
حڪاية و ࢪواية'ه📚🩶⊁.↻))
May 30, 2025 at 02:15 PM
*ـ صعيدي علمني الادب جـ2🩰👳🏻♂️:ـᬼ❥⍣⃟*
*part 1♡゙ُ*
*part 2♡゙ُ*
*part 3♡゙ُ*
*part 4♡゙ُ*
*part 5♡゙ُ*
_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_
تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G
البارت الأول
يونس بصوت عالي: هيا دي المفاجأة حرااااام عليييييييكي.
روح بصوت عالي : اجري يا نمر اجريييييي انفد بحياتك
روح والنمر بيجروا ووراهم قطيع تيران .
يونس: مش فاااااهم ده ايه
روح: دا سباق سان فيرمن
يونس بصوت عالي: هانفضل نجريييي لإمتي
روح بصوت عالي: لحد ما تنتصر عليهم اجري يا نمر
يونس: انا كنت عايز ادخل دنيا مش اخرج منها حرااام عليكي يا شيخه
الناس بتجري ويونس وروح بيجروا والتيران وراهم.
روح وهيا بتضحك : اخص عليك يا نمر انا عاوزاك تعمل رياضه
يونس وهوا بيجري: عشان كده جايبانا أسبانيا دا شهر العسل يا جدعان شهر العسل .
في ناس التيران بتدوس عليهم وناس بتلحق نفسها ..
يونس ماسك ايد روح وهوا بيجري ..
بس روح بتبدأ تهبط وبتسيب ايده ..
ad
يونس بيبص عليها بيلاقي الطور جاي عليها وهيا ماعدتش قادره تجري..
بيقومها بس مش بتقدر..
بيجري علي الطور اللي جاي ناحيتها وبيركب فوقه وبيمسكه من قرونه الطور بيتعصب وبيفضل ينط عشان يوقع يونس ..
روح بتيجي علي الجمب ..
روح: اخص عليك يا نمر كنت مرجحني معاك ..
يونس بينط من علي ضهر الطور علي جمب .
روح: اه يا نمر يا جامد طلعت مش غاشش وكنت بتذاكر..
يونس بيقوم من علي الأرض وبيحاول يقومها مش بتقدر بيشيلها وبيجري لحته فاضيه بعيد عن التيران الهايجه..
ad
بيقعد يونس علي الارض وروح .
يونس: مافيش فايدة فيكي انتي عارفه اننا كنا هنموت
روح: الحياة مالهاش طعم من غير المغامرات دي من غير ما تتحط في مواقف زي دي تعرفك قيمه حياتك
يونس : لأ مش دي وجهه نظري
روح: أومال ايه وجهه نظرك بقي يا نمر
يونس: الحياة مالهاش طعم من غير حاجه واحدة بس
روح: ايه هيا بقي
يونس بيشاور عليها : روح ..روح النمر
ad
روح بضحك: خد قلبي
يونس بغمزة: اخدته شوفي حاجه تانيه
روح بكسوف: يونس ..
يونس: ههههه نفسي اعرف ليه لما بتتكسفي بتقولي يونس .
روح: ههههه مش عارفه يلا بقا ورانا حاجات كتير
يونس: مش عاوز حاجات مجنونه ارجوكي
روح: اخص عليك يا نمر لأ بجد اخص عليك انا بعمل حاجات مجنونه.
ad
يونس: انتي مافيش اعقل منك يا روح النمر
.................................
في الصعيد ..في صالون البيت الكبير.
كرم: عشانك يا كريمه اروح السيما
كريمه: انشف ياض
كرم: اه دا انتي هاتتعبيني قوي طب بحبك بقا
كريمه: تكونش فاكر اني هاتحرج وهاحط وشي في الارض
كرم: لأ كوكي هاتقولي وانا كمان صوح
كريمه بتمسكه من لياقته ..
كريمه: مين كوكي دي بتخوني قبل ما نتجوز
ad
بيمسك كرم ايدها بقوه ..
كرم: ماعدتش تحوصل تاني يا بقره انتي كوكي يا غراب البرك
كريمه بابتسامه: مش تقول كده
كرم: واللهي بتتحولي كده كيف ..كيف بالسرعه دي انا حاسس انك مش قابلاني لو مش عاوزة نكمل انا....
بتحط ايدها علي بوقه..
كريمه: لاه ماتقولهاش مين قالك اكده
كرم: حسيت من تعاملك دا انتي مابتبليش ريقي بكلمه حلوة
كريمه: مااتعودتش اقول حديت حلو كل اللي حواليا ماكنوش يستاهلوا كلمه حلوة كانوا يستاهلوا ياخدوا فوق نفوخهم وبس .
ad
كرم: طب وانا
بتبصله كريمه وبتحط وشها في الارض بابتسامه
كرم: يادين النبي ..ماتچيبي
كريمه: كرررم
كرم: خلاص ..خلاص..ربنا يعدي الأيام اللي قبل الفرح دي علي خير اصل خايف اتهور وتموتيني
كريمه: بعيد الشر عنك يا ..
كرم بغمزة: قولي يا حبي ..يا عمري يا اي حاجه كده بلاها كرم دي ما الكل بيقولي كرم خليكي مختلفه.
كريمه بكسوف : يا نن عين كريمه
ad
كرم : يابووووي ..
...............................
في المكتب...
مصطفي: يابوي يا عسل انت
شاكر: عاوز ايه يا مصطفي
مصطفي: طلب صغنن قد اكده
شاكر: مش هاغير العربيه اللي لسه مغيرها من سنه
مصطفي: اديك قولت من سنه يا بوي يعني طلع احدث يرضيك مصطفي شاكر النمر يمشي بعربيه قديمه
شاكر: انا مش بلاقي الفلوس علي الأرض يا واد
مصطفي: ثق ان ربنا بيكرمك عشان العبد لله
ad
شاكر: ربنا بيكرمني عشانك
مصطفي: عشان انا قلبي ابيض ونيتي بيضه وعاوز العربيه الجديده تبقي بيضه
شاكر: بش كده هاتتوسخ بسرعه
مصطفي: لاه ما تقلقش انا هاخليها عروسه هاحميها معايا
شاكر برفعه حاجب: هيا مين دي يا واد
مصطفي: العربيه يا بوي .
شاكر: طيب
مصطفي: حبيبي يا بوي امتي بقا
ad
شاكر: في التأني السلامه يومين تلاته كده
مصطفي: انت عارف اليومين التلاته بينزل كام سهم بورصه وناس بتموت وبيجيلها سكته قلبيه من البورصه وبتخسر كل فلوسها وناس بتكسب وبتتريش دا في اقتصاد بلاد بيضيع في اليومين التلاته دول وبتقولها عادي اكده..
شاكر: لاه وانا يرضيني اقتصاد بلاد يضيع في اليومين تلاته دول خد يابني اشتري من الفيزا دي العربيه .
