*ـ صعيدي علمني الادب جـ2🩰👳🏻‍♂️:ـᬼ❥⍣⃟* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ *part 16♡゙ُ* *part 17♡゙ُ* *part 18♡゙ُ* *part 19♡゙ُ* *part 20♡゙ُ* ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G البارت السادس عشر بتجري روح علي اوضتها بسرعه وهيا بالفوطه وبتدخل وبتقفل الباب .. روح : هوا فين ؟! وانتي بتسألي عليه ليه وانا مالي بتلبس هدومها بنطلون جلد اسود وفوقه جاكت جلد اسود مفتوح تحته توب ابيض.. بترفع شعرها بتوكه ديل حصان. وبتلبس نضارتها ..والكوتش الأبيض وبتنزل بتدور عليه بعينها في الڤيلا بس مش بتلاقيه. بتركب عربيتها وبتروح عالشركه.. بتنزل من العربيه وبتبص ليها بحزن. دخلت الشركه.. روح: دي اول مرة ادخلها وانت مش فيها أول مرة يا حبيبي ادخلها ومالقيكش واقف فاتح ايديك ليا .. بتكمل مشي والموظفين بيقفوا لما بيشوفوها والكل بيقولها البقاء لله.. بتهز روح دماغها ... بتدخل علي مكتب أبوها .. بتروح عالكرسي بتاعه وبتبسم وبتحسس عليه .. بتقعد علي كرسيه وحاسه زي مابتكون بتحضنه . بتبص علي الكنبه ..بتشوف نفسها وهيا صغيره 7 سنين بدر: ها يلا كلي كان قاعد جمبها وبيأكلها بالمعلقه وهيا بتهز دماغها روح: مش بحب الأكل ده بدر: طب عاوزة ايه ؟! روح: عاوزة بيتزا بدر: واللهي روح: مش انت معاك فلوس بدر: مش معايا الا يجيب بيتزا ليكي انتي بس طب وانا هاكل ايه روح: اه.طيب عندي فكره نقسمها احنا الاتنين بدر: بس كده انا هابقي جعان روح: خلاص مش عاوزة انا هاكل الأكل الوحش ده بقي وأمري لله عشان ماتبقاش جعان عشان انت قولت اللي بيبقي جعان ومش بياكل بيموت وانا مش عايزاك تموت.. يلا أجري عند ربنا بقا.. بيضحك علي كلامها وبيمسكها يحضنها . بدر: ههههه انت جايبه اللماضه دي منين يا بت روح: ليه هوا انا بنور بدر: هههههه لماضه مش لمبه بيقوم وهوا شايلها علي ضهرها وهيا بتقرب من ودنه وبتقول توووووت بدر: ههههه اه يا بنت ال...... روح: اشتم ..اشتم ..انا بنت ايه بدر: بنتي وحبيبتي وكل حاجه حلوة في حياتي بتضحك بتنهيده: ربنا يرحمك يا بدر . الباب بيخبط.. روح: ادخل خالد: ايه يابنتي روح: ايه ياخالد خالد: بقي احنا مستنينك بقالنا ساعه وانتي هنا روح: فين؟! خالد: في قاعه الإجتماعات روح: يلا ..فكرت هايبقي هنا . بيمشي خالد وروح معاه ..وبيوصلوا لقاعه الإجتماعات. بتدخل روح وبتقعد. بتلاقي المحاميين بتوع أبوها بتبص علي الكرسي بتاعه بتشوفه مبتسم ليها بتبتسم.. خالد: روح ..روح؟! روح : ايه يا خالد ؟! خالد: بتضحكي لمين روح: ها...مافيش افتكرت حاجه.. ______________________ في الصعيد.. بتدخل أم بسمه .. بسمه: نعم يا ما فوزيه: مارحتيش الجامعه بتاعتك ليه بسمه: تعبانه مش قادرة من امتي بتهتمي بيا يعني فوزيه: انا غلطانه انشاء الله تولعي بتخرج فوزيه متعصبه .. بتضحك بسمه بسخريه: الا ماقالتلي انتي تعبانه مالك ساعات كتير بحس انك مش أمي انك عدوتي ماليش غير ربنا في الدنيا دي هوا أحسن من الكل. هو أحسن من الكل توكالي وإعتمادي عليك يارب ______________________ بتصحي ميرا من جمب اخوها بالراحه وبتدخل تاخد شاور . بتخلص وبتطمن علي أخوها .. بيكون نايم علي السرير .. ميرا: عامل ايه يا حماده حماده: كويس...بس هوا زي ما قالت مرات ابويا فاتن ميرا: فاتن قالت ايه حمادة: قالت اني هاموت قريب ميرا اتعصبت بس حاولت تداري عصبيتها .. ميرا: بص يا حبيبي هيا مرات ابونا دي ربنا حمادة: لأ ميرا: صح..ربنا بس هوا اللي عارف هنموت امتي حمادة: بس أنا تعبان ميرا حضنته: هاتخف يا حبيبي ان شاء الله وهاتعمل العمليه وهاتعيش وتفضل جمبي تحميني عشان انت الراجل بتاعي صح حمادة بإبتسامه: صح ميرا: الرجاله الجامدين بقي بيرقوا بسرعه صح حمادة: صح ..بس اروق ازاي ميرا: مش انا علمتك اما تبقي تعبان تدعي ربنا يشفيك حمادة: ما أنا دعيته كتير ميرا: ادعي كمان وهو هايشفيك حمادة: يارب اشفيني يارب ميرا: فوق كده يلا أما اعملك الفطار يا عسل حمادة: انا فوقت أهو ___________________ في البيت الكبير.. بيخبط مصطفي علي باب اوضه ابوه وبيدخل بيلاقي امه قاعده مصطفي بضحك: جري ايه يا بوي شاكر: ايه يا واد مصطفي: خف عالقلب شويه انت طالع من عيا شاكر: قصدك ايه يا مخبل انت مصطفي بضحك: مستفرد بأمي اهدي علي روحك شويه شاكر : هوا انا ربيت امشي يا قليل الربايه مصطفي: هههه خلاص أسف بس انا يعني ماعتش صغير وبقيت أفهمها وهيا طايرة شاكر: لاه البعيد حمار مصطفي: ليه اكده؟! شاكر: ماقدامي طول الليل يا بغل انت مصطفي: ومكافكش اه يا جامد انت شاكر: غور يا مصطفي بتضحك صفاء عليهم... مصطفي: ههههه ايوه ماضحكتك دي اللي جابته الارض خفي عالراچل شويه شاكر: اتحشم يا واد مصطفي:خلاص...انا كنت جاي اطمن عليك قبل ما أمشي بس انت اسد شاكر: بالسلامه يا مصطفي يلا مصطفي: عارفك بتموت فيا شاكر: فعلا ..قريب ..بس مش فيك .منك مصطفي: بعيد الشر يا حبيبي انشا الله انا وانت لأ بيحضنوا مصطفي وبيمشي ... بيضحك شاكر وصفاء عليه .. شاكر: ربنا يحميك لشبابك ياولدي _____________________ في شركه النمر روح قاعده وخالد .. خالد: افتح الوصيه يا استاذ . كان المحامي ومساعد ليه .. بيفتح الوصيه ...