نوشکی ءَ شھدگ ءِ بندگ ءِ میان ءَ پاکستانی لشکر ءِ ھشت کارمندانی کوش ءِ زمہ واری بی ایل اے ءَ من اِتگ اَنت- Jun 10 , 2025 آشوب نیوز بلوچ لبریشن آرمی ءِ جارکش جیئند بلوچ ءَ رسانکدر ءَ وتی شنگ کرتگیں درشانے ءَ نوشکی اُرش ءِ زمہ واری من اِتگ ءُ گوشتگ کہ بی ایل اے ءِ سرمچاراں مزنیں شھدگ داں چار اداراں بستگ ءُ زورگریں پاکستانی لشکر ءِ کاروان نشانگ کتگ۔ چہ چریشی ءِ آسر ءَ دژمن ءِ ھشت کارمند مرتگ ءُ چار ٹپی بوتگ۔ جارکش ءَ گوشتگ کہ سرمچاراں شال تپتان ءِ مزنیں شھدگ کیشنگی ءِ ھند شیر ھان آگا ءَ سنگر گپتگ ءُ داں چار اداراں بستگ. ھمے میان ءَ سرمچاراں گاڑی پٹ ءُ پول کتگ اَنت۔ جارکش ءَ گوشتگ کہ ھمے ھند ءِ نیمگ ءَ روگ ءِ جھد کنوکیں زورگریں پاکستانی لشکر ءِ کاروان ءِ سر ءَ سرمچاراں سنگر گپتگ ءُ نشانگ کتگ۔ سرمچاراں دژمنیں لشکر ءِ سر ءَ راکٹ ءُ آدگہ ٹوھیں سلاھانی گوما اُرش کتگ۔ کاروان ءِ سَے گاڑی اُرش ءِ زد ءَ آتکگ۔ چریشی ءِ آسر ءَ لشکر ءِ ھشت کارمند جاھی مرتگ ءُ کم چہ کم چار کارمند ٹپی بوتگ۔ اُرش ءَ سَے ئیں گاڑی تباہ بوتگ اَنت۔ https://t.me/Ashoob_News/8729