*ـ صعيدي علمني الادب جـ2🩰👳🏻‍♂️:ـᬼ❥⍣⃟* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ *part 26♡゙ُ* *part 27♡゙ُ* *part 28♡゙ُ* *part 29♡゙ُ* *part 30♡゙ُ* ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G البارت السادس وعشرون يونس بإستغراب: بس إيه ؟! روح بإبتسامه:لا ولا حاجه يونس بينحني انحنائه خفيف: ladies first ( السيدات اولا) روح بابتسامه: my sweet love بتطلع روح علي اليخت ويونس وراها وروح بتفكر هاتعمل ايه فكره ان أمها عايشه مفرحاها حتي لو وهم نفسها يكون كلامهم حقيقي حتي لو هاتموت تشوفها قبل ما تموت دا يكفيها يونس: بتفكري في ايه ؟! روح: ها...لا ولا حاجه يونس: لأ حاسك متغيره و في حاجه شغلاكي احكيلي روح بتوتر: احكي ايه بس دا بس شويه ارهاق بسبب الحمل يونس: متأكده روح: ايوه طبعا... يونس: ماشي...بس احنا واحد لو انتي متضايقه انا اخفف عنك لو بتفكري في حاجه وشغلاكي نفكر فيها سوا لو قابلك مشكلات حتي لو تافهه نحلها سوا مانخبيش حاجه عن بعض انا ابقي كتاب مفتوح بالنسبه ليكي وانتي كذلك لو فضلنا كده هانبقي اسعد اتنين يا روح النمر الثقه اهم حاجه في اي علاقه لو خبيت عنك حاجه ابقي كده مش واثق فيكي المشكله لو علي اتنين اسهل كتير من لما تبقي علي واحد . روح بتوتر: ليه بتقول كده ؟! يونس: لأني عاوز أريحك مش عايزك تتعبي حتي في التفكير بفكرك اني موجود ...موجود عشانك وبس بيشدها يونس علي حضنه بتحضنه وهيا بتفكر في كلامه تقول ليه ولا لأ بس اكيد هايمنعها ومش هايخليها تروح _______________________ في المخزن مصطفي مربوط علي كرسي جمال دخل وهو حاطط الشومه علي كتافه وهو بيضحك بإستفزاز جمال: عاجبك اللي حوصل فيك ده ولسه هههههه انت مالك انت بيها يكونش حبيتها مصطفي بضحك: للاسف حبيتها وماعدتش هاتبقي ليك انت هاتبقي ليا انا جمال بعصبيه: انت تبقي بتحلم بسمه دي بتاعتي انا مصطفي: انت مش بتحبها انت عاوز تكسرها بس عشان ترضي غرورك عشان هيا مش حباك مش بتطيقك ودا كان باين في نظراتها ليك .. جمال بيقرب منه وبيضربه بونيه بيتف مصطفي الدم من بوقه وهو بيضحك مصطفي: اللي يقبل الوضع بتاعك ده مايبقاش راجل واللي يضرب واحد مربوط من غير ما يعرف يدافع عن نفسه مايبقاش راچل واللي يستغل ضعف واحده مايبقاش راجل عارف يبقي ايه يبقي مره يا مره بيمسك جمال الشومه وبيضرب مصطفي علي دراعه ضربه خلت مصطفي يزعق بعلو صوته من الوجع ورفع الشومه للمره التانيه بس وقفه صوت ضرب النار.. _____________________ ضرب نار شغال بره بيت بسمه.. بسمه بتغطي دماغها بخوف ... بيطلع علوان من باب البيت بيكون شاكر واقف ووراه رجاله كتير ... شاكر بعصبيه: ازاي تتجرأ وتمد يدك علي ولدي علوان: ولدك اللي اتخطي حدوده مع حفيدتي ربي ولدك الأول شاكر بعصبيه: ولدي اتربي تربيه انت ماعرفتش تربيها لولادك وان ماطلعش دلوك هايبقي الدم للركب وانت عارف شاكر النمر يا علوان علوان بيشاور لرجالته يروحوا يجيبوا مصطفي . شاكر: لو اتمس شعره واحده من ولدي قول علي نفسك يارحمن يا رحيم لاني عارف ومتاكد انك ضلالي ومصطفي عمره مايعمل حاجه غلط بصله علوان بعصبيه .. الرجاله بيجيبوا مصطفي وهو ماسك دراعه وبيتوجع ومش قادر يمشي ووشه وارم ومتبهدل .. شاكر: ياولاد الكل.ب ... علوان بيبص لمصطفي بصدمه بيلاقي جمال وراه... شاكر بيمسك مصطفي وبيحضنه وبيبص لعلوان اللي كان باين عليه الخوف .. بيشاور لرجالته بياخدوا مصطفي .. جمال بيقف جمب جده بضحكته المستفزه شاكر ورجالته بيرفعوا سلاحهم وكانوا كتير علوان ووراه خمسه بيرفعوا سلاحهم علوان: اهدي يا نمر بلاش الدم شاكر: انا كنت كافي شري وسايبكم وباعد ولدي الكبير عنكم وانا عارف انكم بتاجروا في السلاح والمخدرات وماسيبتوش حاجه غلط الا لما عملتوها سايبكم بمزاجي انما تيجي لولدي لاه . علوان بخوف بيحاول يداريه: يبقي العين بالعين والسن بالسن بيبصله جمال بإستغراب... بيزقه علوان بيقع قدام شاكر علوان: ده اللي ضرب ولدك انا ماليش صالح بيه بلاش تفتح بحور الدم بحور الدم ما بتخلصش بيبص ليه شاكر بعصبيه شاكر: بحور الدم انت اللي فتحتها . بيبص لرجالته ... شاكر: هاتوهم . علوان: انت اتجننت ولا ايه انت عارف انا اقدر علي ايه شاكر وهو ماشي وهما ممسوكين : القدره لله وحده ______________________ في بيت ميرا.. خالد : بقولك طلقها . فجأه بيلاقي خالد اتنين بودي جارد بيضربوا فيه. بيقوم عبد الغني من علي الارض .. عبد الغني: كنت عارف انكم اكيد هاتحاولوا تبوظوا الموضوع الناس الموجودين بينزلوا جري والمأذون ومرات ابوها مابيقباش غير خالد واسلام والبودي جارد وعبد الغني اسلام بيضرب فيهم وبيحاول يحوش عن خالد مش بيعرف ميرا كانت واقفه بتعيط وبتحاول تحوش عنه بس زقوها بيدخل المطبخ بيجيب سكينه وبيحطها علي رقبه عبد الغني اسلام بعصبيه: قولهم يبطلوا بدل ما ادبحك وهايبقا دفاع عن النفس عبد الغني: بس كفايه .... بيقوم خالد بيهجم علي عبد الغني وبيضرب فيه والبودي جارد بيحاول يشتاله ... بيمسك البودي جارد خالد واسلام اللي السكينه وقعت منه عبد الغني: مش يلا يا عروسه ولا ايه بيقرب منها عبد الغني .. بتمسك السكينه. .. ميرا بعصبيه: ان قربت مني هاموت نفسي الموت عندي اهون من اني اعيش معاك خالد: ميرا لأااااا عبد الغني بيرجع لورا: خلاص اهدي ..اهدي بس ..انا هامشي دلوقتي بس هاجي تاني . بيبص لخالد وبيقرب منه خالد بيخربشه في رقبته وبيخنق فيه ... عبد الغني: الحقوني يا بقر كح كح بيشيلوا عنه خالد وبينزل يجري ...