شال ءَ گاڑی سر ءَ بمب تراکے، یک مردمے بیران، چار ٹپی بیتگ اَنت Jun 01 , 2025 بلوچستان ءِ بُنجاھی شھر شال ءَ روکپتی بائی پاس سر ءَ برجاہ بروری دگ ءِ گُڈی اسٹاپ نزیک ءَ یک گاڑی یے بمب تراک ءِ نشانگ کنگ بوتگ، چریشی ءِ آسر ءَ یک مردمے جاہ پہ جاھی مرتگ وھدے کہ چار مردم ٹپی بیتگ اَنت- ایس ایچ او بروری تھانہ مھمود کروٹی ءِ رِد ءَ تراک ءَ بیران بوتگیں مردم ءِ پجّار بابُل مھمد ھسنی ء مھمد ھسنی جھمنند کلات نام ءَ چہ بوتگ وھدے کہ آئی ءِ ھمراہ نبیل اھمد ء مھمد امین سک ٹپی بوتگ اَنت- تراک ءِ آسر ءَ سے راھگوز ھم ٹپی بوتگ اَنت کہ آیانی تہ ءَ بلاول ء پتھ، مھمد انور ء کریم، ابدالزاھر بنگلزئی ھوار اَنت- کشگ بوتگیں بابُل مھمد ھسنی ءِ درگت ءَ گوشگ بوگ ءَ اِنت کہ کُشندہ ٹولی ءِ ھاسیں باسکے بوتگ - https://t.me/Ashoob_News/8681