وبيبدأ يقرأ.. بسم الله الرحمن الرحيم .. انا بدر النمر صاحب شركات النمر المقيم في ****** أوصي بأنني أشهد أن لا إله إلا الله وحده لا شريك له، وأنّ محمداً عبده ورسوله، وأنّ عيسى عبد الله ورسوله، وكلمته ألقاها إلى مريم وروح منه، وأن الجنة حق، والنار حق، وأن الساعة آتية لا ريب فيها، وأن الله يبعث من في القبور، بوصيكي يا بنتي بتقوي الله فمن يتق الله يجعل له مخرجا ويرزقه من حيث لا يحتسب. راعي ربنا في كل امور حياتك عايز أدخل الجنه لاني عرفت اربيكي .. يونس بيحبك خلي بالك منه وصلي رحمك وماتعيطيش ولا تحزني انا في مكان أحسن هيا محطات وكل واحد ليه محطته ادعيلي كتير بالرحمه وافتكريني بالخير واعمليلي صدقه جاريه ده اللي ينفعني دلوقتي... روح كانت بتدمع وهيا بتسمع... أما بالنسبه للميراث. لأخي شاكر النمر الثلث...و لخالد شركه******* خالد بص بدهشه: ربنا يرحمك يا عمي ولإبنتي روح الباقي بشرط .. بصت روح بإستغراب للمحامي... روح: شرط ايه .. ____________ بيدخل من الشركه وهو لابس بدله سوده بيفضل يمشي لحد ما بيوصل لقاعه الإجتماعات وريحه برفانه نفاذه جدا.. ____________ بيكمل المحامي كلامه... روح هتاخد ورثها بشرط انها.......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♕♡♕♡♕♡♕ البارت السابع عشر بيكمل المحامي كلامه... روح هتاخد ورثها بشرط انها.. روح بإستغراب: إني إيه المحامي: إنك تديري الشركه انتي ويونس النمر لمده سنه وهايبقي ليه 51% من أسهم الشركه يعني ليه القرارات روح بعصبيه : نعم ... اهدي يا حبيبتي مش كده.. بتبص علي الصوت بتلاقيه يونس.. بيدخل والإبتسامه علي وشه وبيقعد.. روح بتبص ليه بتحدي... روح بصت للمحامي: اذاي يعني الكلام ده أكيد هو متفق معاك تعمل كده المحامي: أنا يا بنتي بعد شغلي العمر ده كله مع والدك تقولي كده ! خالد: انا أسف لحضرتك .. روح وقفت :أنا استحاله ارضي بالكلام الفاضي ده خالد: روح ..دي وصية عمي لازم تتنفذ عشان يرتاح يونس كان بيبصلها بهدوء ... روح: ليه كده يا بابا ...خلاص يا خالد ديرها انت ويونس خالد: مش هاينفع لازم انتم الإتنين سوا روح: لا إله الا الله محمد رسول الله بيشرب يونس من الفنجان وساكت وبيشوف اللي بيحصل حواليه.. خالد: روح عمي تعب جدا عشان يبني الشركه دي وتنجح كده وبقت مجموعه شركات هاتخلي تعبه ده يروح هدر روح وهيا بتنفخ. : خلاص ..يا خالد موافقه. . بيقوم يونس وبيقف: بس أنا مش موافق. بتبص ليه روح بصدمه وخالد مصدوم من رد فعله.. روح: انت قولت ايه يونس بيمشي وبيطلع من الباب. بتجري روح وراه لحد ما يونس بيبقي قدام مكتب بدر بتمسك روح ايديه وبتشده تدخله المكتب. بيبصلها يونس برفعه حاجب . روح: انت ايه اللي انت قولته ده يونس: قولت مش موافق عادي روح: ومش موافق ليه ان شاء الله يونس: عمي الله يرحمه كتب الوصيه واحنا كويسين ماكانش يعرف وشك التاني روح بعصبيه: وشي التاني يونس: ايوه..وانتي دلوقتي طالبه الطلاق ومش بتعتبريني جوزك يبقي أخليني في الشركه بصفتي ايه روح: بصفتك جو....ابن عمي ودي وصيه متوفي ولازم تتنفذ.. يونس: الله يرحمك يا عمي سبتني للغلب روح: نعم ! يونس: طيب موافق بس بشروط روح : وايه هيا شروط جنابك ان شاء الله . يونس بيقرب منها وهيا بترجع لورا: اولها انك تحترمي نفسك وتلمي لسانك شويه .. روح: واللهي...وان ما احترمتش. يونس بغمزة: هاوريكي قله الأدب علي أصولها وش روح بيحمر... يونس: يا سلام علي الخجل روح: لخص.. يونس: جعفر اللي جواكي ده يختفي شويه روح: وان ما اختفاش يونس: ولا حاجه هاتجوز واحده تكون أنثي وتدلعني روح بعصبيه: يبقي أحسن انت فاكر عشان وافقت بيك يعني كل الناس معجبه بيك ! يونس: بصي كده هناك بيشاور بره.. بتبص روح بتلاقي البنات مركزة مع يونس ومبتسمه.. يونس: لو غلبت نشوف واحده منهم هههههه روح بعصبيه حاولت تداريها: كمل مايهمنيش اساسا يونس: ماشي ..أي قرار اخده في الشركه ماتراجعنيش فيه روح: مش شايف انك زودتها يونس: واللهي لو مش عاجبك خلاص شيل ده من ده يرتاح ده عن ده روح بعصبيه: يونس! يونس: يامي يامي خوفت ! _____________________ في الجامعه.. مصطفي كان قاعد بيتلفت حواليه _ ماتخافش ماجتش النهارده ريح رقبتك دي مصطفي: هيا مين دي يا مخبل انت! _ يعني ماعاتعرفهاش بسمه مصطفي: بلاه حديتك الماسخ ده انا كنت خبرتك اني بدور عليها _ لاه بس باين انك وقعت ولاحدش سمي عليك مصطفي: لاه متخافش مافيش حاجه من اللي في دماغك دي _ يمكن! _______________________ في شركه النمر... يونس: ها موافقه ولا أمشي روح: طيب يونس: حلو اوي بيروح يونس بيقعد علي كرسي بدر روح: انت عملت ايه ؟! يونس: عملت ايه مش هادير الشركه روح: بس انا اللي هاقعد علي المكتب يونس: لا يا حبيبتي انا ليا 51% في الميه روح: يونس انت بتقول ايه ؟! يونس: انا اللي هاقعد هنا مافيش كلام .الا اذا روح: الا اذا ايه ؟! يونس: بصي عشان المشاكل وكده انا عندي اقتراح روح: ايه هوا بقي يونس بغمزة: تيجي تقعدي علي رجلي بصت ليه روح بعصبيه.. يونس: خلاص ماتتعصبيش دا حتي انا اللي كسبان انتي تخنتي ومش بعيد تكسرليلي رجلي.. بصت ليه روح بعصبيه اكتر كلمه بتكرها اي ست بيقولها ببساطه كده ومش حاسس انه عمل مصيبه ! يونس: خلاص اطلعي اقعدي مع السكرتيرة بقي باب المكتب بيخبط يونس: ادخل روح كانت بتبص ليه بعصبيه وبتتك علي سنانها.. بتدخل بنت جميله جدا لابسه لبس فاضح اكتر ماهو بيستر ومقسمه .. يونس: العب .. بتبص روح ليونس بإستغراب .. يونس: انتي مين يا ... _ انا بكون لوردينا السكرتيرة تبعت حضرتك يونس: انتي لبنانيه لوردينا: ايه لبنانيه يونس: يا اهلا بلبنان وأهل لبنان والبنات الحلوة بتاعت لبنان . روح كانت متفاجأة من اللي يونس بيعمله ... روح بتفكير: كنت فكراك مختلف طلعت زي كل الرجاله يا يونس .. يونس: يؤبرني ...