*ـ صعيدي علمني الادب جـ2🩰👳🏻‍♂️:ـᬼ❥⍣⃟* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ *part 6♡゙ُ* *part 7♡゙ُ* *part 8♡゙ُ* *part 9♡゙ُ* *part 10♡゙ُ* ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G البارت السادس بيقوم بدر وبيدخل الحمام بيبص للمرايه بشرود وبيكح بيظهر دم في الحوض .. بيغسل ايده بالميه وبيغسل الحوض وبيغسل وشه وبيطلع . ............................... في الليل... روح: يااااه يونس: يااااه ايه بتفكري في ايه يا مصيبه روح: ياااه لو حرب الطماطم شغاله ! يونس: ايه ! روح: لا ولا حاجه دي لعبه احنا نرتاح بقا يونس: اه كفايه كده بقا ونرجع بلدنا مصر ام الدنيا روح : ايوه طبعا كده كده هانروح يا نمر ما احنا مرجوعنا لمصر طبعا.. يونس: مش عارف ليه مقلق منك روح: اخص عليك يا نمر انا اقلق .. يونس: لأ خالص.. روح: تصبح علي جنه يا نمر يونس بيحضنها .. ad يونس: بعشقك روح بضحك: عارفه قول حاجه جديده بيضحك يونس عليها وبينام . ............................ في الصباح... مصطفي: لساك زعلان مني يا بوي عارفك ماعندكش غير يونس هوا حبيبك انما انا لاه شاكر: بقا اكده مصطفي: متغير ياما عن زمان ...فين ابوي الحنين اللي ايده فرطه . شاكر: هات من الأخر ياواد عاوز ايه ! مصطفي: رضاك عني بالدنيا يا بوي. ad شاكر: راضي روح كليتك بقا مصطفي : ايوه هاروح شاكر: عايز ايه يا مصطفي مصطفي: عاوز 100000 جنيه شاكر: وه ..ليه مش عاطيك مصروفك مصطفي: خلاص يا بوي مش عاوز ..دانك اقهر فيا اكده لحد ما هانهار واكتئب .. شاكر: عاوزهم ليه يا مصطفي سيبك من الحديت الماسخ ده مصطفي: بصراحه ...عاوز اجيب ساعه روليكس يا بوي ad شاكر طلع يجري ورا مصطفي ومصطفي بيجري... مصطفي: خلاص عني مالبستها .. ركب مصطفي عربيته وطار بيها مصطفي: احلي حاجه الرياضه بتاعت كل يوم دي .. ........................... عند روح... يونس : هانمشي يلا .. روح: بس يا يونس يونس: اجازتي خلصت.. روح: طيب ..وبابا وحشني جدا ad يونس: تمام جهزي الشنط.. روح: اوك ....................... كرم بيكون قاعد علي السرير .. بيمسك تليفونه وبيكتب. ( صباح الفل يا كريمه) كريمه بتكون قاعده علي السرير وبتشوف رسالته. بترن عليه .. كرم بيفتح بسرعه: انا لسه نايم وبحلم صوح ad كريمه بضحك: صباح الفل كرم: اخيرا .. كريمه: اخيرا ايه كرم: اخيرا الحجر نطق .. كريمه : طيب هاكلمك شويه كده . بتقفل معاه التليفون وهيا متضايقه كريمه بحزن: اعمل ايه يعني خبرتك طبيعتي اكده اعمل ايه عشان اعجبك ! ....................... في الجامعه .. مصطفي وصاحبه قاعدين في المدرج.. ad بيدخل الدكتور .. وبتدخل وراه البنت ... الدكتور: انتي داخله بعدي اتفضلي بره ..انا اسفه يا دكتور بس حضرتك لسه داخل حالا الدكتور: قلت بره ..بره بره يعني طالعه من الجنه جتك البلا كل اللي في المدرج بيضحك وكذلك مصطفي .. بتروح تقعد علي الكافتيريا وتقعد وهيا متعصبه.. ..بقا انا اتطرد اكده .. ad معلش! بتبص بتلاقيه مصطفي ..انت ماهي ناقصاك مصطفي : بقا اكده انا اتطردت عشانك ! ..عشاني ؟! مصطفي: ايوه عشانك اتشاكلت انا والدكتور وطردني ..وتتشاكل ليه ؟! مصطفي: عشان كان لسه داخل ودكتور غتت ..اه فعلا ..رخم جدا ههههه ad مصطفي : طيب ..انا كنت جاي اقولك ماتتضايقيش انا هستأذن انا .. ..اتفضل .. مشي مصطفي وهوا مش فاهم ليه عمل وازاي ... ........................ بتركب روح الطياره هيا ويونس روح بتضحك وبتفتكر اللي حصل في اسبانيا .. روح: حبيت هنا جدا.. يونس: المره الجايه نروح حته فيها حاجه اخطر هههه روح: اوك هافكر.. ........................ ad في الشركه .. خالد: اخبارك ايه يا عم بدر بدر: احسن .. خالد: يارب تكون احسن.. بدر: انا هاخد اجازه يومين تلاته انا هاروح الساحل اغير جو خالد: بس خايف عليك تتعب وانت لوحدك يا عمي بدر: يا خالد انا كويس صدقني ..................... بتدخل ميرا بيتها.. ad ..ابله اميره.. ميرا: ايوه يا حبيبي ..انا جعان. ميرا:هيا طنط ما اكلتكش ..لأ ما اكلتش خالص النهارده بتدخل ميرا بعصبيه .. ميرا: ايه يا مرات ابويا ما اكلتيش اخويا ليه _ ايه نسيت هاتحسبيني ولا ايه بتدخل ميرا المطبخ بعصبيه وهيا بتدعي عليها وبتعمل سندوتشات وبتديها لاخوها.. ad ميرا: شبعت يا حبيبي ..الحمد لله كنت جعان اوي ميرا: الف هنا ..اعملك شاي ..ايوه ميرا: ماشي .. ........................ بعد ست ساعات..في عربيه بتمسك روح تليفونها وبترن علي خالد.. روح: خالد ..دودي بيبصله يونس برفعه حاجب.. ad روح : ..ايه يا بني عامل ايه خالد: الحمد لله انتي ايه اخبارك روح: الحمد لله..احنا لسه راجعين من السفر اهو بابا فين عشان وحشني جدا.. خالد: عمي بدر في الساحل بيغير جو روح: تمام ..هانروحله بس ما تقولوش .. خالد: تمام .