بيزق البودي جادر خالد وبينزلوا وراه ميرا بتقعد علي الارض وبتدخل في نوبه بكاء هيستيريه بيضرب خالد ايديه في الحيطه بعصبيه واسلام بيمسك دماغه ... اسلام: لو كنتي رديتي علي مكالمه من الميه مكالمه اللي رنيتهم كان فات كل حاجه اختلفت .. خالد بيقرب منها وبيقعد جمبها : اهدي كل شئ هايتصلح ماتقلقيش . ميرا بتبص ليه وهيا بتعيط بيحضنها وبيطبطب عليها خالد: ماتقلقيش كل حاجه هاتتصلح _______________________ في البحر روح كانت واقفه وشعرها بيطير والنمر وراها واقفين الوقفه بتاعت تايتنك روح بضحك: لا خلاص مش منظر مستنظر يا سلوى قلبي صدى وجنزر ياهووووووو في المحيط تتحدفي وهتتخطفي يا حلوة وارسمك على كتفي تاتووووو امير البحار قادر ولع نار نفسي مرة في ميزد منك والوو حمااار وطوووور ومعندوش شعووور الي يفرط ويسيب سلوته اه يا بلوته يا سلوىىىى يونس بضحك: يخربيتك مش دي الاغنيه روح بضحك :دي احلي من التانيه يونس: بتحبي تخلي اللحظات الرومانسيه كوميديه مافيش فايده روح بضحك: بنفرفشوك يا راجل بتمسك روح بوقها وهيا تعبانه يونس: مالك في ايه ؟! روح: مش عارفه تعبانه وحاسه اني دايخه يا نمر بيقعدها يونس وبيقعد جمبها ... يونس: ارجع عالشط يا قبطان .. روح ماسكه بوقها ونامت علي كتفه. . روح بتفكير: سامحني يا نمر ________________________ في الصعيد.... كرم بيكلم كريمه في التليفون .. كرم: لاه خلاص انا ماعتش قادر انا هاجي اقول لعمي نحدد ميعاد للفرح كريمه بإبتسامه: اللي تشوفه كرم: اموت فيك وانت مطيع يا قلب كرم كريمه: هاتيجي امتي كرم: في التو واللحظه خير البر عاجله .يلا سلام كريمه: سلام .. بيطلع كرم من البيت وبيمشي لحد ما بيوصل بيلاقي شاكر نازل من العربيه .. كرم: عمي انا كنت شاكر بعصبيه: عاوز ايه يا كرم كرم: ها ..اصل ...ماهو .. عاوز نحدد ميعاد الفرح شاكر: غور من وشي دلوك. كرم: واضح اني جيت في وقت مش مناسب بينزل الرجاله وهما شايلين مصطفي .. كرم بيبص بصدمه: وه ...لاه فعلا واضح ان جيت في وقت مش مناسب ... بتطلع صفاء بتضرب علي صدرها: يا مري !......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت السابع وعشرون شاكر: مودينه فين يا بجم منك ليه دخلوه العربيه نروح عالمستشفي وارمي الغجر دول في المخزن بيدخلوه العربيه تاني وهو بيتوجع وصفاء جمبه بتعيط وكرم مصدوم .. بينزلوا جمال وعلوان ورجالته وشاكر بيبص ليهم بعصبيه علوان وجمال بيبصوا ليه بشر علوان: هاتندم يا شاكر هاتندم شاكر: ومن امتي شاكر النمر بيندم يا علوان بيبص شاكر لرجالته بيخدوهم وبيمشوا.. بيركب شاكر العربيه وبيبص علي مصطفي اللي كان شايفه بيتوجع... شاكر: والله لأخدلك حقك يا مصطفي وكل صرخه وجع منك قصادها الف منيهم العربيات مشت وكرم واقف .. بيرن كرم علي كريمه ... كريمه ردت: ها طمني كلمت عمي شاكر كرم: كريمه انتي طالق بالتلاته كريمه: اتجوزني الاول يا حزين وبعدين ابقا طلقني كرم: مابينلهاش يا كريمه مابينلهاش يافقر مصطفي متدشدش وراح المستشفي وعمك شاكر واخد علوان أسير عنديه وبينها بحور دم هاتفتح يا ختي كريمه: الله يطمنك .. كرم: اقفلي يا ختي اقفلي اما اروح اشوف مصطفي من صدمتي ماركبتش معاهم يلا علي الله التساهيل اللهم لا أسالك رد القضاء ولكني اسألك اللطف فيه ... ____________________ في الكوخ ...بالليل يونس: بقيتي أحسن يا روح النمر روح : اه الحمد لله يونس: مش عارفه ليه اصريتي ما نروحش لدكتور روح: ممكن يكون دوار من البحر يعني مش مستاهله انا الصبح ان شاء الله هابقي بخير اسفه اني بوظت الرحله يانمر يونس حضنها: المهم عندي تكوني بخير يا روح النمر ولا يهمك تتعوض ..تصبحي علي جنه ______________________ في المستشفي.. شاكر: كيفه ولدي يا دكتور الدكتور: ماتقلقش جروح سطحيه بس وكسر في الدراع الحمد لله جت علي قد كده شاكر: الحمد لله .. دخل شاكر لمصطفي الاوضه.. بصله وهو ساكت مصطفي بضحك: خوفت عليا يا بوي شاكر بيحضنه: خلعت قلبي عليك يا ولدي مصطفي بضحك: عمر الشقي بقي بعد شاكر عنه وضحك: الشقي ليه بتعمل ايه مصطفي بضحك: بشتري بفلوسك عربيات يا بوي شاكر بضحك: معلش بقا مصطفي: معلش ايه؟! شاكر: اخر عروسه جبتها بقت خردة مصطفي: يلا فدايا ابوي حبيبي هايجبلي عربيه چديده بيضحك شاكر عليه... مصطفي: يدوم الضحكه الحلوه اللي عاتنور حياتنا دي بس انت ليه عملت اكده يابوي شاكر: عملت ايه ! مصطفي: ليه ما قصرتش الشر معاهم شاكر: الشر هما اللي ابتدوه لما قربولك كل البلد عارفه انك ولدي واللي يجي علي حد يخصني يستحمل اللي يجراله بس ايه اللي حوصل وايه اللي وصلك ليهم مصطفي: لقيت النطع ده جمال عايضرب بسمه زميلتي في الچامعه وروحت حوشت عنيها وضربته وبعدها بسمه ماجاتش ال......قصدي بعدها استقصدني بقا شاكر: بسمه دي تبقي مين ؟! مصطفي: هو جمال ده يبقي ولد عمها يعني حفيده علوان. ___________________ في بيت ميرا.. خالد : ماتقلقيش كل حاجه هاتتصلح ميرا: ومن امتي حاجه في حياتي اتصلحت يا خالد من امتي انت عارف انا مش فاكره امتي اخر مرة فرحت فيها او كنت مش خايفه انا حاسه اني عايشه بقضي ايام وخلاص... خالد: ربنا بيبعت العوض بعد المعاناه عشان يبقي طعمه حلو وتحسي بيه ميرا بتبص لخالد وبتسكت .. اسلام: لو فضلتي هنا هايخدك غصب عنك انتي لازم تمشي من هنا ميرا : هاروح فين ؟! خالد: هاتيجي معايا طبعا .. اسلام: وليه ما تجيش معايا انا عالأقل تقعد مع اخواتي البنات .. خالد: انت شايف الوضع يسمح لكده ميرا: بااااس انا مش رايحه في حته خالد: انتي بتقولي ايه ؟! اسلام: عايزانا نسيبك لوحدك ميرا: مش متحركه من هنا اللي ربنا عاوزه هو اللي هايكون .. _________________________ في الليل ..