*ـ صعيدي علمني الادب جـ2🩰👳🏻‍♂️:ـᬼ❥⍣⃟* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ *part 21♡゙ُ* *part 22♡゙ُ* *part 23♡゙ُ* *part 24♡゙ُ* *part 25♡゙ُ* ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G البارت الحادي والعشرون روح اتصدمت لما شافته .... يونس بعصبيه : عاوز ايه يا حسام جاي ليه ؟! حسام كان قاعد هادي قام وقف... قرب من روح : البقاء لله شدي حيلك يونس بيقف قدام روح .. يونس: ما جاوبتنيش جاي عاوز ايه ؟! حسام : ايه يا يونس دا احنا اخوات يونس: ههههه حلوة النكته دي اخوات بلاش لف ودوران حسام: اخوات سواء حبيت كده ولا لأ يونس: لخص يا حسام ! حسام بيقعد : انا عارف انك مش طايقني ومفكرني جاي ناوي علي شر بس انا مش جاي اهدد بالعكس انا ناوي علي خير روح قعدت وكانت بتسمع ليه .. يونس: بره يا حسام حسام: صدقني انا جاي في خير يونس: قولتلك اطلع بره انت اللي زيك ما يجيش من وراه خير ابدا بص حسام لروح ... حسام: ان مشيت انتي بالذات اكتر واحده هاتندمي روح بإستغراب: قصدك ايه ؟! يونس بعصبيه: اطلع بره مش عاوز اشوفك لو شوفتك هوبت هنا تاني وديني لأقتلك روح: استني يا يونس بصلها يونس .. روح: سيبه يتكلم الاول يونس: اي كلمه هايقولها كذب ماتستنيش من ده خير دا تربيه ساميه حسام: كتر خيرك يا يونس روح: قول يا حسام جاي ليه؟! حسام : انتم طبعا عارفين ان ساميه هربت من السجن وناويه علي شر ليكوا انا صراحه مايهمنيش اذيتكم يونس: اظهر وبان ! حسام: انا هتئذي في الموضوع لأنها مجنونه ومش ناويه علي خير وهتدبسني في الموضوع روح: وبعدين .. حسام: اهم مافي الموضوع بقا ان أمك عايشه . روح بصدمه: انت بتقول ايه ! يونس: كمل ! حسام : بعد الحادثه امك مامتتش ساميه اوهمت الكل انها ماتت حتي ابوكي عشان كانت مفكره انها كده كسبت عمي بدر .. روح بدموع: وهيا فين ؟! حسام: هيا محبوسه من 22 سنه روح ببكاء: هيا كويسه ؟! وديني ليها ارجوك عاوزة اشوفها يونس: اهدي ياروح ده كذاب امه بعتاه عشان يعمل التمثيليه دي بس ياتري ايه الهدف منها يا حسام حسام: امي انت عارف دماغها امي عاوزة تعذبكم وتقتلكم مش هاتقعد تخطط وتخليني اجي واضحك عليكم وكل الحوار ده روح: بجد عايشه يا حسام وديني ليها ارجوك يونس بيقوم وبيمسك حسام وبيزقه بره المكتب وبيقفل الباب .. روح كانت قاعده تعيط .. يونس: صدقتيه ..معقوله..انتي اكتر واحده عارفه انه كذاب نسيتي لما مثل عليكي انه بيحبك نسيتي كل كذبه دلوقتي بقا هيساعدنا بصت ليه روح وكأنها بتأكد ليه انها مصدقه كلام حسام يونس: طب عمي بدر الله يرحمه ماعرفش حب عمره ماشفهاش قبل ماتتدفن ماحضنهاش مثلا ؟! روح بصت ليه وعيونها مليانه دموع يونس: عارف انك نفسك يكون كلامه صح ..نفسك امك تكون عايشه بس دي اراده ربنا ..هما هايحاولوا يدخلولك من كل جهه وانت هاتصدقي اوعي ياروح تصدقيهم طول ما انتي جمبي انا قوي..انا بقوي بيكي اخدها في حضنه ودفنها بين ضلوعه يونس: قوتي وفي نفس الوقت نقطه ضعفي ياروح النمر أيامي كانت من غيرك شبه بعض ليلي زي نهاري وجودك في حياتي دب فيها الروح اوعي تبعدي عني يا روح النمر _______________________ في بيت ميرا ميرا كانت قاعده في البلكونه شارده دخلت فاتن مرات ابوها وقعدت جمبها. فاتن: انتي زعلانه طب والنبي واللي نبي النبي نبي انتي هاتبقي في نعمه ما انتي حاسه بيها يابت مش عاوزة تخرجي من الفقر والقرف ده وتعيشي ليكي يومين واخوكي الغلبان ده يعمل العمليه ويتنعم معاكي ضحكت ميرا بإستهزاء: وانتي كمان اكيد فاتن: اخص عليكي لا اخص بقا هانت عليكي العشره يعني انا عاوزة مصلحتك هاتقولي كبير وماله مش احسن من شباب اليومين دول اللي بيكحوا تراب ميرا: انتي ليه مفهومك عن الفلوس انها السعاده فاتن: طبعا الفلوس هيا السعاده ميرا: عمر الفلوس ما كانت السعاده راحه البال هيا السعاده الرضي هوا السعاده القناعه الحب دي كلها اسباب السعاده عمر السعاده ما كانت بتتشري بالفلوس .. فاتن: ياختي بلا فلسفه فاضيه الفلوس بتحل كل المشاكل معاك فلوس الناس تحترمك وتشيلك من علي الارض شيل والدنيا تضحكلك مش معاك تدوس عليك وتزلك والدنيا تديك ضهرها و تمرمط فيك .. قامت ميرا ودخلت من البلكونه لقت ان مافيش فايده من الجدال معاها. في أغلب المواقف اللي بتمر علينا بنحس ان عقلنا مشلول عن التفكير مش عارفين نعمل ايه بنحس ان مافيش حلول لمشاكلنا او فيه حل واحد بس بالنسبه لينا هلاك _________________________ بتكون بسمه مروحه بتقابل جمال .. بسمه: اللهم طولك يا روح جمال: ههههه ايه زعلانه انك شوفتيني اومال هاتعملي ايه بعد الجواز دا انا هاقضي معاك تلات سنين مش هاخرج من الباب . بسمه: ماحدش ضامن عمره جمال باستفزاز: ليه هاتموتي ولا ايه بسمه: سم ..بعد عني وروح لحالك يابن بتاعت الموالد بيتعصب جمال وبيرفع ايده عشان يضربها .. بيلاقي ايد بتمسك ايديه .. بتبص بسمه بتلاقي مصطفي... مصطفي بيدي بالروسيه لجمال.. جمال بيقع علي الارض ... مصطفي: انتي كويسه .. بسمه: وه..ايه اللي دخلك يا مصطفي ده شراني ووسخ بيقوم جمال ومناخيره بتنزل دم... مصطفي بعصبيه: مين ده ؟! جمال بعصبيه بيمسكه من لياقته : انت مين ؟! مصطفي: انا خطيب بسمه..