خلاص يا استاذه روح ...استاذه روح .. بصت روح ليه: نعم يونس: انا هاخليلك الكرسي وهاطلع مع السكرتيرة بره تعرفني الشغل. .. بصت روح ليه بصدمه .. قام يونس وخد السكرتيرة في ايده وطلع ... روح كانت زي بركان النار بس كانت بتحاول تداري قعدت علي مكتب ابوها وكانت شايفه كل اللي بيحصل بره من الازاز ... يونس قعد مع السكرتيرة وكان بيضحك... الاوفيس بوي جاب ليه قهوه.. مسك القهوه وكان بيتكلم ويونس من النوع اللي لما بيتكلم بيحرك عينيه وحواجبه. كان بيكلم السكرتيره وهو بيضحك .. روح وقفت مرة واحده لما لقته بيغمز وهوا بيشرب القهوه . طلعت بره المكتب شدته وهو كان بيتكلم .. فضل ماشي وراها لحد ما دخل المكتب.. يونس: في ايه روح: بتسأل في ايه ؟! يونس: ايه؟! روح: الشركه دي عمرها محترمه .. يونس بيبص للبنت: اه فعلا محترمه اوي والبنت بتضحك ليه روح بتاخد بالها ... روح: اترزع عالكرسي يونس بيقعد: او نو شوفي البنت اللي بره بتقولي ايه وانتي بتقولي ايه انتي فالجر خالص روح بعصبيه: انا روح بدر النمر يتقالي فالجر يا نمر يونس: بقولك ايه انتي وليه نكد مش فاضيلك انا ورايا شغل روح: وراك شغل ولا محن يونس: الله يرحمك ياعمي استحاله كنت تعمل كده لو عارف اللي فيها روح: وايه بقي اللي فيها ! يونس: ان بنتي رجعيه وماتتعشرش. انا..........انتي بتبصي كده ليه انا مش مرتاحلك .. روح: لو عايز تفضل النمر يبقي تقعد والا ماوعدكش ... قعد يونس علي الكرسي .. يونس: ادي قعده الواد هايطلع عصبي اترزعي في أي جمب روح: انا روح النمر يتقالي اترزعي في اي جمب يونس: كل شويه انا انا سلامات يا ست روح... رفع يونس السماعه: ايوه يا لوردينا تعالي نكمل شغل مشت روح ايديها علي وشها بعصبيه . يونس: يارب افهم حاجه.. دخلت لوردينا ..... وروح قامت وقعدت قصادها.. يونس: ابدأي يا رودي بصتله روح برفعه حاجب يونس: احم..ابدأي.. بدأت لوردينا تتكلم وروح ويونس مركزين معاها وطبعا كلامها ماخلاش من المياصه الاوفر وكانت روح طول القعده رافعه شفتها .. ويونس كان ملاحظها وبيضحك بس هيا كانت مركزه مع البنت... لوردينا: بتمني كون قدرت فيدكن يونس بابتسامه: اكيد شرحك سلس وبسيط شكرا لوردينا: العفو هادا روح بتقاطعها: شغلك! لوردينا: اكيد استاذه روح: طيب اتفضلي علي شغلك.. بتقوم لوردينا وبتمشي.. روح: انا مافهمتش حاجه يونس: ما ده العادي بتاعك روح بعصبيه: واللهي.. يونس: ههههه ليه كل حاجه بتاخديها علي أعصابك كده خليكي ريلاكس روح نفخت وقعدت علي الكنبه وهوا بدأ يقلب في الورق .. وروح كانت بتبص ليه من تحت لتحت .. يونس: قبل منه لا ماحدش فرق لي بص ليها بابتسامه ... بعدت وشها ... يونس: اتقابلت بيه اوام قلبي رق ليه قالي هو ده لقيت حب عمري .. روح كانت بتبتسم.. يونس: رودي.. بصت ليه روح وهيا رافعه حاجبها بيكون يونس رافع السماعه: هاتيلي قهوه لو سمحتي لوردينا: هيك كتير صحتك رح تتأذي أستاذ نمر روح: استاذ ايه يا ختي بيقفل يونس التليفون يونس: هاي مانا طريقه شغل هاي روح: نعم يا خويا يونس: لأ ..مش كده شوفيلك مكتب تقعدي فيه انا كده مش هاركز روح بعصبيه: ماشي... طلعت روح من المكتب متعصبه... رجع يونس بضهره علي الكرسي وهو بيبتسم .. فضلت روح تمشي وشافت لوردينا شايله القهوه روح: ياحبيبتي وكمان رايحه تجيبها بنفسك.. ابتسمت بشر وفضلت تقرب تقرب لما خبطت الصينيه وقعت عليها . روح: انا اسفه كانت لوردينا بتصوت طلع يونس عالصوت يونس: في ايه لوردينا ببكاء: رجليا عم يحرقوني كتير يونس: ايه اللي حصل روح: خبطتها من غير قصد يونس : خلاص اهدي ..بيشتالها يونس وسط الحضور.. وروح بتتفاجأ وبتفتح بوقها. يونس بيدخل المكتب وروح وراه بيحطها علي الكنبه وبيجيب علبه الإسعافات الأوليه . بيمسك المرهم بيلاقي روح بتسحبه منه بتقعد روح جمبها: قوليلي يا حبيبتي فين الوجع لوردينا: هون.. بتدهنلها روح .. روح بسخريه: هلأ صرتي منيحه يلا علي شغلك كل ده ويونس بيتفرج وكاتم الضحك. .. قامت لوردينا وراحت علي مكتبها قفلت روح الستاره اللي علي الازاز.. قربت منه : اسمع بقي ياض انت يونس: ياض انت روح: ايوه ان مالميتش نفسك واحترمتها أنا هازعلك .. يونس: أنا راجل اعمل اللي يعجبني .. روح: طب بص بقي ان كلمت انا هاكلم وهقابل وها.... فجاه قام ومسكها من قفاها .. يونس: هاتعملي ايه يا ختي سمعيني تاني ! روح: احم .بقول ان ...ثم انت مش جوزي يونس: لأ جوزك للاسف .. روح شالت ايده: طب طلقني طالما انت مضايق كده يونس : ياريت انتي ......اااااااه روح: بقي عاوز تطلقني عشان لوردينا يا ك.ل.ب هههه يلا اديك ماعتش تصلح لفرخه حتي! روح خبطته ......تحت الحزام يونس: اااااه ...ااااه روح: من الصبح بتحرق في دمي وساكته عاوز تطلقني عشان معزه دكر يلا .. بتطلع روح تجري بره المكتب. روح: ههههههه احسن. .. يونس: اااه....ااااه....