مصطفي: يعجبني انك وطني يا بوي ربنا يزيدك من فضله
بيخرج مصطفي وهوا بيضحك..
شاكر بيقعد علي المكتب وهوا بيضحك: يخرب عقلك يا مصطفي ..
(مش عارفه ليه ومصطفي بيقول يا بوي متخيلاه محمد هنيدي في عسكر في المعكسر ( هاتموتي يا سوسو 😂))
ad
..............................
في القاهرة.
ميرا قاعده علي الكافتيريا بتشرب قهوة..
إسلام: الدكتور الجديد ده كان فظيع انا ماكنتش قادر امسك نفسي من كتر الضحك
ميرا: هههههه وانا واللهي لو بتفرج علي مسرحيه مش هاضحك الضحك ده كله فصلان .
إسلام: اقلدهولك
ميرا: بتهزر!
إسلام: بجد ..
ميرا: وريني يا جامد
ad
قام اسلام من علي الترابيزة ومشي وكل شويه يرفع بنطلونه ..
اسلام: انت يا طالب يا اللي بتضحك قولي انا قولت ايه
ميرا كانت فطسانه علي نفسها من الضحك.
* انت يا طالب يا اللي بتتريق قدامي علي مكتب العميد
إسلام بيبص وراه ..
اسلام: انا؟!
* اومال امي
ad
ميرا: احنا اسفين يا دكتور عبد الغني
بيقرب الدكتور منها ( عنده 40 سنه)
* العيال اللي قليله الادب دي لازم تتأدب يا ميره
ميرا: سامحه معلش يا دكتور
* ماشي عشان خاطرك بس بالك لو ماتوسطلوش كنت بهدلته
ميرا: شكرا يا دكتور
بيمشي الدكتور وبيعدي من جمب اسلام
الدكتور: عيل قليل الادب ما يختشيش
ميرا واسلام بعد ما مشي :ههههههههههههههههه
ad
مش تضحكوني معاكوا كده...
ميرا اتبدلت ملامحها
خالد شد كرسي وقعد .
اسلام: ايه قله الذوق دي انت مين ياض انت عشان تقعد كده
خالد: لا دا انتي مستغني عن حياتك بقا
اسلام: انت...
بتقاطعه ميرا: بس يا اسلام ده خالد صديق
خالد: ومين اسلام ده
ميرا: صديق زيك كده يا خالد
ad
.............................
كرم نايم علي السرير
كرم: يحرق ابو الواتس علي الإيمو علي الفيس علي الرواتر اللي دافع في دم قلبي منزلكم ليه مش عشان اتكلم فيديو هاتكلم عليكوا فيديو ميته ( امتي)
بيجيلوا طلب صداقه من يخربيت طعامتي طالعه لمامتي ..
كرم بيقبل علطول..
بيجيله رساله منها ..
_ممكن نتعرف
كرم : قوي قوي انا كرم
_ مرتبط
ad
كرم: لاه بس بفكر ارتبط
_ كان ليك علاقات سابقه
كرم: كنت خاطب بس تعيشي انتي سابت فراغ كبير انا مچرووح قوي
_ ليله امك سوده يا كرم يابن نعيمه
كرم: مين
_ انا المرحومه يا روح امك اللي سابت فراغ كبير
كرم بيحدف التليفون من ايده بخضه ..
كرم: يلعن ابو اللي جابوا ابوك كده الله يرحمك بقا دي مفتريه يعني اول مره اعملها اتقفش 😥
..............................
في الطياره..
ad
يونس: لأ ااااا لاااااا بخاف من المرتفعات
روح: انشف يا نمر ونط يلا بقا
يونس: انط منين يا مجنونه من الطياره ..
روح: اه هانعمل سكاي دايڤينج ماتخفش بقا
يونس: اخاف ..لأ ازاي دا انا ابقي جبان لما انط من الطياره يا مجنونه
* طيب تعالي ننط انا وانتي يا أنسه
يونس: انسه وانا مش مالي عينك يعني
روح: ايه ده انت مصري
• ايوه ..
ad
روح: يلا يا نمر بقا طب هانعد من واحد ل.تلاته
يونس: انتي ماقلتيش قبل مانطلع ليه
روح: عشان ماكنتش هتوافق يلا بقا يا نمر خليك نمر زي اسمك دا النمور ليها سبع ارواح
يونس: يستحيل انط بطلي جنان بقا
روح: بقي كده يا نمر مااشي
يونس: هاتعملي ايه يا مجنونااااااه
بتقرب روح ناحيته و...........يتبع
ولسه اللي جاي تقيل مع كاتبه الجيل 😎
المفاجأت كتير جدا اما بقا عن جنان روح ده فا دي أحلامي وخصوصا الإسكاي دايفينج ده نفسي انط من طياره اوي 😂
ad
تفتكروا كريمه هاتعمل ايه في كرم
وخالد حب ميرا ولا ايه ؟!
وايه المفاجات اللي جايه ..
♕♡♕♡♕♡♕♡♕♡
_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_
تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G
♡♕♡♕♡♕♡♕♡♕
البارت الثاني
بتقرب روح ناحيته وبتزقه وبتمسك ايده وبتنط وراه
النمر كان ضهره للباب وهوا بيكلمها...
يونس بصوت عالي: يامجنونه ...يامجنونه ...فين الراجل
روح بصوت عالي: ها ....هوا فوق
يونس: ازااااي ...ودي اول مرة كان المفروض يبقا معانا
روح: ماتخافش طول ما انا معااااك
........................
في الصعيد
مصطفي بيصحي بيلاقيه قاعد علي كرسي ومتربط و حواليه ستات كتير لابسه اسود وعمالين يخبطوا بالعصايه في الأرض.
مصطفي: عاااااا انا فين
كريمه: بتخوني يا ناقص قبل ما نتجوز هببت ايه تاني انطق
كرم: واللهي ماحوصل وماعملت حاجه
ad
كريمه: عاتتكلم بالذوق ولا اعلقك واسيب عليك الستات دول يعملوا فيك ما بدالهم
كرم: لاااااا والنبي بلاش دول ..دول شكلهم عيخوف قوي
كريمه: اعترف
الستات: هااااااا هاااااا وبيخبطوا في الارض
كرم: لو في حاجه اعترف بيها مش عاخبيها صدقيني
كريمه: شكلك مش عاتعترف بالساهل يلا يا حرمه منك ليها شوفوا شغلكم
بيتلموا حوالين كرم ..وبيوقعوا الكرسي
كرم: لأاااااااااااااااا
ad
بيصحي كرم من النوم وهوا واقع علي الأرض
كرم: اعوذ بالله من الشيطان الرجيم اعوذ بالله ايه الافترا ده لا اله الا الله لا اله الا الله ايه يا كرم اجمد كده عاتخاف من حرمه .....بس هيا مش اي حرمه دي كريمه ووليه مفتريه ...
