*مـهـمــة حــب*🌚❤️↻≯♡゙ُ)) ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ *‏تابع قناة حڪايه و ࢪوآيـة 📚💙⊁.↻)){2} في واتساب: https://whatsapp.com/channel/0029VaZMeBQFHWq2c6RIYg3G Part 12/13🦋💗 •┈┈┈••✦ ♡ ✦••┈┈┈• 𝐏𝐚𝐫𝐭 𝟏𝟐 في قرية الجونة فادي وصل وسأل علي حلا موجودة ولا لا وعرف انها وصلت وهي والولاد موجودين في الشاليهات الخاصة بعائلة رعد الحديدي . فادي راح بسرعة ماالقهاش. راح علي البحر ولما قرب وشافها هي والولاد قلبه هدي من القلق عليها كان طول الطريق خايف ماتكونش هناك. كانت فكرة انها تكون في مكان بعيد عنه هو مايعرفهوش كانت بتجننه. اتنهد براحة وابتسم هي كانت نايمة علي الشيزلونج. ومغمضة عنيها وبتسمع اغنية خالته يبتسم اكتر ويتأكد انه عايش جوه قلبها وعقلها . والولاد شافوه بس هو شاورلهم مايتكلموش . قربوا منه براحة وحضنوه وهو قالهم يروحوا يكملوا لعب. وقرب منها وقعد علي الشيزلونج اللي جنبها وهو بيسمع الاغنية ويبتسم. اغلي الحابيب اللي عن حياتي غايب. لو عدي عمري كله مش هنساه . وحياة غالوته قلبي من فراقه دايب. وحشاني دنيا عشت فيها معاه. مهما في حياتي العمر فات فاكراله اجمل ذكريات جوايا هتعيش بالسنين. لسة الحنين في القلب ليه ده اللي احنا عشنا ليالي فيه في العمر مايجيش مرتين. فادي قرب منها وقعد جنبها وباسها من خدها بهدوء وشوق. فادي : وحششتيني . حلا فتحت عنيها وبصتله بشوق مش عارفة هي مصدومة من وجوده ولا كانت مشتاقة للمسته. بس كانت زي الغرقان اللي فجأة لقي طوق نجاه. مهما هقابل بعد منه نااااس كتيرة لسة اللي بينا في قلبي زي زمان. والله ماليا في الدنيا دي غيره سيرة عمري ماعز عنه روحي كمااااان . مهما في حياتي العمر فات فاكراله اجمل ذكريات جوايا هتعيش بالسنيييين. فادي بصلها بحنية : انتي اللي اغلي الحبايب واللي مهما بعدت ساكنة في قلبي هنت عليكي يا حلا خلاص فادي بقي بيهون كدة تبعدي وتسافري خلاص مابقتش الراجل اللي يملي عنيكي يا حلا. حلا بدموع حطت ايديها علي شفايفه: اياك تقول كدة تاني هو انا عمري شوفت ولا اتمنيت راجل غيرك . انا جنس الرجال ده بالنسبة ليا هو انت . انت وبس يا فادي . بس انا اللي هنت عليك انا اللي طلقتني ورمتني برا حياتك . فادي باس ايدها : عموك ما هنتي وعمري ما اقدر اخرجك من حياتي . حلا انتي حياتي نفسها مش مجرد زوجة في حياتي . حلا انا بحبك بحبك اوي. حلا حضنته بقوة وهي بتبكي: وانا بحبك . بحبك اوي يا فادي اوي. وحشني حضنك اوي. فادي ضمها لحضنه بقوة لدرجة انها حاست انه ممكن يكسر ضلوعها من شدة ضمته. فادي: اااااااه يا حلا انا كنت زي المجنون من غيرك مش شايف حاجة ولا عارف اعيش. كل ليلة ابص لاوضتنا اللي شافت اجمل ايامنا وللسرير اللي ياما غمضتي فيه في حضني واتوجع علي بعدك . وحشتيني اوي. حلا : بجد يا فادي وحشتك اوي كدة. حقيقي كنت بتفكر فيا بالشكل ده. فادي خرجها من حضنه وابتسم: والله انا راجل عملي احب اثبت كل شئ علي ارض الواقع. واقدر اوريكي الدليل علي كلامي. حلا ابتسمت بخجل: ههههههههه. والله طيب لما اشوف الدليل ابقي اصدق. فادي : بس بشرط. حلا عقدت حاجبها: شرط ايه بقي ! فادي اتنهد: ترجعي برضاكي ونتفق ان مافيش