انت مين؟! بصت بسمه بصدمه وجمال جز علي سنانه بعصبيه. جمال بعصبيه: بتقول ايه يا حيلتها سمعني تاني اكده ! مصطفي بيزقه يوقعه علي الارض بيتخبط في طوبه وبيغمي عليه... مصطفي بيمسك بسمه وبيمشي ... بسمه ببكاء: ايه اللي عملته ده مصطفي: مالك خايفه اكده ليه ؟! بسمه: ده شراني وهايئذيك مصطفي: ليه مش راجل اعرف احمي نفسي اياك هو مين ده وعرفتيه كيف؟! بسمه: ده المفروض خطيبي . مصطفي بصدمه: ايه ؟! بتمشي بسمه وبتسيبه واقف لما لاحظت الناس بتبص عليهم ومصطفي كان متفاجئ ومصدوم وفي نفس الوقت زعلان ومتضايق... مصطفي بتفكير: حتي لو خطيبها في حد يعامل خطيبته اكده ثم انا ايه اللي زعلني وضايقني! ____________________ في الصعيد .. كريمه: وه اتجننت يا كرم ؟! كرم : ليك عاتقولي اكده كريمه: يعني ممدد وعاتبص للشمس وبتتأملها يا أهبل بيعملوا كده بالليل مش دلوك بيقوم ويتعدل من علي الارض وبيبصلها .. كرم: ما انا مش بحب اقلد حد كريمه: مطلعني من بيتي في عز النار الحمرا ونقعدوا نتحدتوا يابت وعندي مشاعر جياشه عاوز اخبرك عنها وكل ده جايبني اقعد في الارض وجنابك تبص للشمس اه فهمت يبقي مشاعرك الجياشه دي للشمس كرم: بتبوظي كل اللحظات الرومانسيه ياكريمه يخرب بيت عقلك الزنخ انا مش كنت ببص للشمس كريمه: ايوه يا اخره صبري كرم: كنت هاقولك يا كريمه شايفه الشمس دي منورة الدنيا ازاي انتي منورة قلبي بحبك أكتر منيها. كريمه: يا راچل .. كرم: ايوه يا بومه ..كنت هاقولك شايفه يا كريمه الشمس حلوة كيف انتي احلي منيها كريمه: شايف يا كرم القرع اللي في الأرض ده .. كرم بإستغراب: ماله ؟! كريمه: انتي بتقرع اكتر منيه ها ايه رايك في الرومانسيه كرم: عليا الطلاق بحب جحشه ! _________________________ في البيت الكبير... الغفير واقف قدام شاكر... شاكر: انت متأكد من الحديت ده؟! العفير: ايوه طبعا يا حضره العمده شاكر: خلص الموضوع ... بيمشي الغفير من عند شاكر .. شاكر: مش هاسيبك يا ساميه تقربي من عيالي وتحققي مبتغاكي وتئذيهم انا هامحيكي من علي وش الدنيا .. _______________________ في شركه النمر... لوردينا: احم..اسفه دخلت بوقت مو مناسب بتبعد روح عنه بيشده يونس لحضنه تاني يونس: في ايه ؟! لوردينا: كان بدي حضرتك توقع علي هيدي الأوراق ضروري يونس: سيبيها علي المكتب بتمشي لوردينا بمياصه وكانت طالعه من الباب. .. يونس: ابقي خبطي قبل ما تدخلي بعد كده بصت ليه لوردينا بإحراج: بعتذر استاذ يونس بيهز دماغه ولوردينا بتطلع وبتقفل الباب وبتبص لروح بصه مش مفهومه.. روح شافتها واستغربت من نظرتها. يونس كان حاضن روح.. روح: يا باشا ايه انت استحليتها ولا ايه يونس: بصراحه اه روح بتزقه : طب ابعد بقا .. بتقوم روح بيشدها يونس يقعدها علي رجله ... روح : يونس ! يونس: مش معقول بتتحرجي لسه انتي بس خايفه تضعفي .. روح: واثق من نفسك اوي يونس: ايوه روح: يبقي ماتعرفش روح النمر يونس: انا اكتر واحد عارف روح النمر بتقعد علي رجله بتحدي .. روح: عشان اثبتلك ان روح النمر مش هاتضعف قدامك وانها خلاص مابقتش تحبك ومش عوزاك في حياتها وعايزة تت...... بيقطع كلامها بإيده اللي بيمشيها علي رقبتها وورا ودنها وشعرها .. وهيا كانت دايبه في ايديه ..بيفضل يمشي ايده علي رقبتها وبينزل ايده علي شفايفها برقه .. بيقرب منها وايده بترفع شعرها وايد بتمشي علي شفايفها بيقرب من شفايفها وبيبوسها بوسه طويله عبر فيها عن اشتياقه الكبير ليها كانت في عالم تاني من لمساته بعد عنها بعد وقت عشان يقدر ياخد نفسه وتقدر تاخد نفسها بعد ماحس بضيق نفسها .. ابتسم وهو بيبصلها. يونس: صح مش بتحبيني انتي بتعشقيني روح قامت من علي رجله متعصبه .. يونس: اعترفي ! روح سابته وطلعت بره المكتب .. يونس: استني يا مجنونه الروچ .. مشت روح والكل بيبص عليها وبيضحك وروح بتبصلهم بإستغراب ... دخلت روح مكتب خالد .. خالد بصلها وضحك : ايه يا روح ده روح: في ايه يا بني والكل بيبص لي بره هوا في ايه بيطلع تليفونه من جيبه وبيفتح الكاميرا ... خالد وهوا بيوريها : في ده هههههه بصت روح لقت وشها زي البلياتشو بوقها ومناخيرها عليها روچ طلع خالد منديل وهوا بيضحك روح خدته وقعدت تمسح وشها بإحراج خالد: يونس شايف شغله صح اوي روح بصت له برفعه حاجب .. خالد : شغله اللي هوا في الشركه يعني _____________ يونس كان قاعد في المكتب بيضحك .. دخلت لوردينا وفي ايدها ورق طلبه يونس يونس: شكرا لوردينا: العفو استاذ مشت لوردينا وهيا ماشيه اتعكبلت وقعت علي رجل يونس واتعلقت في رقبته دخلت روح مندفعه ومتعصبه : انت ازاي يا ....... بصت ليه بصدمه .. قام يونس بسرعه من علي الكرسي لوردينا وقعت علي الارض ... روح واقفه ساكته وبتبص ليه ......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت الثاني والعشرون صدقيني قلبي ملكك اسمك محفور جواه انتي كل دنياه حبي ليكي غير عندي مفهوم الحياة لا مش حب دا عشق .. عشق غير معروف مداه دا انتي روحي جرحي قربك دواه دا انتي ارض النمر وسماه ❤️. _________________________ روح واقفه ساكته وبتبص ليه بصدمه ولوردينا ماسكه ضهرها وبتتوجع ودماغها اتخبطت يونس: وربنا مافي حاجه من اللي في دماغك صدقيني روح كانت بتبص ليه وساكته .. لوردينا: ليش هيك يانمر وچعتني كتير يونس قرب من روح ..روح طلعت تجري وهوا يجري وراها .. يونس: استني أرجوكي ..استني ... الشركه كانت مليانه ناس فچأه مالقهاش قدامه . كان بيجري زي المجنون يدور عليها بيسأل نفسه معقول دي روح لو كانت روح ماكنتش هاتعمل كده كانت هاتجنن هاتزعق هاتضرب ايه اللي اتغير.. طلع يجري بره الشركه مالقهاش سأل السكيورتي ماشافوهاش .. الدنيا شتت جامد مرة واحده ..قعد يبص مش لاقيها يونس : عارفك بتحبي الشتا اكيد هاتطلعي .. كان قلقان وبيدور عليها في كل حته .. بيروح عند خالد مش بيلاقيها بيلف عليها كل الشركه بيقلق وبيبقي مش عارف يعمل ايه معقول تكون ساميه عملت فيها حاجه. بيمسك دماغه : فكر يا يونس هيا فين حتي الحمامات مش فيها والامن بيأكد انها ما طلعتش .. بيفتكر... #flash_back روح كانت قاعده علي رجله ... روح: يا نمر يونس: يا روح النمر روح بابتسامه: افرض مثلا مثلا يعني يونس: ايوه .. روح: لو انا ضعت مثلا ومالقتنيش هاتعمل ايه يونس: استحاله تضيعي عمري يضيع وانتي لأ روح : يا جامد ..ماشي افرض بقا مالقتنيش. يونس: في حاجات كتير من ضمنها موبايلك بيحدد مكانك روح: لا سيبك من الكلام العملي ده يونس: مش فاهم عاوزة ايه يعني روح بتحط ايدها علي قلبه : عاوزة ده يلاقيني يونس: اه هاندخل في الهندي اللي لاحس دماغك ده روح: مش انت بتقول بتعشقني ..