بيقوم كرم بيشرب ميه
كرم : منك لله دا انا كنت عاعملها علي روحي في الحلم حرص يا كرم العمر مش بعزقه ..
.......................
في الجامعه..
خالد: صديق زيي؟!
ميرا: ايوه
خالد: طيب...يا قولت اسمك ايه؟!
ad
اسلام: لأ ما قولتش يا عسل
خالد: ههه دمك يلطش من كتر ما هو خفيف
ميرا: احم ..هوا في حاجه يا خالد ولا ايه
خالد: لأ مافيش
ميرا: اه ..طيب سلام
قامت ميرا ..واسلام قام وراها
وخالد متابعهم بيلف اسلام وبيغمز ليه وبيمشي
خالد بيبصله بعصبيه: اه يا بن ال...
..........................
يونس بصوت عالي: فيييين الراجل ما نطش لييه
ad
روح: هايجي دلوقت
يونس: دلوقت امتييييييي قربنا نوصل للأرض
روح بتوتر: مش عارفه بس اما نقرب افتح الباراشوت
يونس: هانموت بسببك يا مجنونه انتي
بيقرب يونس وروح من الأرض وبيفتحوا الباراشوت
روح: ووووووووه ووووووه ههههههه
يونس: يا مجنونه ..
بينزلوا علي الأرض ...
بيقلع النمر الباراشوت وبتقلعه روح ..
ad
بيبص يونس حواليه.
يونس: احنا فين ؟!
روح: مش عارفه
يونس: شكلها غابه ولا ايه شوفتي جنانك وصلنا لفين
روح: اه
يونس: اه ايه
روح: ايه يا نمر اهدي عادي طب تصدق بالله
يونس: امنت بالله
روح: كان نفسي نبقي لوحدينا كده في مكان انا وانت ونجوم الليل وبس
ad
يونس: ماتخافيش حاجه بسيطه والدنيا ها تليل وهايقطعنا الحيوانات المفترسه ماتخافيش ياكش ترتاحي بقا وتقولي هديت
روح: ايه يا نمر المفروض انك ظابط ومش بتخاف مش كفايه كنت عامل زي الكتكوت المبلول فوق في الطيارة انا مقتنعه انك بقيت ظابط بالغش
يونس: لأ انا بتمرن تمرينات اصعب من دي بس اي حاجه معاكي اخرها زي دلوقتي ..
روح: بطل غلبه وتعالي نمشي نشوف اي حد هنا ..
يونس: وان شفتي.
روح: هاقولهم يساعدونا وما هايصدقوا ان بنت قمر زي كده طلبت مساعدتهم
يونس: هاتقوليلهم ازاي
ad
روح: هيلب !
يونس: هانفرض ان حد عايش هنا مثلا تفتكري هايكون بيتكلم انجلش يعني دا اكيد اسباني
روح: ماتعقدش الدنيا يا نمر خليك معايا بس وماتمشيش بعيد اصل نتوه من بعض وانت مش هاتعرف تتصرف من غيري
يونس: يلا يا بت يلا ..
روح: ياااه علي الزمن...بعد روح النمر بقيت بت الدنيا غدارة اوي
يونس بضحك: يلا يا روح صحيح فين الموبيلات
روح: سيبتهم في الطيارة
يونس بيجز علي اسنانه: يا قلبي
ad
روح:هههههه يا نوحي يانوحي انت
بيمشي روح والنمر مع بعض بس اكتر حاجه في المكان ده الشجر الدنيا بتليل ومش بيلاقوا حد
بيلاقوا قمه جبل بس مش كبيرة بيطلعوا فوقها عشان يحاولوا يشوفوا حاجه تساعدهم
بتقعد روح ..والنمر بيقعد جمبها..
روح: علي الرغم من اللي احنا فيه بس مبسوطه وحاسه ان احلامي بتتحقق كانت احلام قديمه بس لما بقيت فيها بقت حاجه تانيه انا بعشقك يا نمر
بيحضنها يونس وهوا مبتسم ..
يونس : بعشقك يا روح النمر
روح بتبص للسما .
ad
روح: شهب يا نمر اتمني امنيتك
يونس وهوا مبتسم: حاضر
روح بتغمض عينيها ويونس بيبصلها ومركز معاها ومبتسم..
بتفتح روح عينيها .
يونس: ها اتمنيتي ايه
روح: اتمنيت انك انت وبابا تفضلوا محليين دنيتي علطول لأني مش هاقدر اكمل من غيركم ..
يونس بيبصلها وهوا شارد
روح: ايه سرحت في ايه
يونس: لا ولا حاجه ..
ad
احنا طلعنا علي الجبل ومادورناش علي حاجه تساعدنا.
بيقف النمر ..
يونس: انا شايف نور هناك تعالي نشوفه.
روح: ماعتش قادرة تعالي ننام هنا وخلاص للصبح
يونس: اه ونصحي علي قرصه تعبان او عقرب
روح: ايه التفاؤل ده يا جدع بس
يونس: يلا بلاش غلبه
ad
بتمشي روح ويونس لحد ما بيوصلوا للمكان اللي فيه النور بيكون مزرعه فيها حيوانات واوضه صغيره
بيخبطوا علي الاوضه الصغيره دي ماحدش بيرد
بيزقوا الباب بيتفتح بيحسسوا علي الحيطه عشان يفتحوا النور ..
النور بيتفتح .
بيبان ان فيها سرير وتلاجه..
روح: هاموت من الجوع بس كنت محروجه اقولك اكيد مش هايقولوا حاجه يعني لو اخدنا حاجه من التلاجه صح .
بتفتح روح التلاجه بتلاقي فاكهه وتونه وجبن وتوست.
روح: لا بجد كده جبرت
ad
يونس: فين اللي عايش هنا ؟!
روح: احنا لسه هانفكر يلا وهنبقي ندفعله تمن الأكل والبيات
بتطلع روح الاكل من التلاجه
وبتقعد تاكل..
روح: بطل تفكير واقعد كل يا نمر ماحدش واخد منها حاجه واللهي ياخويا
بيضحك النمر وبيقعد بياكل معاها
يونس: سامحني يارب
روح وبوقها مليان اكل: طفحنا اللقمه بقا بكلامك اللي يسد النفس ده
................................
ad
في الصعيد ..
كريمه: ماعاتردش ليه يا كرم
كرم: معلش كنت نايم
كريمه: نايم
كرم: ايوه
كريمه: طب عاوزة اشوفك بكره ضروري
كرم بخوف: ليه ؟!