بيكون عبد الغني سايق عربيته عبد الغني : بقا بعد ده كله عاوزاني اطلقك بسهوله دا انتي مسكينه اوي ماحدش يقدر يا خدك مني انا خلاص بقيت قدرك ونصيبك بالزوق بالعافيه لازم ترضي ________________________ في بيت بسمه... فوزيه: ياريت تكوني مرتاحه بسمه بتخلص صلاه وبتقوم من علي السجادة بسمه: ليه ! فوزيه: وقعتي عيلتين في بعض وفتحتي فتوحه بسمه: انا ؟! فوزيه: ايوه انتي يا خلفه الندامه بسمه: خلفه الندامه ...انتي بتكرهيني ليه اكده فوزيه : انا بكرهك بسمه: ايوه ليه بتكرهيني هي كل الأمهات بتعامل بناتها اكده فوزيه: بنات....يا مخلفه البنات يا شايله الهم للممات بسمه بصتلها بتنهيده وقلعت اسدالها وطوت السجاده حطتها علي جمب ونامت علي السرير فوزيه: شوف البرود انتي مش عارفه ان جدك وابن عمك في يد شاكر النمر بسمه: ما تخافيش ولده شهم وراچل لو كان وحش كان ولده بقا زييه وبعدين العين بالعين والسن بالسن والبادي اظلم وهما كانوا هايقتلوه مع انه ماعملش حاجه ولا مسني بحاجه كل اللي عمله وقف جمبي مرة واتنين حسيته سند وضهر مش ولد عمي اللي بينهش في لحمي بعنيه وجدي اللي موكل امري ليه انا ماليش حد يا ما صحيح بس ليا ربنا بيوقف جمبي وبيبعتلي ولاد الحلال . بتطلع فوزيه وبترزع الباب وراها... بسمه: يارب تكون بخير يا مصطفي. . بتفتكر بسمه وهيا واقفه في الشباك والرجاله جايبينه لشاكر وهوا تعبان وبيتوجع ... بسمه : ربنا يشفيك ويديك علي قد نيتك هو كده النضيف في البلد دي بيتعامل كده عشان تعيش في زمانه ده لازم تكون حنش ماترحمش حد بقوا قليلين الطيبين _______________________ في المستشفي .. مصطفي: بقا شايفيني متدشدش يا ندل وواقف كرم: ما تأخذنيش يا صاحبي انا اتصدمت بس طب عارف انا في نفس ذات الوقت ده اتشجعت ونفخت صدري كده وروحت قايل لأبوك عاوزين نحدد ميعاد الفرح بقا يا عمي مصطفي: هههههه انت نحس يا كرم كرم: فعلا انا نحس وشكلي مش متجوز في حياتي يلا ولا يهمك حمد الله علي السلامه يا صاحبي بس انا عايز منك طلب مصطفي: ايه ؟! كرم: عاوز العب في وش جمال شويه اشلفطه كيف ما شلفطك اكده مصطفي: قد كده زعلان عليا كرم: ايوه يا جدع دا انت شقيقي زائد بقا ان في جوايا طاقه سلبيه لو ماطلعتش هاتطق يا مصطفي مصطفي: طب خلاص كرم : هاتطق يا مصطفي ...هاتطق مصطفي: خلاص يا عم مصدقك كرم: عليا الطلاق هاطق حبكت تتضرب دلوك يا مصطفي حبكت مصطفي: ماكنتش اعرف اعمل ايه كرم: ولا تعرف يلا ماحدش واخد منها حاجه..مصطفي مصطفي: نعم كرم: هاطق يا مصطفي ... مصطفي: يادي السنه السوخه اقولك طق وريح نفسك __________________________ في الصباح ... بتصحي روح علي صوت رساله.. بتبص علي النمر بتلاقيه نايم .. بتتسحب بره الكوخ وبتفتح الرساله .. بتبص فيها بتلاقي ... ( نص ساعه وتكوني في المكان ده ******* ومش عاوزين نفكرك لو جبتي حد او بلغتي الحكومه ايه اللي هايحصل) بتدخل روح الكوخ وبتاخد هدوم وبتلبسها وبتتسحب وبتخرج... روح: انا اسفه يا نمر بس ان قولتلك مش هتوافق ! بتفتح روح الموقع وبتدور علي المكان اللي مكتوب. ______________________ بتصحي ميرا من النوم ... بتدخل الحمام وبتاخد شاور وبتلبس هدومها... بتطلع تقعد في البلكونه وبتحاول تسكت عقلها اللي مش بيبطل تفكير... _ ماتقلقيش من حاجه طول ما انا جمبك بتبص وراها بتلاقي خالد ... ميرا بتبتسم بسخريه: وكنت فين من زمان ! خالد: كنت غبي ... بتبص ميرا ليه وبتسكت ... ميرا: عارف يا خالد حلمت حلم حلو اوي خالد: حلمتي بإيه. ميرا: كنت ماشيه في طريق عتمه ومليان طينه وخايفه ورجلي بتغرز في الطين وبعافر عشان اطلعها لقيت حد بيشد ايدي فجأه لقتني في مكان فيه زرع ونضيف وفيه نور عارف مين اللي شد ايدي.. خالد: مين ؟! ميرا: بابا الله يرحمه ....اللي مفرحني اني شوفته وانه حاسس بيا ... جرس الباب بيرن بسرعه وبصوت مزعج... بيطلع خالد يجري يفتح ووراه ميرا و........... ______________________ في المخزن... جمال بيزعق : حد يفكنا هاموتكم كلكم واحد واحد يا كلاب فكوني علوان: اخرس يا وش المصايب انت جمال: انت هاتسيبنا كده فين رجالتك اعمل اي حاجه ياچدي علوان: رجالتي متلقحين جمبك ...ماتقلقش واجمد _______________________ روح واقفه في مكان مش عرفاه وتقريبا مهجور بتقف جمبها عربيه سوده بينزل منها واحد بيغمي عينيها * اركبي.. بتركب وهيا خايفه وفي نفس الوقت بتصبر نفسها انها هاتشوف والدتها ... العربيه بتفضل تمشي وبتقف في مكان ... بيشدها حد وبتنزل معاه بيربط ايدها وراها وبيقعدها علي الارض وهيا مش شايفه حاجه روح بخوف: هو في ايه؟! حد بيشتال القماشه السوده من علي عينيها ... بتسمع صوت بيقول. _في كل خير....يا روح النمر. .. بتبص روح بتلاقي أمها متربطه علي كرسي .. روح بفرحه: ماما انتي عايشه بتحاول تقوم من علي الارض وبتقوم بصعوبه وبتطلع تجري عليها وهيا مبسوطه و........يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت الثامن وعشرون بتجري روح عليها وهيا مبسوطه وبتعيط من الفرحه وبتحضنها وهيا بتعيط ... ههههههههه.....ههههههههه... بتبعد روح بتلاقيها بتضحك .. بتفك ايدها وبتقوم تقف قدامها... _صدقتي ...