شغل انا خلاص مش حتحمل تاني تقعدي وسط الرجالة وكل واحد عنيه تبقي هتطلع عليكي. ده اهم شرط . هاه قولتي ايه . حلا بتفكير مترددة. ترفض وتسيبه تاني بس المرة دي مش هتضمن فادي ممكن يرجع ولا لا. ولا توافق وترجعله واهو ابتدا يتغير ويحس بيها . فادي بغيظ من سكاتها وتفكيرها: انتي لسة بتفكري يا حلا ؟! حلا عضت علي شفايفها بحيرة: طيب بص هنتفق اتفاق. فادي بيمسح وشه بغيظ : هو احنا لسة هنتفق. اتفضلي سمعيني . حلا بعصبية: شوفت بقي اهو انت زي ما انت مش هتتغير. عايز تسمع نفسك وبس مش عايزني اقول رئيي. وده مش هينفع. فادي بغل: حلا اتكلمي عايزة ايه. انا دقيقة وهولع فيكي. حلا : اولا احنا هنفضل فترة كدة نتعود علي بعض اكنها خطوبة . فادي قام وقف بغضب وصوت عالي: ننننننننعم يا اختي خطوبة ده ايه . ده احنا جايبين عيلين تقوليلي خطوبة. انتي باينلك اتهبلتي ولا ايه. حلا بغيظ شدته من ايده وقعدته: ممكن بقي تقعد علشان نعرف نتكلم . فادي قعد بعصبية: اتنيلت قعدت. لما اشوف اخرة جنانك . انا مش عارف انتي حصلك ايه ما. كنتي بعقلك . حلا : بص يا فادي احنا علي قد حبنا لبعض ده بس مختلفين كل واحد وليه دماغه وتفكيره. بس ده مش مهم المهم ان كل واحد فينا يتفهم دماغ التاني ويحاول يتنازل علشان نريح بعض. يعني انا اتحمل غيرتك المجنونة وتحكمك فيا. وانت تتحمل ان ليا رأي وشخصية وكمان حياة اشتغل واثبت ذاتي. فادي بغيظ: امممم ذاتك . يعني اما اسيبك علي حل شعرك تخرجي زي ما انتي عايزة وارفع الاريل وانا بتفرج علي الرجالة اللي بتاكلك بعنيها لا اما ابقي مش فاهمك. طب ده عقل مين ده بس يا ربي. حلا بعصبية: يووووهوه. وبعدين بقي كدة مش هنتفق. فادي بيحاول يهدي: وايه كمان! حلا ابتسمت لانه ابتدا يلين ويسنعها: تبطل زعيق ونرفزة وتقضي وقت معايا انا والولاد اكتر من كدة. عايزين ولادنا يا فادي يحسوا بدفئ حضننا علشان خاطري بلاش نعقدهم. فادي بص علي الولاد وهما بيلعبوا وابتسم واتنهد: وانا موافق. حلا ابتسمت بسعادة ماكنتش مصدقة انه ممكن يوافق وهي عمالة تتشرط عليه. قامت بسرعة وحضنته وهو حضنها. فادي: ههههههههههه . مجنونة بس بحبك. بس في اشكالية كدة مش عارف هتتحل ازاي. حلا : ايه تاني! فادي قربها ليه جدااا وبص في عنيها وبشووق: ازاي هستحمل تنامي ليلة تانية بعيد عن حضني. لسة هتفضلي متحرمة عليا كدة. طيب مش صعباان عليكي حالي . حلا بتنههااار من كلامه والحنين والشوق اللي في عنيه شئ بجد. يجنن ان راجل زيه بشدته وعنده تشوف منه الحنان والرقة دي . حلا بهمس: بببس اااصل احنا مش لازم نستعجل. انت اصلك ماتضمنش. ممكن في ثانية تتغير وتصحي الصبح فادي القديم. فادي بهدوء همس في ودنها: ولو قولتلك ان كلامنا ده وعد ومش هغيره وهعملك اللي يرضيكي بس ترجعي لحضني انا بجد الليلة لازم تكوني في حضني حقيقي مش قادر محتاجلك يا حلا عايزك افهمهالك ازاي بس . حلا خلاص دي كانت اخر. محاولاتها انها تتماسك صعب ست بتحب جوزها وبتعشقه للدرجة دي وتكون بين ايديه وتسمع منه الكلام ده وتتحمل او تبعد. حلا برقة باسته من خده: وانا كمان محتجالك وعايزاك. وفاهمة كل حاجة. فادي بص في عنيها: موافقة اردك حالا. حلا ابتسمت: بسسسرعة . فادي