*لندن : چہ پاکستان ءَ مزدانک نہ رس اتگ پمیشکا لڈ اتگ ءُ برتانیا ءَ اتکگ آں، ذاکر مجید ءِ مات ءِ بی این ایم ءِ زھرشانی ءَ تْران* سئے شمبے ، 10 جون ، 2025 | بن شون : PRBNM53/2025 تامر ءُ عکس : https://thebnm.org/footages/23350/ https://thebnm.org/balochi/protests/23706/ بلوچ راجی زْرمبشت ( بی این ایم ) ءَ بلوچ نودر بر گل ( بی ایس او ) آزاد ءِ بنجاھی سروک ذاکر مجید ءِ زور بیگواھی ءِ شانزدھمی سالروچ ءَ ماں لندن ءَ برتانیا ءِ سروزیر ءِ گس ءِ دیم ءَ زھرشانی کرتگ۔ زھرشانی کنوکاں جرنبشت ءُ شیراز تاک گون بیتگ کہ آیانی سر ءَ ’’ ذاکر مجید ءَ یلہ بہ کن اِت ‘‘ ، زور بیگواھیاں بند بہ کن اِت ‘‘ ءُ ’’ زور بیگواھیں مردماں مزدانک بہ دے اِت ‘‘ رنگیں اوگام نبشتہ اَت۔بھر زیروکاں میان راج ءُ چہ برتانیا ءِ سرکار ءَ لوٹ کرتگ کہ آ ماں بلوچستان ءَ مردمی اگبالانی بگیری ءِ سر ءَ دلگوش بہ دے اَنت ، مادنیں گامگیج بہ زیراَنت ءُ پاکستان ءَ زور بہ دے اَنت کہ آ زور بیگواھیں بلوچاں سھرا بہ کنت۔ اے درگت ءَ ذاکر مجید ءِ مات راج بی بی ءَ گوں زھرشانی کنوکاں تْران کنان ءَ درائینتگ کہ آئی ءَ پاکستان ءَ مزدانک نہ رس اتگ پمیشکا ناچاری لڈ اتگ ءُ برتانیا ءَ اتکگ داں آ ذاکر مجید ءِ پجیگ ءَ چہ پاکستانی مھترھند ءِ دست ءَ زور بیگواہ کنگ بیتگ ھمک مردم ءِ توار جوڑ بیت بہ کنت کہ پاکستان ءَ پہ آیاں مزدانک ءِ اوست ءُ واھگ اشکند کرتگ اَنت۔ چہ زھرشانی ءَ تْران کنان گْوشتانک دیوکاں گْوشتگ مروچی ما اد ءَ زھرشانی کنگ ءَ ایں داں جھان ءَ گْوشت بہ کن ایں کہ بلوچ راج چونیں زوراکیانی دیمپان اِنت ، پاکستانی مھترھند بلوچاں پمیشکا زوراکی ءِ نشانگ کنگ ءَ اِنت کہ آ بلوچ اَنت ، اے گپ ءَ نہ چار ایت کہ آ چونیں لیکہ ءُ دیدانک ءِ منوگر اَنت۔ بی این ایم ءِ راھشوناں وتی تْرانانی تہ ءَ اے درشانتگ کہ زور بیگواھی رنگیں در مردمی زوراکیانی سر ءَ بلوچ راج یک توار اِنت ءُ گوں یک ڈکے ءَ یکیں دیدانک ءِ سر ءَ برجاہ اِنت ، داں کہ پاکستان جست ءُ پرس کنگ نہ بیتگ ءُ زور بیگواھیں مردم درا نہ بیتگ اَنت ، زور بیگواھیانی بگیری ءَ اے جھد برجاہ بیت۔ گوں زھرشانی کنوکاں ذاکر مجید ءِ مات ءَ ابید بی این ایم ءِ کستر کمک سرکارگشاد حسن دوست ، دری کارانی کارگشاد فھیم ، دری کارانی بھرگ ءِ راھوتکار نیاز ءُ بی این ایم برتانیا ءِ کماش ماسٹر منظور ءَ گپ جتگ۔آیاں ناں ایوک ءَ بلوچستان ءَ برجاھیں مھترھندی زوراکی ءِ سر ءَ گپ جتگ بلکیں چہ برتانیا ءُ میان راج ءَ لوٹ کرتگ کہ آ گوں اشتاپی ءَ بلوچستان ءِ جاورانی سر ءَ دلگوش گْور بہ کن اَنت ءُ تہ ءَ بہ کپ اَنت۔اے درگت ءَ زور بیگواھی ءُ بلوچستان ءِ جاورانی سر ءَ تاک ھم بھر کنگ بیتگ۔ *« چاگردی رسانکدر ءِ چیڑو : ایکس |پیس بک | ٹیلی گرام | واٹساپ چینل »* https://x.com/BNMbalochi/status/1932473864144986308 https://www.facebook.com/share/p/14DQvKSVi4W/ https://t.me/bnmovement/6804 https://whatsapp.com/channel/0029Va68s311dAw0lOJfGt2l