طلعتي غبيه اوي ماتعلمتيش من النمر حاجه روح بصدمه: ساميه ساميه: ايوه ساميه يا غبيه ولا ناسيه فرق الشبه اللي بيني وبين أمك وبينك مع شويه مكياچ بسيط بقيت هيا كنت عارفه انك غبيه وبتجري ورا عواطفك وهاتيجي جري لما اقولك امك عايشه وده اللي حصل روح بعصبيه: انتي بتعملي ده كله بتلعبي بينا ليه احنا عملنا ليكي ايه انتي انسانه مريضه وسوده ساميه بعصبيه: بتسألي عملتوا ايه قولي ماعملتوش ايه انا لازم اموتكم واحد واحد.. روح: مش هاتقدري تعملي حاجه انتي اضعف من انك تعملي حاجه ساميه: هههههه لا ما انا بدأت اعمل خلاص .. بتشاور ساميه لواحد بيخبطها علي دماغها بتدوخ وبتفقد الوعي . انك تمشي ورا قلبك في كل خطوه من حياتك صح ولا غلط لما تلغي العقل وتمشي بمشاعرك ورا عواطفك صح ولا غلط هل القلب هايفضل علطول صح ولا هيغلط الأغلبيه بتقول عمر القلب مايغلط بس بيغلط لازم يغلط قلبك الأبيض مش زي باقي القلوب الأسود والرمادي بس لما القلب بيغلط بيكسر ...بيكسر ثقتك بنفسك وبأي حد ____________________ في بيت ميرا جرس الباب بيرن بصوت مرعب والباب بيخبط بيطلع خالد يجري يفتح وميرا وراه قلقانين وخايفين ياتري ايه اللي جاي بيفتح خالد الباب وهو ماسك قلبه بإيده بيلاقيه اسلام خالد بعصبيه: يخربيتك ياشيخ وقعت قلبنا حرام عليك ميرا: في ايه يا اسلام اسلام: مش هاتصدقوا اللي هاقولكم عليه انا لحد الان مش مصدق خالد : في ايه ؟! ميرا: في ايه يا إسلام اسلام وهو بينهج: الجامعه كلها بتتكلم عنه ...عبد الغني ميرا: ماله! اسلام: عمل حادثه وفي العنايه المركزة ميرا بصدمه: ايه _____________________ في المستشفي شاكر: صباح الخير يا بطل مصطفي: صباح النور يا بوي انا بعتب عليك شاكر: ليه يا ولدي مصطفي: ليه فضلت مبيت هنا طول الليل يابوي ماعاودتش ارتحت ليه علي فرشتك عشان ماتتعبش شاكر: انا لما اشوفك بخير ببقي بخير يا ولدي ربنا يشفيك ويبارك فيك. مصطفي: ربنا يديك الصحه يا بوي صفاء: شوفه يا خوي مش راضي يفطر شاكر: وه ..مابتاكلش ليه يا واد مصطفي: ماليش نفس شاكر: طيب شوف مين هايبقي يجبلك العربيه بقا مصطفي: ياكش تكون فاكر اني كيف العيل الصغير بيتضحك عليا بالعربيات بس هاكل بس عشانك شاكر: هههههه ماشي يلا كل بقا مصطفي بضحك : هاتجيب العربيه ولا لاه شاكر بضحك: ماتخافش هاجيبها وهيا هتيجي لاعز منك يعني ______________________ في الكوخ بيصحي النمر من نومه مش بيلاقيها جمبه بيطلع بره الكوخ مش بيلاقيها بيفضل يبص يمين وشمال مش بيشوفها... بيرفع شعره بإيده لفوق بقلق وبيضرب برجله في الرمله .. بيفتح تليفونه وبيحاول يرن عليها مقفول .. بيقلق وبيبتدي يدخل عقله افكار وحشه ان ساميه عملت فيها حاجه .. بيطلع رقم علي تليفونه ... يونس: ايوه يا أحمد اعمل اللي هاقولك عليه ______________________ في بيت بسمه بتنزل بسمه من علي السلم بتلاقي فوزيه واقفه وحاطه ايدها في وسطها فوزيه: رايحه فين يا هانم بسمه: رايحه الجامعه ياما فوزيه: انتي ماعندكيش دم مافيش ميه في وشك رايحه وجدك وجوزك الله اعلم بمصيرهم بسمه: مش جوزي لسه ...اما جدي فايعدي الوضع زي ما عدي قبله كتير مش هايغلب سيبيني بقا عندي محاضره مهمه بتمشي بسمه ... بتمسكها من ايدها وبتزقها بتقع علي الارض بسمه بتتخبط في دراعها بتمسكه والدموع ماليه عينيها .. فوزيه: عيله جليله الربايه....اما اكلمك تقفي قدامي انتباه لما اخلص كلامي بلاها دموع التماسيح دي وجعك قوي بسمه: لاه ما وجعنيش قد ماقلبي وجعني من كتر الجفا اللي بشوفه منك فوزيه: مافيش خروج من البيت سامعه ... بتمشي فوزيه وهيا سيباها واقعه علي الارض .. بتقوم بسمه وهيا ماسكه دراعها ودموعها بتنزل. بسمه : هيا دي الأم ...هيا كل الأمهات كده ولا انا الغلط مني يمكن مزعلاها في حاجه ! _________________________ في بيت ميرا ميرا : ازاي وامتي اسلام: امبارح .. ميرا: لا اله الا الله ربنا يشفيه خالد باستغراب: بتدعيله ميرا: ايوه بدعيله الا المرض يا خالد مافيهوش شماته ماحدش ضامن نفسه اسلام: انا هتابع كده وهاقولك ميرا: طيب هاتفضل واقف علي الباب ماتدخل اسلام: لا مش فاضي دلوقتي سلام انا بقا ميرا: بالسلامه بتقفل ميرا الباب وبتقعد مع خالد .. خالد: واحده غيرك كان فاتها مبسوطه دلوقتي ميرا: اديك قولت واحده غيري مش أنا خالد: عاوزه تزوريه ميرا: لأ خالد: ليه ميرا: لأني مش مسامحاه يا خالد علي اللي عمله انا اه صحيح ممكن طيبه بس مش بنسي مش بنسي اي حاجه سواء حلوه او وحشه ماعنديش قدرة العفو عارفه ان ربنا اللي فوق الكل بيسامح انسان ضعيف زيي مايسامحش ليه بس العفو مقدرة وانا مش بقدر اسامح ربنا يشفيه بس انا استحاله اسامحه علي اللي عمله لانه اكيد كان ليه ايد في تعب اخويا .. خالد : طب وانا ميرا: انت ايه ؟! خالد: سامحتيني! ميرا: علي ايه ؟! خالد:علي اسلوبي معاكي الفتره اللي فاتت وكده ميرا: انا مازعلتش عشان اسلوبك يا خالد انا زعلت علي الثقه اللي كنت حاطاها فيك وماكنتش قدها __________________________ جمال: وبعدين يا جدي علوان: كلت نفوخي يا واد اخرص بقا جمال: هانفضل كده كتير دا شكله ناوي علي نيه سوده علوان: طب تصدق بالله انا هافرح لو قتلك وخلصني منيك يا مخ الجاموسه انت انا كنت عاوز اربي الواد شويه من غير ضرب ولا ديواله عشان يبعد عن بسمه اصل السر ينكشف روحت انت وضربته وعلقتنا علقه سوده مع عيله النمر والله اعلم ايه اللي جاي بقا جمال: وايه اللي هايحصل يعني دلوك علوان: هاساومه ...والباقي بقا من عند ربنا جمال: علي ايه ...