ابتسم و قام شالها وغمزها: اجهزي لليلتك يا عروسة. حلا ضحكت:ههههههنههه. طيب استني بس الولاد . فادي: ولاد مين دي قرية ابوهم وجدهم عايزاهم يتوهوا مثلا. هما يبقوا يرجعوا الشاليه. انا لو ابويا قصادي هسيبه وامشي ده انا اقتيلك الليلة ده شوق اسابيع يا حلا حياتي. حلا اتنهدت براحة: حلا حياتك اول مرة تقولها. فادي ماشي بيها وابتسم:بس مش اخر مرة اوعدك يا روحي هخليكي اسعد ست في الدنيا. المهم اياكي تبعدي عني تاني هقتلك المرة اللي جاية. حلا : ههههههههههه. فظظيييييع مافيش فايدة فيك . ماتقدرش تفضل حنين لازم ترجع تاني مفتري كدة. فادي غمزها: يا بنتي الراجل ماينفعش يفضل حنين كدة علي طول. غلط عليه والله احسن يطبع بالحنية وتبقي من كله وانتي ساعتها اللي هتلبسي بقي ماليش فيه. حلا: هههههههههه. يالهههوي كنت فين من زمان يافادي انا حاساك واحد تاني. فادي: واحد تاني ده ايه انا هو وربنا واحد تاني وشايلك كدة ده كان زمانه السمك بيتعشي بيه دلوقتي. المهم بس قوليلي جايبلنا معاكي ايه علشان السهرة الحلوة دي. حلا بخبث: وانا كنت هعرف منين انك جاي اصلا او هنتصالح. علشان اجيب حاجة ! فادي بمكر: الكدب مالوش رجلين هندخل الشالية واثبتلك انك كنتي مستنياني. دخلوا الشاليه ونزلها وراح لدولابها. وبصلها بمكر. فادي: هاه كانوا لمين دول؟ حلا بدلع: لاحلامي كنت جايباهم لاحلامي مش ليك. فادي شدها لحضنه: تمام انا الليلة هعيشك احلي حقيقة ممكن تعيشها ست ........ ...................................... في نادي شهير قاعدة مايا وكانت شكلها متعصب شيري جات وقعدت معاها. شري: هاي يا مايو وحشاني. مايا بغيظ: وحشاكي وهو انتي بقيتي فضيالي. انتي خلاص الاستاذ مؤمن خدك مني . تقدري تقوليلي ايه الحكاية وفي بينكم ايه وليه كل يوم والتاني بتتقابلوا. شري بإحراج: عععادي علي فكرة مافيش حاجة احنا صحاب مش اكتر. مايا رفعت حاجبها : والله! اصحاب . امممم ماشي يا شيري بس اعرفي انك بتخبي عليا. شيري: مش بخبي والله بس فعلا لسة مافيش بينا حاجة. هو انا بس اللي اتعلقت بيه اوي وخايفة هو ما حبنيش. واكون فترة كدة في حياته. مايا بسخرية: يا بنتي ده ظابط ممكن بلفك علي صوابعه وانتي ولا انتي هنا. خالي بالك انا نصحتك. شيري: طيب ماشهاب ظابط وانتي بتحبيه وحتي بعد قابلتي انس لسة بتحبيه. مايا بعصبية: وايه جاب شهاب لأنس. أنس ده دكتور وبس. ده غير اني اصلا نابقتش طايقاه من وقت ماعرفت انه اهو زفته تمارا دي. شيري بتعقل: يا مايا انسي شهاب بقي وبصي لحياتك. انا حاسة ان وجود أنس في حياتك مش صدفة. مش يمكن يكون هو الحب الحقيقي اللي ربنا شايلهولك. قربي منه ده إنسان جميل جدااا خسارة تضيعيه من ايدك. مايا بغضب: انتي باين عليكي اتجننتي . انا احب أنس ده مستحيل انا بحب شهاب وهفضل احبه واوعدك شهاب ليا انا مش لحد تاني وهتشوفي. وقامت تمشي بعصبية بس قابلك أنس كان جايلها. أنس بإبتسامة: ازيك يا أنسة مايا. مايا استغربت: دكتور أنس انت جيب هنا ليه؟ أنس بإحراج: احممم. اولا احنا اعضاء هنا في النادي بحكم نقلنا في الكومبوند . وعدل نظرته بتردد. كككمان انا كنت جاي اقولك اني لقيت متبرع ليكي والتحاليل بتاعته مطابقة لتحاليلك . وعايزك تيجي المستشفي في أقرب وقت علشان نجهز للعملية. مايا بعصبية ممزوجة بخوف من قرب العملية: طططيب ماكنت تتكلم في الفون مالوش لزوم تيجي هنا عموما انا هبقي اقول لبابي ونجيلك المستشفي عن اذنك. مشيت وسابته وهو كان حزين من رد فعلها الجاف ده . ومش فاهم ليه بتتعامل معاه كدة. مش هو كمان وراح المستشفي ودخل مكتبه وقعد بيفكر ليه يوم ماقلبه يدق لبنت تعامله بالشكل ده. معقول هو فعلا مش من الرجالة اللي بتجذب البنات . بس هو ده طبعه اتنهد . ياتري انتي ظهرتي في حياتي ليه يا مايا. انا طول عمري اسمع عن الحب ومشاكله وماكنتش اتوقع اقع فيه. هو انا فعلا حبيتك من اول نظرة ولا ده اعجاب ولا تعاطف ولا ايه . انا بجد محتار. باب مكتبه خبط واتفتح ودخل دكتور آدم. آدم: مساء الخير يا دكتور. أنس ابتسم وقام : مساء النور يا دكتور آدم. اتفضل. بس مش قولنا بلاش دكتور دي. انا أنس بس. آدم: ههههههههه. كان زمان أنس الصغير اللي كان يجي هنا علشان يقعد معايا ويقولي انا هبقي دكتور زيك. وتقولي انت وكل الناس يا دكتور. فاكر. أنس ضحك: هههههههه. طبعا فاكر طول عمر حضرتك مثلي الاعلي. آدم: طيب لما تبقي دكتور وشاطر كمان ينفع بقي اقولك أنس كدة حاف. مستحيل. ثم اني ببقي فخور بيك لما بشوفك انت نعمة في حياة اي حد يا أنس. عكس ابوك ده مصيبة . أنس: هههههههههه. والله انا مستغرب ازاي كنتوا اصحاب وانتم مختلفين جداااا بالشكل ده. آدم: ههههه. بص يا أنس. احنا ايوة مختلفين بس ده مامانعناش نكون اصحاب واخوات. انا ومهاب اتربينا سوا وهو اخويا مش مجرد صديق. المهم سيبك من كل ده. وقولي فيك ايه انت بقالك فترة كدة متغير وشارد وبتسرح كتيير مالك ! أنس بحيرة:اااانا مافيش حاجة انا كويس. آدم ابتسم: بس حالك ده انا عارفه كويس. قولي قابلتها؟ أنس بإستغراب: هي مين! آدم: اللي شغلتك وخالتك تسرح فيها كدة. قولي ماتحبيش عليا. أنس اتنهد بحزن: مش عارف اقولك ايه. انا شوفتها اول مرة قلبي دق وحاسيت انه خايف عليها كانت تعبانة مش عارف ايه الاحساس ده. من يومها مش بتغيب عني بفكر فيها بروح النادي اللي قالتلي انها عضوة فيه . علشان بس اشوفها من بعيد. فضلت طول الفترة اللي فاتت همي الوحيد هو اني الاقي متبرع ليها علشان تعمل العملية. آدم: امممم. هي دي المريضة اللي انت جبتها معاك من فترة هنا؟ أنس هز راسه: ايوة هي. انا بجد مش عارف ده حب ولا اعجاب انا اول مرة احس بالحاجات دي متلخبط ومش عارف اتعامل معاها ازي. آدم ابتسم: عارف يا أنس انا هقولك حاجة اول مرة اعترف بيها. انا عشت سنين مش ايام وشهور متخيل وموهوم بحب واحدة. فضلت احبها من بعيد حتي لما اتجوزت كنت بتالم لفراقها. بس يوم ماشوفت وعد مراتي قلبي دق دقة عمره مادقها حسيت اني لاول مرة عندي قلب وبيدق. قربت منها واتكلمنا وحبينا بعض. ماترددتش اني اتجوزها وقتها بس فهمت اني محتبش غيرها. الخلاصة يا أنس ان الحب بيبان والاعجاب بيبان. بس امتي لما يجي المعاد .