انا كان مالي ومال الغلب ده يا ربي ماكنت بكره الستات وماشي كويس اااااه ______________________ في مكان مجهول.... _ انا أسف بس لحقني وماقدرتش اعمل حاجه بتلف ضهرها ليه بتكون ساميه .. ساميه: كلهم هايموتوا واحد واحد مش هاسيب حد _ حتي يونس! ساميه: اللي مش معايا يبقي ضدي. _ ماتنسيش ان البوليس بيدور عليكي .. ساميه: البوليس هههههه حلني علي مايلاقيني اكون خلصت اللي عاوزه أعمله .. _______________________ في بيت بسمه فوزيه: قومي اقعدي مع خطيبك بسمه: خطيبي ! فوزيه: ايوه بسمه: هو لسه مش خطيبي عشان اقعد معاه فوزيه: هو عاوز اكده يلا وحسك عينك تضايقيه بسمه: نفسي أعرف بتحامي ليه اكده ليه فوزيه: عشان انتي مش عارفه مصلحتك فين يلا. بتلبس بسمه اسدال وبتنزل .. جمال بيقوم يقف جمال: وحشتيني بسمه: وحشتك عقربه جمال بيقعد وهو بيضحك .. بسمه: انسان بارد. جمال: حفظت واللهي انك مش بتحبيني وبتكرهيني بسمه: وليه مامشيتش وهملتني لحالي جمال بضحك: عشان انا انسان بارد ههههه بتطلع بسمه اوضتها بعصبيه فوزيه: انتي يا بت جمال: سيبيها يا مرات عمي انا هابقي جوزها برضاها او غصب عنها ___________________________ في بيت ميرا.. حماده: هو بابا وماما كانوا بيحبونا ميرا: اكيد يا حبيبي حماده: اومال ليه سابونا لوحدنا ميرا: عشان يرتاحوا كل الناس اللي بتروح عند ربنا بترتاح حماده: طيب انا عاوز اروح عند ربنا عشان ارتاح بتحضنه .. ميرا: حبيبي هترتاح ان شاء الله وربنا هايشفيك وهاتبطل العلاج وهاتبقي احلي طيار مش كان نفسك تبقي طيار بيهز راسه ..بتتنهد ميرا بحزن ______________________ في شركه النمر... يونس واقف وبيعمل تمارين يفك بيها الدنيا. يونس: أخيرا.....هيا فين بقالها ساعه مختفيه .. بيرفع الستاير اللي علي الازاز وبيشوفها......يتبع ♕♡♕♡♕♕♡♕♡♕ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت الثامن عشر بيرفع يونس الستاير اللي علي الإزاز بيشوفها واقفه بتضحك مع واحد... يونس بيتعصب : بقا كده يا ست روح يونس بيطلع بره المكتب وبيقرب منها بتشوفه بتلف وشها وبتبتسم وبعدين بتكمل كلام مع الشخص ده.. بيلف يونس علي مكتب لوردينا .. روح بتستغرب. يونس بيبتسم وبيقولها: تحبي نتغدي سوا النهارده ؟! روح بتتصدم وبتفتح بوقها لوردينا: ايه أكيد أستاذ نمر خچلتني بكرمك روح بتتك علي سنانها : بتقوله يا نمر برده ! يونس بإبتسامه: استنيني تحت بعد ما نخلص شغل. لوردينا: اكيد.. بيدخل يونس المكتب تاني وبيسيبها واقفه .. _ استاذه...استاذه روح روح: امشي انت دلوقتي .. روح بتفكير: من ساعه ما جه هنا وهو مش هوا وبيتجاهلني وبنت المقشفه دي بتتمايص علي الراجل اما خلته قشف.. بتبص علي لوردينا وهيا واقفه .. روح بتفكير وهيا بتبص عليها من فوق لتحت: مقشفه مين دي عامله زي اللمبه الليد ايه ده ايه الوسط ده ده قد رقبتي ولا شفايفها اللي علي مظبوطه علي وضع البوسه دي ولا ولا دا انا كا روح بعاكسها هايعمل ايه الواد.. لوردينا: استاذه روح...استاذه روح ... بتفوق روح : ايوه ايوه لوردينا: عم تطلعي فيني من فوقي لتحتي من فتره فس شي ؟! روح برفعه حاجب: واطلع فيكي ليه تكوني حلوه مثلا مافيش حاجه روحي شوفي شغلك لوردينا بإستغراب: اوك .. روح: يلا ... نفخت روح بعصبيه ومشت .. كان يونس واقف في المكتب بيتفرج عليها وبيضحك .. بيقعد علي مكتبه ... يونس: ههه كان شكلك تحفه وانتي مبرقه علي البت من فوق لتحت كده .. بيمسك التليفون ... يونس: لوردينا ..الموظف اللي كان واقف مع أستاذه روح خليه يجيلي حالا .. لوردينا: ايه استاذ ________________________ في الصعيد ..في الجنينه الخلفيه كريمه: كرم كرم: ياروح نن عين قلب كرم من جوه كريمه: احنا مش هاينفع نكمل مع بعضنا بيمسكها كرم من لياقتها كرم: نعم ياختي شايفالك شوفه تانيه ولا ايه كريمه: نزل يدك يا كرم كرم: مش منزل كريمه: بقولك نزل يدك بدل ما اكسرهالك كرم: لاه شايفالك شوفه وقوي قلبك كمان كريمه: بقولك نزل يدك كرم: مش منزل الا لما تقولي هو مين يا خاينه يا زباله كريمه: خاينه مين يا عبيط انت نزل يدك كرم : عبيط كمان بتغلطي فيا صوح انا اللي چلعتك كريمه: ياعم غور انت كمان بلا چلعتني كرم: لا بقا دا انتي عاوزه تتربي كريمه: وديني وأيماني يا كرم يا بن نعيمه لو ماسبتني لأصوت وألم عليك البلد كله وأقول حاول يعمل معايا الردي .. كرم: وه ... كريمه بعصبيه: نزل يدك .. كرم بعصبيه: طيب .. بيلف كرم وشه الجمب التاني وكريمه زيه كرم: ياريت كان قلبي قبل ما يحبك كنت طلعته بيدي وفرمته .. كريمه: غبي . كرم بص بعصبيه: احترمي نفسك بدل ما افشفش نفوخ اللي خلفوكي يا خاينه كريمه: اوام حكمت عليا اني اعرف حد دماغك دي ايه فرده جزمه قديمه كرم: اومال مش عايزه نكملوا ليه يا ختي كريمه: عشانك انت كرم: كيف يعني وضحي ؟! كريمه: علطول محسسني اني مش هاقدر اسعدك واني ماعنديش مشاعر كرم: انا خبرتك اكده ! كريمه: مش لازم تخبرني انت محسسني اكده كرم: مش وقت هرمونات بنات يا بنت الناس انا مش كدها .. كريمه: هرمونات! كرم: انتوا كده بتعملوا من الحبه قبه وتألفوا قصص ومواويل من خيالكم ..انا بحبك وقلبي دق ليكي يا بت بيحط ايده علي كتفها : يابت طب وحياه ربنا بحبك وحياه نعيمه بحبك ..وطالما الحب موچود هانبقي اسعد تنين اغزي الشيطان في ليلتك .. بيغمز وهو حاطط ايده علي كتفها وهيا مش مركزه.. كرم: بما اننا اتنين والشيطان تالتنا ماتجيبي بوسه بقا بيتك بإيده علي كتفها.. بترزع ايده. كرم: يابنت ال.....ااااه كريمه: خليه يجي بعد الجواز كرم: هو ايه ده كريمه: الشيطان يا روح قلبي مش بيجي برده كرم: بيجي يا بومه بس مش بتاع قله الادب والفرفشه. كريمه: اومال بتاع ايه كرم: بتاع النكد ياختي ..ااه يا إيدي منك لله يا كريمه يا بنت.......الا صحيح امك كانت اسمها ايه كريمه: احم ..حشمت كرم: منك لله يا كريمه يابنت حشمت......ح.ايه ...حشمت هههههههه وعلطول يابن نعيمه ..يابن نعيمه ..ياختي كنتي اتوكسي ...