علي حياتنا ________________________ في الشارع ... كريمه: دا لو حد شافني يا مري يامري كرم: ماتخافيش يابت بقا الله انتي ماشيه مع سوسو ولا ايه وبعدين انتي هاتبقي مرتي حلالي بلالي .. كريمه : قعدت تزن وتقول نخرجوا ..نخرجوا يلا اما نشوف خروجاتك كرم: دي هاتبقي خروجه ولا في الأحلام الله شايفه ريحه الأكل حلوه كيف كريمه: ايوه جميله كرم: يلا تعالي ناكل كباب وكفته وعن ما حد حوش كريمه: مش حكايه عن ماحد حوش انت دني يا كرم وبطنك سايقاك كرم بضحك: عفارم عليكي يلا اهو ندلع نفسنا احنا ضامنين هانعرف ناكلوا كده بكره ولا لأ دخل كرم المطعم وشد لكريمه الكرسي واجي الجرسون وخد طلباته ... بعد شويه... كرم بيمسح ايده وبيشرب كاكولا : يااه اما طعم بشكل كريمه: فعلا جميل جدا كرم بيعمل فيها هنا وبيسقف للجرسون: الحساب لو سمحت.. بيديه الجرسون الحساب في ورقه ... كرم : لأ اكيد في غلط انت كاتب 50 جنيه ايه انت نسيت صفر ؟! الجرسون: لا يافندم ده الحساب كرم: 2كيلو كباب وكيلو كفته والسلطات وطحينه وعيش وكاكولا وبطاطس ومخلل وكون سنو كل ده ب 50 جنيه الجرسون: ايوه يا فندم . بيدفع كرم وبيطلع مصدوم هو وكريمه .. كريمه : كرم هو احنا كلنا ايه كرم : مش عارف يا كريمه دي لو لحمه كلب بلدي مربوط بحبل غسيل معفن عنده السل كانت هاتبقي اغلي من كده كريمه: منك لله يابن نعيمه العجانه كرم: يعني كلتي لوحدك يا بومه ________________________ بتفوق روح وشعرها فوق عينيها بيحركه الهوا بتبص بتلاقيها متربطه وقاعده علي كوبري طويل موصل لنص البحر هيا قاعده علي نهايته ووراها البحر ... ساميه : فوقتي يا حلوة بصت ليها روح بعصبيه .. ساميه : لا ماتتعصبيش خالص انا هاموتك بالراحه روح: انسانه مجنونه فاكره ان مافيش حد هايعرف يوقفك عند حدك يعني ساميه بشر: لأ هههههه‍هههههه حسام: طيبه اوي مرات اخويا يا ماما ماتعذبيهاش بصتلهم روح بعصبيه ... روح: يونس هايجي وهايعرفكم قيمتكم عمركوا ماهتكسبوا ولا تفوزوا بترفع ساميه المسدس ... بيروح حسام بيوقفها وهو بيضحك وهيا بتزق فيه ساميه: هانفوز وهاتبقي انتي بدايه فوزنا سلام يا ...روح النمر مش يونس بيقولك كده برده ... بتطلع الرصاصه من المسدس بتيجي في روح وبتقع في البحر ... بتفتكر النمر وبيتعاد زكرياتهم سوا كأن حياتها بتتعاد قدامها زي شريط فيلم وبتفتكر بدر بتقع في الميه ... بدر انا جيالك وحشتني اوي......يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♕♡♕♡♕♡♕♡♕♡ البارت التاسع وعشرون بتقع روح في الميه بدر أنا جيالك وحشتني أوي بتغمض عينيها بإستسلام لكل اللي بيحصل حواليها وبتفتحها بتتخيل يونس بيسبح وجاي ناحيتها وبتقفلها تاني.. _______________________ في الصعيد .. شاكر: حمد الله علي السلامه يا ولدي نورت بيتك مصطفي: الله يسلمك يا بوي بيقعد مصطفي علي سريره وشاكر كان ماشي وسايبه مصطفي : رايح فين يا أبوي شاكر: رايح اخلص غلي منيهم الأوباش دول مصطفي: بلاش نعملوا مشاكل يا بوي انا مسامحهم شاكر: مشاكل ....انت طيب يا مصطفي لكن انا لاه ومستحيل اسيب حقي بيمشي شاكر وبينزل علي المخزن وهو ناوي ليهم علي نيه _____________________ في بيت ميرا... خالد: طب كفايه كده بقا انا كنت جاي من الصبح بدري عشان خوفت عليكي من عبد الغني وعبد الغني دلوقتي بين ايدين ربنا انا هستأذن بقا ميرا بقلق: اوك خالد: في ايه ..ايه اللي مضايقك ميرا: اختفاء مرات ابويا ده مخوفني حمادة: ماتخافيش طول ما انا معاكي مش راجل انا ولا ايه بيضحك خالد : ايوه ماتخافيش حماده راجل وسيد الرجاله ويقدر يحميكي .. ضحكت ميرا عليه ... خالد: بس لازم نروح نكشف ونطمن عليه في اقرب وقت ميرا: ان شاء الله خالد: ان احتجتيني كلميني علطول وانا هاكون علطولع جمبك ما تقلقيش بيمشي خالد وميرا بتقفل الباب وراه ياتري ايه اللي مستنيها لسه هل في جديد ______________________ بيفتح شاكر المخزن .. جمال بيبص عليه بعصبيه ... شاكر باستفزاز: وفرها للي هاعمله فيك .. علوان: ايه اخره الهزار الماسخ ده يا شاكر شاكر: واهزر معاك ليه صاحبي ولا رفيقي فوق يا علوان شاكر النمر مابيهزرش وانت اللي رميت نفسك في طريقي بيطلع شاكر مسدسه ... علوان: استني قبل ما تعمل اي حاجه تندم عليها بيخاف جمال وقلبه بيقع في رجليه وعلوان بيكون خايف شاكر: مش انتوا اللي هاندم عليكم علوان: مش احنا دي حاجه اكبر منا ومنك حاجه كانت ساميه مرتك ليها يد فيها اسمعني عشان ماتندمش _______________________ صوت عربيات بوليس. وساميه وحسام ورجالتهم ممسكوين ويونس طالع من الميه وشايل روح وبيجري بيها عالإسعاف ... ضحكت ساميه بإنتصار لما شافته في حالته دي ضايع ومش عارف يعمل حاجه ركبت ساميه ورجالتها البوكس ويونس كان راكب مع روح في الإسعاف قعد جمبها وكان بيحوش شعرها من علي وشها كانوا بيعملولها اسعافات اوليه وبيفوقوها وهو كان مركز معاها ومع كل تفاصيلها ... وصلوا المستشفي و دخل يجري وهما شايلينها علي الترولي وكانت واخده رصاصه في كتفها . دخلت العمليات ووقف بره مش عارف يعمل حاجه ولسه تايه وقف يكلم نفسه: انت بقيت ضعيف من يوم ماعرفتها بقيت ضعيف مش انت الحب بيقوي بس اجي عندك انت وبقي بيضعفك بقا هو اكبر نقطه ضعف بالنسبه لك .. _____________________ بعد يومين .. علوان داخل البيت وجمال معاه جمال: مش مصدق ان المجنون ده سابنا علوان: اياك فاكر ان سابنا كده من غير ما يتأكد دا شاكر النمر جمال: طب والعمل دلوك يا جدي علوان: في ايه ؟! جمال: في ايه انت ناسي انت قولت ليه ايه علوان: لا مش ناسي شيل ده من ده يرتاح ده عن ده وكفايه لحد اكده .. جمال:وه واعي للي عاتقوله يا جدي علوان: انت عاوز ايه دلوك يا جمال جمال: انت خابر انا عاوز ايه يا جدي علوان: ماعاينفعش جمال بصدمه: كيف يعني بعد ده كله ! __________________________ في المستشفي... بيدخل يونس علي روح ... روح بتتعدل في قعدتها ...