كريمه: وه عاوزة اشوفك فيها حاجه دي
كرم: لاه ماشي هاجي ان شاء الله
ad
بيقفل كرم التليفون ...وبيمسك رقبته
كرم: فاتها بتفكر تموتني كيف والستات اليومين دول بيموتوا علطول مش بيتفاهموا بقوا مجرمين
...............................
روح بتنام علي السرير ويونس بيحضنها..
روح: غنيلي يا نمر
يونس: النمر عيل اوي
روح: اللي يرجعك عيل صغير احسن من اللي يكبرك ويعجز قلبك يا نمر
يونس: ايوه انا عشت معاكي تفاصيل ماعيشتهاش
روح: غني بقا يا نمر الاغنيه اللي بحبها
ad
يونس: حاضر..احم ..في البحر سمكه
روح : سمكه
يونس: بتزق سمكه ..سمكه عالشط واقف ..واقف صياد بشبكه شبكه
روح: في البحر موجه ..موجه
يونس: بتزق موجه ..موجه ..والشط زحمه وزعيق وهوجه ونونه تضحك وتقول لبابا يابابا هاتلي بسكوت ونوجه ..بسكوت ونوجه..
بيحضنها جامد وبتنام في حضنه وبتغمض عينيها بيبوسها بابتسامه
يونس: تصبحي علي خير يا روح النمر..
............................
في الصباح ..
ad
بتفتح روح عينيها ..
روح بصدمه: عااااااااااااااااا........يتبع
♕♡♕♡♕♡♕♡♕♡
_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_
تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G
♡♕♡♕♡♕♡♕♡♕
البارت الثالث
بتفتح روح عينيها وفجاه بتصرخ ..
بيصحي النمر وهوا مفزوع..
يونس: في ايه في حد يصحي حد كده؟!
روح بتشاور ليه علي ركن في الاوضه
بيبص يونس ناحيته..
يونس بصدمه: دي احلوت اوي
..................................
في الصعيد
بيمشي كرم وهوا نافخ نفسه وبيروح البيت الكبير الجنينه الخلفيه..
بيلاقي كريمه قاعده في هدوء..
كرم بيقعد جمبها وهوا بيحاول ينفخ نفسه بزياده
مين قال ان الرجاله مش بتخ*اف بتخ*اف لما بتعمل حاجه غلط بس مش خو*ف مثلا ضر*ب وق*تل وكده من الستات او زي ما بيسمعوا ان ستات اليومين دول بيمو*توا الرج*اله اكيد مافيش ست تقدر علي را*جل هوا بيبقي عمره او تغفيله انما خوف من النكد اللي هيج*تاح حياته بعد ما يزعلها لاننا في ال*نكد مافيش زينا وده اعتراف رسمي مني بكده بس برده احنا مش بنكد من غير مبدأ دا بيبقي موضوع كبير ..
كرم: صباح الخير
كريمه بهدوء: صباح النور
كرم بيقعد جمبها ..
كرم: كنتي عايزاني ضروري ايه الدنيا
ad
كريمه: وه
كرم: وه ايه
كريمه: يعني خابر انك غلطان وبجح كمان اه منكم صنف دحلاب تعبان
كرم: خبرتك ميه مرة صوتك ماعيعلاش عليا وامسكي لسانك اللي عايز قطعه ده
كريمه: بقا اكده
كرم: اكده ونص وتلاتربع كمان جرا ايه عشان حنين معاكي تقلي ادبك معايا لاه الحديت ده ما عاينفعش معايا واصل يا بنت الناس
وهنا كرم بيعمل زي ما كل الرجاله بيعملوا بيقلب الطرابيزة بيخلق مشكله ينسينا المشكله الاساسيه اللي كنا بنتكلم عليها انهم الرجال يا سادة
ad
كريمه: مالك داخل فيا شمال اكده
كرم: ولا شمال ولا يمين انتي اسلوبك واعر
كريمه: خش في عبي خش
كرم بغمزة: ايه ده وهانلعب تحت الدش
كريمه: وه
كرم بيرفع جلبيته وبينزلها: هانفضل طول النهار وه وه
كريمه: لاه انت مش معقول
كرم: ليه بقا
كريمه: بتكلم بنات عالشات يا كرم
ad
كرم: انا راجل واعمل اللي يعجبني
كريمه: عاتشرب سجاير؟!
كرم باستغراب: ايوه ليه ؟ا
كريمه: اصل شفت طريقه عالنت نغلي علبه سجاير ونصفيها ونحقن اللي عليه القصد بيها ويموت اوفر دوس نيكوتين
كرم: بس بطلتها من شهرين وفاتها طلعت من دمي
كريمه: اعرف واحده صاحبتي بتقولي ان فيه مستحضر بيتحط علي جسم الانسان ولا كأنه كان موجود بيفور يا كرم
كرم: اه شوفته في مسلسل ايوب بس شوفتي الستات كيف ربنا عاقبها في الاخر وكمان ماكنش شغال.
كريمه: حاجه صعبه قوي
ad
كرم: ايه هيا ؟!
كريمه: ست جوزها كان بيخو*نها قط*عته ح*تت ص*غيره وحطته في اكياس زبا*له ورم*ت كل كيس في مجار*ي شكل وراحت عملت محضر انه متغيب
كرم: بس اتمسكت
كريمه: وعرفت منين
كرم: طالما عرفتي عنها يبقي اتمسكت قصره بتقولي كل ده ليه عاوزه ايه؟!
كريمه: عاوزه اخبرك حاجه مهمه
كرم: كلي اذان صاغيه
كريمه: انا عاعديها المره دي بمزاجي بس انا غير اي حد هنا يا كرم غير امك الطيبه اللي بتقول لأمك حاضر وطيب ولو قالها انه هايتجوز عليها الصبح هاتقولوا مبروك لاه انت ليك عندي الإحترام والتقدير تشيلني في رموش
ad
عينيك اشيلك في قلبي وفوق راسي تلعب بديلك اطخك عيارين واقرقشك قرقيش زي ما انا هاكون محترماك في غيابك تحترمي في غيابي زي ما انا مش شايفه راجل غيرك ولا يملي عيني راجل غيرك ابقي انا الوحيده في قلبك اللي هيمان علي نفسه ده ..
بتخبط كريمه علي صدره مكان قلبه ..
كرم: كح كح كح ..فهمت كح كح فهمت
كريمه بنظره ثاقبه: انا مراقباك يا كرم
بصلها كرم وكأنه بيحدد من ملامحها ناويه ليه علي ايه
كرم بتفكير: كنت عاوز تتجوز يا كرم ! وعجبي
...........................
راجل ضخم جدا مش عضلات لأ تخين جدا ماسكهم هما الاتنين وبيكلمهم بالإسباني ومش فاهمين منه حاجه ولابس لبس شرطه ..
ad
يونس: بيقول ايه ده يعني
روح: دا احنا هانتسحل سحله ..