حمد الله علي سلامتك . روح: الله يسلمك. بتقفل روح مع خالد التليفون.. روح: اطلع عالساحل ad يونس: ليه روح: بابا في الساحل .. يونس: فين ؟! روح: امشي بس وانا هاقولك السكه ....................... في البيت الكبير.. كرم: ياعمي احنا اخدنا وقت كفايه للخطوبه عاوزين نحدد ميعاد الفرح بقا شاكر: طيب ..عاوز امتي كرم: بكره شاكر: ههههه لاه خليها بعد اسبوع من دلوك .. ad كرم وهوا بيبص لكريمه: يارب صبرني .. كريمه بتبتسم ليه .. ........................ بتنزل روح من العربيه بتلاقي ابوها قاعد علي كرسي علي البحر... بتطلع تجري عليه بتحضنه . روح: عارف وحشتني قد ايه ! كنت مفتقداك جدا بقيت بتوحشني في كل لحظه كنت حاسه ان ناقصني حاجه قعدت اتحيل عليك كتير تيجي معانا ما رضيتش مش عارفه ليه ......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت السابع بتحضنه بالجامد ... بدر: وحشتيني يا بنت الايه بيحوش النضارة... روح : انت كويس ؟! بدر: الحمد لله تمام روح: يارب دايما يا حبيبي .. بدر: اتبسطتي .. روح: جدا ..جدا بيجي يونس بعد ما وقف العربيه وشال كام شنطه .. يونس: عمي...وحشتني بدر: بقا كده يا بكاش يونس: ايوه طبعا .. بدر: ههههه المهم اتبسطتوا يونس: اه ..اومال بدر: اكيد طلعت عينك ad يونس: ابدا ..دي نسمه .. بدر: اه هاتقولي ههههه .. روح: طيب هاروح اخد شاور وراجعه بدر: روحوا ارتاحوا شويه انتوا جايين من سفر.. روح: لا انا هاخد شاور وهاجيلك لاني عندي كلام كتير مش هايخلص وعايزة اقعد معاك كتير .. بدر: هههههه طيب يلا .. بتطلع روح تجري علي جوا.. يونس بيقعد علي الكرسي اللي جمب بدر يونس: ايه يا عمي شكلك تعبان ad بدر: انا كويس يا يونس يونس: انا مش فاهم ليه ساكت ومش بتدور علي نفسك ؟! بدر: ساكت ايه اكيد حاولت كتير وروحت لدكاترة كتير كنت بحاول مش عشان الحياة غاليه لأ عشان روح مش عايزها تحزن.. ..احزن ؟! ليه ؟! بدر بيبص وراه ويونس وهما متوترين.. روح: احزن ليه ..في ايه يا بابا انا قلبي مش مطمن.. بدر: مافيش حاجه يا حبيبتي.. يونس: اصل ابويا تعبان شويه يا روح وعمي بيقول انك لو عرفتي هتزعلي يعني ad روح: تعبان ماله ! يونس: تعبان يا روح ادعيله ربنا يقومه بالسلامه انتي كنتي جايه ليه روح: نسيت اخد الهدوم يونس: طيب.. روح بتاخد الهدوم وبتمشي .. بدر بعد ماشافها مشت: يونس يونس: ايوه يا عمي بدر: اوعي يا يونس تقول لروح حاجه يونس : ماتخافش يا عمي .. ad بدر: كنت متأكد انك اكتر واحد استأمنه علي بنتي لانك هاتصونها وهاتحميها اما حكايه تحبها فانا واثق ان بنتي هاتخليك تعشقها .. يونس: فعلا انا عشقتها يا عمي بدر: حافظ عليها يا يونس واتحمل جنانها وعصبيتها وعنادها هيا عمرها مابتيجي غير باللين والحنيه عاوز اموت وانا مطمن يونس: ربنا يديك طولت العمر ياعمي ان شاء الله هاتشيل عيالها وتجوزهم .. بدر بص للبحر بشرود...ويونس . يونس بيقوم من جمبه وبيدخل الشاليه بيفضل يفتح الاوض يدور علي روح.. بيفتح اوضه وبيلاقي روح فيها وروح لابسه بكيني ad روح: يا فضحتي يونس بغمزة : العب يلا .......................... في بيت متوسط .. بتدخل البنت اللي اتشاكلت مع مصطفي. بيكون قاعد راجل كبير في السن. بسمه بتروح عليه وبتبوس ايده.. بسمه: اذيك ياچدي اتوحشتك الجد: للمغربيه في الجامعه دي جامعه ايه دي بسمه: كان عندي محضرات كتير يا جدي ad الجد: الوضع ده مابقاش عاجبني بسمه: ليه يا جدي انا الحمد لله الكل بيشهد باخلاقي واني متفوقه في الكليه وماحدش يقدر يقول نص كلمه غير اكده الجد: انا چاي النهاردة عشان اخبرك انك هاتتجوزي بسمه: هاتجوز ؟! الچد: ولد عمك وهدان من وانتي صغيرة وانتي ليه وهوا مستعچل علي الچواز .. بسمه: بس انا ماعوزهوش دي بتاع بنات الچد: الراچل مايعبهوش غير جيبه بسمه: لاه يا جدي الراجل مايعبهوش جيبه الراچل يعيبه اخلاقه لو مش محترم يعيبه دينه لو مش قريب من ربنا يعيبه قلبه لو مليان كره وحقد وكبر عمر الفقر وقله الفلوس ما كانوا عيب .. ad الچد: علمتك وكبرتك عشان تيجي علي اخر الزمن وتعلميني كيف اتحددت.. بسمه: العفو يا چدي انت عالعين والرأس وكلمتك لايمكن اكسرها حتي لو علي موتي بس انا بعتبرك ابوي واخوي وسندي وضهري ودنيتي كلها بعد ربنا اخلص الجامعه ونفتح الموضوع وعاعمل اللي يعجبك بس ارجوك يا جدي راجع نفسك تاني انا حبيبتك بسمه اللي اتربيت علي يدك من وانا صغيرة .. الچد بيبصلها : انتي عارفه غلاوتك عندي قد ايه بس خليكي خابرة يا بسمه ان احنا هواره يعني مابندوش بناتنا لحد غريب كملي جامعتك بس خليكي خابرة انك في الأخر لولد عمك .. بتبصله بسمه بحزن ...القدر بيفرض علينا اختيارات صعبه اختيارات تحس انها غير قابله للتغيير وتحس ان مهما عملت في حياتك مرجوعك للصفر تاني قليل اوي اللي بيقدر يغير مصيره ويتحدي الظروف يارب اجعلنا منهم ..