*ـ روايه محبوبتي طفله*👧🏻🌸🩷⊁.↻)) ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ الحلقة 17 الحلقة 18 الحلقة 19 الحلقة 20 *تمت مشارڪتها من قنوات ميجو*🐥🖤‘‘ ‏‏تابع قناة حكايه و رواية 📚🩶⊁.↻)) في واتساب: https://whatsapp.com/channel/0029VaZMeBQFHWq2c6RIYg3G ‏‏تابع قناة مٰقـهـٰى الــرٍوآيٰـات☕🤎 في واتساب: https://whatsapp.com/channel/0029VaeOIp8ADTOF6I5O1G2y ‏تابع قناة ڪوڪـ𓂆ـب || الࢪوايات🥰‘‘ في واتساب: https://whatsapp.com/channel/0029VaqVr5g6GcGBmMo0VT1x . رواية / محبوبتي طفلة بقلم/ رحمة سامي علقوا هنا ب 10 ملصقات 🔴🔴🔴🔴🔴🔴🔴🔴🔴🔴🔴🔴🔵🔵 الحلقة 17 . وسعو كدا الفصل السابع عشر من محبوبتي طفله ❤محبوبتي طفلة❤ 👇الفصل السابع عشر👇 روح: سكت يعني يا حمزة اي كنت فكرني مش هعرف ولا اي رد عليا قولي اي حاجه وبلاش سكوتك دا حمزة: حاضر يا روح انا هحكيلك كل حاجه ( من سنه جت نسمه تشتغل عندي بصراحه كانت عجبني بس كان شكلها محترم اوي حاولت ابعد نفسي عنها علي قد ما اقدر بس هي كانت مصمم تفضل قريبه منه جت سفرية تبع الشغل وكان لازم حد يطلع معايا وساعتها نسمة هي اللي وقع عليها الاختيار لانها كانت جديده ولازم تثبت نفسها وسافرنا انا وهي الشغل كان هياخد يومين ويخلص حجزت ليها اوضة وليا اوضة وخلصنا كل الاجتماعات اللي وراءنا وكان فاضل يوم ونرجع وهي كانت عايزة نخرج وتشتري شوية هدايا وعشان هي كانت غريبه عن المكان روحت معاها ودخلنا ديسكوا وقولنا نشرب شوية واهو نحتفل بالعقد الجديد بس ساعتها انا تقلت في الشرب اوي لدرجه اني محستش بنفسي غير تاني يوم وانا في الاوضة ونسمة نايمه جانبي اتصدمت وصحيتها وسالتها اي اللي حصل لاني فعلا مش فاكر اي حاجه لاقيته فضلت تعيط وبتقول اني بعد ما شربت اعترفتلها بحبي وختها اوضتي وحصل اللي حصل واني ضيعت مستقبلها ودلوقتي عايز اتخلي عنها وانا مش كدا يا روح انا مستحيل اتخلي عن مسؤاليتي مهما حصل وطبعا عشان الفضيحه وعشان اهلها قررت اني اتجوزها فترة واطلقها والموضوع ينتهي بس بعد كدا ظهرتي انتي واتجوزتك وحبيتك يا روح ونسيت موضوع نسمه خالص صدقيني انا مش بكدب عليكي ايوة انا فيا عيوب كتير اوي بس انا بتغير عشان وعشان بحبك وعايزاك وعايز اصلح حياتنا عشان ابننا) روح: ليه خبيت عليا يا حمزة ليه خليت الشيطان يدخل بينا اصدقك ازاي دلوقتي وانت من يوم ما عرفتك وانت بتخبي عليا حمزة: صدقيني يا روح دي الحقيقه واوعدك خلاص مش هخبي تاني وهحكيلك كل حاجه اديني فرصة خلينا نحاول تاني واوعدك مش هخذالك ابدا روح بدموع: لو سمحت يا حمزة انا عايزة اروح حالا حمزة: بس يا روح روح: بعد اذنك يا حمزة انا محتاجه اكون لوحدي شوية لو سمحت روحني حمزة بحزن: حاضر يا روح يلا بينا *عند زياد ومنه... زياد: مبسوطه يا حبيبتي منه بكسوف: اكيد مبسوطه بس زياد: بس اي اتكلمي انا معاكي منه: انا قلقانه علي ابيه وروح اوي بيحبوا بعض بس بيعاندوا معرفش ليه زياد: حمزة غلط كتير يا منه وعدي كل الحدود ولازم يتغير ويعرف قيمه روح عشان ميكررش غلطه تاني منه: بس هو صعبان عليا هو بيحبها زياد: انا مقولتش انه بيكرهه بس هو فاهم الحب غلط الحب مش معنه اهانه ومعايرة وذل وضرب وعافية لا خالص يا منه الحب احترام وتفاهم ومودة ورحمه الحب يعني اكون ليكي السند والضل والضهر الحب يعني انك تهربي من الدنيا كلها ومني ليا انا مش اخليكي تكرهيني وتخافي مني وتبعدي عني الحب يعني انك مهما غلطي متخفيش وتيجي تحكيلي ونتفاهم براحه ونتكلم مش ارعبك مني واخليك تزيدي في غلطك او تلجئ لحد غيري وفي الاخر اعتب عليكي الحب يعني تبقي حبيبتي وامي وبنتي واختي وصحبتي ومراتي وكل حياتي مش تبقي علي مزاجي كدا وخلاص ومش مهم مشاعرك ولا احساسك ولا انتي عايزاه اي الحب يعني ثقه وراحه وامان مش قلق وخوف وشك وبهدله صدقيني الحب حاجات كتير اوي واخوكي لازم يتعلمها لانه كدا هيخسر كل حاجه منه: ياااه يا زياد انت طلعت حنين اوي ربنا يباركلي فيك يا حبيبي زياد: الله الله ما احنا بنعرف نقول كلام حلو اهو امال ليه وش جعفر اللي لابسه دايما دا منه بكسوف: بس يا زياد بطل رخامه انا بحافظ عليك وعلي حبنا عشان يبقي كله في حلال ربنا وعشان يتبارك في حياتنا سوي زياد: ربنا ما يحرمني منك يا روح قلبي *في مكان تاني علي كافيه... خالد: ها يا نهي عملتي اي طمنيني نهي: خلاص يا خالد انا مش هعمل حاجه انا هسيبهم في حالهم الحب مش بالعافية انا غلط كتير وكفايه لحد كدا خالد: انتي اللي حصلك ليه بتقولي كدا مش بتحبي حمزة وعايزاه اي اللي جد دلوقتي نهي: انا فوقت وحمزة ومستحيل يحبني هو بيحب روح ومش هيحب غيرها وانا عشان بحبه هبعد عنه وهتمناله السعادة خالد باستهزاء: يا حنينه وجايه تفوقي دلوقتي يلا مش مشكله بيكي من غيرك انا هكمل اللعبة وروح محدش هياخدها مني مهما حصل نهي: كفايه يا خالد روح هي كمان بتحب حمزة انت مش هتكسب حاجه من كل دا خالد: اخرسي خالص روح مش بتحب غيري انتي فاهمه وهتكون ليا انا وبس نهي: حرام عليك يا خالد اتقي ربنا يا شيخ وسيبهم في حالهم خالد: بقولك اي متوجعيش دماغي وروحي توبي في حته تانيه يا قطه يلا من هنا نهي: ماشي يا خالد بس صدقني هتندم وهتقول نهي قالت خالد: يلا في داهيه قال اندم قال...وطلع تلفونه واتصل بحد وقال...اي يا حبيبتي فينك مجهولة: موجوده يا حبيبي اتاخرت كدا ليه خالد: معلش يا قلبي كان ورايا شوية شغل ولسه مخلص مجهولة: وحشتني اوي يا روحي هشوفك امتا بس خالد: قريب اوي بس يلا نفذي اللي اتفقنا عليه دلوقتي عايزها تولع مجهولة: انت تأمر يا روح الروح خالد: احبك يا جامد انت يلا سلام.....