هههههههه كريمه: انا ايه اللي خلاني اقولك ماكنت سكت ماعنتش خالصه من تريقتك.. _______________________ في شركه النمر... _ايوه يا فندم حضرتك طلبتني يونس بيقوم من علي مكتبه وبيبص ليه بعيون زي الصقر خلته يخاف .. يونس: انت شغال بقالك كام سنه هنا _ احم...5 سنين يا فندم خير في ايه ؟! يونس: انت مرفود .. _ ليه يافندم انا عملت ايه غلط ارجوك انا عندي امي واخواتي بجري عليهم يونس بعصبيه: ولما هو كده مش تخليك في شغلك واقف بتعاكس في مراتي ليه _ مراتك مين يا فندم انا ماعرفهاش يونس: استاذه روح النمر يا روح امك _ صدقني ماعكستهاش يونس: وتفسر بايه الضحك اللي كان شغال من شويه ده _ انا كنت واقف لقيتها جت ووقفت تضحك اقولها في ايه طب محتاجه مني حاجه قالتلي اضحك وبس وقفت اضحك.. يونس: عايزني اصدق الكلام الفاضي ده _صدقني ده اللي حصل واللهي يافندم يونس: طب روح علي شغلك وان شوفتك واقف معاها تاني اعتبر نفسك مرفود .. مشي الموظف وقعد يونس عالمكتب وابتسم : مجنونه ...بس بحبك ...عارف ان كلامه صح وانتي بتعملي كده عشان اغير عليكي ..انا جربت معاكي الحب مانفعش وكنتي بتكابري لما تجاهلتك ولعتي وغيرتك واضحه جدا انتم الستات صنف غريب. وايه كمان مش اي ست دي روح النمر... __________________ في مكتب خالد... خالد: بقالك ساعه بتلفي وتدوري عاوزه ايه ياروح روح: هوا انا وحشه يا خالد خالد: انتي زي القمر روح: طب انا احلي ولا لوردينا خالد: انتي...انتي قصدك علي لوردينا اللبنانيه روح: ايوه انا احلي ولا هيا بيضحك خالد: انتي طبعا روح: بتضحك يبقي بتكذب انا عارفاك .. خالد: مش كده لا بس كل راجل مننا مقايسه في الستات مختلفه يعني ممكن يشوف الست جميله وهيا مش جميله وممكن يشوفها وحشه وهيا جميله.. روح: طيب ويونس شايف ازاي خالد: وانا اعرف منين ماتروحيله تسأليه الله وبعدين هو يونس عاجباه لوردينا ولا ايه الصراحه هيا بت جامده روح بعصبيه: كلكوا رجاله عينها زايغه. بتطلع روح من عنده متعصبه .. خالد: مالها دي ؟! بتروح يونس علي مكتب يونس مش بيلاقيه .. بتبص علي المكتب مش بتلاقي لوردينا... روح بتنفخ: ماشي يا نمر ياخباص.. بتنزل تجري وبتسأل .. روح: فين عربيه يونس بيه .. * يونس مين .. بتطلع روح موبايل وبتوريه صورته.. * اهي .. روح: طيب افتحها .. بيفتحها لانه عارف انها دلوقتي صاحبه الشركه .. بتركب روح في الكنبه اللي ورا وبتنزل دماغها.. روح: اتأخر اوي ليه كل التأخير ده . بتلاقي باب العربيه بيتفتح .. بيركب يونس... روح بتفكير: فين لوردينا ؟! بيسوق العربيه وبيقف مره واحده دماغها بتتخبط بتقول اه وبتكتم بوقها . بيبص يونس للمرايه بيشوفها فيها .. بيبتسم ومش بيبن ليها .. يونس بيمسك تليفونه: الو...ايوه يا رودي انتي كويسه دلوقتي طب الحمد لله ولا يهمك نعوض الغدا في يوم تانب المهم صحتك... بيقفل التليفون... يونس: ياخساره ..حظك دكر يانمر روح بصوت واطي وعصبيه: ماشي يانمر بقي يبقي معاك ملبن ابن بلدك وتروح تبص لتصدير الخارج المغشوش صحيح انك جحش مش بتفهم.. بيوقف العربيه مره تانيه بتتخبط .. بيفضل ماشي بالراحه وبيرقص العربيه وهيا عماله تتخبط.. روح: ايه ده هوا اتجنن ولا ايه ده بيوقف العربيه وبينزل منها وبيفتح الباب الوراني.. بتبصله روح وبتبتسم ببلاهه .. يونس: ممكن اعرف انتي هنا ليه ؟! روح: ايه ده صحيح صحيح انا هنا بعمل ايه يونس: استعبطي استعبطي.. روح بتبص يمين وشمال ومش عارفه تقول ايه بيركب يونس العربيه وهيا واقفه . يونس: اركبي...هاتفضلي واقفه كتير ولا عجبتك قعده الدواسه .. بتركب روح بدون اي كلام وهيا محروجه وبتبص ناحيه الشباك وهيا بنتفخ.. بيحاول يونس يكتم صوت ضحكته وبيكمل سواقه ________________________ في بيت بسمه.. بتنزل بسمه علي السلم بتلاقي جمال قاعد بتطلع تجري علي السلم تغطي شعرها اللي نازل علي كتفها... بتدخل اوضتها ولسه هاتقفلها بيحط رجليه .. بيزق الباب بتقع بسمه علي الارض ... بيقرب منها وبيبقي قبالها بتقوم بسرعه وهيا بتبص ليه بعصبيه .. بيقرب منها لحد ما بيزنقها في الحيطه جمال: ياهوووو علي الچمال .. بسمه بعصبيه: انت ماعندكش حيا واصل غور من هنا يا عديم الرچوله بيبتسم بإفتزاز وهو بيمشي ايده علي شعرها: هانت وانت كلك هاتبقي ملكي.. بتزقه بعيد عنها.. بسمه: ده عند امك الكلام ده عارفها ولا مش عارفها صحيح بيتعصب جمال وبيقرب منها .. بتجري وبتجيب من تحت مخدتها سكينه .... بسمه: بعد عني والا وربي وما أعبد لأكون مطلعاك من هنا علي القرافه.. بتقرب منه وهيا متعصبه وعينها بتطق شرار جمال: اهدي ..اهدي بيفضل لحد مايطلع بره الأوضه بتقفلها بسرعه وبتربسها.. جمال من ورا الباب: بحب القطط اللي بتخربش اخلع لها ضوافرها بيدي .. بتقعد بسمه علي السرير وهيا متعصبه : حتي في بيتي ماعدش امان اروح فين يا ربي واجي منين ..ماليش غيرك يا حبيبي ماليش غيرك .. __________________________ بيوصل يونس قدام الڤيلا .. بتنزل روح من العربيه تجري علي جوه يونس بصوت عالي: معلش يابني اخترت ليك ماما مجنونه .. روح: ومين العاقل لوردينا يا بتاع لوردينا بيضحك يونس عليها وعلي غيرتها الواضحه.. بيركن يونس العربيه وبينزل منها .. بيسمع صوت صراااخ روح .. بيطلع يجري وهو خايف .......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت التاسع عشر يونس بيطلع يجري.. يونس : ممكن صرصار او فار ما انا عارفها بيدخل يونس بيتفاجأ بان الفيلا مقلوبه وصور بدر واقعه علي الأرض ومكسورة وصور روح عليها دم ! روح كانت قاعده علي الارض بتشيل صور بدر وبتعيط .. وهيا بتنفضها من الإزاز اللي عليها بيعور ايدها.. بيطلع يجري عليها وبيقومها وبيحضنها وهيا بتعيط في حضنه .. بيمسك ايدها بتكون متعورة بسيط وبيطلع منديل وبيمسحها.. بتترمي هيا في حضنه وكأنه واحشها. متي أيها القلب ..