زامران ءُ شال ءِ اُرشانی زمہ واری بی ایل اے ءَ من اتگ Jun 04 , 2025 آشوب نیوز بلوچ لبریشن آرمی ءِ جارکش جیئند بلوچ ءَ رسانکدر ءَ وتی شنگ کتگیں درشانے ءَ گوشتگ کہ بی ایل اے ءِ سرمچاراں زامران ءُ شال ءَ دو جتائیں اُرشاں زورگریں لشکر ءُ آئی ءِ چیردستیں لشکر نشانگ کرتگ اَنت ، اے اُرشانی آسر ءَ پنچ کارمند مرتگ ءُ یک سروکے ءَ ھوار باز کارمند ٹپی بیتگ۔ آئی ءَ گوشتگ کہ مئے سرمچاراں کیچ ءِ ھند زامران ءَ کنڈ کاپران ءَ سنگر گپتگ ءُ زورگریں پاکستانی لشکر ءِ کاروان ءِ سر ءَ اُرش کرتگ ، دژمن ءِ دو گاڑی اُرش ءِ زد ءَ اتکگ کہ چریشی ءِ آسر ءَ یک گاڑی یے سرجم ءَ تباه بیتگ ، کاروائی ءِ آسر ءَ پنچ کارمند جاھی مرتگ ءُ دگہ باز ٹپی بیتگ۔ جارکش ءَ گوشتگ کہ ھمے وڑ ءَ مئے سرمچاراں دوشمبے ءِ روچ ءَ شال ءِ رودراتکی بائی پاس ءَ پسانی پڑی ءِ نزیک ءَ پولیس ءِ گاڑی گوں دستی بمب ءَ نشانگ کرتگ ، اِے اُرش ءَ ایس ایچ او نورالله ءَ ھوار آدگہ کارمند ٹپی بیتگ اَنت. جیئند بلوچ ءَ دوئیں اُرشانی زمہ واری من اتگ ءُ گوشتگ کہ مئے سلاه بندیں جھد داں زورگریں ریاستی لشکر ءِ درآھگ ءُ راجی آجوئی ءَ برجاه بیت۔ https://t.me/Ashoob_News/8696