روح ليا انا وبس ومستحيل حد ياخدها انا هوريك يا حمزة ازاي تقرب لحاجه تخصني هتشوف *وصل زياد منه البيت وطلعت تنام وبعد شوية وصل حمزة وروح ومجرد ما نزلوا من العربية روح لاقيت نسمه بتجري في حضن حمزة... نسمة: حمزة اوع تسبني انا محتاجك اوي خليكي معايا ارجوك حمزة بعدها عنه: في اي يا نسمة اي اللي جابك هنا دلوقتي في اي نسمه بعياط: حمزة انا حامل روح بصدمه: نعم حامل ازاي يعني حمزة هو انت مش قولتلي ان الكلام دا من سنه اواي حامل يعني حمزة: انتي بتقولي اي يا نسمة حامل ازاي انا مقربتش ليكي غير مره من سنه ازاي جايه دلوقتي تقوليلي حامل ردي عليا نسمه بعياط: انت بتقول اي يا حمزة انت نسيت اللي حصل قبل جوازك عايز تتخلي عني دلوقتي حمزة بغضب: انتي هتجننيني ولا اي بقولك مقربتش منك انتي عايزة اي بالظبط واي اللي حصل محصلش اي حاجه احنا علاقتنا شغل وبس مش كفايه الليله اللي مش فاكرها دي نسمه: حرام عليك يا حمزة طب اللي في بطني ذنبه اي ليه بتعمل كدا بس انا مش هسكت حمزة: اعملي اللي تعمليه اللي في بطنك دا مليش علاقة بيه وبسهولة هنثبت دا نسمة بتوتر: ماشي يا حمزة انا هوريك ومش هسيب حق ابني سلام روح: استني عندك يا نسمه راحه فين بس نسمه: عايزة اي انتي كمان روح: ليه بس بتكلميني كدا مش احنا صحاب لا وضرايرة كمان تعالي بس هقولك حمزة: روح انتي بتعملي اي روح بغمزة: مالك يا حمزة انت كمان دي حامل في ابنك ازاي هنسيبها تمشي يعني مين هيهتم بيها هي هتفضل معانا هنا نسمه بتوتر وخوف: هفضل فين لا طبعا انا همشي انتوا عايزين تموتوا ابني مستحيل اقعد معاكوا روح: نموت مين انتي اتجننتي وياستي متقلقيش انا كمان حامل وهاكل من نفس اكلك يلا يا حلوة بقي نسمة: ماشي يا روح *روح وصلت نسمة اوضتها ونزلت راحت لحمزة اوضة المكتب... حمزة: ممكن افهم اي اللي عملتيه دا روح: عملت اي يعني انا معملتش حاجه حمزة: ازاي تخليها تفضل هنا وانتي عارفه انها كدابة ولا انتي مصدقها ولا اي حكايتك روح: انا مبصدقش حد غير بالدليل وهي لازم تفضل هنا لحد ما نتاكد انها مش حامل منك حمزة: يا روح انتي كدا بتولعيها روح: متقلقش انا عارفه بعمل اي كويس وعلي فكره انا امتحاناتي الاسبوع الجاي ولازم اروح حمزة: هتروحي ازاي انتي محضرتيش ولا روحتي خالص روح: عادي هذاكر الاسبوع دا وربنا يكرم حمزة: ماشي ولو احتاجتي اي حاجه قوليلي روح: ان شاء الله انا هطلع انام حمزة: تمام واقفلي علي نفسك كويس تصبحي علي خير روح: وانت من اهله *ام عند نسمه فكانت بتتكلم في التلفون وروح سمعتها بتقولي: نسمة: ينفع كدا اديني اتحبست هنا هعمل اي دلوقتي مجهول: متقلقيش انا معاكي وهحل كل حاجه يا حبيبتي نسمة: ما كفايه لحد كدا انا تعبت مجهول: لسه شوية ولا انتي مش عايزة تكوني معايا نسمة: لا طبعا يا حبيبي انا بس خايفه لنتكشف مجهول: متخفيش طول ما انا معاكي يا قلبي نسمة: ماشي يا حبيبي تصبح علي خير *مشيت روح علي اوضتها وهي بتفكر هتعمل اي وان نسمة مخبيه حاجات كتير ومستحيل تكون حامل من حمزة في سر وياتري كانت بتكلم مين وبتقوله يا حبيبي بس قطعها تلفونها وهو بيرن... روح: اي يا حبيبي عامل اي مجهول: تمام يا قلبي طمنيني عليكي عملتي اي روح: نفذت كلامك وكلمت حمزة وقالي............ بس يا سيدي وانتهت بانها جت وبتقول انها حامل منه مجهول: البت دي كدابة واشك ان حمزة ملمسهش اصلا من البداية وان دي كلها لعبه روح: انا كمان حاسه بكدا ولازم نتاكد مجهول: متقلقيش انا هحاول اتصرف وانتي خلي عينيك عليها روح: ربنا يخليك ليا مش عارفه من غيرك كان ممكن اعمل اي مجهول: عادي كنتي هتغرقي في شبر مية يا شبر ونص انتي روح: تصدق اني غلطانه اني بتكلم معاك يلا يا عم من هنا مجهول: ماشي وشدي حيلك بقي عشان الامتحانات روح: ان شاء الله يا حبيبي تصبح علي خير *قفلت روح وقامت تاخد حمام وتصلي وتقراء قراءن وبعد كدا نامت... تاني يوم صحيت ونزلت عشان تحضر الفطار... روح: صباح الخير منه: صباح النور يا قلبي عامله اي روح: الحمدالله..... بس قطعها صوت حاجه اترزعت وجريت تشوف وكانت الصدمة...... "يتبــــــــــــــــــع..... " 🔴🔴🔴🔴🔴🔴🔴🔴🔴🔴🔴🔴🔵🔵 الحلقة 18 https://whatsapp.com/channel/0029VaZMeBQFHWq2c6RIYg3G ❤محبوبتي طفلة❤ 👇الفصل الثامن عشر👇 روح صرخت: حمزة الحقني تعال بسرعه حمزة: في اي يا روح مالك اي دا نسمة اي اللي حصل هنا روح بعيط: معرفش انا جبت لاقيتها واقعه كدا اتصل بالدكتور بسرعه حمزة: منه بسرعه اتصلي بالدكتور وانتي يا روح ساعديني نطلعها فوق *بعد شوية الدكتور جه وكشف عليها... حمزة: خير يا دكتور طمني هي كويسه والبيبي كويس الدكتور باستغراب: بيبي اي الانسه مكنتش حامل روح بصدمة: انسة اللي هو ازاي يعني يعني هي مش مدام ومش حامل حمزة: استني يا روح دكتور من فضلك اتأكد تاني قبل ما تفوق وقولي اذ كانت حامل ومدام ولا لا الدكتور: هو في اي بالظبط شايفني اي ما انا بقولك انها مش حامل وانها لسه انسة اصلا روح: تمام يا دكتور شكرا جدا واسفين لحضرتك منه وصلي الدكتور بعد اذنك منه: حاضر اتفضل معايا يا دكتور حمزة: روح انا هتجنن اي اللي بيحصل دا بجد روح: اهدي وتعال معايا يا حمزة مش هينفع نتكلم هنا حمزة: حاضر روح: بص يا حمزة كل دا في صالحنا بس احنا هنكمل التمثلية دي حمزة: نكمل ليه انا مش فاهم دي واحده ضحكت عليا ولعبت بيا وبمشاعري روح: هي مش لوحدها يا حمزة في حد بيساعدها ولازم نعرف هو مين وبيعمل كدا ليه وعايز اي عشان نخلص من المشاكل دي كلها حمزة: بس يا روح انا مش هعرف اسكت واخاف تعمل فيكي حاجه انتي وابني روح: متقلقش يا حمزة احنا سوي وهنعدي كل دا وانت معايا مفيش حاجه هتحصلي انا وابنك اطمن حمزة: انا خايف يا روح مش هقدر اخسركوا وهي شكلها لعبة كبيرة روح: قولتلك متقلقش بس احنا لازم نوصل للحقيقه ولوقتها محدش لازم يعرف حاجه ولازم تفضل تعاملني وحش تمام حمزة: حاضر يا روح بس اوعديني انك تفضلي كويسه روح: اوعدك يا حبيبي قرب حمزة وخضها في حضنه: بحبك يا كل حياتي وكل املي في الدنيا دي ربنا ما يحرمني منك ابدا يا حبيبتي ابتسمت روح: ولا يحرمني منك يا روح قلب روح من جوه *فجاه الباب خبط وكانت منه... حمزة: