️ خت كم ورقة نعنع طازج (أو ملعقة صغيرة نعنع ناشف) في موية مغلية، غطّي الكوباية ٥ دقايق، واشربها دافية بعد الأكل. كمان ممكن تضيف ليه شوية زنجبيل لو داير مفعول أقوى! 💡 ملاحظة: الناس العندهم ارتجاع مريئي شديد، يحاولوا ما يكثروا منو، لأنو ممكن يرخّي الصمام بين المريء والمعدة. 👇 شارك معانا: بتفضّل تشرب النعنع لوحدو ولا مع شاي أحمر؟ وشنو طريقتك المفضلة لتحضيرو؟ #عيد_مباارك_عليكم #الطب_البديل #حرب_ما_بتوقفنا #تجمع_طلاب_الصيدلة_بالسودان #sps