متي تهدأ وتتأكد أنك لا تحب غيره ولا تدق الا باسمه ولا ترتاح الي بين احضانه ولا تشعر بالأمان إلا في وجود أنفاسه حولك تكابر وتكابر تقنع نفسك أنك تستطيع العيش وحدك بدونه ولكنك أكبر كذاب متي تستكين وتستسلم ! بيقعدها يونس علي الكنبه اللي عدلها بعد ما كانت متبهدله .. وهيا كانت بتعيط ... روح ببكاء: حتي الذكري يا نمر مستخسرينها فيا حتي الذكري .. يونس: اهدي يا حبيبتي ..اهدي هيا اتكسرت بس الصور كويسه روح : هوا انت فاكرني بتكلم علي الصور .صورته محفوره في قلبي وعقلي ومش ممكن تخرج منه انا بقول علي الڤيلا اللي قضيت فيها حياتي معاه اللي بحس انه موجود في كل حته فيها .. بتشاور علي الكنبه.. روح: هنا كان بيقعد وانا بقعد علي رجله .. بتشاور علي الكرسي ... روح: وهنا كان بيقرا الجورنال بتاعه كنت بقعد اضحك واقوله جورنال ايه اللي لسه بتقراه واحنا في عصر الانترنت كان بيضحك ويقعد يحكيلي ان فنجان قهوه مع الجورنال علي صوت فيروز حكايه. . قامت وقفت عند المطبخ وشاورت علي الرخامه المكسورة روح: الرخامه اللي اتكسرت دي يا ما كان بيقعدني عليها وهو بيحاول يعملي البشاميل اللي بحبه بس ماكانش بيعرف ويقعد يضحك وفي الاخر يطلبه من بره ..ذكرياتي كلها مرتبطه بالفيلا دي يا يونس شايفه بدر فيها في كل حته...حاساه جمبي.. اما كنت بعيط وانا لوحدي كنت حاساه بيطبطب عليا ريحته لسه موجودة مين اللي عاوز يكسرني كده مين اللي عايزني اموت مرة تانيه انا لسه ما اتعافيتش مانسيتش هايفضل الحزن في قلبي العمر كله بس بحاول ...بحاول اكمل حياتي لانه علمني اكون قويه ...أكون صبورة ..أكون روح بدر النمر ... كانت بتحكي وهيا عيونها مدمعه .. بيحضنها يونس وبتبادله الحضن وكأنه بتتداري فيه من الدنيا .. يونس: ما تخافيش ماحدش هايقدر يقربلك طول ما انا عايش ولا يقرب من الڤيلا ماتزعليش كل حاجه هاترجع زي ماكانت . روح: عمرها ما هترجع زي ما كانت لأن بدر مش فيها _______________________ في بيت ميرا .. حماده: هوا انتي هاتسبيني لوحدي ميرا: لا ما تخافش عمري ما هاسيبك حمادة: بس انتي هاتروحي كليتك ميرا: لو عندي محاضرات مهمه هاخدك معايا. حماده بفرحه: بجد ميرا: ايوه يا حبيبي حمادة: الحمد لله أصلي بخاف من مرات ابويا فاتن ميرا بتنهيدة: ماتخافش من حد طول ما انا موجودة معاك _________________________ في بيت بسمه..(الصعيد) بسمه كانت قاعده بتتكلم في التليفون _ ازاي الكلام ده بسمه: كيف ما حكيتلك .. _ وامك كانت فين من كل ده وازاي الحيوان ده يتجرأ ويعمل كده بسمه: ماعرفش امي فين هيا امي كانت من ميته موجوده لما احتاجتلها اما بقي ازاي الحيوان ده يتجرأ ويعمل كده فده لأني ماليش حد ماليش حد يخاف منيه لا ليا ابو ولا اخو .. _ الله يرحمه...خلاص خبري جدك بسمه: چدي ان قولتيله مش بعيد يسرع بكتب الكتاب حقيقي بقيت بحسد اللي عنده اب بسأل ربنا ليه يارب انا محطوطه في الإمتحان الصعب ده الشيطان بيدخلي من أماكن كتيره بس برجع أستغفر وأقول أنه ربنا بيحبني عشان كده بيبتليني والابتلاء مش مرض بس الإبتلاء ممكن يبقي في شئونك عشان كده هاصبر وهاستني يدبرلي أموري ويظبط لي حياتي _ ربنا يديكي علي قد اللي في قلبك يا بسمه بس أنا عندي فكرة بسمه: ايه هيا ؟! _ انك تهربي وتسيبي ليهم الدنيا _______________________ في البيت الكبير (الصعيد) مصطفي كان قاعد في الجنينه .... لقي حد بيخبط علي كتفه .. بيبص لقاه ابوه.. بيقعد شاكر .. مصطفي: كيفك دلوك يا بوي شاكر: انا تمام هاتقعد تحسسني كتير اني تعبان ولا ايه مصطفي: لاه بسالك كتير عشان تقول الحمد لله وربنا بيقول في كتابه العزيز ولإن شكرتم لأزيدنكم ..وانا هاعوز ايه اكتر من ان ربنا يديك الصحه ويزيدك من فضله.. شاكر طبطب علي كتفه : كبرت يا مصطفي وبقيت سيد الرچاله وعرفت اربي هاعوز ايه اكتر من كده حنين وراجل.. بيبوس مصطفي ايد أبوه ... مصطفي: ادعيلي يا حاچ ادعيلي شاكر: ربنا يرضيك زي ما انت راضيني ويوفقك ويريح بالك وقلبك وينولك مرادك ويبعد عنك كل اذي وشر ويرزقك ببنت الحلال اللي تحبك وتصونك .. مصطفي بضحك: ايوه....ايوه ركز علي الدعوه الأخيره دي شاكر: هههههه يخرب عقلك يا واد ماتقول عاوز اتجوز وخلاص بدل ما انت قاعد تفكر كده حبيت يا واد ولا ايه مصطفي بضحك : وه لاه يا بوي عاهزر ! _________________________ في مكان مجهول .. ساميه : عملتوا ايه ؟! حسام كان واقف ويوسف. .. حسام: عملنا كل اللي طلبتيه بس مش فاهم ليه نعمل كده استفدنا ايه. ساميه: مش عاوزاهم يرتاحوا عاوزاهم يتعذبوا ويعيشوا اسوء ايام حياتهم كلهم عاوزاهم يتمنوا الموت.. حسام : انا قولتلك نأجر قاتل وهوا يخلص نكون احنا طلعنا بره البلد ونرتاح من ام الانتقامات ووجع القلب ده ساميه بتبص لحسام وبتسكت .. ___________________________ يونس وروح كانوا بيعدلوا في الحاجه . روح بتكنس ويونس بيعدل الكراسي. .. وروح وهيا بتكنس يونس بيلم الكنسه بالجاروف.. بتبص ليه روح بتبسم علي شكله اللي اتبهدل يونس بيبصلها .. يونس: عارفه احلي حاجه فيكي ايه روح : ايه ؟! يونس: ابتسامتك دي ...دي اساسا اللي وقعتني في حبك روح: ليه هوا اي حد بيبتسملك بتحبه ولا ايه ؟! يونس: هوا انتوا كده مهما كان دي هرمونات اساسا روح برفعه حاجب: هرمونات ايه يونس: النكد يا روح روح بصتله وزعلت ... يونس: طب في ايه دلوقتي روح وهيا مبوزة: اول مره تقولي روح من غير روح النمر يونس بإبتسامه: ماتزعليش يا روح النمر بس ماتتعوديش برده روح: وليه بقا ان شاء الله يونس وهوا بيمثل: لاننا هانطلق ! روح: اه وتروح تجري علي المعزة الجبلي بتاعتك تتجوزها صح يونس: مين المعزة الجملي دي روح: واللهي مش عارفها لوردينا يا نمر يونس بضحك: ههههه ..