بيشدهم بعد وصله من الردح الاسباني والله اعلم ويونس بيحاول يفك نفسه منه وبيضرب فيه وهوا ولا مأثر ..
بيفضل ماشي بيهم لحد مابيوصل للسجن اللي عباره عن اوضه كبيره في مكتب والجمب الأكبر منها سجن
عليه حديد اللي جواه شايف اللي بره..
بيزقهم جواه وبيقفل عليهم الباب .
روح: هوا ده السجن
يونس: عارفه يا حبيبتي
ad
روح: ايه ياحبي
يونس: انتي قدم الخير عليا من يوم ما اتجوزتك وحاولت اسعدك وارضيكي واحنا بنقع في مشاكل بالكوم
روح: ايه وحشك ايام ما كنت بتجري ورايا بالمسدس ولا ايه وهاجتلك ..هاجتلك
يونس: كانت ايام
روح: بقا كده يا قطتي ماشي
يونس: قلبي انا احري وراكي بالمسدس
روح: ايوه كده
يونس: انا نفسي اجري وراكي بألي اخليكي تتنططي زي القط والفار كده
ad
روح: ماشي يا نمر
بتقعد روح في الجمب قال ايه زعلانه قصدي زعلانه
بيقرب منها وبيقعد جمبها
يونس: زعلتي ..
روح : لأ بمثل
بيضحك النمر وبيقول
_ عارفه المفروض نعمل حياتنا كتاب
روح: اهي فكره هايبقي حماسي وكوميدي والناس بتحب اللي تطلعها من الجو الكئيب والممل اللي عايشاه بس هانسميه ايه
ad
يونس: هانفكر بعدين المهم هانعمل ايه في المصيبه دي واحنا مش معانا اثبات ولا اي حاجه
روح: انا عندي فكرة بس ..
يونس برفعه حاجب: فكرة ايه اشجيني
................................
في القاهرة.
بيدخل خالد شركه النمر.
بيروح علي مكتب بدر
بدر بيكون قاعد علي المكتب ولابس النضارة بيبص في ورق .
خالد: صباح الخير يا بدر بيه
ad
بدر: صباح النور يا خالد
بيقعد خالد وهوا شارد
بدر: ايه بتحبها وزحلقتك
خالد: اه .............ايه بتقول ايه يا عمي ؟!
بدر: جاوب انا خبره وهافيدك..
خالد: مش عارف
بدر: محتار يعني مش عارف اذا كنت بتحبها ولا لأ
خالد: ايوه
بدر بيقلع النضارة..وبيتكلم
ad
_طالما كده يبقي مش هاقدر اساعدك لازم تعترف بينك وبين نفسك انك بتحبها الأول انت لازم تساعد نفسك لازم تقدر تحدد ايه حقيقه مشاعرك يمكن تكون مفتقد وجود ياسمين وعندك فراغ عاطفي زي ما بتقولوا وبتتعلق بالقش انت اللي هاتعرف تحدد
خالد بتفكير: ايوه ..
بيلبس بدر النضارة ..
بدر: مخصوم منك يوم
خالد: ليه بقا ؟!
بدر: عشان جاي متأخر ويلا علي شغلك
خالد: حاضر
............................
..
روح: بما اني
ad
يونس: انك ايه
روح: بنت قمر وكده اغريه
يونس بعصبيه: ت...ايه يا ختي
روح: اهدي بس يا نمورتي عندك حل تاني عشان يطلعنا من هنا او نسرق المفتاح حتي شكله مفتري .
يونس: انتي غبيه انتي بتقنعيني بإيه
روح: هانفضل محبوسين يانمر الله اعلم كام شهر سته سنه سته ما عناش اي اثبات شخصيه ولا اي حاجه
يونس: اخرسي لما افكر في اي حاجه
ad
روح: براحتك فكر يا خويا هوا احنا ورانا حاجه
...........................
في مول كبير للسيارات
واقف مصطفي بينقي احدث موديل وبيسأل عن الاسعار لحد ما بيشتري عربيه ..
وبيكون فرحان بيها جدا بيركبها وبيسوقها بيشغل اغنيه من علي تليفونه بلوتوث للعربيه ..
بيغني معاها ومزاجه عنب
وبحب الناس الرايقه
اللي بتضحك علطول
اما العالم المتضايقه انا لاه ماليش في دول
وبحب الناس الرايقه اللي بتضحك علطول اما العالم المتضايقه انا لأه ماليش في دول
وماليش في الدمع لا لاه ولا في الناس الشياله
كل اللي في قلبه حاجه اول بأول يقول .
ad
بيقف بالعربيه مرة واحده لما بيشوف بنت قدامه
بينزل من العربيه البنت العربيه خبطتها بس خبطه خفيفه وقعتها علي الارض ..
مصطفي بيبص علي العربيه: يخربيتك دي لسه جديده حرام عليكي حبكت تحبي تتخبطي النهارده
بتقوم البنت وبتنضف هدومها وبتقرب منه بعصبيه
_ وه ياعيب الشوم عليك خايف علي العربيه وكنت هاتموتني عادي
مصطفي بصلها: انا شوفتك قبل اكده
_وه ..اباي عليك وعلي اللي خلفوك
مصطفي: احترمي نفسك يابت
ad
_ لا اسلوب ولا منظر كلك عفش
بتمشي وتسيبه.
بيبص في مرايه العربيه.
مصطفي: انا لا شكل ولا منظر انا جنتل مان قد الدنيا يا مصديه..المهم يا حلوة انتي كويسه جرالك حاجه ماتزعليش.
وطلع منديل مسح العربيه لأنه حس انها بتعيط ياعيني ..
...............................
..
روح: يانمر ارجوك الراجل مفتح عينه علينا مش بيتعتع من مكانه
يونس: اتجننتي اياك
روح: انت خايف ليه
ad
يونس: انا مابخافش
روح: سيبك من العرق الصعيدي اللي طلع ده انت معايا يعني اكيد هاتحميني بص الخطه اني هحاول اغريه وبما اني انثي وكيده هانجح هايفتح الباب ويدخل امسك رقبته انت ظابط وعارف ايه اللي يشل حركته بقا
يونس: اطلعي من دماغي بقا
روح: نمر...عيب يا ولد ثق فيا
يونس بيضحك علي طريقتها..
روح : علي بركه الله نبدأ........يتبع
♕♡♕♡♕♡♕♡♕♡_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_
تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G
♕♡♕♡♕♡♕♡♕♡
البارت الرابع
روح : علي بركه الله نبدأ...
يونس بصلها بعصبيه..
روح: عندك حل تاني ؟!
يونس: لأ
روح: يبقي ماتتكلمش خالص بقا سيب الاداره تتصرف
يونس: الاداره انت فاكره انك...
روح: اني ايه يا نمر ؟!
