🇭🇹 #bonjou_konpatriyòt 🇭🇹 #non_m_se_non ! Depi w gen karaktè pou w di non Lè ou dwe di non Menm si siyati w se bonbon Depi w gen tèt sou zepòl ou Do w pa fouti koube anba Ni jenou w pa gen dwa chikata Depi w gen kè pou w kanpe dwat Eskanp figi ou pa ka plat Ni diyite w p ap tounen avadra Pou kouvri sanzave anba dra Gen wi ki se alyans respè ak kè Gen non ki chita pye kwaze Sou galri libète lapawòl ak panse Depi w konn tann Ou p ap janm tounen sann Se pa tout bravo ki soti nan sèvo Gen non ki gen plis konviksyon Pase pwomès kanpay E ki leve w pi wo pase yon pye papay Di non, se konnen kote ou soti Kisa ou vo ak ki kote ou vle ale E refize fè moun plezi pou po patat Se avanse pou rèv ou san fè bak Di non, se batay pou respè w Refize tonbe anba men san zantray Se dwa m pou m di non ! Si m di non ! Se konviksyon m Se paske m ka kanpe dèyè non m. #sherly_tanis_cator ✍🏽 #pòtoprens_31_me_2025 https://x.com/SherlyTanis/status/1929129945411788943?t=dMntG2ulM4fBaWhzUrlRpA&s=09