گوادر ءُ دشت ءَ پاکستانی لشکر ءَ نُھ مردم آوار جتگ ءُ بیگواہ کتگ اَنت Jun 10 , 2025 آشوب نیوز گوادر ءُ دشت ءَ زورگریں پاکستانی لشکر ءَ لشکر کشی ءِ میان ءَ نُھ مردم آوار جتگ ءُ بیگواہ کتگ اَنت۔ گیشیں ھالانی رد ءَ زوربیگواہ کتگیں مردمانی نام نوید ء لتیپ، سلمان ء ڈاکٹر سید مھمد، ھنیپ ء بکشی، نسیر ء وژدل، اپراز ء نسیر، کمال ء سپا ءُ پُلان ء سپا اِنت کہ زورگریں پاکستانی لشکر ءَ دشت ءَ گساں بیڑ برتگ ءُ آوار جتگ اَنت۔ پاکستانی لشکر ءَ گسانی پٹ ءُ پول کنگ ءِ ھواری ءَ زھگ ءُ جنین زوراکی نشانگ کتگ اَنت۔ ھمے وڑ گوادر ءِ دمگ پسنی رد ءَ بیگواھیں ورنایانی نام یار جان ء داد بکش ءُ شیر جان ء شیک دوستین اِنت کہ پسنی ءِ وارڈ نمبر یک ، ببر شورءِ جھمنند اَنت۔ پاکستانی لشکر ءَ دوشی ادار دوازدہ ءَ گس ءَ بیڑ برتگ ءُ آوار جتگ اَنت۔ بیگواھیں ورنایانی بابت ءَ گوشگ بیتگ کہ دوئیں یکیں کھول ءِ مردم اَنت۔ آیانی کھولاں چہ انسانی ھکانی ادارھاں پہ وتی مردماں آجوئی ءَ توار چست کنگ ءِ لوٹ کتگ۔ https://t.me/Ashoob_News/8728