والعشق موجود سواء هندي او عربي ترابط القلوب ده مش بالساهل .. يونس: يعني لو لاقدر الله اختفيتي اعمل ايه روح: لو فكرت بقلبك مش بعقل الظابط هتلاقيني #back يونس كان بيلف حوالين نفسه ... وفجاه وقف عامل. يونس: السطح..السطح هنا مفتوح ؟! _ايوه يافندم يونس: فين المدخل.. بيشاور علي سلم ... بيطلع يونس عليه .. بيفضل يطلع لحد ما بيوصل للسطح بيلاقي روح واقفه وباصه للسما والدنيا بتشتي فوقها وهدومها اتملت مايه.. بيقلع الچاكت بتاعه وبيقرب منها وبيحطه فوق دماغه ودماغها ... روح: ابعد عني يا نمر اطلع من حياتي كفايه بقا يونس: كان ممكن من زمان دلوقتي لأ ماقدرش اعيش من غيرك مش هابقي موجود من غيرك مافيش نمر من غير روح ان بعدت عنك كأني بعدت عن نفسي انتي حياتي عشقي سلامي انا عايش عشانك انتي بس الجاكت بيطير من الهوا.. والمطر بيغرق يونس وروح .. يونس مسك وشها وبص في عينيها .. يونس: بصي في عيني .. بصت روح في عينيه .. يونس: تفتكري انا كذاب ..كل نفس بتنفسه بإسمك انتي ادماني قلبك بيقولك اني ماعملتش حاجه انا النمر اللي جددتي قلبه ونستيه وجعه.. بتمشي روح بيمسكها وبيشدها عليه .. وبيحضنها ... يونس: انا اسف علي كل لحظه وجع مريتي بيها وانا ماكنتش موجود واتسببت فيها من غير قصدي لأني عمري مااجرحك بقصدي .. روح : سيبني يا يونس ارجوك يونس: عمري ما اقدر اسيبك روح بصت ليه بدموع ..... يونس بصلها: اعتبريني مش النمر انا حد غريب احكيلي علي اللي مضايقك روح: للأسف عمري ما هاقدر اعتبرك غريب يا نمر لأنك قريب أوي .. يونس: طب احكيلي .. بيقعد يونس وبتقعد جمبه... روح: تعبانه يانمر مش لاقيه نفسي ماعدش حاجه من روح لما شوفتها كده ...انا متأكده انك عمرك ما هاتعمل كده بس بدل ما اطلع شحنه الغضب اللي جوايا فضلت ان امشي من غير كلام أنا بقيت ضعيفه يا نمر. يونس: انا معاكي هارجع روح وهابدأ بصت ليه روح بإستغراب شدها وقام ... يونس بإبتسامه: اظن ان مافيش جو احسن من ده للرومانسيه .. بيشدها وبيرقص معاها وبيشيلها وبيلف بيها وهيا بتضحك ... يونس بصوت عالي : بحبك ❤️ بصت ليه روح وهيا مبتسمه ... في نفس الوقت كان في كاميرا بتصور فيهم اكتر من صورة..... بيشتالها يونس علي ايده وبينزل علي السلم وهوا بيبص ليها .. بيفضل ينزل لحد ما بيبقي قدام كل الشركه والكل بيبص ليه ومتفاجئ.. والبنات بتقول عليه انه رومانسي... بيفضل ماشي وكل اللي مركز فيه عيونها وهيا بتبص لعيونه وكأنهم في عالم لوحدهم .. لوردينا شافتهم وهيا ماسكه ورق وقفت مستغربه بيدخلها يونس العربيه وهو بيركب . بيسوق يونس من طريق غير الطريق .. بيشبك ايده في ايد روح .. روح: انت رايح فين؟! يونس بيبصلها وبيبتسم وبيبوس ايدها.. بعد وقت بتكون روح نايمه يونس بيوقف العربيه وبينزل وبيصحي روح ببوسه رقيقه علي خدها بتكون الدنيا ليلت بتفتح عينيها بتبص بتلاقي قدامها البحر وقلب كبير علي الشط بالشمع وجواه اسمها... بيمسكها يونس من ايدها .. بتبص بتلاقي بوابه متزينه بالورد والنور .. وممر مليان ورد احمر وعلي الجنبين شموع بتكون متفاجئه وبتضحك ويونس بيبص لضحكتها وبيضحك.. الممر بيوصل لكوخ متزين بالورد الابيض والنور .. يونس: فيه فستان جوه البسيه بس مش هتلاقيه بسرعه روح بإستغراب: ازاي يونس: قصدي هاتدوري عليه ادخلي يلا .. دخلت روح لقت ظرف واقع علي الأرض. . ب.....افتحي الدرج الأبيض بتاع الكوميدينو بتجري روح تفتح الدرج بتلاقي علبه قطيفه بتفتحها بتلاقي فيها عقد الماظ قمه في الجمال بتمسكه وبتبتسم ... بتلاقي ورقه مكتوب فيها ح...هايزيد جمال لما تلبسيه ياروح النمر افتحي الدولاب الرف الاول بتضحك روح بفرحه: ايه ده معقول كل الرومانسيه دي تطلع منك بتجري علي الدولاب تفتحه وبتدور علي الرف الاول بتلاقي علبه بتفتحها بتلاقي فيها فستان بيبي بلو كاب وطويل ومزخرف بشكل جميل زي فستان الأميرات .. بتحطه روح علي جسمها تشوف شكله بتكون فرحانه جدا بتلاقي ورقه بتقرأها .. ب..طبعا بتقولي النمر اتجنن ولا ايه وبقي رومانسي فعلا النمر اتجنن بحبك ياروح النمر اتخيلتك في الفستان أميرة ودلوقتي بقا بصي تحت السرير.. روح بضحك : مجنون... بتحط الفستان علي السرير جمب العقد بتبص تحت السرير بتلاقي شوز عاليه من النوع اللي بتحبه ولونها فضي وفيها ورقه .. ك.. بحبك كملتي الكلمه زي ما كملتي حياتي ...شايفه الشوز دي هاضربك بيها علي دماغك اخلص منك لو لسه زعلانه .. روح بضحك: هاتفضل النمر. بتلبس روح الفستان والعقد بتقرب من المرايه بتلاقي مكتوب عليها ... ( افردي شعرك يا روح النمر بحبه مفرود) روح سابت شعرها علي ضهرها ولبست الشوز. بصت لنفسها في المرايه وكأنها سندريلا. طلعت من الكوخ ..لقت يونس واقف لابس بدله وقمه في الوسامه ... يونس: الجمال عدي الكلام.. بينزل بركبه علي الارض وبيطلع علبه قطيفه وفيها خاتم يونس: تتجوزيني ؟! روح: ما احنا متجوزين يا مجنون! يونس: عاوز ابدأ معاكي حياة جديده مافيهاش حزن مافيهاش غير روح والنمر وافقي بقا.. روح : بس انا زعلانه والمفروض اننا هانتطلق وكده يونس: عارف ان كل اللي فات كان من ورا قلبك وبعدين لو عاوزة تتطلقي ايه اللي خلاكي تلبسي ده كفايه بقا بعد يا روح النمر ...ها هتوافقي بقا ولا ايه رجلي ورمت ضحكت روح ومسكت ايده. . يونس بضحك: يادين النبي اخيرا ... لبسها يونس الخاتم ... روح شدته وحضنته ... يونس ضحك : دا انتي واقعه اوي بقا روح ضحكت وهيا في حضنه : افتقدت شعور الأمان اللي بحس بيه في حضنك ..