بقلم حنين عادل .......................... في اوضه روح.. ad يونس قاعد وروح فوق رجله.. روح بتضحك بصوت عالي.. يونس: فضحتينا يخربيتك .. روح: انا قبل الجواز كنت بتحرج وكده ويمكن ايدي ماكنتش بخليك تمسكها بس كنت ناويه لما اتجوزك اقفل عليك الباب ما اطلعكش الا وعندنا 3 عيال الله بحبك يا نمر .. يونس: ليه ؟! روح: بحبك ليه ! يونس: ايوه روح: بص يا سيدي اكتشفت حاجه غريبه اوي هههه ad يونس بضحك: ايه هيا ؟! روح: ان الحب اللى بجد مش هو الحب الأول…!! يونس: ازاي؟! روح: الحب اللى بجد هو الحب الأخير ، حب الشخص اللى قدر يلملم جروحك و يرجعلك ثقتك بنفسك ، الشخص اللى كان لك العوض بعد الوجع و الخيبة و فقدان الأمل الشخص اللى شال معاك همومك و حاول يصلح اللى اتكسر جواك… الشخص اللى شاف فيك الحلو فى الوقت اللى أنت كنت شايف فيه الدنيا كلها وحشة … الشخص اللى حبك وأنت مستهلك و مستنزف الشخص اللى اتمسك بيك بالرغم من كل الظروف مش اللى سابك فى أول محطة وانت الشخص ده يا نمر ... يونس: ايه الكلام الجامد ده؟! ad روح: عشان من القلب للقلب واللي بيطلع من القلب ما فيش احلي منه ! يونس: احنا الاتنين شبه بعض اوي متشابهين جدا حتي في الظروف انتي اتربيتي من غير امك وانا كذلك روح: ايوه ..بس ربنا عوضنا.. بابا مافيش احن منه وعمي شاكر ربنا يخليهولك .....يخربيتك نسيتني بقالنا ساعتين قاعدين اروح اقوله ايه اودي وشي منه فين! يونس: ايه هوا انا شاقطك انتي مراتي روح: اروح اقوله كان بيستفرد بيا! يونس بضحك: دا انا برده ههه ad روح: الله هوا انا شاقطاك مش جوزي حلالي بلالي يونس بيضحك عليه بتقوم تعدل شعرها وبتطلع .. .............................. في اوضه كريمه... في مكالمه تليفون كريمه قاعده علي السرير.. كرم: عاوز افهم ليه حاسك متغيرة كريمه: مافيش يا كرم كرم: احكي يا كريمه ماتبنيش مابينا سد دا انتي عندي اهم من اي حد كريمه: مش انا اللي متغيره يا كرم ! كرم: اومال مين خالتك ad كريمه: يا ظريف كرم: يا لطيفه كريمه: ياخفيف كرم: يا زرافه مش هانخلص بقا خبريني ! كريمه: ما هيا دي المشكله! كرم: هيا ايه ؟! كريمه: المشكله انك مش عارف المشكله كرم: يا سلام فعلا مشكله كبيرة قوي بردك كريمه:اتمقلت عليا ما ده بردك من ضمن المشكله يا كرم ad كرم: استهدي بالله كريمه: لا اله الا الله كرم: صلي علي النبي كريمه: اللهم صلي وسلم وزد وبارك علي سيدنا محمد كرم: اذكري الله كريمه: جري ايه يا كرم انا مسلمه واللهي كرم: احكي بقا كل اللي مضايقك مش عاوزين تراكمات في العلاقه التراكمات بتهد اي علاقه بس انا مستغرب من حاجه قوي كريمه: ايه هيا ؟! ad كرم: مستغرب انك زعلانه ومتضايقه من حد قمه في اللذاذة والجمال زيي. . كريمه: غشيمه بقا ..سلام كرم: خلاص ..خلاص ..ماتزوقيش عاد .. كريمه: بص يا كرم انا ...........................انا .............ممكن تشوفني هايفه في الحديت اللي عاقوله او دا چلع بنات بس لاه ..انا........................ متضايقه لانك محسسني علطول اني ...اني.............اني يعني.................. مش خابرة كيف اوصلهالك ! كرم: خخخخخخخ كريمه: كرم ! كرم ! ...انت نمت يا حزين ...تصبح علي خير يا ..قلب كريمه! ........................ في الساحل.. ad بتطلع روح تبص في الشقه علي ابوها في الشقه مش بتلاقيه .. روح: معقول كل ده لسه قاعد علي البحر اه عارفه ابويا راجل رومانسي ! بتمشي روح لحد ما بتطلع علي الشط بتلاقيه قاعد علي الكرسي... بتقعد روح علي الكرسي جمبه .. روح: ايه يابدر ايه كل دي قعده عارفاك رومانسي بتحب البحر والسما وكده وعارفه انك كنت بتكتب اشعار وكده ياعم الشاعر والنبي امي لو ربنا كان طول في عمرها لكانت هاتدلع اخر دلع والحياة هاتبقي اخر لذاذة ذا ذه ... ad بابا...بابا ..في ايه ! بتقوم روح بقلق بتحوش الطاقيه وبتقلعه النضارة.. روح: بابا...بابا مالك اصحي ..بابا بتبدأ روح عينيها تنزل دموع.. روح: بابا..انت بتهزر صح انت عامل فيا مقلب زي المقالب اللي كنت بعملها فيك بس مش حلو خالص ارجوك اتكلم بتحضنه روح وهيا بتعيط.. روح: طب بص انا قعدت علي رجلك اهو يلا العب لي في شعري زي ما كنت بتعمل وقولي حبيبتي المجنونه اللي جننتني. يلا فتح عينيك بقا ... بتنام علي صدره . ad روح ببكاء: بابا ..ليه دقات قلبك مش زي دقات قلبي فاكر وانا صغيرة لما كنت بقولك ان قلبك شبه قلبي ..بابا...بدر ..يا نمر !... بتبدأ تزيد في العياط. بتقوم وبتحاول تفوق فيه بتجيب شويه ميه من البحر وبترشها علي وشه . فجأة بتقع علي الأرض وهيا بتصرخ بأعلي صوت : باااااابااااااا بااااابااااا ليه يا بابا انا ماليش غيرك هاتسيبني ... بيجي يونس يجري بعد ماسمع صوتها.. يونس: ايه في ايه بيقرب من بدر وبيحط ايده علي قلبه وعلي النفس .. يونس: عمي بدر لا اله الا الله ان لله وانا اليه راجعون. ad روح: لااااااا هوا عايش هوا ماماتش مش هايسبني مش هايسيب روحه مش هايسيب حبيبته المجنونه .. بتقوم تجري عليه وتحاول تفوق فيه روح: اصحي ارجوك يلا يا نمر بسرعه بسرعه نوديه للدكتور هوا عايش بس عنده السكر فااااااايي.