بيقعد جمبها من غير أي كلام روح: يونس انا ......اسفه يونس بصلها وسكت روح: انا من ساعه مافوقت ماسمعتكش اتكلمت كلمه انا عارفه انك زعلان مني بس ... يونس : خلاص يا بنت عمي روح بصت ليه بإستغراب: بنت عمي ...وخلاص ...خلاص ايه يونس: خلاص ماعدش ليه لازمه الكلام بيطلع يونس من اوضتها وهيا بتطلع تجري وراه وبتمسك ايده روح: انت رايح فين وسايبني يونس: خلاص يا روح كل شئ بينا انتهي بتدمع روح من كلمته: انت بتقول ايه وهان عليك تنطقها يونس: انتي هان عليكي تهديها اجي يمشي مسكته للمره التانيه يونس: سيبيني روح ببكاء : انت هاتقدر تسيبني يونس: انتي اللي سبتيني وماوثقتيش فيا ماوثقتيش في حبي ليكي ولا في كلامي دمرتي علاقتنا قولتلك احكيلي عشان الثقه عشان مانخسرش بعض بس مشيتي ورا دماغك حبك بدل ما يقويني كان اكبر نقطه ضعف ليا روح ببكاء: ماتسبنيش انا محتجاك يونس مشي وسابها جرت وراه تاني ... روح: طيب انا هونت عليك وابننا يونس بضحك: ههههههههه ههههههههه ابننا مافيش ابننا دا من ضمن محاولاتي لاستمرار حبنا اتصدمت روح من كلامه ..... ويونس كان هايمشي ... روح: والشركه اللي بابا استامنك عليها هاتسيبها بصلها يونس بابتسامه: وده كمان كان عشان افضل جمبك روح: ماتمشيش وتسيبني صدقني مش هاقدر اكمل من غيرك يونس مشي وسابها وهيا قعدت علي الارض ودخلت في نوبه عياط ... هوا كان سامعها وقلبها بيقوله ارجع ولكن عقله رافض انه يرجع _________________________ في الصعيد.... كرم : اهو يابت مصطفي طلع من المستشفي وعلوان وجمال مشوا والأمور هدت اهي اياك نتجوز ونخلص بقا كريمه: مش متفائله كرم: اتفائلي يا بت ارجوكي اتفائلي اقولك كلي قصب وانتي ساكته تفت كريمه عليه برومانسيه وهو تف عليها قصب برومانسيه .. كرم: بموت في رقتك يا بت بموت ..انا ان مااتجوزتش هاتجوز علي نفسي وانا مش مسؤول كريمه بضحك: ايه هتتكاثر ذاتيا كرم: ربنا مايوريكي اللي انا فيه ياختي _________________________ في بيت ميرا.... الباب بيخبط بتروح ميرا تفتح الباب. بتلاقي بودي جارد من بتوع عبد الغني بتخاف ميرا منه ... _ الدكتور عبد الغني بين الحياة والموت وطالب انه يشوفك بتبص ليه ميرا بخوف ومش عارفه تعمل ايه .. ميرا: طب روح انت وانا هاروحله _ هو طلب ما امشيش من غيرك ميرا: طيب هاغير بتقفل ميرا الباب وبتمسك تليفونها ترن علي خالد بيديها مقفول. ميرا: رد يا خالد بقا ... بتسيب تليفونها عالكرسي وبتدخل تلبس وبتاخد حمادة اخوها معاها وبترن علي خالد مره تانيه بس برده التليفون مقفول ... بتحط الموبايل في الشنطه ميرا: يلا يا حماده بتطلع وبتقفل الباب والبادي جارد بيكون مستنيها بعربيه بتركب معاه ... _________________________ بينزل يونس من عربيته قدام البيت الكبير .. يونس النمر القديم وشه مكشر وكأنه الصفات اللي نساها اكتسبها تاني في ثانيه دخل من البيت سلم علي ابوه وباس ايده شاكر: وفين مرتك يا ولدي يونس سكت وماردش شاكر ماحبش يضايقه وماكررش السؤال ... قام ودخل اوضته واترمي علي سريره وهو بيفكر فيها يونس: خلاص يا نمر كل شئ انتهي ...كل شئ انتهي _________________________ في بيت بسمه ... بتنزل بسمه بتلاقي جدها بتروح تبوس ايده ... بسمه: حمد الله علي سلامتك يا جدي علوان: الله يسلمك اقعدي يا بسمه عاوز اتحددت معاكي بسمه بخوف من نبره صوته : اتفضل يا جدي...يتبع ♕♡♕♡♕♡♕♡♕♡ ‏_تم مشاࢪكتها من قناه» حڪايه و ࢪوآيـة⊁𓋜ׅ🎻🤎)_ ‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G ♡♕♡♕♡♕♡♕♡♕ البارت الثلاثين بسمه. كانت خايفه من نبره صوت جدها ... بسمه: اتفضل يا چدي علوان: انتي عمرك شوفتي مني حاجه وحشه بسمه: بالعكس يا چدي انت اللي ربتني وعلمتني وماخليتش في نفسي حاچه واصل ربنا يديك الصحه ومايحرمني منيك علوان: في حاجه لازم تعرفيها اجي اوانها وماعدش ينفع تتأخر اكتر من اكده بسمه بقلق: جري ايه يا جدي قلقتني علوان: انا مابقاش جدك ولا ابوكي يبقا ابوكي ولا امك تبقي أمك بسمه: وه ...كيف ده انت بتهزر يا جدي علوان: ومن ميته بهزر ولا بحب الهزار بسمه: يعني ايه ...يعني انتوا مش اهلي 20 سنه وعايشه معاكوا وانتوا مش أهلي وعشرين سنه يا جدي ولسه جاي تخبرني دلوك طيب مين يبقوا اهلي مين ولا ماليش ؟! علوان: لاه ليكي وهما هايجوا ياخدوكي دلوك بسمه: هما مين دول ابوي وامي يعني ولا مين _ اهدي يا بسمه وانتي هاتعرفي كل حاچه بتبص بسمه علي الصوت .... بسمه: انت مين اه انا شوفتك قبل اكده _انا ابقي عمك بسمه بفرحه: بجد طب فينه ابوي ! ________________________ بتركب ميرا مع البودي جارد وهيا خايفه ميرا بتفكير: يعني هايحصل ايه اكتر من اللي حصل يعني مافيش اسوء من اللي حصلي بتبص علي الطريق لحد الان مطمنه مافيش حاجه تخوف ماشي علي الطرق الرئيسيه وده طمنها شويه بتحضن خالد اخوها وبتبتسم في وشه وكأنها بتحاول تطمن نفسها .. بتقف العربيه وبيتكلم معاها البودي جارد انها تنزل بتنزل من العربيه وهيا بتبص حواليها وقلبها بيرتاح لما بتلقاها واقفه قدام مستشفي بينزل البودي جارد وببمشي وهيا بتمشي وراه لحد ما بيوصل لاوضه عبد الغني بتدخل ميرا التعقيم هيا واخوها لانها رفضت ياخده منها وبتدخل اوضته بيكون نايم علي السرير باين عليه التعب متوصل علي اجهزه كتير بتقعد جمبه ... ميرا: دكتور عبد الغني بيبص عليها بندم وبيشيل قناع الاوكسجين من علي وشه عبد الغني:ميره... شكرا انك جيتي يا ميره سامحيني انا اسف ! بصت ليه ميرا باستغراب... عبد الغني: ما تستغربيش يا ميرا ....