خوفي وانا مش معاك ده احساس وحش اوي والاوحش خوفي عليك ... بيحضنها النمر وبيقعدها علي ترابيزه بيكون عليها العشا علي ضوء الشموع بيتعشوا بيقومها وبيرقص معاها وهيا في حضنه مش بتتكلم وكأن الحضن بيحكي عن اللي في قلوبهم .. بيخدها يونس في حضنه وبيدخل القلب الكبير علي الشط اللي مليان ورد. . روح: انت عملت كل ده امتي وازاي يونس: انت اول اهتماماتي مافيش دقيقه بتعدي من غير ما افكر فيكي .. بيقرب يونس منها ولسه هايبوسها بتحط ايدها علي بوقه بتقوم تجري... يونس بضحك: هاجيبك .. بيفضل يجري وهيا بتجري وبتضحك بتحاول تقلع الجزمه وقعت ويونس كان وراها علطول وقع فوقها .. يونس بضحك: يا محاسن الصدف روح بتزقه من فوقها.. بينام جمبها علي الارض . روح: كده عيب يا نمر ضحك يونس عليها ... يونس: بصي للسما كده بصت روح للسما. شاور ليها يونس علي نجمتين جمب بعض... يونس: دول روح والنمر علطول مع بعض مايقدروش يبعدوا عن بعض هايختلفوا هايحصل بينهم مشاكل بس حبهم هايتحدي كل الصعب .. بصت ليه روح بعيونها يونس: عنيكي الخضرا دي بتغسلني من جوه ضحكت روح : جبت الكلمه دي منين يا يونس يونس لعب في شعره وهو بيضحك: من خالد ! بصت ليه روح وهيا بتضحك يونس: ماتبصيش كده الله روح: ليه بقا يونس: عشان هاضعف ! اشتالها يونس وقام وهيا بتبص في عينيه دخل الكوخ نزلها علي السرير ومسك خصلات من ياسمين شعرها يشم فيها. نزل بايده علي رقبتها ووشها وباسها بحب واشتياق كبير وبدأ يقلعها الفستان وسكتت شهرزاد عن الكلام المباح. ________________ في الصباح ... بيصحي يونس من نومه مبتسم و.......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت الثالث والعشرون بتروح بسمه وهيا خايفه وعارفه ان جمال هايعمل كتير .. بتدخل البيت وهيا متوتره وبتدخل علي اوضتها بسمه: چيب العواقب سليمه يا رب بتغير هدومها وبتصلي وبتقعد تقرأ قرآن بتيجي لحد الآيه ( وتوكل علي الله وكفي بالله وكيلا ) بتعيط بحرقه: يا رب انت حسبي ووكيلي ________________________ _ وايه اللي مضايقك عاد مصطفي: ماعرفش ؟! _ وايه اللي سحبك من لسانك وقولت انها خطيبتك مصطفي: ماعرفش ؟! _ لو اسلوبه اكده يبقي هايعملها مشاكل مصطفي: ماعرفش كيف هاتتجوز حيوان زي ده ! _ وقعت يا مصطفي في حبها مصطفي باستغراب: عاتقول ايه انت انا ..قولت اكده عشان اساعدها _ واديك جيت تكحلها عميتها ! نزلني اهنيه كمل مصطفي سواقه مصطفي بتفكير: ياتري ايه حكايتها وليه راضيه بالحيوان ده انا لازم اتكلم معاها افهم منيها كل حاچه عشان دماغي ترتاح من التفكير ______________________ بسمه كانت قاعده عالسرير .. قامت فجأه من علي السرير خايفه لما لقت جدها بينده عليها بصوت عالي وعصبيه. لبست الاسدال بسرعه ونزلت .. كان جدها قاعد وبيبص عليها بعصبيه وجمبه جمال .. بسمه راحت باست ايده شدها. بسمه: أي حاچه خبرك عنها غلط يا چدي الچد: كيف يعني غلط ! بسمه: اسمعني الاول قبل ما تحكم عليا يا جدي الچد: جمال خبرني بكل حاجه بسمه: وخبرك بإيه يا جدي خبرك انه ضربني كف في الشارع ولا كأني بهيمه وشاب زميلي لما شاف طريقته معايا جه يساعدني وعشان كان مفكره غريب حب يخوفه ويقول انه خطيبي بص الجد لجمال وجمال بص في الارض بسمه: انا مابلاقيش الحنيه غير من الغرب يا جدي انت اللي المفروض سندي وضهري بعد ربنا وابوي هاتسلمني لواحد ما يعرفش ربنا عشان عاداتنا وتقاليدنا وسلونا وحياتي اللي هاتتدمر معاه وحياه اولادي فيما بعد ما فرقتش معاك بص ليها بعصبيه .. بسمه: أنا اسفه يا جدي انا استحملت كتير علي امل من ربنا انه هايبعد عني الغمه دي بصلها جمال بعصبيه بسمه: ماتستغربش انت فعلا غمه انا ماتمنكش لاي بنت عاوزين تحكموا عليا بالموت ليه بصت لجدها بدموع : انا فكرت اموت نفسي يا چدي خوفي من ربنا هو اللي منعني اللي قاعد جمبك ده لا عنده اخلاق ولا دين دا قالي اقضي ليله معاه ويبعد عني جمال بعصبيه: وه البت دي كدابه يا جدي شوفت اخر مرواحها الجامعه وصلها لإيه وصلها انها تقف قدامك وتناطحك وتشكك في كلامك وانت عارف مصلحه الكل فين ! بيقف جدها وبيبصلها... الجد: كتب الكتاب والفرح بعد سبوعين جهزي نفسك بيبتسم جمال بخبث وبيمشي هو وجده بتقعد بسمه علي الأرض وبتعيط بصوت عالي .. بسمه ببكاء: يارب ماليش غيرك ___________________________ بيروح مصطفي البيت وبيقعد في الجنينه .... بيطلع شاكر من المندره بيشوفه شاكر: ايه ياولدي انت بخير؟! مصطفي: الحمد لله يا بوي بيقعد شاكر جمبه شاكر: بتفكر في ايه خبرني وانا افكر معاك! بيضحك مصطفي .. شاكر: ايه فاكرني مش هافهمك اياك ولا ايه؟! مصطفي: لاه بس انا دماغي صغيره اوي جمب دماغك فهتلاقي تفكيري تافه بالنسبه ليك شاكر: انت دماغك مش صغيره انت دماغك متنوره متعلم وماشاء الله متفوق ودماغك كبيره احكي يمكن افيدك مصطفي: هوا ايه اللي يخلي واحده تقبل بواحد يضربها ويئذيها شاكر: ممكن تكون بتحبه ! مصطفي: مش باين شاكر: يبقي اكيد مجبوره عليه مهما وصلنا لتطور والزمن اتقدم هتلاقي ناس متخلفه اللي بيجوزوا البنات قاصر واللي بيجبروهم يتجوزوا حد كبير عشان الفلوس واللي واللي . مصطفي: طب وايه الحل شاكر: الحل عند ربك يا ولدي ولعل الخير يكمن في الشر _______________________ في الصباح .. بيصحي يونس من نومه مبتسم مش بيلاقي روح جمبه.. بيطلع يجري علي بره مش بيشوفها بيخاف والرعب بيتملك من قلبه .. وفجأه ..بتحضنه من ضهره... بيمسك ايدها وبيلفها ليه وبيحضنها بالجامد وهو بيتنهد روح : ايه مالك انت خوفت ولا ايه ؟! يونس: خوفت ..انا اترعبت! روح: وانا اللي كنت مفكره قلبك جامد عليك واحد يا شبح يونس: ماخوفتش منك ..