يمكن غيبوبه يلا يا نمر يلا بسرعه .. يونس بصلها بألم وطلع تليفونه رن علي الاسعاف .. روح بتقرب من بدر... روح بدموع: بابا اوعي تسيبني يا بابا اح..نا هانروح المستشفي وهاتبقي تمام.....بتزيد شهقاتها ...بس اوعي تسيبني.. بيجي الاسعاف وروح بتركب ويونس بيحاول يهديها .. ad روح وهيا قاعده في الاسعاف بتبكي: ما تخافش يا حبيبي ..ان.انت هاتبقي كويس وهاترجعلي احسن من الاول انا بحبك اوي .انت مش هاتسبني ..صح ..عشان انت بتحبني . بيوصلوا المستشفي .... الدكتور: البقاء لله ! روح: لااااا بابا عايش دا مين ده اكيد قصده حد تاني بيحصل غلطات شوف يا نمر .. يونس: روح .. روح: لاا بابا عايش بس هوا تعبان بس هوا عايش . يونس: روح ...هاتعترضي علي قضاء ربنا ؟ روح: لأ ..ربنا عادل ومش هايحرمني منهم هما الاتنين ad يونس: روح اهدي... روح بدأت تترعش وتقول كلمات مش مفهومه ووقعت علي الأرض.. يونس بصدمه: روح.......يتبع... ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت الثامن يونس بيجري عليها والدكاتره بيجروا عليها بيشتالها يونس وبيدخلها علي السرير والدكتور بيحاول يفوقها... يونس واقف قلقان وحاسس انه مش قادر يعمل حاجه متعجز من جميع الجوانب موت عمه مأثر فيه جدا بس في نفس الوقت لازم يفضل متماسك عشان روح لازم يحاول يكتم وجعه وزعله عشان ماتنهرش لازم يحاول يفضل قوي عشان يقدر يخفف عنها وجعها. لكن مهما كان ..الاب مايتعوضش وفراقه وخسارته بيكسر الضهر وبيعمل شرخ في القلب ووجع مش بيتنسي . يونس: هيا مالها يا دكتور الدكتور: اتعرضت لصدمه عصبيه .. ad يونس: والحل يا دكتور . الدكتور: انا اديتها مهدأ بس لازم تفضل جمبها لأنها ممكن توصل للإكتئاب والانتحار لاقدر الله المريض في الوقت ده بيزهد الدنيا وبيكرهها .. يونس: طيب شكرا يا دكتور... دخل يونس ل.روح.. يونس قعد جمبها علي السرير وهيا كانت نايمه.. يونس: روح ..حبيبتي عارف انك بتمري بوقت صعب عارف انك قلبك مكسور وحاسه ان الدنيا سوده وعارف اني مهما عملت عمري ما هعوض عمي بدر ومهما كنت حنين عمري ماهكون في حنيته بس هحاول ...هحاول ..مش هاقولك ماتزعليش لأ ازعلي عيطي طلعي كل الطاقه السلبيه اللي جواكي طلعي كل مشاعر الحزن والقلق ونتشاركها لأن الشيله هاتبقي تقيله اوي عليكي لوحدك .. ad بيبص في الفراغ وهوا بيتنهد عارف ان روح القديمه عشان ترجع عايزه وقت كبير عارف ان روح هاتنطفي واللي من نوعيه روح لما بينطفوا بيحتاجوا وقت كبير عشان يرجعوا لطبيعتهم او ممكن ما يرجعوش! بيقاطع تفكيره صوت انينها وهيا نايمه بتعيط .. حتي عقلها مش راضي يرتاح من التفكير .. بياخدها يونس في حضنه وبيطبطب عليها بتهدي...والنهار بيطلع وبتكون الساعه 6.. ......................... في الصعيد.... كرم بيكلم كريمه في التليفون.. كرم: صباح الفل كريمه: صباح الخير يا كرم ad كرم: كلها 6 ايام وتبقي حرم كرم هههههه لايقه واللهي كريمه بابتسامه: ايوه كرم: بحبك يا كريمه يا أحلي من الدونتس بالكريمه كريمه: ان شاالله يخليك.. كرم: مستعجل قوي هابقي اسعد راچل في الدنيا وانتي معايا ومنوره بيتي كريمه: ربنا يكرمك كرم: عارفه فضلت امبارح طول الليل افكر هانسمي ولادنا ايه وهانربيهم كيف ؟! كريمه: ربنا يسعدك كرم: وه! ad كريمه: ايه ؟! كرم: ربنا يسعدك ربنا يخليك ربنا يكرمك ايه يا كريمه ماعندكيش رد تاني غيرهم؟! كريمه: كيف ! عندي كرم: ايه ؟! كريمه بضحك: ربنا يعزك .. كرم سكت اللي هوا هيجيله سكته قلبيه . ........................... بعد 3 ساعات. بتفتح روح عينيها.. بتلاقي يونس مبتسم .. ad روح: انا حلمت حلم وحش اوي .. يونس بألم: حلم ايه ؟! روح: حلمت ان .....مش هاقول بيقولوا لما تحلم حلم وحش ماتفسروش عشان مايحصلش .. بتقوم روح وبتبص حواليها... ويونس بيحاول يداري حزنه .. روح بتوتر: هوا احنا فين؟! يونس: في المستشفي روح ببكاء: يبقي ماكنش حلم ماكنش حلم بيحضنها يونس! ad يونس: هوا راح مكان احسن انتي تكرهي يبقي كويس هوا ارتاح من الدنيا وتعبها والمها وصراعتها اللي مش بتنتهي وراح للجنه ونعيمها للعدل .. روح بتعيط بانهيار... روح: ماطلعش حلم ...طلع كابوس يارب اصحي منه انا هاغمض عيني وهافتح هلاقي الدنيا تمام اكيد انا بحلم لانه وعدني وبابا عمره ماخلف وعده هوا وعدني مش هايسيبني مش هايسبني لوحدي .. اهئ اهئ..مش هابقي يتيمه تاني ! ............................... في الصعيد... صوت صريخ وصويت ! كرم كان قريب من البيت .. ad بيدخل في قلق بيلاقي شاكر قاعد في المندره وموطي وشه للارض وكل اللي بيقوله لا اله الا الله .. والحريم بتولول ..... كرم: في ايه ياعمي كفا الله الشر شاكر: لا اله الا الله انا لله وانا اليه راجعون .. كرم: في مين ياعمي قلقتني ! شاكر: بدر اخوي....لا اله الا الله ان لله وانا اليه راجعون . بيقعد كرم وملامح وشه بتتغير : لا اله الا الله ان لله وانا اليه راجعون .. ........................ في الجامعه... ad مصطفي: يوه نسيت تليفوني في البيت وانا طالع من بدري ..