"سر آپ بھی ہمارے ساتھ کرکٹ کھیلیں!" اسٹوڈنٹس نے ضد کی، تو ٹیچر مان گئے۔ پانچ گیندیں کھیلیں، صرف دو رنز بنائے... اور چھٹی گیند پر کلین بولڈ ہو گئے۔ پورے گراؤنڈ میں خوشی کی آوازیں گونجنے لگیں، جیسے کوئی بڑی جیت حاصل ہوئی ہو۔ کلاس میں واپسی پر، ٹیچر نے مسکرا کر پوچھا: "کون چاہتا تھا کہ میں آؤٹ ہو جاؤں؟" سب باؤلرز نے فوراً ہاتھ کھڑے کر دیے۔ ٹیچر ہنس پڑے: "تو پھر میں کیسا کرکٹر ہوں؟" سب نے ایک آواز میں کہا: "بہت برے!" پھر پوچھا: "لیکن میں ٹیچر کیسا ہوں؟" سب بولے: "بہت اچھے، سر!" ٹیچر نے مسکرا کر ایک راز بتایا: "تمہیں ایک بات بتاؤں؟ میں جتنا اچھا استاد ہوں، اتنا اچھا اسٹوڈنٹ کبھی نہیں رہا۔ مجھے ہمیشہ سبق یاد کرنے میں دشواری ہوتی تھی، باتیں دیر سے سمجھ آتی تھیں۔ پھر بھی لوگ کہتے ہیں کہ میں اچھا استاد ہوں۔ جاننا چاہتے ہو کیوں؟" سب نے کہا: "جی سر، کیوں؟" ٹیچر بولے: "ادب...! اپنے استاد کا ادب۔" پھر ایک واقعہ سنایا: "ایک دن میں اپنے استاد کے گھر دعوت کی تیاری میں مدد کر رہا تھا۔ فریزر سے برف نکالی، توڑنے کے لیے کچھ نہ ملا۔ استاد کمرے سے باہر گئے تو میں نے جوش میں مکا مار کر برف توڑ دی، اور ان کے آنے سے پہلے دیوار پر مار کر توٹی ہوئی برف کا تاثر دیا۔ استاد واپس آئے، دیکھا تو بولے: 'عقل کب آئے گی؟ کیا یوں برف توڑتے ہیں؟' میں خاموشی سے ان کی ڈانٹ سنتا رہا۔ انہوں نے بعد میں کئی بار میری اس "بیوقوفی" کا ذکر کیا… لیکن میں نے کبھی نہیں بتایا کہ برف میں نے مکا مار کر توڑی تھی — کیونکہ وہ ایک ہاتھ سے معذور تھے۔ مجھے ڈر تھا کہ کہیں میرے عمل سے انہیں احساسِ کمتری نہ ہو۔ اس لیے میں نے ان کی ڈانٹ بھی خاموشی سے قبول کی، تاکہ ان کا دل نہ ٹوٹے۔ یہ تھا میرا ادب!" پھر استاد نے کلاس کی طرف دیکھا اور کہا: "اور تم لوگ… ایک دوسرے کو چیخ چیخ کر ہدایت دے رہے تھے کہ سر کو یارکر مار کر آؤٹ کرو! یاد رکھو… جیتنا ہمیشہ سب کچھ نہیں ہوتا۔ کبھی کبھی ہارنے سے ایسی جیت ملتی ہے جو عمر بھر یاد رہتی ہے۔ تم طاقت میں اپنے اساتذہ اور والدین سے آگے نکل سکتے ہو — لیکن اگر واقعی زندگی میں کامیاب ہونا چاہتے ہو، تو ان سے جیتنے کی کوشش کبھی مت کرنا۔ ایسا کرو گے، تو زندگی میں کبھی ہار نہیں ہو گی۔ اللہ تمہیں ہر میدان میں کامیاب کرے، ہر قدم پر سرخرو کرے۔ یہ بات دل کو لگی، اس لیے دل سے شیئر کی۔ اگر آپ کو بھی محسوس ہو کہ یہ سبق قیمتی ہے — تو آپ بھی شیئر کریں۔ شاید کسی دل کو چھو جائے!"