خوفت عليكي روح: عليا! بيقعد عالشط وبتقعد جمبه يونس: فكره انك ممكن تبعدي عني بترعبني يا روح النمر ماكنتش بخاف ولا عمري خوفت كنت بتحط في مواقف صعبه كتير بس ماكنتش بخاف كان قلبي مايعرفش معني الخوف دلوقتي بقيت بخاف بخاف عليكي من كل الناس حتي مني انا روح سندت علي كتفه ... روح : عارف انك أحلي حاجه حصلتلي في حياتي يونس: لا بالعكس انتي أحلي حاجه حصلتلي في حياتي انتي تتحبي من اي حد ليكي سحر خاص كده بتسحري القلوب والعيون اللي يشوفك يقول انك أحلي واحده قابلها في حياته روح: انت اللي شايفني كده عشان بتحبني عيون المحب غير اي عيون يا نمر ! يونس: بعشقك ياروح النمر روح بإبتسامه: فين أيام ماكنت بتقولي انا اللي هاربيكي وهاعلمك الأدب من اول وجديد.. يونس بغمزة: ان كان عالأدب فابلاش منه انا هاعلمك الحب روح: وهو الحب بيتعلم ولا بيتحس؟! يونس: في البدايه بيتحس بعد كده بيتعلم روح: مش فاهمه ؟! يونس بضحك: تعالي أما افهمك جوه روح بضحك: اه فهمتك ! ______________________ في ارض زراعيه كريمه: مش هانخلص يا كرم كرم: ايه يا بت انا عاوز اقوي علاقتنا اللي مش باين لها ملامح يا بت عاوز نبقوا زي الحبيبه وناكلوا دره كريمه: طيب كرم: اوعديني يا كريمه كريمه باستغراب: اوعدك بإيه؟! كرم:لوزعلتى منى مرة تعرفينى كريمه: مافيش اكتر منه كرم: لو جرحتك غصب عني تحسسيني كريمه: وانت الصراحه حسيس كمل كرم: ماتشيليش جواكي حاجه تحكي ليا كل حاجه لما افهم هابقي احسن صدقيني كريمه: ان شاء الله كرم : اوعديني كريمه: يادي النيله السوده مش هانخلص كرم: لو في لحظه زاد غروري كريمه: ايوه اعمل ايه بقا كرم: اشتكي لومي وثوري كريمه: طيب سهله دي كرم: اوعديني ...اااااااااااه كريمه ضربته بكوز الدره علي دماغه كريمه: يمكن يعدل حاجه من فيوذات مخك اللي ضربت دي كرم: منك لله يا جالوس الطين انا كان مالي ومال الرومانسيه والحب والنيله ماطبيعي تبقي كده يابنت طنط حشمت ________________________ في بيت ميرا. بتلبس ميرا هدومها ... حماده: انتي رايحه فين ميرا: عندي محاضره مهمه لازم اروحها حماده: بس انا خايف افضل لوحدي ميرا: طيب تحب تيجي معايا حماده بفرحه: اكيد ميرا: طيب يلا يا وحش البس بصت ليه ميرا بتفكير: قريب يا حبيبي هاتبقي كويس اتضايقت لما افتكرت ان كتب الكتاب بكره .. ميرا: الخيره فيما اختاره الله.....الخيره فيما اختاره الله ____________________ روح كانت في حضن يونس روح: هو انت ازاي مش بتروح شغلك وماسك شغل الشركه يونس: اخدت اجازه عشان ابقي جمبك روح: اجازاتك كترت يا نمر يونس بضحك: اهم حاجه عندي اني اكون جمبك .. ____________________ بتوصل ميرا قدام الجامعه بتشوف خالد واقف مبتسم .. ميرا بتتجاهله وفجأه بتسمع صوت حاجه بتقع علي الارض بتبص بتلاقيه حماده بيجري عليها خالد وبيتلم عليها الناس .. بيشتاله خالد بسرعه وهيا بتمشي وراه بيدخله العربيه. بتركب وهيا منهاره في العياط وبتحاول تفوقه بس مش بيفوق بيسوق خالد بسرعه لاقرب مستشفي. بينزل من العربيه وبيدخل المستشفي بيه وهو بينده علي الدكاتره .. بيشتالوه بسرعه والدكتور بيفحصه بيطلع الدكتور من اوضته بعد فتره ميرا: هوا عامل ايه يادكتور ده عنده القلب طمني الدكتور:.............................. ________________________ بينام يونس وروح بتفضل صاحيه تبص علي وشه وتتأمله بيجيلها رساله علي تليفونها بتفتحها وبتتفاجئ باللي فيها بتقوم من جمبه وتطلع بره الكوخ و ......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت الرابع والعشرون بتطلع روح بره الكوخ مصدومه ومش عارفه ان كان ده حقيقي ولا لأ بتشغل الفيديو مره تانيه وهيا بتبكي بتشوف امها علي الكرسي مربوطه وماتغيرتش كتير عن الصور اللي كان ابوها بيوريها ليها واللي هيا حافظه كل ملامحها روح بفرحه: ده بجد انتي عايشه يا ماما لمست التليفون بدموع وكأنها بتلمسها هيا حضنته وكأنها بتحضنها هيا بيقاطع تفكيرها ودموعها رساله تانيه من نفس الرقم اللي بعت ليها الفيديو ________________________ في المستشفي الدكتور: عنده القلب ميرا: ايوه وتعبان ومحتاج عمليه ضروري الدكتور: طيب انا عاوزه يعملي شويه تحاليل واشعه عشان اطمن عليه خالد: تمام اللي تطلبه يا دكتور ميرا بتبص لخالد وخالد بيبص عليها واول ماتشوفه بيبص ليها بتبص في الارض خايفه يبان حبها ليه وتضعف وتنزل من كرامتها مره تانيه بس ماتعرفش انها بتدمر حياتها او يمكن تعرف وبتتجاهل التفكير في مصيرها اللي بقي محتوم . واني لرؤيه عشقي في عينيكي لمشتاق ❤️ ______________________ في الجامعه.. مصطفي كان بيدور بعينيه علي بسمه في كل حته مصطفي بتفكير: ياتري الغبي ده عملها حاجه أنا قلقان ......وانت تقلق ليه يا مصطفي .... بيطلع بره الجامعه وبيفضل ماشي بالعربيه لحد مابيقف عند بيتها اللي شافها طالعه منه قبل كده.. بيركن العربيه بعيد شويه وبينزل يقعد عليها . بيفضل يبص ومنتظر انها تطلع مصطفي بتفكير: هوا ايه اللي هايحوصل يعني لو روحت سألت عليها ما انا زميلها في الجامعه ....انت اتخبلت ولا ايه يا مصطفي ناسي اياك انك في الصعيد طب اعمل ايه ياربي .. ______________________ بتبص روح علي الرساله اللي جت علي تليفونها ( امك بخير زي ما انتي شايفه ومامتتش عاوزة تشوفيها بخير تيجي علي العنوان اللي هابعتهولك بكره لوحدك ان جبتي حد معاكي قولي عليها يا رحمن يا رحيم واكيد مش هاتضيعيها تاني ) روح كانت بتبص علي الرساله بدموع تفكيرها مشلول هاتشوف امها بعد كل السنين دي هاتحضنها وتشم ريحتها اللي اتحرمت منها هاتحس بحنان الأم اللي عمرها ما جربته .. روح بفرحه: واخيرا هاشوفك يا ماما زي الغريق اللي متعلق بقشه بندور علي اي حاجه تخرجنا من الضياع اللي احنا فيه موت الاب كسرة ضهر وفراق الأم شرخ في القلب مش بيداوي روح : انا هاشوفك وهاحضنك وهاعيط في حضنك واحكيلك كتير اوي عن كل اللي حصلي في حياتي من غيرك وعن احساس اليتم اللي عايشاه عن جرح قلبي اللي مبيلمش .. ___________________________ في المستشفي ميرا: كده تمام الدكتور: ايوه كده تمام خالد: والنتيجه يا دكتور هاتبان امتي الدكتور: بكره الصبح هاتكون باينه ميرا: شكرا يا دكتور هو ممكن يخرج عادي الدكتور: ايوه عادي بتخرج ميرا وخالد بيشتال حمادة وبينزل من المستشفي يركبه في العربيه بيتركب ميرا جمب حمادة ورا وبيسوق خالد.. خالد: ان شاء الله هايبقي خير هاتيجي معايا نجيبه بكره ونطمن اجي اخدك ميرا: ممكن تجيبه انت يا خالد لاني هابقي مش فاضيه خالد: ليه في ايه خير؟! ميرا: احم ..