اصبر بقا لما تروح مره واحده مصطفي: لاه ..ممكن ابوي يحتاج حاجه وانا اخوي مش اهنيه .. ..خلاص روح هاته علي السريع وتعالي عندينا محاضره الساعه 12 مصطفي: ماشي ...هيا لسه 10 مش هتأخر ان شاء الله بيركب عربيته وبيروح علي البيت ... بيلاقي ناس كتير قدام بيتهم ... مصطفي كان خايف وقلقان وقف واحد مايعرفوش.. ad مصطفي: هوا في ايه؟! * بيقولوا في واحد ميت في البيت ده مصطفي بعصبيه: انت بتقول ايه ؟! * وانا مالي في ايه؟! بيمشي مصطفي بالعربيه براحه وهوا حاسس ان اعصابه سايبه .. بيبص علي الناس اللي واقفين وباين عليهم الحزن وعيونهم المدمعه... بيوقف العربيه بيسمع واحد بيسأل: هوا ده ابنه ؟! بيبصله وعيونه خلاص هاتستسلم وعقله مشلول عن التفكير .. ad بيدخل يجري علي جوه ..والناس واقفه ماليه البيت والستات بتولول وصوت الصريخ مالي المكان .... بيخش المكتب مش بيلاقي حد.. مصطفي: ابوي .. كان بيدور عليه في البيت وبيجري زي المجنون .. بيفتكر المندره بيجري عليها وحاسس ان رجله مش شايلاه.. بيدخل بيلاقي ابوه قاعد في الوش.. بدون تفكير بدون مايسال بيحضنه وبيبوس ايده حضن طويل وكأنه بيريح قلبه .. بيبعد عنه .. ad مصطفي: الحمد لله انك بخير ...بس في ايه ؟! شاكر: عمك بدر تعيش انت مصطفي بصدمه: ايه.. هوا كده الموت بيصدم ..بيوجع القلب ..بس لازم الكل يقتنع ان الدنيا فانيه وان هيا محطات ولكل واحد محطه مش مستاهله نزعل من بعض مش مستاهله نتسابق علي اذيه بعض مش مستاهله اي حاجه ..قربوا من اللي بتحبوهم اجبروا خاطرهم انتوا مش ضامنين وجودهم ممكن في لحظه ماتلاقهومش معاكوا وتندموا علي الوقت اللي ضيعتوه .. ............................. .. بسمه بتكون ماشيه في الشارع بيجي واحد ضخم يقف قدامها ..... بسمه: عاوز ايه يا جمال ad جمال: جاي اطمن علي مرتي بسمه: هيا مين دي جمال: انتي يا بسمتي بيحط ايده علي وشها بتشيلها بعصبيه بسمه بعصبيه: بعد عني. جمال بنظرات جريئه: بكره اقرب براحتي من كل حاجه..هههه بسمه: انت ايه مش بتحس خبرتك ان بكرهك بكرهك بعد عني وسيبني في حالي جمال: لاه انتي بتاعتي انا وبس مع الوقت عاتحبيني اصل انا اتحب قوي بيغمز ليها باستفزاز.. ad بتبصله بعصبيه وبتسيبه وبتمشي .. .......................... لا اله الا الله ...لا اله الا الله... يونس شايل المحمل ومصطفي وكرم وواحد كمان ...... الكل ماشي رافع صبعه وبيوحد الله .. روح كانت مش بتتكلم وقاعده مع الستات في البيت ومش حاسه بحاجه... كريمه بتقعد جمبها: البقاء لله روح بتبصلها.. كريمه: عمي بدر اللي يرحمه كان راجل طيب . ad بتقوم روح وبتعيط بانهيار وبتطلع تجري .. بتشوف ناس كتير جدا جنازته كانت ماليه شارع .. بتخش وسط الناس وبتجري... روح: بابا...بدر ...بااااابااااا بدر...ياااانمررر بيدخلوا المقابر....وبيحطوه علي الارض .. وبيشيلوه... روح بتدخل وهيا بتجري .. ad روح: لاااااا... بتجري عليه وتحضنه... روح بانهيار: لااااا انتم مودينوا فين لاااااا ... الشيخ: وحدي الله يابنتي كده حرام اكرام الميت دفنه روح: لاااا ماتخدهوش مني لااااا يونس قلبه بيتقطع عليها بيقرب منها وبيمسكها... والرجاله بتشيله والشيخ واقف يقرأ قرأن .. روح عماله تضرب فيه وبتحاول تفك نفسها. روح ببكاء: باباا باااااادر باااابا والنبي ما تسبنيش يا بابا بتزيد شهقاتها وصراخها ... ad بيدخلوه وبيقفلوا عليه وهيا بتصوت وبتعيط . روح: سيبني يا يونس. . بيسيبها يونس ..بتطلع تجري وبتحاول تفتح الباب ... بيروح يونس وبيمسكها تاني... روح: سيبني انا هادخله اقفل علينا سوا...باااابا ..باااابااا ارجوك اصحي ما تسبنيش طب سيبوني ادخله بابا بيخاف من العتمه .. الشيخ: ادعيله يا بنتي بالرحمه ماتعذبهوش ترضي انه يتعذب... بيسيبها يونس بعد مالقاها بتتفاعل مع كلام الشيخ... بتقعد علي الأرض وهيا بتعيط.. ad الشيخ: اقرأي قرآن وادعيله دا اللي هاينفعه دلوقتي ... بتمسك المصحف وبتقعد قدامه بتقرأ والدموع نازله علي المصحف وشهقاتها بتزيد .. شاكر كان مسنود علي مصطفي وكرم ... ويونس كان جمب روح وهوا مش عارف يعمل ايه يخفف عنها ...... مصطفي: ابوي ...ابوي... بيقوم يونس يجري عليه بيلاقي....يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت التاسع بيقوم يونس يجري علي ابوه اللي اغمي عليه علي كتف مصطفي بقلق ... بيحاول يفوق فيه بس مش بيفوق .. يونس بخوف: ابوي..ابوي ..فوق .. بيحاول تاني بس مافيش فايده يونس: هات عربيتك بسرعه يا مصطفي مصطفي بخوف : حاضر..