🎈 یومُ القَرّ 🎈 یہ عیدالاضحیٰ کے بعد پہلا دن ہے، یعنی 11 ذوالحجہ۔ یہ دن دنیا کے عظیم ترین دنوں میں سے دوسرا ہے، جس میں دعائیں رد نہیں ہوتیں! اس کے بعد آنے والے تین دن بھی عظمت والے ہیں جن میں دعائیں قبول کی جاتی ہیں 💜 رسول اللہ ﷺ نے فرمایا: "اللہ کے نزدیک سب سے عظیم دن یوم النحر (10 ذوالحجہ) ہے، پھر یوم القر (11 ذوالحجہ)" (روایت: امام احمد، صحیح قرار دیا: علامہ البانی رحمہ اللہ) یوم القر کا مطلب ہے: قرار پانے کا دن۔ یعنی وہ دن جب حاجی قربانی، طوافِ افاضہ وغیرہ سے فارغ ہوکر منیٰ میں قیام کرتے ہیں۔ "القر" کے معنی ہیں: ٹھہرنا، قرار پانا۔ 🍀 یوم القر اور ایامِ تشریق (11، 12، 13 ذوالحجہ) کے مستحب اعمال: 💌 1- استغفار اور دعا کرنا: عید کے بعد تین دن (ایامِ تشریق) دعاؤں کی قبولیت کے ایام ہیں۔ حضرت ابو موسیٰ اشعریؓ یوم النحر کی خطبے میں فرمایا کرتے تھے: "یوم النحر کے بعد تین دن، جنہیں اللہ تعالیٰ نے 'ایامِ معدودات' فرمایا ہے، وہ ایسے دن ہیں جن میں دعائیں رد نہیں ہوتیں۔ لہٰذا اللہ سے اپنی مرادیں مانگو!" (لطائف المعارف، ابن رجب، صفحہ 503) 💌 2- تکبیر کہنا (نمازوں کے بعد بھی اور عام حالت میں بھی): تکبیر کی مشہور صورت: اللّٰهُ أَكْبَرُ، اللّٰهُ أَكْبَرُ، لَا إِلٰهَ إِلَّا اللّٰه، اللّٰهُ أَكْبَرُ، اللّٰهُ أَكْبَرُ، وَلِلّٰهِ الْحَمْد 💌 3- اس جامع دعا کا بکثرت ورد کرنا: "رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ" حضرت عکرمہؒ فرماتے ہیں: "ایامِ تشریق میں اس دعا کا پڑھنا پسند کیا جاتا تھا۔" یہ دعا دنیا و آخرت دونوں کی بھلائی کے لیے جامع ہے، اور نبی ﷺ اکثر یہ دعا فرمایا کرتے تھے۔ حضرت حسن بصریؒ نے فرمایا: "دنیا کی بھلائی: علم اور عبادت، آخرت کی بھلائی: جنت" امام سفیانؒ نے فرمایا: "دنیا کی بھلائی: علم اور پاکیزہ رزق، آخرت کی بھلائی: جنت" 💌 4- ان دنوں کھانا پینا اور ذکر کرنا، روزہ رکھنا منع ہے: نبی کریم ﷺ نے فرمایا: "ایامِ منیٰ (یعنی ایامِ تشریق) کھانے، پینے اور اللہ کے ذکر کے دن ہیں۔" (صحیح مسلم) 🍀 یہی وہ عظمت والے ایام ہیں جن کے بارے میں اللہ تعالیٰ نے فرمایا: ﴿وَاذْكُرُوا اللَّهَ فِي أَيَّامٍ مَّعْدُودَاتٍ﴾ ترجمہ: "اور اللہ کو یاد کرو گنے چنے دنوں میں" (البقرۃ: 203) یعنی عید کے بعد کے تین دن 💜 --- 📌 #یوم_القر 📌 #اپنے_دوستوں_کو_یاد_دلائیں