انت لو فعلا حبيتها فجأة هتلاقيك بتقلها بحبك. ولو مجرد اعجاب هيفضل التردد والخجل مسيطر عليك. بس الاهم من كل ده. هي . هي بتحبك ولا لا. أنس لازم تتأكد قبل ماتتعلق بيها أكتر انا مش عايزك تنجرح. أنس اتنهد بحيرة: عندك حق انا هستني واشوف الدنيا مخبيالي ايه. ...................................... في ڤيلا عدي كارما وچوري قاعدين بيتكلموا. كارما بغيظ: انتي احنا هنسيبهم يروحوا الحفلة دي كدة بسهولة. ده علي جثتي امير يروح الحفلة دي. چوري بقلق: طيب وهنعمل ايه بس . ده صاحبهم وليهم شغل معاه. وحفلته النهاردة ازاي مش هيروحوا بس. كارما بتجز علي سنانها: يابنتي انتي ثلاجة. بقولك حفلة توديع العزوبية. وكلهم شباب ومكان مقفول ورقصات وبنات وشرب دي حفلة شمال اصلا. چوري بتحاول تداري خوفها: ايوة عارفة بس كريم مش ممكن يغلط . هو اصلا بيحبني كمان مش هيبص لست غيري. كارما خبطت راسها بإيديها : ياربي بت غبية. يا بنتي بقولك شرب لو شربوا مش هيحسوا بحاجة. چوري: بس كوكي مابيشربش. كارما بإستفزاز: ولا أمير بيشرب. بس في الحفلة بقي هتلاقي شياطين الانس والجن بتلعب في دماغهم شطرنج. چوري: طيب هنعمل ايه بس. كارما بتفكير:انا هتصرف مع أمير مش ممكن يروح الحفلة . چوري : طيب قوليلي بسرعة علشان اعمل زيك. كارما : تؤتؤتؤ. ماينفعش كل واحدة جوزها ليه دماغ. انا عارفة دماغ ميرو وهعرف ازاي احبسوا الليلة. وفعلا كل ست عارفة زوجها وتفكيره بيحب ايه بيكره ايه والمفروض تقدر تتصرف معاه بحرفية. وصل كريم وامير وقعدوا. كريم باس ايد چوري: وحشتيني يا وردتي عاملة ايه. چوري ابتسمت: الحمد لله حبيبي بخير. أمير باس كارما من خدها:كراملتي حبيبتي وحشتيني. كارما ابتسمت: وانت اكتر ياقلب كاراميليتك. كريم : مش يالا يا أمير بقي كدة هنتأخر علي حفلة حازم أمير : عندك حق يالا بينا انا هطلع اخد شاور والبس. كريم : وانا كمان. ايه يا وردتي مش جاية معايا تحضريلي هدومي. چوري: حاضر يا حبيبي جاية وراك. أمير: وانا مش هدوق الكارميالا قبل ما اخرج ولا ايه. كارما: حالا يا روحي وراك هوا . كل واحدة بتفكر ايه اللي ممكن تعمله علشان جوزها يفضل معاها وتمنعه من الحفلة اللي من وجهة نظرها خطر عليه. في اوضة كريم وچوري. كريم خرج من الحمام لقي چوري لبست فستان ابيض جميل ورقيق كالعادة. ومجهزة عشاء وولعت شموع وكمان هدومه اللي هيروح بيها الحفلة جاهزة. استغرب وقرب منها. كريم ابتسم: افهم ايه من كدة بقي عشاء وشموع وجو رومانسي. وفستان ابيض بيفكرني بليلة جوزنا . وكمان هدومي ده اسمه ايه. چوري قربت منه برقة وملست علي خده بنعومة: ولا اي حاجة. العشاء علشان تتعشي معايا لاني مش باكل وانت مش معايا انت عارف. والفستان الابيض زي مانت قولت علشان تفتكر ليلة جوازنا وماتبصش علي ست غيري . وهدومك جاهزة اهي انا مش عايزة حاجة. كريم ضمها لحضنه وبحب: وانتي متخيلة بعد الجو الرومانسي ده. والفستنان الابيض التحفة ده . انا ممكن اسيبك مستحيل. چوري بدلع: وهتسيب صحابك علشاني . كريم: انا اسيب الدنيا بحالها علشانك . انتي وردتي حياتي احلي واجمل وارق وردة في بساتين العالم. الچوري. اللي الورد الجوري الابيض هو لون جسمك وجمال واثارة ونااار الورد الجوري الاحمر في شفايفك وخدودك. انا الليلة هعيد ذكري جوزاي من الورد اللي ملئ حياتي وجملها باحلي الوان. چوري: هتفضل تحبني كدة يا كوكي طول العمر. كريم: هفضل احبك وعشقك انتي وردتي اللي اتربت علي ايدي