دايما بتجي في الوقت الغلط عايزة اي يا ست كخه انتي منه بضحك: مش عايزة يا ابيه بس الزفت اللي اسمه خالد واقف تحت يا روح وعايزاك حمزة: مين خالد دا يا روح روح بتوتر: دا اخوه صحبتي وكان جاري وكان مسافر ورجع من كام يوم وقابلته صدفة انا ومنه بس كدا حمزة: ايوة وجاي عايز اي يعني انا مش فاهم روح: معرفش يا حمزة يلا ننزل نقابله واهو اعرفك عليه بقي خالد: روح حبيبتي عامله اي مش قولتلك هاجي اشوفك واديني وفيت بوعدي اهو طمنيني عليكي ولسه هيقرب ويحضنها حمزة وقف قدامه: اهلا يا استاذ خالد انا حمزة جوز روح اتفضل شرفتنا خالد بغضب حاول يداريه: الشرف ليا يا استاذ حمزة قوليلي يا روح عملتي اي في المدرسة روح وهي جانب حمزة: اهو الحمدالله يا خالد والامتحانات الاسبوع الجاي باذن الله خالد: طب خلو شدي حيلك يا حبيبتي بقي عايزين مجموع حلو روح: احم ان شاء الله يا خالد قرب حمزة وحط ايده علي كتف روح وقال: قولي بقي يا خالد انت شغال اي خالد بغضب: انا شغال في شركة استيراد وتصدير حمزة: حلو والله شكلك شاطر خالد: جدا ومبعرفش اضيع حاجه من ايدي واللي بياخد حاجه ملكي بيكون حكم علي نفسه بالموت حمزة: جدع والله خليك كدا اوع تفرط في حقك مهما حصل يا عسل خالد: متقلقش حقي بعرف اخده كويس روح: طب هقوم اعملكوا حاجه تشربوها حمزة: لا يا حبيبتي خليكي عشان البيبي قولي صحيح يا خالد اسمحلي طبعا اشيل الالقاب خالد: اه عادي جدا قول يا حمزة حمزة: قولي اي رايك لو ولد نسميه اي ولو بنت نسميها اي خالد: انا كان نفسي زمان اسمي كريم ونور وهحقق دا ان شاء الله لانهم لايقين علي اسمي شوف انتي اللي يليق معاك وسمي بيه حمزة: ان شاء الله... منه هاتي قهوة للاستاذ منه: حاضر يا ابيه خالد: بس ينفع كدا يا حمزة تخطف عروستي مني حمزة بغضب: عروستك اللي هو ازاي يعني خالد بضحك: هو انت متعرفش اني كنت ناوي اتجوز روح ولا اي حمزة حاول يتمالك اعصابه وقال: عادي حبيبتي ناس كتير يتمنوها المهم ان في الاخر انا اللي فوزت بيها خالد: متفرحش اوي كدا مش يمكن تضيع من ايدك في اي لحظه يا عالم حمزة كان لسه هيتكلم روح قطعته: بس انا بحب حمزة ومستحيل حاجه تفرقنا مهما حصل يا خالد وقولتلك كتير بطل هزارك دا وعن اذنكم هطلع ارتاح شوية خالد: تمام انا كدا كدا ماشي عشان عندي شوية شغل وهنتقابل تاني اكيد يا حمزة حمزة بابتسمت نصر: اكيد يا خالد مستنيك في اي وقت *مشي خالد وجت روح تطلع مسكها حمزة وشدها في حضنه... حمزة: شكرا يا روح بجد شكرا روح: علي اي يا حبيبي حمزة: انك رديتي عليه ومسكتيش بس عايز افهم هو ليه بيتكلم كدا من الاساس هو كان في حاجه بينكم روح: هو خالد كدا يا حمزة بيحب يهزار كتير متخدش علي كلامه يا حبيبي حمزة مسك وشها: يعني متاكده ان مكنش في حاجه بينكم انا احب اعرف منك احسن اعرف من حد تاني يا روح متخبيش عليا حاجه بالله عليكي روح بتوتر: بصراحه يا حمزة انا زمان كنت فاكره اني بحبه بس والله عمري ما قولتله كدا هو كان دايما معايا وبيهتم بيا وبمذاكرتي وبيجبلي كل حاجه كان نفسي فيها وافتكرت اني كدا حبيته وعايزة اكون مراته بس هو سافر وانت دخلت حياتي واكتشفت اني محبتش قبلك ولا هحب بعدك مهما حصل صدقني يا حمزة حمزة: وانا مصدقك يا قلب حمزة روح: يلا اطلع انت اطمن علي نسمة وانا شوية وهاجي عشان متشكش في حاجه زمانها هتفوق واوع تتلغبط وتعرفها حاجه يا حمزة حمزة: متقلقيش يلا متتاخريش عليا *كانت نسمة بداءت تفوق وحاسه بوجع في دماغها اثر الواقعه وكانت خايفه تكون اتكشفت قدامهم ولحظات ودخل حمزة... نسمة بتوتر والم: حمزة هو اللي حصل انا مش فاكره حاجه حمزة: مفيش انتي بس وقعتي من علي السلم ودماغك اتخبطت نسمة بتوتر: وابني حصله حاجه اتكلم يا حمزة حمزة: لا خالص الواقعه كانت بسيطه جدا عملتلك دماغك بنفسي وقولت مفيش داعي للدكتور نسمة براحه: الحمدالله أن ابني محصلهوش حاجه حمزة بخبث: بس اي رايك عشان نطمن اكتر نروح نكشف ونشوف البيبي نسمة: ها لا ملهوش لازمه انا حاسه انه كويس حمزة: طيب بس هو انتي وقعتي ازاي مش تخلي بالك شوية نسمة: يمكن دوخت شوية من الحمل وقلة الاكل لاني خايفه اكل هنا يمكن روح تحاول تموت ابنس حمزة كان لسه هيرد دخلت روح بسرعه: لا متخفيش يا نسمة انا مستحيل اعمل حاجه زي دي اطمني ويلا يا ستي انا هاكل من الاكل قبلك اهو عشان تصدقي حمزة: انا هروح الشركة في شوية شغل لازم يخلص حاسس ان الاكسجين خلص من الاوضة فجاه كدا روح ببرود: اي يا حمزة هو اذ حضرة الشياطين ذهبت الملائكة ولا اي حمزة: هو حد وجهلك كلام يا بتاعة انتي مش كفايه الزفت اللي جبتهولي لحد البيت نسمة باستغراب: زفت مين هو اي حصل هنا مالك يا حمزة حمزة: اصل الهانم المحترمه جيبالي واحد كان عايز يتجوزها لحد هنا وقاعد بيكلمني بكل بجاحه زي ما يكون البيت بيت ابوه روح: مسمحلكش تغلط في خوخه بالشكل دا انت فاهم يا حمزة حمزة: خوخه انتي شكلك محتاجه تترابي من اول وجديد يا روح نسمة: اهدي يا حمزة فيه اي سيبك منها وانت عملت اي معه حمزة: مهببتش اتبردت وظهرت اننا اسعد اتنين في الدنيا عشان شكلي اللي هي مخليه في الارض نسمة: معلش يا حبيبي بس هو مش يمكن يكون هو ابوه اللي في بطنها دا حمزة بغضب: نسمة انتي بتقولي اي متتكي علي العقل شوية هي مش ناقصة قرف انا هتزفت اروح الشغل سلام روح: عجبك كدا دا انتي لسانك بينقط عسل ياختي متتلمي شوية نسمة: ما قولتلك حمزة جوزي انا ومش هسمحلك تاخديه مني مهما حصل روح: ومين قالك اني عايزاه انا مبقتش اطيقه والله نسمة: يا سبحان مغير الاحوال اي اللي حصلك روح: محصلش بس تعبت من شكه وقرفه وان كل شوية واحده تظهر وحواراته كتير نسمة بفرح: عندك حق يا روح والله حمزة طول عمره كدا بيقضيها ومش بيهمه روح: فعلا وانا تعبت يا نسمة وجبت اخري منه نثبت بس انك حامل في ابنه وساعتها همشي ومش هيشوف وشي تاني نسمة: متزعليش نفسك يا