عارفه انا عملت حاجات كتير عشان الفت نظرك ليا بس انتي ولا حسيتي بيا كنت بحبك في الخفا بس انتي ما شاء الله حلوه وصغيره وذكيه ايه اللي هايخليكي تبصي ليا وانا عجوز ومكحكح كده .... بصت ميرا في الأرض... كمل كلامه: انا عيشت حياتي بدور علي الحب كنت غبي وكنت مفكر ان العمر هيستناني وان الحب في الاخر هايجي لعندي بس ماحسيتش اي حاجه تجاه اي حد لحد ما شوفتك انتي انتي اللي حلمت بيها في شبابي وقعدت استناها عشرين سنه عارف طريقتي غلط بس تفتكري كان في طريقه تانيه اعرف اوصل ليكي بيها ميرا : تفتكر انت دلوقتي سعيد ولو كملت حياتك معايا هانكون سعداء حب من طرف واحد هيوازن الحياه استحاله انت اللي فكرتك في البدايه غلط عمر الحب ما كان كل حاجه يا دكتور انت ممكن قابلت اللي يفهمك ويحبك ويقدرك بس انت عاوز حب من الباب للطاق عبد الغني: وحياة الحب اللي حبيته ليكي تسامحيني حاسس انها قربت عاوز اموت وانا مرتاح بصت ليه ميرا وطولت نظرتها .. عبد الغني: عارف انك مش واثقه فيا ومفكره اني بدبرلك حاجه بس ما تخافيش انا فوقت .. ميرا: طيب انا مسامحاك في حقي بس الطفل ده ايه ذنبه انه كان هيتدمر بسببك عبد الغني: الشيطانه منها لله هيا اللي دبرت كل ده سامحني يا حماده ارجوك بصله حماده وحضن اخته وبدأ عبد الغني ينهج بصوت ميرا قامت بسرعه وحطتله قناع الاوكسجين بس مافيش فايده طلعت تجري بره الاوضه والجهاز بدأ يسفر والدكاتره داخلين ... وقفت بره وهيا حاضنه اخوها وبتبص من الازاز وهما بيعملوا ليه صدمات بجهاز القلب ... لكن صوت الصفاره الطويله هو اللي بيكون غالب علي كل الأصوات... بيوقف الدكاتره محاولاتهم وبيطلعوا... ميرا بخوف: ايه ! الدكتور: البقاء لله ميرا بصدمه: ايه ______________________ بسمه: هو ليه ماجاش مع حضرتك ! شاكر: يلا يا بسمه وهاتفهمي كل حاجه بعدين بسمه كانت طالعه علي فوق .. شاكر: رايحه فين؟! بسمه: رايحه اجيب هدومي شاكر: لاه انا هاجبلك كل اللي انتي عوزاه مشت بسمه مع شاكر اللي كان وراه رجالته .. وبصلهم علوان بنظره خاليه من اي معني علوان: اظن اننا كده خالصين شاكر: النمر لما بيقول كلمه ما عيرجعش فيها واصل بياخد بسمه في ايده وبيمشي ... بصت بسمه علي البيت باهتمام.. مش فارق معاها مش زعلانه مش خايفه مش متضايقه من فراقهم لانها ماحسيتش الحنيه معاهم هيا كانت متحمله كل اللي بيحصل معاها لانها مفكراهم اهلها ... طلعت بره البيت ووقفت وبصت عليه من بره لقت فوزيه واقفه شريط طويل مر قدامها من معاملتها بقسوه وانها عمرها ماحست انها امها او حست بحنيه منها شاكر: ايه مضايقه بسمه: ماشوفتش حاجه في البيت ده تخليني اتضايق اني هاخرج منه بصت والابتسامه علي وشها: ابوي شبهك يا عمي ولا ايه وامي انا هاتجنن واشوفهم وليا اخوات ولا لاه بصلها شاكر بابتسامه بألم: هاتعرفي كل حاجه ما تستعجليش .. ركب شاكر وبسمه جمبه ... بسمه: هوا حضرتك عندك ولاد غير مصطفي شاكر: يونس بسمه: ربنا يبارك ...هما ابوي وامي عايشين معاكوا في البيت .. شاكر: لاه بس قريبين من البيت بسمه بفرحه: ماشي ..هوا شاكر: عارف عندك اسئله كتيره ماتقلقيش هجاوبك عليها كلها بسمه بابتسامه: ماشي. _________________________ ميرا روحت هيا واخوها البيت وقعدت علي الكنبه ميرا بتفكير: غلبان يا اللي بتظلم وبتتجبر دا العمر لحظه مش مضمونه سبحان الحي الدايم لا اله الا الله ..... بتلاقي تليفونها بيرن ... بتبص بتلاقيه خالد: ايوه يا خالد خالد: ايوه يا ميرا لقيتك رنيتي كتير انا اسف كنت في اجتماع مهم في حاجه ولا ايه ميرا: لأ دا عبد الغني كان باعت البودي جارد بتاعه عاوز يقابلني خالد: اوعي تروحي اكيد ناوي علي شر ده ما يجيش من وراه الخير ميرا: عبد الغني خلاص يا خالد خالد: قصدك ايه ؟! ميرا: عبد الغني مات خالد: اكيد دي لعبه جديده من العابه انا جايلك حالا قفلت ميرا التليفون وهيا بتفتكر اللحظات الأخيره دي وبتفتكر ابوها عينيها بتدمع تلقائي ومين اللي قال اننا بننسي احنا بنركن بنحاول انما المواقف لما بتكرر بتقلب كل حاجه علينا _________________________ بتقف عربيه شاكر قدام البيت. بسمه: هو ده بيتهم شاكر : لاه. . بينزل شاكر وبتنزل بسمه وراه ... بيفضل يمشي لحد ما بيدخل اوضه المكتب .. بيدخل وبسمه وراه .. شاكر: الراجل الكبير اللي في الصوره دي النمر الكبير جدك بتبتسم بسمه وهيا بتبص عليه: طولت العمر ليك انت شبهه .. بيبتسم شاكر وبيشاور علي صوره ليه هوا وبدر ... شاكر: وده يبقي ابوكي بدر النمر بسمه بصت علي الصورة بفرحه شاكر: هوا كان عايش بمصر .....