حاضر.. يونس بيشتال ابوه ومصطفي بيجري يجيب العربيه .. بيمشي يونس وبيدخله العربيه .. يونس: اطلع علي المستشفي بسرعه وانا جاي وراك مصطفي: ماشي.. يونس: روح معاه ياكرم كرم: ماشي .. بيجري يونس بسرعه عشان يجيب روح ويحصلهم... يونس ماكنش شايفها قاعده بيقرب وهوا قلقان بيلاقيها نايمه علي الارض ad بيقرب منها بخوف وبصدمه اكبر لما بيلاقي دم علي الأرض خوفه اتمكن منه وكانه اتشل... لما شاف ايدها عليها دم وبتنزف وجمبها قطعه ازازعليها دم يونس بصدمه: ليه كده يا روح لييييه بيحاول يفوق فيها ودموعه عايزه تخونه بتفتح عينيها وبتقفلها تاني. بيشيلها وهوا خايف ومتوتر وقلقان عليها وعلي ابوه في نفس الوقت... يونس: اوعي تسبيني ارجوكي انا ماعتش قادر استحمل كده كتير ده فوق طاقتي .. بيطلع يجري وهوا شايلها لحد ماوصل للبيت .. بيركب عربيته بسرعه وهيا فوق رجليه .. ad يونس: روح ...ياروح النمر فوقي ارجوكي ما تغمضيش عنيكي بتبصله وهيا مغيبه عن الواقع.. روح: روح خلاص ..روح بخ ..روح انتهت .. يونس: لأ روح هاتقاوم ..روح هاتفضل روح عشان النمر. . بتغمض عينيها ..وهوا بيسوق زي المجنون . بيوصل للمستشفي..بسرعه يونس: يارب ..يارب... ad بيشتالها وبينزل من العربيه وبيدخل جري علي المستشفي.. يونس بزعيق: دكتور ..دكتور... بيجي دكتور وممرضه بسرعه.. يونس: الحقوها بسرعه ارجوكم.. ............................ في الجامعه.. بسمه قاعده مع واحده صاحبتها . حوريه: وعاتعملي ايه يا بسمه بسمه: ماعرفش لما ابوكي بيموت سندك في الدنيا خلاص الكل هايتحكم فيكي باسم انه خايف علي مصلحتك حاسه ان ضهري مكسور يا حوريه ماليش ضهر وماليش صدر حنين اترمي فيه واتحامي فيه من الدنيا ماليش حد اقوي قلبي بيه .. ad حوريه: ليكي ربنا يا بسمه قبل الكل ربنا اللي احن من الكل بسمه: ونعم بالله .. حوريه: طب وامك يا بسمه بسمه: امي ...امي ماعتكسرش كلمه جدي ولو علي رقبتي امي انا اخر اهتمامتها .. حوريه: ربنا يريح قلبك يا حبيبتي بسمه: يارب..انا لو اتچوزت جمال ده هاموت وانا علي وش الدنيا . ............................ منظر صعب اوضتين جمب بعض اوضه فيها روح واوضه فيها شاكر والنمر واقف تايه ... بيدعي للاتنين من قلبه بجد .. ad ابوه ..سنده مش عارف ماله بس اكيد من زعله علي اخوه دا الواحد لما بيتعب بيقول اخ .. وروح ..روح النمر ...اللي ردت فيه الروح ولونت العتمه لحد ما بقت نور الفرحه اللي بدلت قلبه وحسسته انه عايش بعد ما كان بيقضي ايام في الدنيا وخلاص. مصطفي واقف جمب يونس وبيحاول يواسيه ويطمنه .. بيطلع الدكتور من اوضه شاكر.. بيجري عليه مصطفي ويونس. يونس: طمني يا دكتور.. الدكتور: الحمد لله احسن ..هوا زعل ؟ ad يونس: ايوه ..اخوه اتوفي الدكتور: البقاء لله ..بس هوا مالوش الزعل دا عنده القلب حاول تفضلوا جمبه وتواسوه عشان لاقدر الله مايحصلش جلطه.. يونس: طب هوا ليه اغمي عليه الدكتور: ضغطه علي ... يونس: ربنا يسترها ..وروح يا دكتور .. الدكتور: لا تمام احنا وقفنا النزيف وقدامها ساعه وتفوق بيدخل يونس ومصطفي يطمن علي ابوه .. يونس: ايه يا ابوي كده تخلع قلبي عليك شاكر: الحمد لله علي كل حال .. ad يونس: شد حيلك يا بوي ..عمي بدر عند اللي احسن مني ومنك عمي بدر في الجنه ونعيمها ان شاء الله شاكر: ما كنتش اتوقع ولا يخطر علي بالي اني هامشي في جنازته الاول كان نفسي هوا اللي يمشي في جنازتي ويشيلني.. يونس: ربنا يطول في عمرك يابوي ويديك الصحه ماتقولش اكده .. شاكر: الاول والاخر منه .. مصطفي: كفايه سيره الموت بقي يا بوي والنبي الواحد تعب. يونس: خليك جمبه يا مصطفي ..انا مشوار صغير وراجع مصطفي: حاضر يا خوي ad طلع يونس ... يونس: ها يا دكتور انت قلت ان الحمد لله لحقتوها ووقفتوا النزيف لسه ما فاقتش. . الدكتور: لسه..... بيطلع يونس بره المستشفي ..وبيركب عربيته بيفضل يمشي لحد ما بيوصل مكان معزول عن الدنيا والناس كعادته لما بيبقي متضايق... بيصرخ بأعلي صوته .... يونس: ليه ..ليه عيب نبكي قدام حد ..ليه ..لازم نبان اقويا ليه لازم نكتم وجعنا في قلوبنا لما هاينهينا خالص ... بيقعد علي الارض .. ad يونس: انا تعبان ..قلبي تعبان وعقلي تعبان من التفكير ..ليه الاختبار الصعب ده ياعمي ليه سبتنا وسبت روح مش اعتراض علي قضاء ربنا حاشا لله ... بس اقنعها ازاي ..تكمل حياتها ..هاحميها ازاي من نفسها دي حاولت تنتحر وابوي .ابوي في خطر هاقنع نفسي ازاي انك خلاص مشيت ياعمي دا انا كنت بعتبرك ابوي مش عمي ماشوفتش في حنيتك .... هيا اكده الدنيا غداره تبسطك وتفرحك وفجاه تفاجئك بحاجه كبيره وكانها بتخليك تستعد بقيت لما بفرح بخاف بحس ان في حاجه كبيره جايه .. بيقوم يونس وبيركب عربيته .. .......................... كرم دخل المستشفي...دخل اوضه شاكر.. كرم: حمد الله علي سلامتك يا عمي ... شاكر: الله يسلمك يا ولدي ad مصطفي بيميل عليه.. مصطفي: كنت فين ؟! كرم بيفتكر ... دخل الحمام...وقفل الباب عليه وكتم بايده بوقه...عاااااااااااااااا كرم: بقا اكده ..اه يا كريمه يا غراب يا نحس يا بومه كان الفرح بعد ست ايام يا ربي ليه اكده ليه اهئ اهئ عاوز اتجوز واخش دنيا بقي ..الله.