لا مش زوقي وبعدين انا اخدت علي الجيلي خلاص يعني لو فكرت مش هاجيب حاجه اقل منك كده يا بطه روح: واللهي وبتقول قدامي طيب وانا هسافر الهند الصبح يونس: ليه روح: هاتجوز هريتيك روشان يونس: هههههااااااي ..مرة واحدة روح: يابارد ... بتطلع تجري علي السلم متعصبه يونس : سبحان من له الدوام ....ستات عجيبه ايه تركيبه الدماغ دي اقولك ليل ونهار بحبك مش عاجب وطلقني وبكرهك اعكس الموضوع واتجاهلك واوافقك واقولك ماشي تتعصبي بتغيري من لوردينا يا بطه اصبري عليا كده دا انا هاخليكي تتحيلي عليا اني ما اتطلقكيش يا روح النمر ..هالغي الاوبشن ده من علاقاتنا تماما . بس مانكرش بحب غيرتك وعصبيتك وجنانك ده مش عارف كل يوم حبك بيكبر ويكبر ! بيقعد علي الكنبه يرتاح .. يونس بتفكير: مافيش غيرك اللي يفكر يعمل كده يا ساميه مافيش غيرك احنا كلنا في خطر دلوقتي بس انا مش هاسكت انا هالاقيكي وهاموتك قبل ما تفكري تئذي اي حد من عيلتي ..ماتنسيش اني يونس النمر ...ولو انتي ذكيه انا اذكي منك ولو انتي مفكره نفسك شاطره مايوقع الا الشاطر .. ______________________ في بيت بسمه... بسمه : ايه اهرب! الباب بيتفتح فجأه وبتدخل امها وهيا متعصبه بسمه: في ايه ! فوزيه: ايه اللي انا سمعته ده بسمه: سمعتي ايه يا مرت ابويا فوزيه بتوتر: ايه .. بسمه بصت ليها باستغراب: هو انتي كنتي واقفه بتتصنطي عليا ولا ايه يا ما فوزيه: لاه انا كنت ماشيه وسمعتك بتقولي بسمه: بقول ايه فوزيه: عاوزة تهربي ... بسمه وهيا بتبص في عينها: وانت تعرفي كده عن بتك اللي مربياها علي يدك يا ما انها تحط راسك في الطين ما تخافيش انا عمري ما افكر اعمل كده مش خوف من انسان انما رضا....رضا وايمان ان ربنا عمره ما هايعمل حاجه وحشه. بتخرج فوزيه من اوضه بسمه بدون كلام ... بسمه بتبص عليها بلا مبالاه وبتجيب كتاب تقرأ فيه .. بتكلم نفسها وكانها بتواسي نفسها: ارمي همومك علي ربنا هايعوضك ..عن كل حاجه وحشه شوفتيها في حياتك هايعوضك ..وعوضه كبير ______________________ في الليل.. بتطلع ميرا تقعد في البلكونه وهيا ماسكه كوبايه شاي .. بتبص تحت بتلاقي خالد قاعد علي عربيته وبيبصلها وبيبتسم .. بتبص ليه بإستغراب وبتدقق فيه انه خالد ولا لأ .. بتسمع صوت رساله علي تليفونها بتمسك تليفونها وبتفتحه ... بتلاقي رساله منه .. ( من نور عنيكي شافت عنيا النور.) بصتله وهيا رافعه حاجبها. بص في التليفون وكتب .. الرساله وصلتلها ( عارف انها مطلع اغنيه بس بحسها مكتوبه عشانك عشانك انتي وبس...انا سنين فاتت وانا مش فاهم حاجه ومش حاسس بس دلوقتي عرفت اني ماحبيتش غيرك ) دخلت وقفلت البلكونه وقفلت النور... خالد ركب عربيته وشغلها ومشي... فتحت البلكونه تاني لقت العربيه مشت حلو اوي وشكله مريش.. بتلف بتلاقي مرات ابوها. فاتن: اهو شاب حليوه وواقف من بدري وشكله بيحبك واهو احسن من عبد الغني دخلت ميرا وسابتها ومااهتمتش لكلامها . _______________________ بيسمع يونس ازاز بيتكسر ... بيطلع يجري بيلاقي😳......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت العشرون وإني اراك بعين قلبي جنه يا من بك مر الحياه يطيب❤️ ________________________ بيسمع يونس ازاز بيتكسر بيطلع يجري علي اوضه روح .. وبيدخل بسرعه.. بيلاقيها واقفه في جمب .. بيجري عليها بقلق : انتي كويسه ..في ايه مالك ساكته. روح بتشاور علي الارض .. بيبص يونس بيلاقي طوبه ملفوف فيها ورقه. بيبص علي الشباك بيلاقيه مكسور بيبص منه يمين وشمال يمكن يشوف اللي رماها . يونس: اهدي ..اهدي يا روح مافيش حاجه تخوف انتي مش ضعيفه اوي كده روح قعدت : راح اللي كنت بستقوي بيه يا نمر يونس بصلها بحزن : وانا روحت فين ! روح: انت راجل يا يونس ! يونس: يعني ايه ؟! روح: يعني عشان زعلت معاك شويه وشوفت السكرتيره عجبتك واتجاهلتني عشانها كلكم صنف واحد زي بعض. عارف قعدت افكر مع نفسي كتير النهارده هوا انا فعلا اتخدعت فيك يونس: مش كل حاجه بنشوفها بتبقي حقيقه في وشين لكل حاجه .. روح: الا انتم الصراحه الحاجه الوحيده اللي معروف اخرها مافيش حب بيدوم يا نمر المشاعر بتبرد والروتين بيقضي علي كل حاجه حلوه يونس: ياااه كل ده عشان اتعاملت مع السكرتيره حلو طب ورب القلوب...قلبي ماحب ولا عرف الحب غير علي ايدك روح: كلام...كلام بيضحك علينا بيه واحنا اغبيه بنصدق يونس: لا انتم مش اغبيه انتم بتعرفوا الكلام طالع من القلب ولا لأ ... روح: هو انا لو تعبت ومابقاش شكلي حلو طبيعي دوام الحال من المحال هاتعمل ايه ! بيقعد يونس جمبها ... يونس: اولا ...بعيد الشر عنك .....انتي هاتفضلي في قلبي طول حياتي مين اللي قالك ان مافيش حب بيدوم صدقتيها ازاي وعمي بدر فضل يحب امك بعد وفاتها ولا نساها فضل يعيش علي ذكراها ..مااسمهاش مافيش حب بيدوم ..مافيش حب بينتهي ..اللي بيحب استحاله يقدر يكره استحاله يقدر ينسي استحاله يقدر يبعد وكل مالوقت بيعدي عليه بيزيد بيكبر وده اللي بيحصل معايا كل يوم حبك بيزيد في قلبي ان خيروني بينك وبين حياتي اختارك انتي ... بصت ليه روح وهيا ساكته .... يونس: روح النمر مجروحه بس هيا روح النمر ....