كتب ..كتابي بكره بيوقف خالد العربيه مرة واحدة وبيبص عليها وهي بتبص في الارض وكانها بتهرب من نظراته .. خالد: ليه ؟! ميرا: ليه ايه ؟! خالد: ليه وانتي عارفه اني بحبك ميرا: الكلام ده ماعدش ليه لازمه خالد: هو فعلا الكلام ماعدش ليه لازمه طب ممكن اعرف هو مين اه خلاص عرفت بصت ليه ميرا : عرفت ...طب مين؟! خالد بعصبيه وحزن حاول يخفيهم: اسلام .. ضحكت ميرا بسخريه: لأ خالد باستغراب: اومال مين؟! ميرا: مش لازم تعرف يا خالد مافيش حاجه هاتتغير خالد: ماشي ..بس عاوز اعرف مين سعيد الحظ ميرا بتنهيدة: دكتور عبد الغني خالد بصدمه: ايه !!! _________________________ كريمه كانت ماسكه الشنطه ورايحه عالسوق لقت كرم بيجري .. كريمه سرعت من خطوتها وندهت عليه وقف وبصلها.. كريمه: في ايه بتجري ليه قلقتني؟! كرم : هاموت يا كريمه ..هاموت كريمه: مالك كفي الله الشر تعبان كرم: لاه كريمه: اومال في ايه كرم: هاحكيلك ...انا ياستي قولت تليفوني بقا موضه قديمه واصدار قديم والعالم اتطور والعلم اتقدم وكده روحت جبت تليفون امكانياته عاليه زيك كده يا جميل كريمه: مش وقته كمل كرم: دايما ساده نفسي حاضر ..المهم التليفون حديث وببصمه صوت انا خدته وانا مبسوط وقعدت علي جمب بعيد عن اي صوت ولسه عاسجل الصوت الكلب هوهو جمبي وجري ومش عارف افتح التليفون من ساعتها كريمه بضحك: يعني انت بتجري عاتدور عالكلب كرم: ايوه التليفون مش عايفتح الا اما ابن المركوب ده يهوهو في التليفون عاتضحكي ليه طيب يابت ...الله يابت ________________________ مصطفي فضل قاعد يبص عالبلكونه مستني خروجها او حتي يلمحها من بعيد .. وفجأه صرخ من الوجع لما حد ضربه بعصايه علي دراعه بيبص عليه وهو ماسك دراعه وبيتألم مصطفي: انت جمال بعصبيه: لا تكون فاكر ان اللي عملته عايعدي بالساهل لاه دا انا هاشرب من دمك وادفنك حي مش انا اللي يتعمل معايا اكده من حته عيل لا راح ولا جه مصطفي: العيل ده ارجل منك ومن اللي خلفوك الراجل مابضربش في الضهر ولا بيغفل دي ماتبقاش رجوله بيرمي جمال الشومه من ايده وبيشمر دراعه جمال: تعالي وانا اعلمك الرجوله صح يابن العايبه مصطفي بسخريه: العايبه دي تبقي أمك مش امي انا بيهجم عليه جمال بعصبيه .. ________________________ يونس بيجي من وراها وبيحضنها بتتخض روح وبتقفل التليفون بيبص ليها يونس بإستغراب .. يونس: مالك ؟! بيلفها ليه بيشوف الدموع في عينيها يونس بقلق: انتي كويسه انتي بتعيطي ليه روح حضنته : مافيش اصلي افتكرت بابا بس يونس بيحضنها جامد: ادعيله ياحبيبتي ربنا يرحمه برحمته الواسعه روح : يارب .. يونس: تعالي بقا نغير هدومنا محضرلك بروجرام هايل يلا بتبسم روح وبتمشي معاه وهيا بالها مشغول باللي شافته ______________________ خالد: ازاي يعني دكتور عبد الغني ده راجل كبير ليه ميرا: النصيب يا خالد خالد: نصيب ايه اللي يخليكي تروحي تتجوزي واحد اكتر من 55 سنه ده واكيد شوفتي طريقته ولبسه وثقافته ميرا سكتت خالد: في ايه احكيلي ميرا بعصبيه: الله يا خالد ظروف خالد بحزن: انا اسف بس انا كنت بنصحك بس ساق العربيه وهو حزين وميرا بصت ناحيه الشباك وعينيها بتنزل دموع وكأن قلبها بيعيط من غير صوت. وصل خالد قدام باب البيت .. نزلت ميرا وحماده .. خالد اشتاله وطلع من غير كلام من غير حتي مايبص في عينيها طلعت فوق وراه وفتحت ليه الباب .. دخل خالد وحطه عالسرير .. ميرا: شكرا خالد: العفو طلع خالد من باب الاوضه خبط في مرات ابوها كانت هاتقع مسكها . ضحكت فاتن بدلع: يقطعني خالد لاحظ اشارات وشها اللي بتدل علي نيتها... ضحك خالد: لا ولا يهمك يا طنط اتبدلت ملامحها ووقفت اتعدلت : طنط ...ولا يهمك ... ابتسمت ميرا ولاحظها خالد .. نزل خالد وميرا وقفت في البلكونه ... وقف قدام عربيته وبص علي البلكونه لقاها واقفه ميرا (ماتسبنيش انا ضعيفه محتجاك جمبي ) خالد( معقوله هاتسبيني بعد ماقلبي حبك واتعلقت بيكي) كانت لغه العيون عينيهم بتقول اللي في قلبهم أصدق من لسانهم... ركب خالد العربيه ومشي... _______________________ هجم جمال علي مصطفي ومصطفي بيضرب فيه بدراع واحد وجمال مركز عالدراع اللي بيوجع مصطفي بسمه كانت طالعه بالصدفه شافتهم. طلعت تجري لبست الإسدال ونزلت .. مصطفي برغم وجع دراعه بس ضرب جمال جامد وكان بيتفادي ضرباته .. جمال ركز علي دراع مصطفي لحد ما تعبه ومصطفي ماعدش قادر ونزل فيه ضرب جميله جت تجري وبتحاول تحوشه .. جمال: خايفه علي عشيقك يا عايبه بسمه: بعد عنيه يا عديم الرجوله جمال بيزقها بتقع عالأرض وبيكمل ضرب في مصطفي اللي كان استسلم وماعدش قادر بتطلع بسمه تجري وبتجيب البندقيه بتاعت ابوها. وبتطلع بره البيت بسمه: هاموتك لو مابعدتش عنيه جمال ضحك بسخريه وكان بيضربه بغل في بطنه برجليه وفجأه صوت الرصاصه بيطلع من البندقيه و ......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت الخامس والعشرون صوت رصاصه بتطلع من البندقيه مصطفي بيصدم وبسمه ايدها بتترعش .. بتبص بتلاقي جدها واقف وموجه البندقيه علي مصطفي .. بتجري بسمه علي مصطفي.. بسمه ببكاء: مصطفي ! _______________________ اه ما رمانا الهوا ونعسنا واللي شبكنا يخلصنا اللي شبكنا يخلصنا اللي شبكنا يخلصنا ده حبيبي شغل بالي يابا يابا شغل بالي يابا يابا شغل بالي ❤️ __________ في الملاهي. روح كانت مبسوطه وبتضحك وهيا راكبه الدوامه ويونس كان بيحاول يبين انه مبسوط لانه طبيعته مش بيحب الكلام ده بس بيعمله عشانها الدوامه بتقف ويونس بينزل دماغه بتلف بس بيحاول يتماسك .. روح : هههههه متعه يونس: اه فعلا..