اما فرحنا قرب حد مات ايه الجمال ده بدايه مبشره جدا اومال يوم الفرح هولع انا بقا. مصطفي بيهز فيه: ايه يا بني بتفكر في ايه ad كرم: مقهور يابني وزعلان اوي مصطفي: اه ربنا يرحمه كرم: اه ربنا يرحمه يا رب أثر فيا جامد . .............................. روح بتبدأ تفتح عيونها . بتلاقي يونس واقف ومعاه الشيخ.. يونس: حمد الله علي السلامه.. روح والدموع بتنزل من عينيها: ليه يا يونس حرام عليك ليه ماسبتنيش اروحله ليه ... الشيخ: ممكن اتكلم يا بنتي بصتله روح وهيا بتعيط.. ad الشيخ: انتي فاكره انك كده هاتروحي ليه روح: ايوه الشيخ: لأ..انتي هاتروحي النار ..لأنك هاتموتي كافره..ووالدك ان شاء الله في الجنه لانه كان راجل طيب وماسمعناش عنه غير كل خير... بتعيط روح وبتزيد شهقاتها... روح: مش قادره واللهي مش قادره استحمل قلبي واجعني اوي وعقلي مش بيبطل تفكير مش قادره .. الشيخ: لما بيموت ابن ادم بينقطع عمله الا من ثلاث علم ينتفع بيه وصدقه جاريه علي روحه وولد صالح يدعي ليه خليكي الولد الصالح ده وادعيله واعرفي ان اي تصرف وحش بيتحاسب عليه لانه بيتحاسب علي تربيته ليكي خليكي السبب في دخوله الجنه ... روح بتعيط ... ad الشيخ: ماتخسريش دنيتك واخرتك يا بنتي دا الجنه غاليه .. بيمشي الشيخ وبيقعد يونس جمبها وبيحضنها.. يونس: كده يا روح النمر كنتي عاوزه تسبيني لوحدي هونت عليكي . بتعيط روح في حضنه زي الطفل الصغير..لحد ما بتنام .. بيقوم يونس من جمبها وبيروح علي اوضه ابوه.. .................................. خالد بيشوف خبر موت بدر علي الأخبار ... بيفضل يرن علي تليفون روح ..مش بترد وبيرن علي يونس برده مش بيرد ad بيركب عربيته بسرعه وبيسوق وهوا متجه لسوهاج وبيعيط زي الأطفال. ............................ ..... شاكر: ازاي ... يونس: ازاي ايه يا بوي شاكر: عمك بدر مات ازاي؟! يونس: بص يا ابوي عمي بدر الله يرحمه كان عنده كانسر شاكر بصدمه: ايه ! يونس: للاسف يا بوي كان عنده وفي مرحله متأخره روح بصدمه وبكاء : ايه..........يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت العاشر روح بصدمه وبكاء: ايه ...كانسر.. قام يونس بسرعه وراح ناحيتها... روح ببكاء: كنت عارف يا نمر كنت شايفه تعبان وبيتألم وماقولتليش . يونس: صدقيني هوا اللي كان رافض انك تعرفي روح ببكاء: من امتي ..من امتي تعرف يا يونس من امتي يونس : من .. أول يوم جيتوا فيه الصعيد يوم ما ركبتي رهوانه ... #flash_back بدر: كتر خيرك يا ولدي مش عارف من غيرك كان ايه اللي جرالها. يونس: جات سليمه ياعمي ابوي ممكن نتحددت في المكتب شاكر: قول يا يونس عمك مش غريب يونس: ازاي يا بوي تبقوا محددين كل حاچه وانا اخر من يعلم عيل انا اياك تجوزوني من غير ما اعرف.. شاكر: يا ولدي.... بدر: استني يا خوي انا اللي هاتكلم يونس: اتفضل يا عمي بدر: تعالي نتمشي شويه بيمشي بدر مع يونس... ad بدر: عارف يا يونس روح مافيش اطيب من قلبها ولا اجمل منه بس هيا مشاغبه شويه ودماغها ناشفه مابتحبش حد يفرض عليها حاجه هيا مش عايزاها .. يونس: وده سبب يا عمي ؟! بدر: اصبر يا يونس...روح قلبها مجروح حبت مره واتنين وفي الأخر كانوا بيبقوا كذابين وبيستغلوها لانها قلبها نضيف ومش بتاعت لوع انا ربيتها انها تبقي دوغري انا جبتها هنا مش عشان تجوزها عشان روح القديمه ترجع يونس: ازاي! بدر: زي ما قلتلك انها مش بتحب حد يفرض عليها حاجه وهتعمل كتير عشان الجواز ده مايتمش وفي نفس الوقت روح القديمه هاترجع... يونس: ايوه ..طيب وانا مطلوب مني ايه بدر: انت هاتتعب الفتره الجايه من مقالب ولعب عيال جاريها وعلي فكرة انا متأكد انك هاتحبها لانها تتحب وان روح ماتحبتش مين يتحب دا اول سبب.. يونس: وفيه سبب تاني ؟! بدر: السبب التاني ..اني تعبان يا يونس يونس: تعبان مالك كفا الله الشر يا عمي بدر: انا عندي كانسر في مرحله متأخره.. ad يونس وقف وبصله بصدمه : ايه ! بدر: ايوه...الحمد لله اللهم لا اعتراض عشان كده جبت روح تتعرف عليكم عشان انتوا اهلها وانا مش باقي ليها انتوا باقيين وانت يا يونس عاقل وهاتحميها يونس : طيب اعمل اي حاجه سافر يا عمي اتعالج بدر: تفتكر اني ماعملتش كل اللي اقدر عليه بس خلاص دا امر الله اوعدني يا يونس انك تبقي جمب روح وماتسيبهاش لو مش شريك حياتها تبقي اخ ... يونس: اوعدك يا عمي .. بدر: واوعدني ان الكلام اللي قلتهولك ده ماحدش يعرف بيه لان روح لو عرفت هاتدمر... يونس: اوعدك يا عمي ..لا اله الا الله.. بدر: ماتزعلش يا يونس دا قضاء ربنا لازم نحمده علي كل حاجه الحمد لله دائما وابدا .. #back روح ببكاء: يااااه ...عارف من يومها وماقلتش جالك قلبك كنت قولي يا نمر كنت قولي كنت قضيت معاه الوقت ده كنت فضلت جمبه كنت قعدت في حضنه وشميت ريحته كنت قولي كنت فضلت تحت رجليه كان تعبان وانا بعيد عنه كان بيتألم وانا مش حاسه بيه كان زعلان وانا مبسوطه كان شايل في قلبه كل ده لوحده ... ad بتزيد شهقاتها....بيقرب يونس منها .. بتبعده عنها... روح ببكاء: ابعد عني....انا مش مسامحاك ..عمري ماهنسهالك ..