تمپ، مند، ھزدار ءُ ھاران اُرشانی زمہ واری بی ایل ایپ ءَ من اتگ اَنت May 31 , 2025 آشوب نیوز بلوچستان لبریشن پرنٹ ءِ جارکش میجر گْوھرام بلوچ ءَ رسانکدر ءَ وتی شنگ کتگیں درشانے ءَ گوشتگ کہ 30 مئی ءَ بی ایل ایپ ءِ سرمچاراں تمپ ءِ ھند ملانٹ ءَ زورگریں پاکستانی لشکر ءِ بنجل چہ سَے نیمگاں گوں راکٹ لانچر، گرنیڈ لانچر ءُ آدگہ ٹوھیں سلاھاں نشانگ کرتگ۔ اُرش داں دیر ءَ برجاہ بیتگ ءُ سرمچاراں بنجل ءِ پھازداریں سنگرانی تہ ءَ ساڑی ایں سَے کارمند کُشتگ۔ کاروائی ءِ میان ءَ پہ بنجل ءِ چاریگی ءَ جنگ بوتگیں کیمرہ تباہ کتگ اَنت۔ اُرش ءَ پد سرمچاراں دمگ ءَ تر ءُ گرد گوں مردماں گند ءُ نند کتگ ءُ تران کرتگ۔ جارکش ءَ گوشتگ کہ ھمے روچ ءِ بیگاہ ءِ ھپت ءِ نزیک ءَ یک جتائیں اُرشے ءَ مند ءِ ھند سورو بازار ءَ برجاھیں چیریں ادارہ ءِ کارگس ءِ سر ءَ دو کارمند بی ایل ایپ ءِ اسنائیپر ٹیکٹیکل ٹولی (ایس ٹی ٹی) ءَ نشانگ کتگ اَنت۔ چریشی آسر ءَ دوئیں کارمند جاھی مرتگ اَنت۔ میجر گْوھرام بلوچ ءَ وتی دومی درشان ءَ گوشتگ کہ 31 مئی ءَ شمبے ءِ روچ ءِ ادار یازده ءِ نزیک ءَ سرمچاراں ھزدار ءِ ھند نال ءَ پڑیچ ھوٹل ءِ نزیک ءَ سنگر گپتگ ءُ ریاست ءِ سروکے ءَ جوڑ بیتگیں وتگڑیں امن پورس ءِ دو کارمند نشانگ کرتگ ، ایشی ءِ آسر ءَ دوئیں کارمند مرتگ اَنت ءُ سرمچاراں آیانی سلاه زرتگ اَنت۔ جارکش ءَ گوشتگ کہ نال ءِ شھر ءَ ریاست ءَ نیشنل پارٹی ءِ بنجاھی سروک اسلم بزنجو ءِ زھگ شاه میر بزنجو ءِ سروکی ءَ کشنده ٹولی ءِ یک ٹولی یے بلوچ راجی زرمبشت ءِ بگیری ءَ جوڑ کتگ ءُ آئی ءَ وتگڑیں امن پورس ءِ نام داتگ۔ جارکش ءَ گوشتگ کہ بی ایل ایپ امن پورس ءُ بلوچستان ءَ کشنده ٹولی ءِ درسیں سروک ءُ کارمنداں کڈن کنت کہ آ چہ ریاست ءِ کارمرز بوگ ءَ دور بہ بنت اگاں نہ آیاں نشانگ کن اِیں۔ جارکش ءَ گوشتگ کہ دومی اُرش سرمچاراں مرچی نیمروچ ءِ ادار یک ءَ هاران ءِ شھر ءَ کتگ ، سرمچاراں ھاران ءِ شھر ءَ شاھوانی چاراه ءِ نزیک ءَ دگ ءَ بندوکیں پولیس کارمند دزگیر کتگ اَنت ءُ آیانی سرکاری سلاه پل اِتگ اَنت ءُ بلوچ بوگ ءِ سوب ءَ کڈن کنگ ءَ پد گوں شرپ ءَ یل کتگ اَنت۔ میجر گْوھرام بلوچ ءَ دوئیں اُرشانی زمه واری من اتگ ءُ گوشتگ کہ درسیں مردماں کڈن کن اِیں کہ چہ زورگریں ریاست ءِ دست ءَ کارمرز بوگ ءَ دور بہ بنت اگاں نہ گوں آیاں ھم دژمنیں لشکر ءِ وڑ ءَ کنگ بیت۔ https://t.me/Ashoob_News/8671