*بی این ایم ءِ ماں برتانیا ءَ ھیلکاری کارگاہ – 28 مئی 1998 ءِ ایٹمی تْراکانی سر ءَ سیاسی ءُ زانشتی گپ ءُ تْران* یک شمبے ، 01 جون ، 2025 | بن شون : PRBNM50/2025 https://thebnm.org/balochi/programs/23699/ عکس : https://thebnm.org/footages/23291/ چہ بلوچ راجی زْرمبشت ( بی این ایم ) ءِ نیمگ ءَ ماں برتانیا ءَ کارگاھے ( ورکشاپ ) برجم دارگ بیتگ ، بلوچستان ءَ 28 مئی 1998 ءَ بیتگیں پاکستانی ایٹمی تْراکانی تاوان ءُ بلوچ راج ءِ سر ءَ آیانی سان ءِ بنگپ ءَ بیتگیں اے کارگاہ ءَ گل ءِ باسکاں مزنیں کچے ءَ بھر زرتگ۔ اے رد ءَ گوشتانک دیوکاں گْوشتگ ناں سانمندیں دمگانی پلگارگ ءَ کوشست بیتگ ءُ نے کہ تابکاری ءِ سانانی بارہ ءَ پٹ ءُ پولی گزارش شنگ کنگ بیتگ۔ ایش جاہ ء وت بلکیں داں مروچی ھچ وڑیں آزادیں تْرامگیجے ءَ اے دمگاں پٹ ءُ پول ءُ چارگ ءِ موکل دیگ نہ بیتگ پمیشکا اے جیڑہ رازے ءِ وڑ ءَ مجین اِنت۔ اے ایٹمی چکاس بلوچانی واھگ ءِ چپی ءَ نوک آبادی رنگ ءَ کنگ بیتگ اَنت کارگاہ ءَ اے گپ پدر کنگ بیتگ کہ اے تْراک ایوک ءَ زانشتی یا دیمپانی لوٹاں نہ بیتگ اَنت بلکیں بلوچ سرڈگار ءِ سر ءَ تْرام اتگ ءُ بے تواریں چکچینی ءِ بھر اَت اَنت۔ اے ایٹمی چکاس بلوچ راج ءِ واھگ ءِ چپ ءُ سرجمی ءَ نوک آبادی رنگ ءَ کنگ بیتگ اَنت ، ایشانی مول ناں ایوک ءَ بلوچ سرڈگار ءِ چکاسجاھے ءِ رنگ ءَ کارمرد اَت بلکیں بلوچ راج نادْراھی ، نیزگاری ءُ اگوازی ( ماحولیاتی ) تباھی ءِ نیمگ ءَ تیلانک دیگ اَت۔ مراگش ءِ جارچینی بی این ایم برتانیا تک ءِ کارگشاد کمبر بخشی ءُ دوستین ءَ کرتگ ، سلیم ، یوسف ، احمد ، بلال ، بجار علی ، غفار ءُ شعیب نعمت ءَ اے بارہ ءَ گپ جتگ۔ ☢️ #nukeaftermathinbalochistan *« چاگردی رسانکدر ءِ چیڑو : ایکس |پیس بک | ٹیلی گرام | واٹساپ چینل »* https://x.com/BNMbalochi/status/1929218453832884515 https://www.facebook.com/share/p/15XM4gWN9H/ https://t.me/bnmovement/6754 https://whatsapp.com/channel/0029Va68s311dAw0lOJfGt2l