انا موتي علي ايدك روح: بعيد الشر عنك يا نمر احنا ان شاء الله شعرنا هايبيض مع بعض ونظرنا هايضعف مع بعض وسنانا هاتقع مع بعض وهانبقي الأحدب والأحدبه مع بعض يونس :هههههه لا اله الا الله ايه التفاؤل ده الأحدب والأحدبه كمان ! روح : انا عاوزه اعيش معاك كل تفاصيل حياتي يا نمر عاوزه نجوز ولادنا مع بعض ونعجز مع بعض وحتي لما نموت ..نموت مع بعض ____________________ صوت زغاريط ماليه المكان .. فاتن: مبروك يا عروسه الدكتور عبد الغني بعتلك الفستان ده البسيه واجهزي علي ما المئذون يجي . طلعت فاتن من اوضه ميرا .. ميرا بصت للفستان اللي كان طويل ولونه أوف وايت كان تصميمه رقيق جدا .. الدموع نزلت من عينيها وبدأت تسأل نفسها: انا قد القرار الصعب ده انا ليه اخدت الطريقه السهله ما انا كنت ممكن اجيب قرض .. بس القرض بضمان ايه ؟! البيت مايجبش وافرض وافقوا علي القرض هاسده منين من معاش بابا اللي يدوبك مكفينا بالعافيه ولا ال 500 جنيه اللي بجبهم كل شهر من المكتبه اللي بقف فيها شويه و ماروحتهاش بقالي اسبوعين وطاروا كمان! تقريبا مافيش حل يا ميرا غير الحل ده حتي لو انتي مش عاوزاه مسحت دموعها ومسكت الفستان وبدأت تلبسه _____________________ في المستشفي.. خالد بصدمه وهوا ماسك تحاليل واشاعات حماده: انت متأكد يا دكتور من الكلام ده الدكتور : ايوه متأكد خالد: يعني هو مش محتاج عمليه ولا حاجه الدكتور: لأ مش محتاج حاجه وقلبه سليم ميه في الميه خالد: اومال اللي كان بيحصله ده ايه وليه علطول كان تعبان الدكتور: ما ده اللي خلاني اقولك تيجي عشانه _______________________ بتجري بسمه علي مصطفي وبتمسكه وبتبص علي جسمه ودراعه بخوف .. بسمه: انت كويس مصطفي بإبتسامه: ما تقلقيش عليا انا كويس جمال: شايف ياجدي قله الحيا خايفه علي عشيقها الفاجرة بيكون جدها ( علوان) واقف متعصب ووراه رجالته ... علوان: امسكوه وارموه في المخزن جمال بعصبيه: مخزن ايه يا جدي سيبهولي وانا اتاويه بمعرفتي علوان بص لجمال نظره خلته يخرس .. بسمه كانت بتبص عليه وخايفه .. مصطفي بص لجدها ووجه كلامه ل.بسمه: ماتقلقيش يا بسمه ماحدش يقدر يعملي حاجه هوا وراه رجلين انا ورايا بلد وكل راجل بميه الخسيس في زمانا ده بقا راجل ونأمنوا علي بناتنا والراجل بقا بيتعاقب علي رجولته اسفوخس علي ده زمن وعلي دي رجاله بصله علوان بعصبيه وبص لرجالته اللي راحوا مسكوه .. علوان بشر: انا اللي هاربي الواد ده بمعرفتي. اخدوا مصطفي ودخلوه علي المخزن بيقرب علوان من بسمه وبسمه بترجع لورا بخوف وبيفضل يقرب عليها وهيا بترجع لورا بتقع وبتتخبط في دماغها ومش بتحس بنفسها... ________________________ في الجامعه... بيدخل خالد وبيقعد علي الكافتيريا وبيحط التحاليل وهو متعصب خالد بتفكير: ليه توافق عليه معقوله بتحبه ولا عشان فلوسه ؟! _ بتحبك ! بيبص خالد بيلاقي اسلام قدامه خالد بينفخ بعصبيه: نعم مين ! اسلام: اللي انت بتفكر فيها وهتدمر حياتها بإيدها وهيا مش حاسه ميرا! خالد: هاتدمر حياتها ليه ماهي هاتتجوز واحد غني زي ما هيا عاوزة اسلام شد كرسي وقعد: واحد غني...ماكنت انت قدامها وصغير واحسن من عبد الغني وبتحبها كمان. خالد بيخبط بايده عالطرابيزة: اومال ايه السبب اللي يخليها تتجوزه اسلام: عشان اخوها ...محتاج عمليه بمبلغ كبير وهيا مش هاتقدر تجمعه .. خالد : اخوها ...اسلام هو عبد الغني جالها عن طريق مين يعني مين اللي شجعها تتجوزه واقنعها بيه اسلام: مرات ابوها .. خالد: يا ولاد الك*لب اسلام: في ايه؟! خالد: لازم نلحقها بسرعه اخوها كويس مافهوش حاجه والدكتور مستغرب انه تعبان كده وحاسس ان في شبهه في الموضوع وطلب انه يروح ليه تاني عشان يتأكد.. اسلام: ايه ؟! _________________________ في بيت ميرا... بتكون ميرا جهزت وبتسيب شعرها وبتحط ميكب خفيف تداري بيه عينيها وملامحها اللي بهتت من كتر التفكير بتدخل مرات ابوها : يلا يا عروسه العريس وصل الزغاريط بتزيد .. ميرا: طيب انا جايه وراكي اهو. بتطلع مرات ابوها وبتبص ميرا لنفسها في المرايه وبتتنهد .. ميرا: كل اللي يجيبوا ربنا كويس ... بتفتح الباب بتلاقي عبد الغني واقف في وشها ومبتسم عبد الغني: بسم الله ماشاء الله تبارك الخلاق ! بيأنكجها وبتمشي معاه وهيا شايفه الناس بيزغرطوا وبيضحكوا.. ميرا بتفكير: يا تري فرحانين ليا ولا فرحانين فيا بتقولوا ايه اللي يخليها تتجوز واحد قد ابوها ولا بتقولوا ضحكت عليه وجابته علي وشه عشان طمعانه في فلوسه ولا بتقولوا محظوظه وهاتتنعم في الخير اللي عنده انتوا كلكم كده منافقين ماحدش بيشيل شيله حد تاني كل واحد بيشيل شيلته ماحدش بيحس بحد ماحدش بيخفف عن حد بالعكس بتدوروا ازاي تئذوا ازاي تجرحوا بس لو في يوم فكرتوا تتطبطبوا يمكن كانت فرقت عمري وحيده وهافضل وحيدة وهاموت وحيدة طظ في الناس طظ في الدنيا طظ في العالم طظ في ميرا ههه! بتقعد جمب عبد الغني .. عبد الغني : ابدأ يا سيدنا الشيخ .. ميرا بتلاحظ انه مش راضي يسيب ايدها وبتحاول يشدها وهوا ماسكها.. بيوطي ناحيه ودنها: مسكتها وماعتش سايبها في حياتي .. بيبدأ المأذون يكتب الكتاب .. _______________________ خالد واسلام جمبه كان سايق العربيه بسرعه جدا .. اسلام: تفتكر هانلحقها خالد: اكيد هانلحقها يارب نلحقها خمس دقايق بس يتاخروا خمس دقايق ..خمس دقايق هما اللي هايحددوا حياة .. ______________________ بتفوق بسمه وهيا بتشهق بخضه .. بتفتح عينها بتلاقي جدها واقف وكب عليها جردل ميه . بتقوم وهيا هدومها مبلوله وبتحاول تفكها من علي جسمها لانها بينت جسمها ولزقت عليها جمال كان بيبص عليها بوقاحه وبيفحص كل جسمها.. بتبص بسمه في الارض وبتفرك في ايدها. جدها كان بيبص ليها نظرات مش مفهومه وفجأه زعق بصوت عالي: غوري من وشي ! طلعت تجري من قدامه ودخلت البيت وهيا هدومها بتسقط ميه وبتترعش.. _____________________ في الملاهي.. روح : يانمر ! يونس: ياروح قلب النمر! روح: ملاحظ انك مش بتقولي حاسبي انتي حامل دا انا اتنططت علي الترمبولين لما زهقت ولعبت ولا العيال الصغيرة يونس بضحك: عشان عارف نفسي وعارفه روح: عارف نفسك ايه وعارفه اللي هو مين؟! يونس بضحك: عارف نفسي انا ظابطه في مكانه وعارف البيبي هايبقا زي ابوه جامد ومالي مركزه ومش شويه جنون من امه ينزلوه... روح بضحك: واللهي ماشي يا جامد انت والبيبي بتاعك نفسك تبقا بنت ولا ولد يا نمر يونس: كل اللي يجيبه ربنا حلو بس انا نفسي في بنت وتبقي شبهك واسميها روح روح بابتسامه: نو نو نو..