حبيبتي ان شاء الله ربنا هيعوضك باللي احسن منه روح: ان شاء الله يلا هسيبك ترتاحي شوية وهطلع ارتاح انا كمان نسمة: ماشي يا حبيبتي *اما منة فكانت لبست ونزلت تجيب حاجات لزوم الفرح هي وزياد... زياد: اي القمر دا بجد مبقتش قادر استحمل اكتر من كدا منه بكسوف: بس يا زياد اتلم بقي زياد: لا بقولك اي خلاص هانت وهتبقي مراتي يعني براحتي منه: لا اسمعني كويس صوتك ميعلش انا مش بحب الصوت العالي تمام زياد: هو مين فينا الراجل يا بت انتي منه: بت في عينيك ملهش علاقة بمين الراجل بس انا فعلا مش بحب الصوت العالي زياد: حاضر يا حبيبتي اللي متحبهوش بلاش منه طبعا منه: ربنا يخليك ليا... بس قولي هنروح فين دلوقتي زياد: ويخليكي ليا يا نور عيني... بصي يا ستي الاول هنروح نشوف الفستان وبعد كدا هنروح مشوار كدا صغير منه بفضول: مشوار اي دا انت مقولتليش عليه زياد: ما هو سر يا روحي اصبري نخلص وهتعرفيه منه باستغراب: ماشي لما نشوف اخرتها معاك يا استاذ انت زياد: اخرتها انا وانتي وحته منك يا نبض قلبي *منه اتكسفت واكتفيت بالابتسامه ووصلوا الاتيليه... منه: ها يا زياد اي رايك في دا زياد: مش شايفه انه مفتوح شوية يا حبيبتي منه: اوف يا زياد دا حلو اوي بطل رخامه زياد: لا يا منه شوفي غيره انتي جسمك كله باين مينفعش كدا انا مراتي محدش يشوفها غيري منه بعصبية طفولية: خلاص يا استاذ زياد لبسني شوال عشان اعجب حضرتك قرب زياد منه ومسك وشها: عارفه يا منه انا لو اطول اخبيكي في عيني عشان محدش يشوفك غيري مش هتاخر انا بحبك وبغير عليكي اوي ومش بستحمل حد يقربلك او يبصلك او يشوف جمالك غيري لانك ملكي انا وقلبي بس اتكسفت منه: وانا كمان بحبك يا زياد ربنا يخليك ليا زياد اتصدم وقال: انتي قولتي اي يا منه منه اتكسفت: مقولتش حاجه قولت هدخل اغير الفستان يا حبيبي... وجريت من قدامه بعد شوية خرجت منه وهي لابسه فستان ابيض طويل وبكم وغاية في الروعة زياد باعجاب: اي دا يا منه هو في كدا منه بحزن: اي يا زياد وحش دا كمان زياد: وحش اي بس يا منه دا انتي حلوة اوي انتي ازاي كدا بجد انتي عاملة زي الملاك ربنا يباركلي فيكي يا حبيبتي وقرب باس راسها اتكسفت منه: ويباركلي فيك يا حبيبي زياد: يلا ادخلي غيري عشان نروح مشوارنا بقي منه: حاضر يا حبيبي *في الفيلا بالتحديد في اوضة نسمة كانت بتتكلم في التلفون... نسمة: اي يا حبيبي الخطة ماشية تمام اوي والدنيا ولعت بينهم مجهول: اوعي يكون حد كشفك يا بت انتي نسمة: عيب عليك دا انا نسمة برضو اينعم تعبت النهارده بس الحمدالله ربنا ستر ومحدش عرف حاجه مجهول: مش تخلي بالك انتي عايزو تفضحينا وضيعي تعبنا ولا اي نسمة: معلش يا حبيبي هاخد بالي بعد كدا بس انت وحشتني اوي وعايزة اشوفك مجهول: خلاص يا حبيبتي هجيلك بليل لما كله ينام اي رايك نسمة: تمام يا حبيبي هستناك في الجنينه وره متتاخرش عليا مجهول: ماشي يلا اقفلي عشان محدش يسمعك *وقفلت نسمة وهي بتستعد عشان تقابل شريكها بليل بس مكنتش تعرف ان في سمعها ومركز معاها اوي وراحت تنام شوية عشان تقدر تصحي لحبيبها بليل اما في اوضة روح كانت بتصلي دخل حمزة وفضل مركز معاها لحد ما خلصت.. حمزة: ربنا يتقبل منك يا حبيبتي روح: مني ومنك يا حبيبي طمني عليك خلصت شغلك حمزة: الحمدالله يا حبيبتي قوليلي انتي عامله اي وابني حبيبي عامل اي روح: اهو تعبني قاعدت ذاكرت منه بالعافية حمزة: مش كنتي قاعدت السنادي يا حبيبتي روح: مش عايزة اضيع سنه من عمري يابابا خليني اخلص بقي هو العمر فيه قد اي حمزة: ربنا يعينك يا قلبك وانا معاكي للاخر ان شاء الله وتنجحي وتحققي كل احلامك روح: ربنا يخليك ليا يا حبيبي طمني كلت ولا لسه حمزة: قولت اكل معاكي وجيت لاقيت نسمة نايمه قولت فرصة عشان اكل حبيبتي بي ايدي روح: ماشي يا روحي ثواني واجبلك الاكل *اما عند منه وزياد... زياد: اوعي تفتحي عينيك يا منه هزعل منك منه: يا زياد انا زهقت متقول في اي زياد: اصبري بس ثواني ايوة انزلي كدا بس اقفي بقي وفتحي عينيك بس واحده واحده *كان زياد حاجز ياخت كبير اوي ليه هو ومنه وبس وكله ورد وعشاء رومانسي وشموع... منه: كل دا عشاني انا يا زياد زياد: ايوة يا قلب زياد كله ليكي هو انا ليا اغلي منك جريت منه حضنته: ربنا يخليك ليا يا كل حياتي *لكن فجاه قاطعهم دخول واحده شكلها غريب اوي اول ما شافتها منه اتصدمت وعيطت وقالت هو انتي لا مستحيل ازاي...... يتبــــــــع....... 🔴🔴🔴🔴🔴🔴🔴🔴🔴🔴🔴🔴🔵🔵 الحلقة 19 https://whatsapp.com/channel/0029VaZMeBQFHWq2c6RIYg3G ❤️ محبوبتي طفلة❤️ 👇الفصل التاسع عشر👇 الست: وحشتيني اوي يا منه منه: مستحيل انتي ازاي عایشه زياد: مين دي يا منه مش هتعرفيني الست: انا نادية ابقي ام منه وحمزة زیاد بصدمة: انتي بتقولي اي انتي مش موتي نادية: انا هحكيلكوا كل حاجه بس هنتكلم علي الباب کدا زياد: لا طبعا اتفضلي منه: انتي ازاي عايشه يا امي هما قالولي انك عملتي حدثة ومش لاقين الجثة وبدام عايشه كنتي فين كل دا نادية: انا فعلا عملت حدثة بس مموتش كنت في غيبوبة وناس لاقتني واول ما فوقت دورت عليكي وعرفت انك هنا وجتلك علي طول منه: أنا كنت محتاجكي اوي ليه سبتيني دا كله الحمدالله انك رجعتيلي يا امي زياد: حمدالله علي سلمتك يا حماتي حضرتك عرفتي اننا هنا منين بس نادية: من تلفون منه انا دايما عمله متابعه عليه بس مین دا یا منه منه: دا يبقي زياد خطيبي وصاحب حمزة نادية: يا روحي الف مليون مبروك ربنا يسعدكم يا حبايبي وحمزة عامل اي طمنيني عليه منه: الله يبارك فيكي يا ماما زياد: حمزة كويس بس هتبقي صدمة ليه حضرتك وجعتي حمزة اوي نادية بحزن: انا عارفه بس حمزة لازم يعرف سبب كل دا منه انتي وريتي حمزة الفيديو منه بحزن: انا اسفه انا نسيت خالص حصل حاجات كتير اوي ونسيت يا ماما نادية: اخص عليكي يا منه دا انا كنت قایلالك لو حصلي اي حاجه لازم الفيديو يوصل لحمزة زياد: متزعليش يا حماتي احنا فيها حضرتك تقدري تيجي وتحكي بنفسك كل حاجه لحمزة وهيكون أحسن بكتير نادية بدموع: بس انا خايفه دا عدي اكتر من 20 سنه هو ممكن يسامحني زياد: حمزة كويس وطيب اوي وهو سامحك من زمان بس هو من حقه يفهم سبب كل دا منه: زیاد عنده حق يا ماما مش هينفع نسكت اكتر من كدا يلا نروحله نادية: بلاش النهارده یا منه لازم اكون مستعده كويس عشان اقدر اقوله منه: حاضر يا ماما انا مبسوطه اوي انك هتحضري فرحي كنت زعلانه اوي بس الحمدالله ربنا رضاني نادية: انا ليا اغلي منك يا نور عيني ربنا يتمملك علي خير زياد: مع احترامي لرايك يا حماتي بس يستحسن نروح نتكلم مع حمزة دلوقتي ومنستناش نادية: لا يا زياد خليها بكره اكون جاهزة منه: خلاص يا زياد سيبها براحتها قوليلي یا ماما انتي قاعده فين نادية: انا واخده شقة قريبه من بيت حمزة زیاد: طب يلا ناكل ونروح عشان الوقت اتاخر اوي كدا في مكان مهجور بعيد ظهر حاتم وعم حمزة.... حاتم: الحق يا بابا اللي خايف منه حصل العم: في اي يا زفت هو انت دايما کدا اخبارك وي وشك اي اللي حصل حاتم: نادية مرات عمي ظهرت العم بصدمة: انت بتقول اي يعني اي ظهرت وازاي انت مش بتقول ان بنتها رجعت وقالت انها ماتت حاتم: طلعت عایشه وناوية تيجي لحمزة بكره وتحكيله كل حاجه العم: مستحيل حمزة مش هينفع يعرف حاجه انا كدا هروح في داهيه معاك وهنبقي احنا الاتنين هرابنين مش انت بس حاتم: هي اي حكاية نادية دي انت من زمان رافض تحكيلي متتكلم بقي وكفایه سکوت العم: مش وقته لازم نلاقي حل بسرعه حاتم: هتعمل اي هتقتلها زي ما قتلت . عمي العم: مفيش حل غير كدا احسن ما اروح في داهيه بس هنوصلها ازاي حاتم: انا عارفه هي قاعده فين خد العنوان اهو العم: تمام اوي ياريتني كنت خلصت عليكي من زمان بس عادي تتعوض وموتك هيكون علي ايدي *عند حمزة وروح كان حمزة اكل ونام وروح قامت وعملت تلفون... روح: انت جاهز ولا اي محمد: ايوة يا روح بس كان لازم حمزة يعرف روح: مش وقته یا محمد حمزة فيه اللي مكفيه محمد: بس دا حقه يا روح روح: اتاكد من شكوكي بس وساعتها هقوله كل حاجه محمد: طيب يا روح يلا انا مستنيكي روح: تمام انا جايه بس جبت الكاميرا معاك محمد: ايوة معايا متقلقيش * في نفس الوقت نسمة كانت صحيت ولبست ونزلت تقابل شریکھا... نسمة: وحشتني اوي يا حبيبي خالد بق*ف: وانتي كمان طمنيني عملتي اي نسمة: كل خير اهم دلوقتي قاعدين مولعين في بعض ضحك خالد: ما هو دا المطلوب نسمة: بس عايزة اعرف انت بتعمل كل دا ليه خالد: من زمان وانا بحب روح وعايزها بس حبي للفلوس كان اكتر بكتير سافرت عشان اشتغل واجيب فلوس اكتر بس فشلت وعرفت حمزة وسمعت عنه كتير وجت في بالي فكرة اني اخلي حمزة يتجوز روح وبعدها تخلف منه واموته وتاخد كل املاکه للاسف هي حبيته ومستحيل لو مات توافق علي حد غيره وهنا جه دورك يا نسمتي وقعتك في طريق حمزة الاول وخليتك توهميه انه غلط معاكي عشان يتجوزك وانك دلوقتي حامل عشان روح تكرهه وتسيبه بس وتبقي ليا نسمة: انت شيطان طب وانا بدام بتحب روح ليه بتعمل معايا كدا خالد بمكر: انتي الحلو بتاعي يا بت انتي شريكتي في كل حاجه ومفيش حاجه تتم من غيرك يا موزتي نسمة: بس في الاخر مش هتتجوزني خالد بضحك: اتجوزك انتي اتجننتي اتجوز مین یا قطة هو يوم ما افكر اتجوز هتجوزك انتي نسمة بغضب: ليه مشبهش ولا مشبهش دا انا لسه بورقتي مش متجوزة وحامل زي روح بتاعتك دي خالد حاول يلم الموضوع: اي يا نسومتي انا بهزار معاكي في اي بتصدقي كل حاجه بسرعه کدا نسمة: يكون في علمك يا خالد انت الو*** بت بيا انا هقتلك وهقتل روح بتاعتك دي انت فاهم فجاه ظهرت روح: لا متقلقوش موتكم هيكون على ايدي انا خالد بصدمة: روح انا روح: انت اي يا خالد متقول مالك في اي خالد: اه انا كنت جاي اطمن عليكي ولاقيتها بتتسحب هنا افتكرتها سارقه حاجه وبتهرب بيها روح: لا بجد والله يا حرام طول عمرك بتحب تعمل الخير يا خوخه خالد: قصدك اي يا روح مالك انتي مش مصدقاني روح: ازاي بس انا معايا بس فیلم صغیر عايزاكم تتف * جوا عليه معايا تعال يا محمد خالد بتوتر: محمد بتعمل اي هنا دلوقتي محمد: اي يا خالد مفيش سلام ولا كلام هو انا بايت في حضنك ولا اي روح: مش مشكلة يا ميدو يلا شغل الفيلم محمد بضحك: من عنيا يا قلب ميدو *وكان تسجيل صوت وصورة لخالد ونسمة وفيه كل اللي اتقال دلوقتي اتصدم خالد ونسمة... نسمة: روح انا روح: انتي اي يا نسمة انتي واحده زبالة ورخيصه ازاي فكرتي تھيني نفسك بالطريقة دي اي مفيش اي احترام وتقدير ليها وحمزة ذنبه اي دا عمره ما عملك حاجه وحشه اي يا شيخه مش بتحسي نسمة بدموع: انا عملت كدا عشان خالد انا بحبه وهو قال بكدا هيكون معانا فلوس وهنتجوز بسرعه روح: حب اي وزفت اي دا مسمهوش حب خالص واهو في الاخر بيضحك عليكي وهيرميكي زي الكلبة خالد: روح انا بحبك وعملت كل دا عشان يكون معانا فلوس ونتجوز مش قولتلك هسافر وهاجي اخدك روح: تاخد مين وحب اي يا خالد انت کداب وكنت عايز تتجوزني بفلوس مش من حقك فلوس حرام يخسارة حبي ليك يا خالد كنت مخدوعة بس ربنا عوضني بحمزة الحمدالله خالد: يعني كنتي بتحبيني يا روح طب احنا فيها هاتي التسجيل دا ويلا نمشي وابنك هيكون ابني روح: حب اي دا كان زمان کنت موهومه انا محبتش غیر حمزة ومستحيل احب غيره خالد: بس انا بحبك يا روح روح بضحك: بتحبني تصدق ضحكتني انت مبتحبش غير الفلوس يا خالد الانانية والطمع عموك خالد: طب هاتي التسجيل دا یا روح احسن ليكي وللي في بطنك روح: مستحيل يا خالد انا هبلغ عنكم وهسلم التسجيل دا وهود* كم في ستين الف داهيه خالد: روح بقولك هاتي التسجيل *وكان لسه بيقرب عليها فجاه مسکه حمزة وضربه بالبو** ووقع علي الارض وروح حضنته... حمزة: انا نبهتك كتير متفكرش تقرب الحاجه مش ليك وبالذات مرات حمزة محدش يبصلها حتى روح: حمزة انا اسفه بس كان لازم اكشفهم انت ملمستش