*بی این ایم نا برطانیہ ٹی ہیلکاری نا ورکشاپ۔ 28 مئی 1998 نا ایٹمی تراک آتا سیاسی و سائنسی تجزیہ* یک شمبے ، 01 جون ، 2025 | بن شون : PRBNM50/2025 https://thebnm.org/brahui/events/20780/ بلوچ نیشنل موومنٹ نا کنڈ آن برطانیہ ٹی اسہ ہیلکاری ورکشاپ ئس اڈ تننگا۔ بلوچستان ئٹی 28 مئی 1998 آ کننگوک پاکستان نا ایٹمی تراک آتا نسخان و بلوچ قوم آ اوفتا زیم آتا سرحال آ مروک دا ورکشاپ ئٹی پارٹی نا باسک آتا بھلو کچ ئس اوار مسک۔ دا وخت آ تران کروک آک پاریر کہ پاکستان نہ تو زیمی مروک علاقہ تا صفائی نا کوشست کرینے و نئے کہ تابکاری نا زیم آتا بارو ئٹ پٹ و پول نا رپورٹ شنگ کرینے۔ دانا برخلاف اینو اسکان ہچو آزات ادارہ ئسے دا علاقہ تیٹی پٹ و پول و نئے کہ معائنہ نا اجازت تننگ مسنے، ہرا دا پورو معاملہ ئے ڈھکوک و غیر شفاف جوڑ کیک۔ *دا ایٹمی چکاس آک بلوچ قومی منشا نا برخلاف نوآبادیاتی وڑ ئٹ کننگار* ورکشاپ ئٹی دا راستی ئے پاش کننگا کہ دا تراک آک بیرہ سائنسی یا رکھنگ نا مسخت آتے اسکان الوس بلکن بلوچ نا ڈغار آ سوگو و بے توار نسل کشی نا بشخ اسُر۔ دا ایٹمی چکاس آک بلوچ قومی منشا نا برخلاف نوآبادیاتی وڑ ئٹ کننگار، ہرافتا مسخت نہ بیرہ بلوچ نا ڈغار ئے اسہ چکاس کروک لیبارٹری ئسے نا وڑ ئٹ کارمرز کروئی اسک بلکن بلوچ الس ئے ناجوڑی نیستی و ماحولیاتی بھسکاری نا کنڈ آ دھکہ تننگ ہم اسک۔ مُچی نا بھلنی ئے بی این ایم یوکے چیپٹر نا سیکریٹری کمبر بخشی و دوستین بلوچ کریر، سلیم بلوچ، یوسف بلوچ، احمد بلوچ، بلال بلوچ، بجار علی، غفار بلوچ و شعیب نعمت دا سرحال آ ہیت کریر۔ ☢️ #nukeaftermathinbalochistan *« سوشل میڈیا لنکس : ایکس |فیس بک | ٹیلی گرام | واٹساپ چینل »* https://x.com/BNMbrahui/status/1929213893676556436 https://www.facebook.com/share/p/18VHpzhb2f/ https://t.me/bnmovement/6752 https://whatsapp.com/channel/0029VaAyYMy8vd1Ga4AgZ32V