*پاکستان انصاف تِتو، ہندا سوب ڈیھ ئے اِلِّسہ برطانیہ آ بسوٹ، ذاکر مجید نا لمہ نا تران* سئے شمبے ، 10 جون ، 2025 | بن شون : PRBNM53/2025 ویڈیو و عکس : https://thebnm.org/footages/23350/ https://thebnm.org/brahui/protests/20787/ بلوچ نیشنل موومنٹ (بی این ایم) بی ایس او آزاد نا بنجاہی مہبر ذاکر مجید نا زوراکی ئٹ بیگواہی ئے 16 سال پورو مننگ آ لندن ئٹی برطانیہ نا وزیر اعظم نا اُرا نا مونا برانز کرے۔ بزانز کروک آک دو تیٹی بینر و پلے کارڈ ہرفیسُر، ہرافتے آ "ذاکر مجید ئے آجو کبو" زوراکی ئٹ بیگواہی تے ایسر کبو و زوراکی ئٹ بیگواہ کننگوک بندغ آتے انصاف ایتبو" نا وڑ او نعرہ نوشتہ اسک، ساڑی مروک آک جہانی ایلمکو، اقوام متحدہ و برطانیہ نا حکومت آن خواست کریر کہ او بلوچستان ئٹی بندغی حق آتا سخت انگا لتاڑ نا نوٹس ہلیر، و پاکستان آ زوراکی ئٹ بیگواہ کننگوک بندغ آتا آجوئی کن زور شاغِر۔ دا وخت آ ذاکر مجید نا لمہ راج بی بی برانز کروک آتیان تران کرسہ پارے کہ او پاکستان ئٹی انصاف وے مننگ نا سوب آن ڈیھ ئے السہ برطانیہ آ بننگ آ بیوس مسنے کہ او پاکستان نا کنڈ آن زوراکی ئٹ بیگواہ کننگوک ہر بندغ نا توار جوڑ مرے ہرافتیکن انصاف ئے دوئی کننگ ئے پاکستان نا منکن کرینے۔ برانز آن تران کروک آک پاریر کہ اینو نن ہندا سوب آن داڑے برانز کینہ تانکہ دنیا ئے پاننگ کین کہ بلوچ قوم ہرا زوراکی تیتو مون تننگ ءِ ؟ پاکستان نا ریاست بلوچ آتے بیرہ بلوچ مننگ نا سوب آن ٹِک کننگے، بیشک اوفتا تعلداری ہمرو ہم مکتبہ فکر ئسیان مرے۔ بی این ایم نا مہبر آک تران ئٹی دا ارادہ ئے کریر کہ زوراکی ئٹ بیگواہی نا وڑ انگا وے بندغی آ زوراکی تا برخلاف بلوچ قوم اسہ توار و اسہ موقف آ سلوک ءِ۔ پاکستان نا توننگ و زوراکی ئٹ بیگواہ کننگوک بندغ آتا آجوئی اسکان زوراکی ئٹ بیگواہی تا برخلاف جد و جہد برجاء مرو۔ برانز آن ذاکر مجید نا لمہ، بی این ایم نا جونیئر جوائنٹ سیکریٹری حسن دوست بلوچ، سیکریٹری امور خارجہ فہیم بلوچ، شعبہ امور خارجہ نا رابطہ کار نیاز بلوچ و بی این ایم یوکے چیپٹر نا بھلا ماسٹر منظور تران کریر۔ او نہ بیرہ بلوچستان ئٹی برجاء ریاستی نا زوراکی تے آ تران کریر بلکن برطانیہ نا و جہانی ادارہ تے آن زوت مداخلت کننگ نا خواست کریر۔ دا وخت آ زوراکی ئٹ بیگواہی و بلوچستان نا حالیت آتا بارو ئٹ لیف لیٹس ہم ونڈ کریر۔ *« سوشل میڈیا لنکس : ایکس |فیس بک | ٹیلی گرام | واٹساپ چینل »* https://x.com/BNMbrahui/status/1932469751948943769 https://www.facebook.com/share/p/1Zua96FrHY/ https://t.me/bnmovement/6802 https://whatsapp.com/channel/0029VaAyYMy8vd1Ga4AgZ32V