واسمي كمان لا كده اغير اصل تحبها وتسيبني بقا وانا عارفه البنات هاتخدك مني يونس: ماحدش يقدر ياخدني منك يا روح النمر انتي حياتي من غيرك مالهاش معني انتي جرعه السعاده والحب في حياه النمر ________________________ في بيت ميرا... المأذون: امضي يا عروسه ...وابصمي هنا .. بتمسك ميرا القلم وايدها بتترعش وبتمضي ودموعها خانتها ونزلت... بتحط صابعها علي البصامه وبتقرب من الورق خالد: استني وقفي كل حاجه .. بيبص عبد الغني عليه وبيمسك ايد ميرا وبيخليها تبصم .. المأذون: بارك الله لكما وبارك عليكما وجمع ببنكما في خير بيبص عبد الغني علي خالد وبيبتسم ابتسامه صفرا وميرا بتبص ل عبد الغني بخوف من نظراته اسلام بيمسك دماغه : لا مش معقول بجد خالد بيخبط ايده بالجامد في الحيطه .. ميرا قامت وقفت وبصت ليهم باستغراب: في ايه يا خالد في ايه يا اسلام؟! خالد بعصبيه: في انها من الأول لعبه ..لعبه يا ميرا اخوكي كويس وماعندوش القلب ...لعبه عملها النطع ده هو ومرات ابوكي لأنك كنتي مستحيل توافقي غير بسبب قوي زي ده .. ميرا بصدمه: ايه ؟! ..يعني كل ده كذب يعني كل المعاناه اللي عشتها دي متظبطه ومرسومه .. بصت ميرا لمرات ابوها: قبضت كام يا فاتن قبضتي كام ضحكت مرات ابوها : مبلغ عمري ما شوفته قبل كده بتقرب من عبد الغني : ليه كده ..انا عملت ايه معاك عشان تعمل كده عبد الغني: انا بحبك ميرا بعصبيه: بتحبني ...بتحبني ايه منك لله يا اخي منكم لله كلكم مشاعرنا بقت للبيع معاناتنا بقت للبيع تعيشونا اسوأ لحظات حياتنا بسبب انانيتكم وقرفكم... المأذون: طب أستئذن انا ميرا: استني يا عم الشيخ انا عاوزة اتطلق المأذون: استهدي بالله يا بنتي ان أبغض الحلال عند الله الطلاق ميرا: طلق يا عم الشيخ مشي عبد الغني كام خطوه ... ميرا مشت وراه ومسكت ايده بعصبيه : بقولك طلقني.. طااااخ....صوت قلم بينزل علي وشها ... عبد الغني: اما تتكلمي مع جوزك تتكلمي باحترام واياكي ..اياكي صوتك يعلي .. دموع ميرا بتنزل .. بوووووم.....بيضربه خالد بالبونيه في وشه بيوقع علي الارض ونضارته بتقع بيبقي مش شايف .. بيقعد يدور علي نضارته ... بيدوس عليها خالد بتنكسر تحت رجله وبيقرب من عبد الغني ... بيمسكه من الجاكت بتاعه : طلقها .. عبد الغني: لأ مش هاطلق بيضربه خالد في وشه بالبونيه بيتف عبد الغني الدم وهو بيبتسم: مش هاطلق لو موتني مش مطلق.. ________________________ بسمه قاعده في الأوضه وخايفه بسمه: ياتري هما بيعملوا في ايه دلوك اعمل ايه يا ربي ايوه عرفت.. بتمسك بسمه تليفونها وبتكلم صاحبتها... _ ايوه يا بسمه ازيك بسمه: الحمد لله يا حبيبتي انا كنت عاوزة رقم صاحب مصطفي ضروري _ بس هو مش معايا بسمه: لاه انا عارفه انه معاكي لأنك معجبه بيه وعارفه انك مش بتكلميه عشان اخلاقك ماتسمحلكيش بده بصي انا عوزاه في مسأله حياه او موت صدقيني _ طيب يا بسمه بس خير في ايه؟! بسمه: هاخبرك بكل شئ لما اشوفك ... _ طيب هابعتهولك واتس.. بتفتح بسمه الواتس بتلاقي الرقم بترن عليه... *ايوه بسمه: انت صاحب مصطفي * مصطفي النمر بسمه: ايوه ...مصطفي في خطر _________________________ بيكون جمال ماسك شومه وواقف بيكسر في العربيه بغل لما خلاها ماعدتش نافعه ... جمال: موتك علي يدي بس اصبر علي رزقك ________________________ روح: ها هانروح فين بقا تاني يانمر يونس: مفاجأة.. روح: اموت انا يونس: بعيد الشر عنك ياروح الروح روح: لا بجد هانروح فين ؟! يونس بيطلع قماشه سوده وبيغطي عينيها وبيمشي وهو ماسك ايدها روح: ولما اتقلب علي وشي هايبقي كويس يعني يونس بضحك: ماتخافيش اومال انا موجود بعمل ايه يعني بيقف يونس وبيقف وراها وبيحضنها بإيد وبيفك القماشه السوده بإيد ... بتفتح روح عينيها بتلاقي يخت كبير متزين بالورد وعليه اسم روح النمر .. بصت روح بإنبهار عليه. يونس: بجهز فيها من شهور ايه رأيك في روح النمر يا روح النمر روح بفرحه: تحفه ..تحفه يونس: كان نفسي في رحله من زمان ابقا مافيش حواليا غير البحر والسما وحد بحبه بس ماكنش موجود دلوقتي انتي موجوده انتي كل دنيتي ... حضنته روح بفرحه... يونس: جاهزة تقضي معايا 3 ايام في البحر مايبقاش غيري انا وانتي والبحر والسما والنجوم وبس بصت ليه روح بتوتر وتفكير: بس. .. يونس باستغراب: بس ايه ؟! _______________________ علي القهوه .. كرم كان قاعد مع واحد صاحبه .. علي: مالك يا كرم في ايه اهدي يا جدع كرم: الدنيا معنداني اوي يا علي علي: ليه ايه اللي حوصل؟! كرم: في نفس المكان ...في نفس القهوه ...علي نفس الكرسي ده علي: اباي عليك يا جدع ايه اللي حوصل؟! كرم: رقمي ده كان تقريبا بتاع دكتور وكانت كل شويه واحده ترن عليا وتقولي دكتور محمد صلاح اقولها لاه ده رقم دكتور كريستيانو ومافيش فايده كانت دماغها بولغه قديمه ومصممه انه رقم الدكتور محمد صلاح .. علي: وبعدين كرم: كان واحد صاحبي قاعد معايا هنا قومت سبته وروحت ادخل الحمام رنت ورد واخد رقمها واتسايروا واتصاحبوا والنهاردة كانت خطوبتهم ودعاني عليها روحت شوفت البت وياريتني ماشوفتها اااه يا غلبك يا كرم علي : مالها يعني كرم: قمر ...لهطه قطشه روحت البيت بقيت اتف واسيب التفه توقع علي وشي ما انا اللي استاهل انا اللي حمار وبغل وطور كمان الصبر من عندك يارب ... علي: ههههه يخرب عقلك يا كرم كرم: بتدعي عليا بايه يا بغل انت عاوزه يخرب كمان دا انا حاسس ان في برج من دماغي طار .......يتبع