متأكده ان النمر عمره ماحب غيرها ولا يقدر يحب غيرها النمر عشق والعشق مش بالساهل!! روح ابتسمت ولفت وشها .. روح : طب افتح اللي معاك ده يونس بابتسامه: حاضر .. بيفتح يونس الورقه وروح مركزه معاه .. يونس بيقرأ المكتوب ... ( سر كبير مدفون من زمان ...حلم كبير نفسك يتحقق ..روح بدر النمر احنا عندنا حد غالي عليكي اوي عارفه مين ...... أمك ) روح بصدمه وفرحه: معقول ماما عايشه ؟! يونس بص ليها : اوعي ! روح بصت ليه : اوعي ايه بيقول ماما عايشه يونس: ده فخ عشان يوقعك هيا هتحاول بكل ارادتها توقعك ... روح: هيا مين ! يونس: ساميه ...ساميه هربت من السجن ... اتنهدت روح ... يونس: هيا دلوقتي عارفه انك بعد موت والدك عامله زي الغريق اللي هايتعلق باي اشايه .. روح: فاهمه يا يونس انا هنام تصبح علي خير... بتنام روح علي السرير بينام يونس جمبها... روح: انت بتعمل ايه ؟! يونس: هاتكرم واتعطف وانيمك في حضني .. روح: شاكرين لكرم اخلاق سيادتك بره يونس: نيميني جمبك .. روح بتقوم وبتفضل تزق فيه وبتطلعه بره وبتقفل الباب يونس بيتكلم من ورا الباب .. يونس: ماتجيش تعيطي بقا لما تلاقي طوبه راشقه في نفوخك ولا حد لابس اسود دخل من الشباك اللي اتدشدش ده وخطفك بقا ... بتسمع صوت رجله وهوا ماشي... روح : لا انا مش خايفه انا مش بخاف .. بتفضل تتقلب بتسمع صوت ..بتطلع تجري من علي السرير وتنزل تحت بيكون يونس فارد الكنبه سرير وعامل نفسه نام بتنام علي ايده وبتدخل حضنه .. بيبتسم يونس وهو مغمض عينيه وحاسس بأنفاسها وهو ده اللي كان عاجبه ... الحياه من غير حب زي شجره من غير ازهار او فاكهه مالهاش معني عايشه وخلاص. _________________________ في الصباح .... بسمه كانت قاعده علي كافتيريا الجامعه شارده ... بيقرب منها مصطفي وهو متردد وبيقدم خطوه وبيرجع خطوه... بيروح ناحيتها وبيقف... بسمه بتبصله: ايوه ! مصطفي: اسف اني اتطفلت عليكي بس بسمه: بس ايه ؟! مصطفي: بصراحه لما ماشوفتكيش امبارح قلقت عليكي وخوفت ليكون جرالك حاجه بسمه ابتسمت وهيا بتبصله الشمس كانت جايه علي عيونها خلت مصطفي يركز فيها .. بسمه: انا كنت تعبانه شويه مرهقه يعني عشان كده ماجيتش وبكرر شكري للمره التانيه انت راجل صوح انا مش عارفه من غيرك كنت عملت ايه ....يا ...استاذ مصطفي بيركز في كلامها: مصطفي اسمي مصطفي بسمه: عاشت الأسامي شكرا لسؤالك... مصطفي: العدس.... بسمه: ايه ؟! مصطفي: العفو العفو ...احم .. بيمشي مصطفي وهو بيعدل في شعره بتوتر .. مصطفي بتفكير: والله عال يا مصطفي بتتلبخ زي البنته لاه انا مش عارفني انا توهت مني انا مش انا _________________________ في المستشفي.. ميرا كانت قاعده بتعيط جمب اخوها كان تعبان في المستشفي... فاتن: في ايدك تنقذيه ليه كده حرام عليها هايموت وذنبه يبقي في رقبتك ميرا: انقذه اعمل ايه يعني ... فاتن: استاذ عبد الغني هايتكلف بعلاجه كله غير كده هايجبلك شقه وعربيه بإسمك مهرك بس عنده شرط ميرا وهيا بتمسح دموعها: ايه هوا الشرط فاتن: ان تكتبوا كتابكم قبل أي حاجه بصت ليها ميرا : موافقه ! _________________________ بتصحي روح بتلاقيها نايمه فوق يونس.. روح بتبعد عنه بتلاقيه صاحي ... روح: احم...اسفه يونس بغمزة: لا ولايهمك انا زي جوزك برده ..بس بعد كده ماتلوميش الا نفسك بقا روح بتقوم وبتطلع علي الاوضه: يخربيت الحمل وسنينه ايه ده وصلت لكده انا ماعتش حاسه بنفسي ! بيجهز يونس وبيركب عربيته ... بتنزل روح وبتركب عربيتها وبتسبقه .. يونس: طب كنتي اركبي معايا روح: لأ انا اركب العربيه دي .. يونس بابتسامه : ماشي براحتك .. بيمشي بعربيته وهيا وراه مسافه وفجأه عربيته بتوقف. بيرجع تاني بيفضل يلف حوالين عربيتها زي عربيات السباق وهو بيضحك ... وبيوقف ... يونس: ههههه ها هاتركبي الوحش دي ولا ايه ؟!. بتنزل من عربيته وبتخبطها برجليها وبتروح تركب عربيته يونس بضحك.: حبيبتي يا عربيتي ... يونس بيبص لروح .. يونس: ما كان من الاول ههههه روح بتبص الجمب التاني ... يونس: ده قلبي بتبص روح علي الرمله بتلاقي مرسوم قلب لما كان يونس بيلف بعربيته رسمه .. ساق يونس وهو مبتسم هو عارف ان اصغر التفاصيل بتسعدها بس هيا مش بتبين بس هو خلاص بقا حافظها.. الست لما بتحب ..مش بيبقي بسبب انه اقوي الرجال او اوسمهم الحب مش مظاهر او استعراض قوه الست بتحب اللي يهتم بيها ويهمه سعادتها يهتم بتفاصيلها ويحتويها ويفهمها كل اللي خدوها بالمظاهر ظلموا نفسهم! ______________________ في الجامعه.. بتدخل بسمه المدرج بتلاقي واحد قاعد في وسط البنات .. بسمه : ممكن تقعد جمب الشباب لانه زي مانت شايف مافيش مكان وكله شباب _ لأ وامشي بسمه: ايه قله الأدب _ مين اللي قليل الادب يا بنت انتي غوري من وشي احسنلك .. بسمه: يعني مانتاش قايم _ لا بسمه بتطلع طرحه من شنطتها: خد البسها بقا وخليك قاعد .. وبتطلع بره المحاضره. كل اللي في المدرج بيضحكوا والشاب بيتعصب ! بتطلع بسمه تقعد علي الكافتيريا بتلاقي مصطفي بتقعد علي طرابيزة بعيد بتبص ليه بسمه وهو بيبص وكل لما عينيهم تيجي في عين بعض يعملوا نفسهم بيبصوا بعيد __________________________ بيطلع اخو ميرا من المستشفي لانها مستشفي حكومي وكالعادة مافيش اهتمام... بتقعد ميرا جمبه علي السرير تعيط ميرا: وافقت ...وافقت يا حبيبي ان كتب الكتاب يكون بعد بكره عشانك حتي لو هاموت عشانك مش مهم المهم تكون بخير .. _______________________ في شركه النمر... السكرتيرة: في حد مستني حضرتك جوه يونس: اوك روح بتكون وراه وبتبصلها بغيظ ... بيدخل يونس وروح المكتب .. يونس بعصبيه: انت ! روح اتصدمت لما شافته و..........يتبع