يونس: احم..ولا حاجه وريني الإغراء
روح قامت والظابط ملاحظها وماشيه تتقصع
ويونس ماسك نفسه من الضحك بالعافيه
والظابط مش مديها اهتمام..
روح حاولت تاني ومافيش فايدة
يونس: اقعدي الله يرضي عليكي ده مش اغراء ده تسلخات هههه
روح: ماشي يانمر اتريق يعني انا مش ...ماشي يا نمر
يونس: مش كده اللي بيشدنا للبنات ..
ad
روح: نعاااام..
يونس: نعم ايه؟!
روح: انت كنت بتمشي تتفرج علي البنات
يونس : اه ماليش نفس ولا ايه وبعدين انا كنت ظابط يعني مطمع بنات كتير
روح بغضب: بقي كده !
يونس: بقا كده ايه
روح: وانا اللي كنت فاكراك محترم
يونس: هههه ..انا مابصيتش الا لبنت واحده بس
روح بعصبيه: ومين دي بقا ياسي يونس
ad
يونس: انت يا قمر
روح: مش مصدقاك ...ان ماكنتش تحلف بس ..
يونس بيضحك عليها..
بتقعد روح بعد ما فقدت الامل انها تغري الظابط.
الظابط بيطلع روج وبيحطه...
روح بتضحك..
بيركز معاها يونس..
يونس: في ايه؟!
روح: عرفت ليه الظابط مااتأثرش بجمالي الفتاك
ad
يونس: ليه بقا..
روح: بص كده
يونس بصدمه: ومبسوطه ..طلعني منها علي خير يارب
روح: يؤسفني اقولك انك املنا الوحيد يا نمر
يونس: انت اتجننتي
روح بتمسك دماغه وبتبوسه بوسه طويله ..
يونس ابتسم..
روح: خلاص الوقت فات بص علي الظابط كده..
ad
يونس بيبص علي الظابط اللي اول ما شافوا قام واجي يفتح الباب..
يونس: هوا في ايه .
روح: حطيتلك روج ..هههههه هوا دلوقتي اكيد فاهم بيفتح ليه قاوم يا نمر ههههه
بيدخل الظابط والنمر مصدوم والظابط بيقرب منه والنمر واقف في ركن الاوضه ..
الظابط مبتسم وبيغمز ويونس قلب رياكشن عادل امام وعامل نفسه مش واخد باله وبيمسح الروچ..
روح واقفه وبتضحك..
يونس: منك لله ..منك لله
روح: انشف يا نمر دي بقت غريزه بقاء
ad
الظابط بيحط ايده علي كتفه ورايح يقلعه الجاكت
يونس ضربه بالبونيه في وشه ..
الظابط بص ليه بعصبيه وهجم عليه ..
روح ركبت فوقه وخنقته من رقبته ..
الظابط رجع لورا وخبطها في الحيطه وقعت علي الارض
روح : اه...يا بن الك..
بتقوم من علي الارض وهي ماسكه ضهرها بتلاقي جردل بتضرب الظابط بكل قوتها ..
الظابط بيزغرلها ولا كأن اي حاجه حصلت .
ad
روح بترجع لورا وهيا خايفه منه
يونس وهوا بيحاول يبعد الظابط عنه: اهو هابقي قطتك علي حق..
بتطلع روح تجري بتلاقي عصايه..
روح : بس ده مش بيحوق فيه حاجه ..
بتجيب الجردل وبتحطه علي دماغه وبتضرب بالعصايه عليه .
الظابط بيبعد عن يونس...
روح: اجري يا نمر بسرعه ..
بيجري يونس وروح وبيقفلوا علي الظابط بالقفل اللي داخ من الخبطه ووقعد علي الارض...
روح وهيا بتجري: حمد الله علي السلامه يا نمر ..
ad
............................
في الجامعه.علي الكافتيريا
ميرا: شكرا بجد يا اسلام انك بتجيبلي المحاضرات اللي ناقصاني
اسلام: بتشكريني علي ايه يا بنتي احنا اصحاب
بيدخل خالد من الجامعه وبيشوف اسلام قاعد مع ميرا
بيمشي خالد وبيقرب منها..
خالد: ممكن اتكلم معاكي شويه
بصله اسلام بتركيز..
خالد: علي انفراد!
ad
اسلام فضل قاعد وبيبص لخالد بتحدي .
ميرا: ليه يا خالد مافيش حاجه بينا تستدعي علي انفراد دي.
خالد: لوسمحتي..
بصله اسلام بابتسامه انتصار ..
خالد كان متعصب منه جدا بس حاول يداري عصبيته
ميرا: معلش يا اسلام !
اسلام: اوي اوي انا اعمل اللي يريحك..سلام
مشي اسلام وخالد تجاهل نظراته المفهومه
ميرا: ها ..يا اسلام ..
ad
خالد: اسلام !
ميرا: معلش اتلخبطت ..اتفضل سامعاك ..
خالد: اول حاجه انا عاوز اعتذر عن طريقه تعاملي معاكي في البدايه لما اتوهمنا انك ...
ميرا بتقاطعه: وثانيا.
خالد: انا مش عارف اقول ايه بس انا حاسس تجاهك بمشاعر مش فاهمها
ميرا: انساها ..
خالد: ليه!
ad
ميرا: لاني ...بحب اسلام ..وصدقني انت لسه متأثر ببعد ياسمين عنك وأي علاقه هاتدخلها دلوقت هاتئذي الطرف التاني. .
خالد : بتحبي اسلام !
ميرا: ايوه ..غريبه يعني اني احب واتحب
خالد: بس ..
ميرا: انا ورايا محاضره عن اذنك ..
مشت ميرا وسابته ..خالد ملاحظ انها متغيره معاه وبتتجاهله ..
خالد: انا ..مش فاهم حاجه..اومال ليه احساسي بيقولي انك بتحبيني
.............................
في الصعيد..
ad
بيجري مصطفي وشاكر وراه ..
ومصطفي بيقف ورا الكراسي .
مصطفي : انا عملت ايه لكل ده
شاكر: جايبلي عربيه ب600000 الف جنيه يا ظالم يا مفتري..
مصطفي: مش قولتلي هات اللي انت عاوزة
شاكر وهوا بيجري وراه ومصطفي بيستخبي منه : قلت هاتجيبها ب 400000 بالكتير ..جوي مش 600000
مصطفي: ومين خبرك انها ب600000
شاكر: اومال بكام ؟!
مصطفي: لاه انا زعلان انت علطول ظالمني يا بوي
ad
شاكر: انهي..
مصطفي: ب 700000 هايبعتولك تدفع ههههه
شاكر : اه ..هاتجيب لي أخر حرام عليك ..
مصطفي طلع يجري بره البيت.
وشاكر قعد علي الكرسي من كتر التعب.
بيركب مصطفي عربيته..
وبيوصل للجامعه .