حب والدتك ساره كانت بنت ناس علي قد حالهم بس جدك مارضاش بجوازهم بس هو حارب الدنيا بحالها عشانها جدك غضب عليه نزل مصر في نفس الوقت انا كنت اتجوزت ام يونس كانت بنت عم امك وكانت فيها شبه كبير من امك .. بسمه لما لقت شاكر سكت: وبعدين يا عمي شاكر : ساميه كان اسمها ساميه من اول يوم جواز وتصرفاتها ماكنتش طبيعيه كنت هاتطلقها بس عرفت انها حامل بيونس فااستحملت ولكن حالتها كانت بتسوء وتسوء لحد ما ولدت وهربت كانت امك بتبدأ مع ابوكي من الصفر لحد ما بقوا كويسين وحالتهم اتظبطت وحملت وخلفت روح وبعدها بست شهور عملت حادثه و....... بسمه ببكاء: لا ارجوك ماتقولهاش ! شاكر: للأسف ماتت ... بسمه بدات تهدي: بس حضرتك قولت روح يعني هيا مش أمي شاكر: بدر الله يرحمه الوحيد اللي كان عارف ان ساره خلفت توأم قالي في ايامه الأخيره قبل ما يموت نزلت بسمه بصدمه علي الارض: هو مات هو كمان ! شاكر: اراده ربنا يا بنتي ساميه هيا السبب في كل حاجه وحشه حصلت للعيله دي هيا عرفت تخطفك وبدر حاول كتير يعرف عنك وماعرفش وحتي لما اتمسكت كان بيروح يترجاها انها تقوله عنك بس هيا حيه .. بسمه ببكاء: مالكيش نصيب يا بسمه في الحنان مالكيش نصيب في اي حاجه في حياتك .. شاكر وقفها وحضنها: انا موجود وولاد عمك واختك بسمه: بس اكتر اتنين كنت مترجيه وجودهم مش موجودين يا عمي شاكر: دي اراده ربنا يا بنتي بسمه: بس ايه الرابط اللي يربط ساميه بعلوان شاكر: الفلوس ...الفلوس هيا اكبر رابط مابينهم هيا دفعت ليه وهو كلب فلوس __________________________ في اوضه كريمه ...بتكلم كرم في التليفون كرم: وبعدين يا كريمه هانتجوزوا امتي انا زهئجت كريمه: ماعرفش كرم: احنا هانخللوا يا شيخه وانتي كل اللي عليكي الابتسامه الساخره اللي علي وش امك دي كريمه: يعني كان في ايدي ايه اعمله وماعملتوش كرم: ثوري ...اتكلمي ..قولي عاوزه اتجوز كفايه كده لو فضلنا علي كده شعرنا هايبيض ماشاء الله عيله النمر منبع للكوارث بالك يا بت يا كريمه انا هاحكيلك عن موقف من مواقفي الرائده في حل الأزمات كريمه: احكي يا خويا كرم: وانا في سنه تالته ابتدائي عيلين اقنعوني اني لما ادفن كنز في حوش المدرسه هايتحول لأثار كريمه بضحك: هههههه واكيد مشيت وراهم كيف الطور كرم: العبره في النهايه يابقره اسمعي للأخر كريمه: كمل هو الموضوع بادئ عندك من بدري شكله كرم: فضلت شهر احوش مصروفي واجيب كنز وادفنه في الحوش لحد ماعرفت انهم بيضحكوا عليا شوفتهم وهما بيحفروا وبياخدوه يشربوه اسكت انا بقا كريمه: لا طبعا عملت ايه كرم: كنت اتعينت في الشرطه المدرسيه استغليت سلطتي وهما كانوا من العيال اللي مش بتنزل في الفسحه كنت بصادر سندوتشاتهم وابيعها لحد ما رجعت فلوسي كمان في مره اوهمتهم اني هاهربهم بدري في حصه الالعاب وروحت بلغت المدير وشافهم وخدوا رفد اسبوعين كريمه: كل ده وانت في تالته ابتدائي كرم: يابت المفهوميه مالهاش سن محدد لازم نجيب حقنا لو في بوق السبع لازم نقاوم كريمه: طيب تعالي خبر الكلام ده لعمي شاكر كرم: اجي اوي ما اجيش ليه وانا هاخاف يعني ________________________ بسمه ببكاء: عاوزه ازورهم يا عمي شاكر: بدر بس اللي هنا انما امك مش هنا بسمه: ماشي .. بيمسك شاكر ايدها وبيطلع من الباب مصطفي كان واقف في البلكونه بص بتركيز وقعد يمرط في عينيه مصطفي: معقول بسمه ؟! ______________________ دخلت روح الفيلا ... قعدت عالكنبه ودراعها شايلاه كأنه متجبس روح ببكاء : هونت عليك يا نمر ...هونت عليك تسيبني عارفه اني غلطت بس انا ماعرفش اكمل من غيرك ماهاقدرش اكمل حياتي من غيرك انا بتنفسك انت انا حاسه اني مخنوقه لمجرد اني بعيد عنك انت عارف انت وحشتني اوي اوي اوي لا انت ماوحشتنيش ماكانش المفروض تسيبني لوحدي وانا تعبانه الاهتمام مش بيطلب علي فكره استني بس لما اشوفك يا أستاذ اصبر عليا _______________________ كان قاعد في الجنينه الخلفيه وماسك الجيتار بتاعه وقاعد يعزف عليه سمعه مصطفي طلع البلكونه لقاه قاعد .. نزل من اوضته وراح قعد جمبه ... قعد يبصله وهو بيعزف ومغمض عينيه. حط ايده علي كتفه. وقف النمر عزف وبص ليه ... اتفاجئ من شكله ومن وشه ودراعه المكسور .. مصطفي حضنه ويونس مستغرب .. يونس: ايه اللي عمل فيك كده ؟! مصطفي: دا انا كلت علقه ماخدهاش حمار في مطلع انا اتعلم عليا وانت مش موجود يا نمر انا ماتضربش غير منك انت بس غير كده لأه بص ليه يونس: مين اللي اتجرأ وعمل كده حكي مصطفي ليونس اللي حصل من علوان وجمال قام يونس بعصبيه ومشي بسرعه وهو بيعمر مسدسه ومصطفي بيجري وراه بيحاول يوقفه وقفه صوت شاكر .. شاكر: رايح فين يا يونس يونس: رايح اجيب خبرهم واحد واحد كيف يتجرءوا ويعملوا اكده في اخوي شاكر: من امتي انت مندفع وماعاتفكرش يا يونس يونس: وخدنا ايه من التفكير غير وجع القلب يا بوي شاكر: اهدي بس وتعالي انا عاوزك يونس دخل مسدسه وهو متعصب ومشي ورا ابوه ومصطفي وراه شاكر: روح هات بسمه مصطفي: منين ؟! شاكر: من عند عمك بدر مصطفي باستغراب: ماشي مشي مصطفي وشاكر دخل علي المكتب ويونس وراه _______________________ في المقابر... بسمه: شوفت كتير في حياتي طول عمري حاسه اني في مكان مش بتاعي في ظروف مش بتاعتي النهارده لما علوان خبرني انهم مش اهلي مااتفاجئتش لأني عمري حاسه بكده بس كنت بكدب نفسي بس انكتب عليا اعيش عمري يتيمه عمي شاكر طيب ومصطفي شهم اكيد انت كنت طيب ربنا يرحمك يا بوي كان نفسي احضنك واشم ريحتك واحس بحنانك بس قدر ربنا ميعادنا ان شاء الله في الجنه انا وانتي وامي هايبقا احلي لقا ربنا يرحمكم يارب .. مصطفي كان سامعها وواقف مستغرب انها بتقول الكلتم ده لعمه بدر ومش فاهم حاجه... مصطفي: احم ...احم ....انسه بسمه قامت بسمه من علي الأرض وهيا بتمسح دموعها مصطفي: ابوي بعتني عشان اجيبك هزت بسمه راسها ومشت وراه ________________________ في المكتب ... يونس: كيف كل ده يحصل واحنا مانعرفش وليه عمي ما خبرنيش وليه صابر عليها السنين دي كلها ......يتبع