وكبرت وفتحت قصاد عيني. عيوني مش بتشوف غيرك انتي وبس. چوري : عايزة ارقص معاك . كريم ابتسم وشغل اغنية معاك قلبي لعمرو دياب وضمها لحضنه ورقص معاها. https://youtu.be/T-B5oCBoZjo وده لينك الاغنية علشان تعبانة ومش هكتبها اسفة. ................................... في اوضة امير وكارما امير بعد ماخرج من الحمام وقف متنح علي كارما لقاها لبست فستان مفتوح ومغري جدااا ومشغلة اغنية شعبي وبترقص عليها. كان شكلها يجنن. أمير: طيب بذمتك مش حرام عليكي. هو ده وقت اللي بتعمليه ده. كارما بدلع: وانا عملت ايه! أمير بيحقق في كل حته فيها: يعني ينفع الفستان ده وكمان يابتاع النعناع يا منعنع. انتحر وجاية تعملي كدة وانا خارج. كارما: طيب ماتخرج الله وانا مالي انا بحب الاغاني الشعبي والرقص وانت عارف. أمير شدها لحضنه بعنف ولهفة: عارف وهو ده اللي جنني عليكي. مجنونة وبتعرفي نقط ضعفي فين . كارما عضت علي شفايفها بدلع: وايه هي نقطة ضعفك. أمير وهو بيهمس في حضنها: انتي . انتي وجمالك ودلعك وجنانك. كارما بخبث: طيب والحفلة! أمير بمكر: قالوها زمان مبروم علي مبروم مايلفش. كل اللي انتي عملتيه ده علشان ماروحش. وانا مااقدرش علي خوفك وقلقك . ومش هروح هنقضي الليل. رقص للصبح بس وحياتك عندي تفكري بس تاخدي نفسك هكربكك. كارما: هههههههههه.يعني ناوي تهد حيلي في الرقص. أمير غمزها: لا عيب عليكي هو انا وش كدة اخرتها رقص بس. ده الليلة خمرا ونساء. كارما: هههههههههه. بس خسارة مافيش خمر في نساء بس. امير بص لشفايفها وملس عليها: اومال ايه ده. دول عندي يسكروا اكتر من الف ازازة ويسكي. كارما : بحبك يا ميرو. يخرب عقلك . أمير: ولسة هتحبيني اكتر بعد الليلة دي. وابتدوا يرقصوا علي اغنية النعناع يا منعنع . https://youtu.be/QQ5PFmXB-Tg وده لينك الاغنية ...................................... في روما شهاب وتمارا في البيت . تمارا بإستفهام: ممكن افهم بقي ايه لازمة الكنبة اللي سياتك اشتريتها النهاردة دي ايه بتجهز نفسك. شهاب بيتافف: يارب . عدي المهمة دي علي خير وماتجعلش اخرت الاسطورة شهاب الحديدي علي ايد الغبية دي. تمارا زغدته في بطنه: ماتبطل تغلط فيا بقي. هو انا هدخل جوا دماغك واعرف فيها ايه. ماتتكلم من غير تقطيم . شهاب : هو احنا هنستخدم ايه في المهمة دي. تمارا: مش فاهمة! شهاب مسك دماغه: اكيد انتي مش بنت اللواء مهاب مستحيل. يا بنتي احنا مش هنحتاج اسلحة واجهزة علشان شغلنا. تمارا: ايوة بس ده ايه علاقته بالكنبة دي. شهاب قرب من الكنبة وفتحها وكان جواها اسلحة كتيبر بكل انواعها. وكمان اجهزة غريبة فيها اللي تعرفوا وفيها اللي اول مرة تشوفه. وكمان وتلفونات . تمارا بزهول: ايه كل ده! شهاب: اصلنا مش هننزل المول ونعمل شوبنج ونشتري اسلحة. ولا ايه. تمارا بغيظ قربت منه وهي بمسكه من هدومه: هو انت حد مسلطك عليا ما تفهمني من غير استعراض. انت عارف انها اول مرة يبقي تبطل اسلوبك ده وتفهمني كل حاجة من سكات. شهاب ابتسم بمكر وقربها ليه اكتر: مش واخدة بالك انك بتشيلي التكليف بينا وبتتجاوزي حدودك. وايدك بتطول كمان. تمارا لقته محاوطها بإيده ومقربها ليه اوي حاولت تبعد عنه بس شهاب منعها واتمسك