مش مسامحاك علي كل اللي عاني بيه لوحده علي الوقت اللي كان ينفع اقضيه معاه وماكنتش معاه علي الوقت اللي كان فيه تعبان وانا مكنتش جمبه... شاكر كان بيسمعلها والدموع بتنزل علي وشه .. بتطلع تجري .. يونس: روح ..روح... بيطلع يجري وراها بتطلع من المستشفي ومش بيلاقيها بتغيب عن نظره .. بيفضل يدور عليها بس مش بيلاقيها بتفضل روح تجري لحد مافي عربيه بتيجي وبتذمر جامد وروح مش اخده بالها منها صوت الزمارة بيعلي جامد وبتقرب منها بتقف روح وهيا شايفاها وبتغمض عينيها..... ............................. بتدخل بسمه البيت .. ad _ انتي يا بت انتي بتبص بسمه بتلاقي امها واقفه ووشها مايبشرش بالخير بسمه : نعم.. _ مزعله جمال ليه ؟! بسمه: جمال... _ ايوه بسمه: انتي كده ياما حنينه وكويسه مع الكل علي حسابي انتي عارفه اني ماعحبوش اطيق العمي ولا اطيقهوش والكل مش واخد باله انه اكبر مني ب15 سنه .. _ وماله ..ما انا اتجوزت ابوكي وهوا اكبر مني ب10 سنين بسمه: ياريته كان زي ابويا الله يرحمه واللهي ما كنت افتح بوقي ولا انطق كلمه بس ده بتاع نسوان وبيشرب مخدرات والكل عارف عنه اكده .. _ بتاع نسوان اه ...بس في الأخر هايرجعلك . بسمه: يعني يلف علي كيفه وفي الأخر يرجعلي انا عايزه اتچوز واحد مايملاش عينه غيري ويتقي ربنا فيا وينفع يكون اب لولادي زي ابوي الله يرحمه ad _ خلص الحديت انتي لجمال .سواء رضيتي او ابيتي بصت بسمه لامها... بسمه: توكالي واعتمادي عليك يارب سلمتك امري كله ........................... ..بقلم حنين عادل كاتبه الجيل العربيه بتفرمل مرة واحدة علي اخر لحظه..... بينزل منها خالد... روح بتفتح عينيها وبتشوفه وبتطلع تجري عليه ... خالد بيحضنها وهيا بتعيط في حضنه ... روح: شوفت يا خالد بدر خلاص.. خالد بحزن: اهدي بس ده حصل ازاي انا هاتجنن لسه لحد دلوقتي مش مصدق انا كنت ملاحظ انه في الفترة الأخيرة تعبان ووشه اصفر... روح طلعت من حضنه.. روح ببكاء: كان بيتالم لوحده يا خالد كان شايل حمل كبير كان عنده الكانسر اللي قعد ياكل في جسمه .. خالد بصدمه: ايه ! روح مشت وخالد وراها من غير كلام لحد ما دخلت المقابر . ad خالد وقف ودموعه نازله وبيقرأ ليه الفاتحه.. روح قعدت : معلش ياخالد انا عايزه اقعد انا وهوا شويه استناني بره خالد: طيب ..حاضر.. بيسيبها خالد وبيطلع . روح ببكاء: كده يا بابا كده يا بدر ....تشيل كل ده لوحدك ..وان عرفت صحيح كنت هاعمل ايه يعني ..كنت عاالأقل هافضل جمبك اهون عليك..اشيل شويه ما انت ياما شلت عني كتير كنت هاحكيلك حاجات كتير كنت هاقولك اني ماحبيتش حد قدك انك نعمه من ربنا ورزق كبير كنت هادعيلك كتير يمكن ربنا كان استجاب لي ... بتزيد شهقاتها... هاكمل ازاي من غيرك يا بدر هاكمل ازاي انت عارف انت وحشتني اوي وانا نفسي اجيلك انا بعدك ماليش حد اوعي تفتكر ان عمي مهما كان حنين هايعوض غيابك انت بعدك مافيش حد ولا حد يقدر يعوض غيابك بتحاول تكتم عياطها وبتمسح دموعها .. انا عمري ما هسامح نفسي ..ولا هسامح يونس اني ماكنتش جمبك في اكتر وقت كنت محتاجني فيه بابا. ad بابا انا بحبك اوي وحشني حضنك يا نمر وحشني ريحتك وحشني كل تفاصيلك وحشني لمسه وشك... بتنهار في العياط... وحشتني يااااااااا بدرررررر ...وحشتني اوي ..قلبي مش مصدق واللهي...وعقلي بيقنعني اني في حلم وهاصحي مع السلامه ...انتي مامشيتش انت في قلبي .. بتطلع من المقابر وبتركب العربيه... روح: يلا يا خالد خالد: علي فين ؟! روح: علي الڤيلا اللي في مصر علي بيت النمر خالد: طب و..... روح: يلا يا خالد... .............................. في المستشفي.. يونس : يعني ايه يا دكتور مش كان كويس ازاي يخصله جلطه . ad الدكتور: انا قلت ابعدوا عنه الزعل خالص لانه مريض قلب مصطفي بخوف: طب هايبقي كويس امتي يا دكتور الدكتور: كله في ايد ربنا.. بيقعد يونس ومصطفي جمبه . يونس بيلاحظ ان مصطفي بيترعش.. يونس: انشف يا واد في ايه مصطفي: خايف ...خايف يا يونس لما شوفته ماسك صدره خوفت قوي كل اللي عملته طلعت جريت عليك بره .. يونس: ابوك ده جبل يا مصطفي ياما شاف وان شاء الله محنه وهاتزول وكل حاجه هاتبقي طبيعيه تاني ... مصطفي: هوا انت كنت بتدور علي حاجه.. يونس: روح ...اكيد هيا دلوك في المقابر انا هاروح لها ماتخافش هاجي طوالي... مصطفي: طيب... بيمشي يونس وهوا بيفكر: هافضل اقنع اللي حواليا لامتي ان كله هايبقي تمام ..وانا مش قادر اقنع نفسي..كل شئ انقلب من يوم وليله والفرحه اتحولت حزن يا مثبت القلوب يا رب .. ad بيفضل ماشي لحد مابيوصل المقابر مش بيلاقيها بيطلع يجري علي البيت مش بيلاقيها بيفتكر لما كانت راحت محطه القطر تركب بيروح هناك وبيدور عليها زي المجنون... بيقف والناس رايحه وجايه وبيمسك دماغه.. يونس بتفكير: معقول ..تكون عملت في نفسها حاجه تانيه لاااا يارب قلبي ماعدش متحمل ... بيقعد علي الاستراحه وبيوطي دماغه لتحت... بيلاقي حد بيخبط علي كتفه... يونس بيرفع دماغه وبيبص و.......يتبع.