کیچ ءَ ھوار جتائیں چاردہ جاھاں اُرشانی زمہ واری بی ایل ایپ ءَ من اتگ اَنت Jun 09 , 2025 آشوب نیوز بلوچستان لبریشن پرنٹ ءِ جارکش میجر گوھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که ھپت جون ءَ شپ ءِ اَدار دوازده ءُ ده ءَ بی ایل ایپ ءِ سرمچاراں کیچ ءِ ھند ناسرآباد ءَ زورگریں پاکستانی پوج ءِ چوکی ءِ سر ءَ بازیں کچے ءَ گرنیڈ لانچر ءِ گولا آس داتگ کہ چوکی ءِ تہ ءَ نشانگاں لگ اِتگ اَنت ءُ دژمن ءَ جانی ءُ مالی تاوان داتگ. آئی ءَ گوشتگ کہ ھپت جون ءِ شپ ءِ ده ءَ بی ایل ایپ ءِ سرمچاراں کیچ ءِ ھند مند ، سورو ءَ زورگریں پاکستانی لشکر ءِ بنجل گوں راکٹ لانچر ءُ آ دگہ ٹوھیں سلاھاں نشانگ کرتگ ، اُرش ءَ پد زورگریں لشکر ءَ گوں سرویلنس کیمراھاں سرمچارانی رندگیری کرتگ ، بلے سرمچار پہ سلامتی وتی مھکمیں بندراں سر بیتگ اَنت۔ جارکش ءَ گوشتگ کہ ھپت جون ءِ شپ ءَ سرمچارانی جتائیں ٹولیاں مند ءِ ریک بازار ءُ کوه ڈگار ءِ میانجی ءَ شھدگ بستگ ءُ گاڑی پٹ ءُ پول کرتگ اَنت ، ھمے وڑ ءَ بلوچ آباد ءَ تر ءُ گرد ءِ میان ءَ دژمن ءِ روگ ءُ آھگ ءِ سر ءَ سرمچاراں چم سک داتگ اَنت بلے ترس آماچیں دژمنیں لشکر چہ وتی بنجل ءَ در نیاتکگ۔ آئی ءَ گوشتگ کہ ھپت جون ءِ سھب ءِ ھپت ءُ نیم ءِ نزیک ءَ سرمچاراں کشنده ٹولی ءِ کارمند ابداللہ ء سئید بلیده ، میناز ءَ دزگیر کرتگ. آ ساری ءَ مئے نشانگ ءَ ببتگ. آئی ءَ بلوچ آجوئی زرمبشت ءُ سرمچارانی بگیری ءَ جتائیں کاروائیاں دژمنیں لشکر ءِ کمک کرتگ ، بلے انوں مئے ھم سنتیں گل ءِ سھید بوتگیں سنگت جابر نسیر ءُ سنگت پکیر جان ءِ شھیدی ءَ ھم ھوار بیتگ۔ سرمچاراں آئی ءِ ٹوئیں میارانی سوب ءَ گل ءِ پیسلہ ءِ سر ءَ کار کرتگ ءُ آ گڈی آسر ءَ سر کرتگ۔ جارکش ءَ گوشتگ کہ ھشت جون ءَ سھب ءِ یازده ءُ نیم ءَ بی ایل ایپ ءِ سرمچاراں تمپ ءِ ھند کلاھو ءَ زورگریں پاکستانی لشکر ءِ چوکی ءِ سر ءَ گرنیڈ لانچر ءِ باز گولا آس داتگ که نشانگ ءَ لگ اِتگ اَنت که چہ ایشی ءَ دژمن ءِ لھتیں کارمند ٹپی بیتگ ءُ آیاں مالی تاوان ھم بیتگ۔ آئی ءَ گوشتگ کہ ھشت جون ءِ نیمروچ ءِ دوازده ءُ نیم ءَ بی ایل ایپ ءِ سرمچاراں تمپ ءِ ھند آسیا آباد ءَ زورگریں لشکر ءِ چوکی ءِ سر ءَ گرنیڈ لانچر ءِ بازیں گولا آس داتگ که نشانگ ءَ لگ اِتگ اَنت ، ایشی ءِ ھواری ءَ آ دگہ ٹوھیں سلاه ھم کارمرز کرتگ اَنت ءُ چوکی نشانگ کرتگ۔ جارکش ءَ گوشتگ کہ ھشت جون ءَ دگه یک کاروائی ءَ سرمچاراں تمپ ءِ ھند ھیرآباد ءَ زورگریں لشکر ءِ چوکی گوں راکٹ لانچر ءُ آدگہ ٹوھیں سلاھاں نشانگ کرتگ ، اِے اُرش ءَ سرمچاراں چوکی ءِ سر ءَ جتگیں چاریگی کیمراه ھم نشانگ کرتگ اَنت ءُ تاوان داتگ اَنت۔ آئی ءَ گوشتگ کہ ھشت جون ءِ دیگر ءَ پد سرمچاراں تمپ ءِ ھند گومازی ءَ شھید کپٹن جھانگیر ءِ گس ءَ زورگریں لشکر ءِ برجاھیں چوکی ءِ گرنیڈ لانچر ءِ گولا آس داتگ اَنت کہ چہ ایشی ءَ لھتیں کارمند ٹپی بیتگ اَنت۔ جارکش ءَ گوشتگ کہ هشت جون ءِ شپ ءِ شش ءُ چل ءَ بی ایل ایپ ءِ سرمچاراں تمپ ءِ ھند پل آباد ،کسانو ءَ زورگریں پاکستانی لشکر ءِ چوکی ءِ سر ءَ بازیں کچے ءَ راکٹ آس داتگ کہ گوں سوبمندی ءَ نشانگ ءَ لگ اِتگ اَنت ، ایشی ءِ آسر ءَ دژمن ءَ جانی ءُ مالی تاوان بیتگ۔ آئی ءَ گوشتگ کہ ھشت جون ءَ سرمچاراں سھب ءِ ادار ھپت ءِ نزیک ءَ زامران ءِ ھند کوتان ءَ زورگریں پاکستانی لشکر ءِ چوکی ءِ سر ءَ اُرش کرتگ ءُ جانی ءُ مالی تاوان داتگ۔ جارکش ءَ گوشتگ کہ ھشت جون ءَ سرمچاراں دشت بیری ءَ سی پیک دگ بستگ ءُ اود ءَ برجاھیں لیویز چوکی ءِ سر ءَ اُرش کرتگ ، بلے چوکی ءِ تہ ءَ هچ وڑیں جنگی سامان نہ بیتگ ، سرمچاراں لیویز کارمند بلوچ بوگ ءِ بنیاد ءَ هچ وڑیں تاوان نہ داتگ اَنت۔ آئی ءَ گوشتگ کہ نھ جون ءَ سرمچاراں سھب ءِ ادار ده ءُ چل ءَ زامران ءِ ھند نرمک ءَ زورگریں پاکستانی پوج ءِ چوکی ءِ سر ءَ اُرش کرتگ ءُ دژمن ءَ جانی ءُ مالی تاوان داتگ۔ جارکش ءَ گوشتگ کہ نھ جون ءِ سھب ءِ یک ءِ نزیک ءَ بی ایل ایپ ءِ سرمچاراں جیونی ءِ ھند پانوان ءَ کوه سر بازار ءَ پہ چاریگی ءَ جتگیں موبائل ٹاور ءِ مشین مانداشتگ اَنت۔ آئی ءَ گوشتگ کہ نھ جون ءَ سرمچاراں نوشکی ءِ شھر ، سٹیشن ءَ اوشتاتگیں گیس بروکیں دو گاڑی تاوان داتگ اَنت۔ میجر گْوھرام بلوچ ءَ اے سرجمیں اُرشانی زمہ واری من اتگ ءُ گوشتگ کہ داں بلوچستان ءِ آجوئی ءَ دژمن ءِ سر ءَ اُرش برجاه بنت۔ https://t.me/Ashoob_News/8726