بينزل من عربيته وبيعدل هدومه وبيلبس نضارته وبيركن علي عربيته وهوا نافخ نفسه..
بتعدي البنت من قدامه مصطفي بيشوفها..
ad
مصطفي: ايه ده دا الجامعات لمت ..هوا الدنيا ضلمت كده ليه .
بتبصله بقرف وبتمشي ...
بيجي واحد بيقف جمب مصطفي
مصطفي: اتأخرت ليه يا بجم
*يوووه ياعم كنت بعمل حاجه كده الا قولي البنت دي عاجباك
مصطفي: لاه ..مش استايلي.
* طيب ياخويا ..اما اروح اشوف استايلي اللي هناك ده ..
بيشاور علي بنت ..
ad
مصطفي: يابني ..سيب البنت تحبك ..حب البنت تسيبك ماتبقاش مدلوق اوي اكده لو اتكبرت وماادتلهمش ريق هما اللي هايجروا وراك ..
..............................
بتصحي كريمه علي صوت رساله..
( صباح الفل يا كرمله )
بتبص عليها كريمه وبتكتب
( ايه اخبار قلبك لساه حاسس بفراغ كبير)
كرم:( ماتخليش قلبك اسود عاد دا انتي اللي في القلب يا بجرة)
كريمه:(بجرة !)
ad
كرم:( بهزر ..ايه ما هزرش)
كريمه:( هزر يا خويا)
كرم:( امتي هنتجوز بقا)
كريمه: ( ايه مستعجل قوي)
كرم:(مستعجل علي النكد اصلي فرفوش وانتي هاتظبطيني وتخليني راجل مصري صوح)
كريمه: ( بقا اكده)
كرم:( قفوشه اوي يا كريمه فكي اكده)
كريمه:( مابحبش الحديت رسايل )
كرم: ( نفسي اعرف بتحبي ايه)
ad
كريمه: (مش فاضيه دلوك حبه ونكملوا )
كرم بيسيب التليفون وبيركن علي السرير..
كرم: كريمه...ليه بخلانه بمشاعرك ..قال كريمه قال .انت حديد ياواد تلين الحجر وهاتلينها ان شاء الله ..ان شاء الله ..
بحبك يا كريمه حب الجزار للبهيمه.
............................
روح بتقف وهيا بتنهج: هانفضل نجري لامتي
يونس: لحد مانوصل لطريق عربيات
روح: طيب احنا بعدنا بنجري ليه بقا
يونس: عشان ده ظابط اكيد هايجي ورانا
ad
روح: ظابط ايه هوا اللي احنا فيه دا كان سجن ازاي اصلا
يونس: ممكن عشان منطقه مش سكنيه
روح: يمكن..
يونس: صحيح..هوا انتي حطيتي روچ منين
روح: لقيته في المزرعه امبارح فاحطيت والحمد لله فضل ساعدنا .
يونس: انا شوفت بسببك مواقف عمري ماتوقعت اني اقع فيها
روح: عشان انا محدش يتوقعني ههههه
يونس : ايه ده في طريق اهو يلا بسرعه.
ad
بيجري يونس وروح وبيقفوا وبيشاوروا لعربيات بس مافيش حد بيوقف ليهم.
روح: ههههههه انت شايف اللي انا شايفاه..
يونس بيمسك دماغه: للأسف ..
روح: انا عندي خطه ماتخرش الميه
يونس: لااااااااا
.........................
في شركه النمر ..
بيدخل خالد المكتب...
خالد بصدمه: عمي بدر .........يتبع....
♕♡♕♡♕♡♕♡♕♡_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_
تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G
♡♕♡♕♡♕♡♕♡♕
البارت الخامس
خالد بصدمه: عمي بدر. .
بيكون بدر واقع علي الأرض ومغمي عليه ..
بيفوق فيه خالد مش بيفوق بيجيب ميه وبيرش علي وشه بيبدأ يفوق ..
خالد: عمي انت كويس
بدر: انا كويس كويس
خالد: تعالي نروح لدكتور يلا
بدر: لا يا خالد انا كويس
خالد: اومال اغمي عليه ليه لازم نطمن !
بدر: يمكن عشان مابكلش كويس بس
خالد: ياعمي عشان نتطمن
بدر: صدقني انا كويس
خالد: طيب انا هاروح اجبلك حاجه تاكلها اقعد ارتاح وماتتعبش نفسك
بدر: ماشي
............................
روح: طيب هانعمل ايه طالما مش راضي تسمع خطتي الظابظ تختوخ بيقرب ..
ad
يونس: ماعدتش عارف ليه ملطشه كده من كل جمب ..
روح: يلا ياعم ..
يونس: اجري..
روح: يادي النيله معاه عربيه يا بني بطل فرهده علي الفاضي بص هوا هايقف وهاينزل من العربيه و .......
بيوقف الظابط العربيه ..
يونس: وايه ؟!
روح: ماعدش وقت اشرحلك ارتجل وانا هابدأ.
روح بتوطي علي الأرض..
ad
روح: اه يا رجلي اه ماي لج اوو نوو
بينزل من العربيه بعد معاناه ازاي ده بقي ظابط وعدي من الكوميسيون مش عارفه يمكن زي ما علاء ولي الدين دخل الجيش 😂
بيمسك يونس من قفاه وبيبصله بصات مش مظبطه ..
روح: جاريه يا يونس
يونس: ايه ايه ايه !
روح: طب بص اضربه تحت الحزام.
يونس: هوا فين !
ad
روح: هوا ايه يا يونس ؟!
يونس: الحزام مش شايفه
بتقرب روح من الظابط .
روح بتكلم الظابط: ريلاكس ريلاكس بيبي
بتزغزه روح بإيد ...
روح: اعمل زيي ياض
يونس: طيب .
بيزغزغوا فيه وهوا بيضحك ..
روح: انتي بطه كميله ايه البق ده يا لا دا جردل اهييي
ad
بيسيب يونس وبيفضل يضحك وبيقع علي الأرض من كتر الضحك ..
روح بتقرب من عينيه وبترشه بالرمل ..
روح: اركب العربيه بسرعه ..
يونس بيركب العربيه والظابط مش شايف حاجه وقام من علي الارض .
روح ركبت جمب يونس
روح: يلا دور
يونس: مش بتشتغل...
روح: جرب بسرعه
بيحاول يونس وبتشتغل بيلاقي الظابط في نص الطريق
ad
روح: حاسب يا يونس
بيكسر وبيعدي والظابط عمال يقول كلام مش مفهوم.
روح : ههههه اللي يحضر العفريت ومايعرفش يصرفه يعرف ان العفريت هايقرفه ههههه
يونس: اخ منك
روح: بس اتبسطت واللهي انشكحت
يونس: طيب يا ختي
روح: كنت هاتتفنيخ يا يونس
يونس: ايه هاتتفنيخ دي
ad
روح بضحك: الظابط يا جدع هههه
يونس: انتي بتقولي ايه احنا رجاله وهانفضل طول عمرنا رجاله !