نسمة وهي اصلا مش حامل ولسه انسة وكل دي كانت لعبة عليك حمزة: اهدي يا روح انا سمعت كل حاجه والبركة في محمد محمد: اسف يا روح بس حمزة كان لازم يكون معانا نسمة: حمزة انا اسفه والله انا حمزة بغضب: انتي اي يا نسمة يا شيخه منك لله انا كنت شايل ذنبك الفترة دي كلها ومش عارف اعمل اي ولا عارف ارتاح ولا انام انا عملتلك اي عشان تعملي فيا كدا نسمة بدموع: والله يا حمزة انا غصب عني عماني انا اسفه سامحني حمزة: مستحيل وحقي هاخدوا منك انتي والكلب دا یا حراس خالد: مستحيل انا مش هخسرك كل حاجه حبي ولو خسرت انت كمان لازم تخسر يا حمزة وموتك هيكون علي ايدي *مسك خالد . حدیده وقرب من حمزة وكان لسه هیضربه فجاه روح وقفت قدامه والضربه جت فيها هي وقعت بين ايدين حمزة والحراس جم ومسكوا خالد ونسمة وطلبوا الشرطه ومحمد طلب الاسعاف وراحوا المستشفي وروح دخلت العمليات فورا... *اما زياد ومنه فهما وصلوا نادية بيتها وكانوا لسه هيمشوا سمعوا صوت صويت جاي من الشقه جوه نزلوا جريوا ودخلوا لاقوه راجل بيحاول يقتل نادية بس واقف بضهره محدش قدر يشوفه... زياد: انت مين سيبها وخد اللي انت عايزوا لف الراجل وكان الصدمه انه عم حمزة: انت بتعمل اي هنا یا زیاد امشي احسن ليك زياد: انت هو في اي انت وصلتلها ازاي وعايز منها اي سيبها يا عمي العم: لا مستحيل نادية لازم تموت نادية: عايز تموتني عشان مفضحكش قداي انت زبالة زیاد باستغراب: تفضحيه ازاي يعني هو في اي العم: اسكتي انا غلط لما سيبتك عایشه کل دا بس هصلح غلطي دلوقتي منه: لا يا عمي سيبها ارجوك دي امي اقتلني انا بدالها نادية: اقتلني مبقاش يفرق معايا وكدا كدا انا اعترفت بكل حاجه لحمزة صوت وصورة والفيديو معه نهايتك قربت اوي العم بغضب: انتي كدابة مستحيل نادية بضحك: الفيديو وصل لحمزة وزمانه شافه ومش هيرحمك وهياخد حقي منك يا مفتري العم: برضو مش هسيبك يا نادية انتي لازم تموتي * وفجاه ضربها بالسكينه وجري هرب ومنه وزياد جريوا علي نادية... منه بدموع: قومي يا ماما انا مصدقت رجعتيلي قومي ارجوكي انا محتاجكي نادية: قولي لحمزة اني بحبه اوي واني عمري ما نسيته وانه كان غصب عني خليه يسامحني زیاد: اهدي يا حماتي هنروح المستشفي وهتبقي كويسه وحمزة هيسامحك وهترجعي لحضن عيالك تاني نادية: خلوه يسامحني وسامحوني انا بحبكم وفجاه اغمي عليها منه بانفعال: زیاد بسرعه الاسعاف أنقذ امي یا زیاد ارجوك زياد: اهدي يا منه هنلحقها * الاسعاف وصلت وراحوا المستشفي بسرعه ودخلت نادية العمليات ومنه حاولت تتصل بحمزة كذا مره ورد اخيرا وعرفت انه في المستفي جريت راحتله واترميت في حضنه... حمزة: اهدي يا منه روح هتبقي كويسه متقلقيش منه بدموع: حمزة ماما عمي عمليات وفجاه اغمي عليها *جه زیاد وطلب الدكتور وادوها حقنه مهداء ونامت ... زياد: حمزة انت بتعمل اي هنا في اي وروح مالها حمزة بحزن: خالد طلع متفق مع نسمة وجه يضربني جت في روح وهي في العمليات انتوا اللي بتعملوا اي هنا ومنه كانت بتقول كلام مش مفهوم هو في اي زياد: اصل امك طلعت عایشه یا حمزة وعمك حاول يقتلها وهي في العمليات دلوقتي حمزة بصدمة: امي انا لسه عايشه دا ازاي وليه عمي حاول يقتلها هو في اي بالظبط زياد: معرفش یا حمزة هي قالت ان في فيديو علي تلفونك وفيه كل الحقيقه افتحه وانت تفهم كل حاجه حمزة فتح الفيديو وكان فيه نادية وهي بتقول: حمزة حبيبي وحشتني اوي زمانك كبرت دلوقتي وطبعا زعلان مني وحقك طبعا بس لازم تفهم اني بحبك وبحب ابوك جدا وعمري ما حبيت غيره ولا خونته وسبب كل دا هو عمك منه لله هو اللي عمل كل دا جالي ساعتها وقالي انه هيقتلك انت وابوك لو مبعدتش عن ابوك وكرهته فيا في الاول رفضت طبعا لاني بحبكم اوي بس ساعتها انت عملت حدثة ورجلك اتجبست وكلمني وقال ان دي ضربة صغيرة ولو منفذتش كل طلباته هيقتلكم بجد ساعتها خوفت عليكم جدا ومقدرش استحمل وبداءت اعمل مشاكل مع ابوك واقوله اني بحب حد تاني لحد ما سيبت البيت ومشيت وساعتها سافرت واشتغلت في مطعم كبير وكان ابو منه هو صاحب المطعم اتجوزني وجبت منه وبعدها مات وعشت اربي منه فكرت ارجع واحكي لابوك كل حاجه بس قولت هيصدقني ازاي وخوفت عمك ينفذ كلامه ففضلت بعيده بس اختك ملهاش غيرك انا قولتلها عليك وان لو حصلي اي حاجه تجيلك خالي بالك منها يا حمزة وسامحني يا حبيبي وخلي ابوك يسامحني انا بحبكم اوي منه لله اللي كان السبب في خراب بيتنا یا حبيبي سامحني يا ابن عمري بحبك حمزة: ياااااه عمي عمل كل دا وفي الاخر قتل ابويا كمان انا مش هرحمه حرمني من امي و ابويا هقتله ومش هسيبه زياد: اهدي يا حمزة بالعقل نطمن علي طنط وروح وبعدين نشوف حوار عمك دا حمزة: انا خايف يا زياد مش عايز اخسر حد فيهم مصدقت انها رجعت وان حياتي مع روح بقيت احسن زياد: يلا نصلي وندعيلهم يا حمزة هما محتاجين كل دعوة مننا دلوقتي حمزة: يلا يا زياد انت عندك حق *صلي حمزة وزياد وفضلوا يدعوا لروح ونادية وبعد كام ساعه خرج الدكتور من عند نادية وجري حمزة عليه... حمزة: طمني يا دكتور بسرعه الدكتور: انا اسف المريضه...... يتبــــــــــع...... 