ھرنانی ءَ چار مردم ءِ لاش دزکپتگ کہ آیانی تہ ءَ یک مردمے ءِ پجّار بیتگ Jun 06 , 2025 آشوب نیوز بلوچستان ءِ دمگ ھرنائی ءَ چار مردم ءِ لاش دزکپتگ اَنت کہ آ تیر جنگ ءُ کُشگ بوتگ اَنت، وھدے کہ پاکستانی لشکر ءَ اے مردم یک کاروائی ءَ جنگ ءِ ٹاہ داتگ- ھالانی رِد ءَ اے لاش ھرنائی ءِ دمگ سنجاوی دگ سر تور ھان ھند ءَ چہ دزکپتگ ءُ جسم ءَ تیرانی نشانگ ھست اَنت- پاکستانی لشکر ءِ ٹاہ اِنت کہ چیریں ادارھانی گوشگ پد ءَ اے کاروائی چار سلاہ بندیں مردم ءَ کُشتگ اَنت- دومی نیمگ ءَ اے دزکپتگیں چاریں لاشانی تہ ءَ یکے ءِ پجّار سئید مری نام ءَ چہ بیتگ کہ آ دوئیں ورنائیں بچّانی ھمراھی ءَ بیگواہ کتگ اَنت کہ اشانی تہ ءَ مزنیں چُک ابدالنبی مری ءِ لاش 18 اپریل دکی ءَ چگل داتگ ءُ دروگیں میڑ نام ءَ داتگ وھدے کسانیں چُک ءِ وارس مری ءِ لاش یک مئی سنجاوی ءَ چہ دزکپتگ کہ آ ھم دروگیں میڑ ءَ جتگ وھدے کہ پت سئید مری ءِ لاش مروچی دزکپتگ کہ آ ھرنائی سنجاوی دگ تور کام سر ءَ دگہ سے مردمانی ھمراھی ءَ چگل داتگ اَنت- تنی وھدے آ سئیں لاشانی پجّار انگت نہ بوتگ اَنت- https://t.me/Ashoob_News/8702