...............................
في الجامعه...
* يعني البنات كلها هاتموت عليك ياعم شوف دول جامدين بس
مصطفي: يا نوح يا خوي الحلوين كتير والجامدين اكتر انا اقدر اصاحب ميه بس ليه اكسر قلوبهم انا عايز احب بنت تملي قلبي وعيني وادخلها من الباب ..
نوح: تكسر ايه ! هما اللي بيكلمونا عادي دول محترمين دول واخدينها لف
مصطفي: مش هانكر ان فيهم بنات مش كويسه بس في منهم اللي بتحبك وبتعمل كل اللي بتطلبه عشان بتحبك وتعمل المستحيل عشانك وبتبقي محترمه ومتربيه بس القلب..القلب يا نوح بيودي في داهيه !
ad
نوح: ماشي ياعم الرومانسي انا رايح مع لانا
مصطفي: دا اسمها ولا اسم معزة ههههههه
نوح: بس يا رخم
بيمشي نوح وبيركب مصطفي عربيته .
بيفتح الشباك وبيركن ايده وبيسوق ..
بيشغل اغنيه ..وبيردد كلماتها
وقت غروب الشمس واقف علي البحر بعيد
ad
عمال بحكيله واشكيله واشرح واعيد
فجأة لقيتها وكنت فاكرها عروسه البحر
طالعه من الميه وطلتها اقوي من السحر
..............................
بيرن كرم علي تليفون كريمه..وبترد
كرم: انا عند الاسطبل تعالي !
كريمه: كيف يعني اجي
كرم : برجليكي؟!
كريمه: ايه النصاحه دي اومال هاسيبها في البيت مااكيد هاجي بيها انا قصدي حد يشوفنا مع بعض
كرم: وه ..انتي خطيبتي
ad
كريمه: بس مش مرتك !
كرم: براحتك انتي الخسرانه انا كنت جايبلك هديه خلاص بقا اوبا في بنت قمر هنا اهيه انا هاديهاله يلا سلام
تيت تيت ..صوت التليفون اتقفل..
كريمه اتعصبت: بقا اكده يا بن نعيمه طيب انا هاجي اطربقها علي دماغك يا كررررم !
بتلبس كريمه وبتنزل من البيت ..
بتروح علي الإسطبل بتلاقي كرم قاعد بعيد شويه علي الخضرة وضهره ليها وبيكلم حد..
بتلاقي كريمه عصايه عباره عن غصن شجرة تخين بتاخدها من علي الأرض وبتقرب منه براحه
كرم: بحبك يا نانا يالهوي بالي علي حلاوتك يابت ايه ده
ad
بتقرب منه ولسه هاتضربه .
بيمسك بايده العصايه.
بيقوم من علي الارض
كرم: عاتعملي ايه يا مجنونه
بتبص كريمه مش بتلاقي بنت بتلاقي كلبه بيضاء صغيرة
كريمه: ايه دي
كرم: كلبتي نانا
كريمه: بتحب الكلبه !
كرم: يا عيني عليك يا كرم مظلوم علطول كنت هاتموت بسبب كلبه
ad
كريمه بترمي العصايه ..
كريمه: عاوزني اشوفك بتقول لحد غيري بحبك واسكت
كرم: نتناقش نتحددت مش يمكن فاهمه غلط انتي علطول متهورة كده حرمه صعرانه
كريمه: وه !
كرم بعصبيه: بلا وه بلا نيله حرمه ايه اللي تمد ايدها علي راجلها اتجننت اياك بعديلك كتير بس سوقتي فيها
كريمه قعدت علي الارض وشدته يقعد..
كريمه: خلاص بقا ماتزعلش مني يا كرم انا بحبك وبغير عليك
ad
كرم: لاه زعلان
كريمه: خلاص بقا
كرم: قولي اسفه يا بيبي
كريمه بضحك: اسفه يا بيبي
كرم: لسه زعلان بردك
كريمه: طب اعمل ايه
كرم بيقرب منها وبيغمزلها: هاتي قطه
كريمه زغرتله..
كرم بيبعد عنها: لا اله الا الله طلعتيني من المود منك لله انا كده هايتقطع خلفي فين الرقه فين العواطف فين المشاعر فين التسبيل
ad
كريمه بضحك: في الغسيل
كرم: في الدراي كلين يا حلاوة
كريمه: فين هديتي بقا
بيطلع كرم هديه متغلفه وبيديهالها
كرم: يلا ياكش يطمر
كريمه بتفتحتها بفرحه ..
كريمه بصدمه: ايه دي
ad
كرم: ده جهاز كهربا يعني سيلف ديفينس
كريمه: واعمل بيه ايه ده
كرم: من شخصيتك خوفت علي الدبدوب منك واكيد مش بتحبيهم قولت اجبلك ده اي حد يضايقك اديله فولت عارفك تموتي في العنف
كريمه بحزن: شكرا
(متخيله كرم عمرو سعد في مسلسل يونس ولد فضه متخيلاه كده وحاساه هوا فعلا 😂فتخيلوه زيي)
..........................
بقلم حنين عادل
روح: طيب ممكن افهم نزلنا ليه؟!
يونس: عشان دي عربيه ظابط واحنا سارقينها وبعدين ممكن نركب اي حاجه ونروح علي الفندق ..
ad
روح: ايوه ..
........................
تليفون مصطفي بيرن ..
بيوقف العربيه وبيرد عليه..
بيلاحظ نفس البنت في البلكونه .
بينزل من العربيه وبيقعد عليها
بتكون واقفه والطرحه علي نص شعرها وبتنشر
الشمس جايه في عينيها بتخليها تلمع .....
مصطفي: تبارك الله !
نوح: مصطفي ..مصطفي
ad
مصطفي بيفوق من شروده ..
مصطفي: ايوه يا بني
بيركب عربيته وهوا بيكلمه بيبص نظره اخيره وبيمشي
............................
روح اترمت علي السرير.
روح: دي كانت خروجه يا جدع يارب كتر خروجتنا
يونس: حرام عليكي عارفه لو فجئتنيني بحاجه مجنونه بعد كده انا هاعم........بتقاطعه ببوسه
روح: هاتعمل ايه يانمر
يونس: انا هيييح
روح: مالك قلبت حمدي الوزير كده ! ههههه لاااا احنا اشرف من الشرف اهييييي( ضحكه خليعه)
ad
.........................
في شركه النمر.
خالد: ياعمي ارجوك حاسك تعبان ووشك اصفر
بدر: صدقني يا خالد انا كويس..
بيقوم بدر وبيدخل الحمام بيبص للمرايه بشرود بيكح و ......يتبع