🔴🔴🔴🔴🔴🔴🔴🔴🔴🔴🔴🔴🔵🔵 الحلقة 20 . ❤محبوبتي طفلة❤ 👇الفصل العشرين👇 حمزة: في اي يا دكتور طمني بسرعه امي حصلها حاجه الدكتور: الحمدالله جت سليمه بس هي فقدت دم كتير اوي هتفضل في العناية ال 24 ساعه اللي جايين عشان نطمن عليها بس مش اكتر فرح حمزة وحضن زياد: الحمدالله يا زياد امي كويسه وهترجعلي تاني زياد: عقبال روح يارب يا حمزة يلا نروح نشوف منه ونطمنها زمانها فاقت وقالبه الدنيا حمزة: يلا يا صحبي ربنا يجيب العواقب سليمه يا رب زياد: منه حبيبتي اهدي خلاص ماما بقيت كويسه وبكره ان شاء الله هتفوق وتبقي معانا يا قلبي فرحة منه اوي: الحمدالله ماما رجعتلنا يا حمزة اخيراً انت سمعت الفديو صح سامح ماما يا حمزة دي بتحبك اوي والله قرب حمزة منها: متقلقيش يا قلب اخوكي كل حاجه هتبقي كويسه منه: ان شاء الله يا حبيبي طمني علي روح هي كويسه حصلها اي الدكتور قالك اي حمزة بحزن: لسه يا منه مخرجتش من العمليات ومش عارف اعمل اي خايف عليها اوي قامت منه: طب يلا يا حبيبي نروح نطمن عليها وندعيلها وان شاء الله تبقي كويسه *فضلو واقفين قدام اوضة العمليات وبيدعوا لروح بالذات وانها حامل بعد شوية فضل الممرضين والدكاترة يجروا وحمزة مش فاهم في اي حاول زياد وحمزة يوقفوا حد ويسالوا اي اللي حصل وعرف ان قلب روح وقف وان الجنين بيروح منهم حمزة زق الباب ودخل بسرعه ووقف جانب روح ومسك ايدها... حمزة: روح يا حبيبتي انا حمزة حبيبتك قومي يلا انتي قولتي مستحيل تسبيني قومي عشان خاطري والنبي انا بحبك انا مش هعرف اعيش من غيرك قومي يا ماما عشان خاطر ابننا اللي في بطنك هيروح مننا يا روح يلا يا حبيبتي قومي ارجوكي متوجعيش قلبي عليكي قومي بقي انتي وعدتيني عمرك ما هتسبيني جايه دلوقتي تتخلي عني يا روح انتي سمعاني قومي بقولك انا بحبك بحبك اوي والله انا اسف كل دا بسببي وبسبب وساختي انا اسف يا حبيبتي يا رب متعقبنيش فيها قومي يا نور عيني *وقع حمزة علي الارض وهو ماسك ايد روح وراسه عليها وعمال يعيط والدكاترة بتحاول تبعده وفجاه النبض رجع لروح وحمزة فرح اوي والدكاترة خرجوه بره بالعافيه ورجعوا لشغلهم وبعد كام ساعه خرج الدكتورة.. حمزة: طمني يا دكتور مراتي وابني عاملين اي هما كويسين صح الدكتور: الحمدالله عدوا مرحله الخطر بس هي تحت تأثير البنج دلوقتي هننقلها اوضة عادية واما تفوق تقدروا تطمنوا عليها زياد: شكرا يا دكتور تعبنا حضرتك منه: الحمدالله يا حمزة كله بقي تمام دلوقتي حمزة بفرحة: الحمدالله يا حبيبتي عقبال ما ماما تفوق وتبقي الفرحة فرحتين بقي زياد: طب يا صحبي يلا روح خليك جانب روح هي محتاجك جانبها دلوقتي حمزة: ماشي يا حبيبي وانت خد منه وروحوا وبكره ان شاء الله تعالوا منه: لا يا حمزة انا هفضل معاك هنا مش هنسيبك لوحدك وعشان لو ماما او روح فاقوا واحتاجوا حاجه حمزة: اسمعي الكلام بقي انتوا لازم ترتاحوا شوية وبكره اول ما تصحي تعالي يا حبيبتي زياد: حمزة عنده حق يا حبيبتي يلا بينا نروح وبكره اول ما تصحي هجيبك علي طول منه: حاضر امري لله يلا بينا ولو احتاجت اي حاجه يا حمزة اتصل بينا حمزة: حاضر يا حبيبتي خالي بالك منها يا زياد انت فاهم زياد بضحك: دا هي اللي تخلي بالها مني يا عم اسكت اختك مسجله خطر والله منه: بتقول حاجه يا زياد زياد: ها ابدا يا حبيبتي يلا بينا بقي *في المكان المهجور ظهر عم حمزة وحاتم تاني وكان عم حمزة داخل بيجري وبيبص حواليه زي ما يكون عامل مصيبه استغربه حاتم اوي وقال ربنا يستر.. حاتم: في اي يابابا انت عملت اي وليه خايف كدت اي اللي حصل عم حمزة: اتكشفنت خلاص يا حاتم وروحنا في داهيه حاتم: اتكشفنا ازاي يعني متقول اي اللي حصل عم حمزة: منه وزياد شافوني وانا بحاول اقتل نادية مرات عمك والهانم طلعت مسجله فديو لحمزة وحكيالوا كل حاجه حاتم: هو اي السر اللي مع نادية مخليك خايف كدا اظن من حقي اعرف كفايه تخبي بقي واتكلم عم حمزة: جه الوقت اللي لازم تعرف فيها الحقيقه يا حاتم وبتمني تسامحني يا ابني حاتم بخوف: حقيقه اي واسامحك علي اي بالظبط في اي يا بابا عم حمزة: من قبل ما اتجوز امك بسنه انا كنت اعرف نادية وكانت زميلتي في الكلية وكان بينا قصة حب كبيرة اوي انا كنت شاب غاوي خروجات ولف وهزار وشرب ومشاكل كتير وعشان كدا جدك كان سايب كل حاجه لعمك خوف من اني اضيع تعب السنين بتاعه وفي يوم كنت انا ونادية سوي في الشقة اللي كنت ماجرها عشان نتقابل فيها... فلاش بااااك.... نادية: سيد يا حبيبي انا عايزة اقولك حاجه مهمه اوي بس عايزاك تسمعني ومتتعصبش سيد (اللي هو عم حمزة): في اي يا حبيبتي اتكلمي مالك نادية: انا حامل يا سيد داخله في شهرين سيد وهو مصدوم: حامل ازاي يعني احنا متفقناش علي كدا نادية: اي هو اللي ازاي هو انت كنت عايز تقضيها كدا وخلاص ما طبيعي دا اللي يحصل سيد: بس انا مكنتش عامل حسابي علي كدا وانتي كان لازم تخلي بالك يا نادية نادية: واهو اللي حصل يا سيد انت لازم تيجي تطلب ايدي ونتجوز في اسرع وقت سيد ببرود: بس انا مش هقدر اجي اتقدملك واللي في بطنك دا لازم ينزل نادية بصدمة: ينزل انت بتقول اي انت اتجننت ولا اي يا سيد دا ابننا ازاي عايزني اموته سيد: اعملك اي يعني انا لسه طالب وانتي عارفه الظروف نادية: ظروف اي وانت ابن اكبر رجل اعمال في الشرق الاوسط انت بتضحك عليا يا سيد وكنت بتلعب بيا وعايز تتخلي عني دلوقتي سيد: انا مقولتش كدا ومنكرش كلامك بس انتي عارفه ابويا هو شايفني طايش ومش قد المسؤالية وعشان كدا كاتب كل حاجه لاخويا وانا مليش حاجه اخويا هو اللي واصي عليا نادية: وانا ذنبي اي انا واللي في بطني يعني حرام عليك يا شيخ دا جزاتي اني حبيتك بجد ووثقت فيك سيد بتفكير: طب انا عندي فكرة وليكي حرية الاختيار بقي نادية باستغراب: فكرة اي دي اتكلم واياك تقولي نموت ابننا تاني سيد: لا متقلقيش بس انتي محدش هيعرف انك خلفتي خالص ولا حته ابنك نفسه نادية: ازاي يعني انت بتقول اي سيد: اسمعيني بس انتي هتتجوزي اخويا الكبير انا كنت ملاحظ انه عينه منك وساعتها هتطلعي من الفقر دا وهتستفيدي وانا هستفيد نادية: اتجوزوا ازاي انت اتجننت انا عايزة اتجوزك انت واصلا افرض وافقت هتجوزه ازاي وانا مش بنت بنوت وابني هتعمل فيه اي سيد: متقلقيش هنعمل عملية صغيرة وكل حاجه هترجع لطبيعتها وابنك هيكون قدام عينيك بس بصفتك مرات عمه وبس نادية: مرات عمه طب ازاي فهمني سيد: انا هتجوز بنت عمي وهي بتحبني هتقبل بي اي حاجه ولما اقولها انه ابني وان امه ماتت مستحيل ترفض وبكدا هنكون ضربنا عصفورين بحجر واحد نادية: انت دماغك دي اي جبروت امري لله انا هوافق بس عشان خاطر ابني وعشان خاطر متفضحش ربنا يسامحك يا شيخ سيد: شطورة يا حبيبتي بااااااااااااك..... سيد: وفعلا نفذنا كل دا وانا اتجوزت امك وخدتك عشان تربيك بس عمرها ما نسيت انك مش ابنها وكان دا عامل فرق بينكم ونادية اتجوزت عمك بس مع الوقت هي اتغيرت وحبيته وكانت هتعترف بكل حاجه وساعتها انا بداءت اكره جدك فيها واكلمها اهددها بيك وبحمزة وعشان كدا هي خافت وسمعت الكلام ومشيت يا ابني حاتم بدموع: يعني كل الفترة دي وانا بقول يا ماما لواحده عمرها ما حسستني انها امي واللي هي امي ترميني وتمشي سيد: مبقاش يفرق يا حاتم نادية لازم تموت قبل ما تكشفني هي اكيد مقالتش لحمزة انك اخوه لازم نخلص عليها حاتم: انت اي مبتحسش عايزني اروح اقتل امي دا مستحيل يحصل سيد: لو مقتلتهاش انا اللي هقتلها وهقتلك انت كمان فاهم حاتم بعصبيه: دا لو فضلت عايش يا با..... يا سيد اتشاهد علي روحك *وفعلا حاتم مسك المسدس وضرب سيد بالنار في دماغه ووقع ميت وقال اخيراً خلصنا من شرك انت دمرتنا كلنا بسبب طماعك انا مستحيل اسامحك.... سابه مرمي في الارض وطلع كان النهارد طلع خلاص وركب تاكسي وقاله يوصله المستشفي... *في المستشفي روح بداءت تفوق وكان حمزة نايم علي الكرسي وراسه علي ايديها بصيتله وهي بتضحك ومشيت ايديها التانية علي وشه حمزة حس بيها ومسك ايدها وباسها... حمزة: حمدالله علي السلام يا روح قلبي الحمدالله انك رجعتيلي بالسلامه روح: اي كنت عايز تخلص مني ولا اي دا بي عينيك حمزة: وانا اقدر اعيش من غيرك يا روح الروح دا انتي اكسجين حياتي انتي وابننا روح بدموع: كنت خايفه اوي يا حمزة وبالذات علي ابننا كان هيروح منا حمزة: اهدي يا حبيبتي الحمدالله كل حاجه اتحلت وانتوا كويسين ومعايا اهو روح: الحمدالله يا حبيبي ربنا يبعد عن العين دخلت الممرضة: استاذ حمزة حمدالله علي سلامة المدام حبيت اعرفك ان الهانم الكبيرة فاقت واتنقلت اوضة عادية حمزة: الله يسلمك وشكرا جدا ليكي الممرضة: العفو يا فندم حمدالله علي السلامه يا مدام علي فكره استاذ حمزة بيحبك جدا وكان هيتجنن عليكي ربنا يخليكوا لبعض عن اذنكم روح: مين الهانم الكبيرة دي يا حمزة حمزة: دا موضوع كبير اوي يا روح بس الملخص انها امي روح بصدمة: امك هي عايشه يا حمزة طب الحمدالله بس هي بتعمل اي هنا هي كويسه حمزة: عمي حاول يقتلها عشان متفضحهوش بس الحمدالله مقدرش وهي بقيت كويسه روح: الحمدالله يا حبيبي المهم انت يا حمزة حمزة باستغراب: انا ازاي يا روح روح: انت كويس يا قلب روح حمزة: مش عارف والله جوايا مية شعور عكس بعض بس كله خير كفايه انك معايا روح: وهفضل معاك العمر كله يا حبيبي *ولسه حمزة بيقرب عشان يبوسها بتدخل منه وبتخبي وشها بسرعه.. منه: انا اسفه كملوا كملوا انا مشفتش حاجه حمزة وهو بيجبها من قفاها: تعالي يا شبر ونص انتي دايما بتبوظي عليا اللحظات المهمه منه: وانا مالي يا لمبي الله حد قالك تبوسها في المستشفي احترم شعور المرضي يا اخي روح وهي بتضحك: يخربيتك فصلتيني وحشتيني اوي يا مفعوصة منه: وانتي كمان يا قلبها حمدالله علي سلمتك حمزة: طب انا هروح اشوف ماما منه وروح: واحنا هنيجي معاك حمزة: لا اله الا الله صبرني يا رب يلا بينا *في اوضة نادية كان حاتم معاها جوه... حاتم: وحشتيني اوي يا امي نادية بدموع: انت عرفت يا حاتم حاتم: اه عرفت كل حاجه وخت حقك يا حبيبتي وقتلته زي ما كان عايز يقتلك نادية بصدمة: ليه كدا يا حبيبي ضيعت مستقبلك خلاص حاتم: كدا كدا هو كان ضايع يا امي انتي متعرفيش هو خلاني اعمل اي وعمره ما حسسني اني ابنه ولا خاف عليا ولا حبني نادية بدموع: انا اسفه يا حبيبي انا سبب كل دا حقك عليا يا ابن بطني حاتم: مبقاش ليه لازمه الكلام دا انا عايز اطلب منك طلب واحد بس نادية: اي هو حاتم: مش عايز حمزة يعرف اني اخوه وياريت يا امي تخالي بالك منه حمزة شاف كتير اوي في حياته وتعب ومحتاجك جانبه ارجوكي نفذي طلبي عايز لو موت اموت وانا مرتاح وحاسس اني صلحت كل غلطي نادية بدموع: بعد الشر عليك يا حبيبي حاضر اوعدك اني مش هعمل اي حاجه وعايزاك تسامحني *فجاه دخل البوليس وقبض علي حاتم في دخول حمزة وروح ومنه... الظابط: ياريت تسلم نفسك يا حاتم احسن ليك حاتم: انا هاجي معاك يا حضرة الظابط بس ممكن خمس دقايق هقول لحمزة علي حاجه حمزة: عايز تقول اي تاني يا حاتم مش مكفيك كل اللي عملته حاتم وهو بيحضن حمزة: انا اسف يا اخويا سامحني انا كنت معمي بس خلاص فوقت مع انه متاخر بس المهم اني عرفت غلطي حقك عليا حمزة وهو مستغرب لانه لاول مره يحس بحضن حاتم ويحسه صادق في كلامه: انا مسامحك يا حاتم وربنا يسامحك حاتم بدموع: شكرا بجد يا حمزة ومتخفش انا خلصتك من شر عمك وقتلته ومبقاش في خطر عليكوا خلاص حمزة بصدمة: ليه عملت كدا يا حاتم ضيعت عمرك وحياتك حاتم: مش مهم المهم ان محدش يقربلك تاني وانتي يا روح انا اسف سامحيني وقرب لمنه وحضنها طالعه زي القمر زي ماما خالي بالك من نفسك يا حبيبتي *ومشي حاتم مع البوليس وسايب الكل مش فاهم حاجه ونادية منهارة من العياط وبعد كام يوم حاتم شنق نفسه في الحبس والكل سيطر عليهم الحزن... في الفيلا... حمزة: يلا يا روح هتتاخري علي الامتحان روح: حاضر يا حبيبي نازلة اهو نادية: متهدي يا حمزة انت متوتر اكتر منها مش هينفع كدا انت لازم تشجعها مش توترها اكتر حمزة: خايف عليها يا امي عايزها تحقق كل احلامها وتبقي فخورة بنفسها منه: متقلقش يا ابيه روح قدها روح: يلا يا حمزة هنتاخر بقي نازل انت رغي وناسيني خالص نادية: طب اقعدي يا بنتي افطري الاول عشان اللي في بطنك دا روح: مليش نفس والله يا ماما معلش يلا يا حمزة بقي حمزة: يلا يا اخرة صبري ربنا معاكي وان شاء الله خير *وعدي كام يوم الامتحانات علي خير وجه اخر يوم بعد الامتحان خروجت روح قبل نغم والغريب انها ملقتش حمزة وجالها السواق وقالها ان حمزة عمل حدثة ولازم يروحوا فوراً ولما وصلت كانت الصدمة..... "يتبــــــــــــــــــع..... "