بيها بقوة. وقرب من ودنها بهدوء. شهاب: تؤتؤ. رايحة فين. خاليكي قد قراراتك. واعرفي انك لما تقربي مش هتعرفي تبعدي بسهولة. تمارا بخجل وتوتر:اوعي ابعد ايدك انت ماسكني كدة ليه . شهاب بمكر: بصراحة ريحتك حلوة اوي وعجباني خاليكي كدة شوية. تمارا وشها احمر وزقته بقوة : اوعي بقي بجد هضربك يا شهاب. شهاب : ههههههههه. اموت انا في قلبك الميت ده. طب اضربي كدة ووريني. تمارا رفعت ايديها تضربه بوكس بس هو كان اصرع منها ومسك ايديها وكتفها ووقعها علي الكنبة وهو قريب منها. شهاب: اياكي تفكري تمدي ايدك تاني. واعرفي انك هنا معايا تأديب واصلاح لاخلاقك المهببة دي. وان كل اللي فات حمادة واللي جاي حمادة تاني خالص. انا هنا هربيكي من اول وجديد. فاهمة. تمارا بتحاول تبعده هي متوترة مش عارفة ده غضب منه ولا خجل من قربه ولا توتر من لمسته. شهاب شايف خدودها اللي بقت حمرا علي غير العادة. ابتسم وملس علي خدها. شهاب: تؤتؤ. هو سيادة الرائد بينكسف ووشه يحمر ماكناش اعرف. بس تعرفي انا اول مرة احققمن لون عنيكي هو ليه فاتح اوي كدة النهاردة. تمارا زقته بقوة وقامت وبتحزير: انننت تلزم حدودك معايا واياك تقرب مني كدة تاني فاهم. ودخلت اوضتها بسرعة وقفلت علي نفسها.. شهاب قعد علي الكنبة وربع ايده وراه راسه وابتسم بثقة: هههههههه. شكلها مهمة لوز وهنشوف العجب. يخربيتك هترجعيني لايام الشقاوة. ما انا كنت نسيت بس هقول ايه. قدر . في اوضة تمارا لسة قلبها بيدق ومتلخبطة. تمارا: هههو فيه ايه ايه اللي بيجرالي . هو انا من امتي بتوتر كدة. وغمضت عنيها وافتكرت لمسة شهاب ليها وقربه ونظرة عنيه. وريحته مش مجرد برفان رجالي لا هي حاست انها بتتنفس ريحة رجولته هو مش برفانه. ااااه يا شهاب انا ايه اللي بيجرالي معاك. انا مش بتاعة الكلام ده ولا ليا فيه . ياربي هكمل معاه ازاي ده بس. ااانا بجد هتجنن. ...................................... في مرسي علم في الاوتيل. باب اوضة چنا خبط چنا فتحت لقت مروان. چنا بصتله بحزن: نعم يا مستر مروان في حاجة. مروان شايف عنيها المنفوخة من العياط وصوتها المبحوح مش الحزن قلبه اتوجع. بس حاول يتماسك. مروان: انا اسف. چنا بعتاب: علي ايه هو انت قولت حاجة غلط. انت طلبت مني التزم بحدودي وده حقك. مروان سند علي الباب وابتسم: اممم. تعرفي شكلك وحش وانتي زعلانة وكلدمة. چنا ابتسمت غصب عنها: احسن ابقي وحشة ومحدش يبصلي ولا يعاكسني . مروان: بجد اسف انا كنت مضغوط ونتنرفز وطلع عليكي انتي. چنا ابتسمت برقة: خلاص مافيش حاجة. مروان:يعني خلاص مش زعلانة. چنا: لا والله كفاية انك بنفسك بتعتذر. دي كبيرة عندي اوي. مروان: طيب تسمحيلي اعزمك علي العشاء تحت. چنا بخجل: مالوش لزوم. مروان: تبقي لسة زعلانة مني. چنا: لا والله . طيب خلاص هغير هدومي واجيلك . مروان: ماتتأخريش. چنا: حاضر. دخلت چنا وابتدت تلبس . هي حاسة انها بتاخد حاجة مش ليها بس كانت عايزة تسرق ولو لحظات سعادة من الزمن. هي الدنيا كدة اوقات تحطنا في الوقت الغلط مع الناس الصح. نزلت واتعشت مع مروان وطول الوقت الكلام عن الشغل وعن المشروع . چنا: هو انا ممكن اسألك سؤال. مروان : اسألي. چنا: هو انت ومدام ريما ليه ماخلفتوش لحد دلوقتي . مروان اتنهد بحزن: نصيب. ربنا مش كاتب لينا اولاد. چنا بإحراج: وياتري العيب من مين؟ مروان بصلها بحيرة: مني انا. چنا بحزن: اانا اسفة. مروان ابتسم: لا ابدا مافيش مشكلة انا اصلا خلاص رضيت بنصيبي . چنا: وريما! مروان: حوالت معايا كتيير وجربنا كتيير بس مافيش فايدة. چنا مسكت ايده بحنان: ماتزعلش يمكن خير. مروان قلبه بقي بيتصارع من لمستها بصلها بحنان: يمكن خير فعلا. چنا اخدت بالها من انها اتجرات ومسكت ايده: ااانا هطلع انام تصبح علي خير. مروان كان محتاج فعلا يكون لوحده قربها ولمستها ولدت جواه احساس غريب . عايز يتنفس مش قادر: وانتي من اهله. طلعت چنا وهي بتفكر في مروان وهو فضل تحت يتمشي علي البحر. ايه كل الحمل اللي جواه ده. ايه الحيرة والعذاب ده. هو مين وبيحب مين وحاسس بإيه. مابقاش فاهم حاجة فضل طول الليل ماشي علي البحر. وچنا بتابعه من تراس اوضتها. واللي جواها ما يختلفش عنه كتيير. خلصت الحلقة واسفة بجد انها اتأخرت بس حقيقي تعبانة بس كان لازم انزلها النهاردة. وعايزة ارجع اقول كل اللي زعل مني بسبب مروان وچنا انا اسفة ليكم بس ده خيالي انا وفكرتي اللي عايزة اوصلها زي ماهي للنهاية وياريت في الاخر اعرف انتم شايفنها ازاي. •┈┈┈••✦ ♡ ✦••┈┈┈• 𝐏𝐚𝐫𝐭 𝟏𝟑 مر تقريبا اسبوع علي كل الابطال مرت الايام تقريبا في سلام اللي ابتدا يعرف طريق السعادة ويدوق طعم الحنية. واللي ابتدا قلبه يزيد من دقاته وهو جنب حبيبه اللي لسة مش عايز يعترف انه حبيبه. واللي بيأنب نفسه علي حب وحنين لحبيب مش ليه. واللي بيتمني حبيبه يحن عليه. وحاجاااااات كتييير في قلوبهم مخبينها . في قرية الجونة. في شاليه فادي وحلا. فادي صحي من النوم وبص لحلا اتنهد براحة وابتسم . وفضل يحقق من جمالها واللي حتي الغطاء اللي مغطيها مش قادر يخبيه. قرب منها اكتر وحضنها بحنان. حلا حاست بيه فتحت عنيها و ابتسمت. حلا بصوت نعسان: بتعمل ايه! فادي بيضمها اكتر : بفكر ازاي مر اسبوع بحاله كأنهم دقايق . والاسابيع اللي قبله كانت بتمر تقيلة وطويلة اكنها سنيييين. اااااه يا حلا كنت ميت من غيرك. حلا انتهدت بشووق: ااااه منك انت . لما انت جواك كل ده. ليه كنت حارمني منه. كان لازم البعد والعند. فادي لفها ليه وبص في عنيها: انا عمري ماكنت قاسي ولا وحش. انا طول عمري بحبك وانتي عارفة. بس غصب عني انا مابعرفش اكون طري كدة واقعد اقول كلام حنين. حلا ملست علي خده بحنية: ومين قالك اني عاوزاك طري ولا تتفنن في الكلام. كل اللي بطلبه انك تفتح قلبك وتقول اللي جواك . تقول اللي حاسس بيه. وصدقني انا مش عايزة اكتر من كدة. لو قولت اللي في قلبك هكون اسعد ست في العالم كله. فادي ابتسم وباس ايديها: انا لو قولت اللي في قلبي هتنهاااري. ده انا في قلبي كتييير اوي . حلا ابتسمت بدلع: طب وانا اشتكيت. ماتقول وخاليني انههاار. انا بحب الانهياار. هههههههههههه فادي: ههههههههه. انتي بقيتي مش تمام. انتي كنتي بتتعلمي ايه في بعدي يخرب عقلك . بقيتي نااااار. حلا : هو في ناار اكتر من اللي عيشتني فيها اسبوع بحاله. ده انا اكني عروسة جديدة. لسة بتبدي حياتها . فادي غمزها: وهو في عروسة جديدة تعمل اللي بتعمليه ده. دي تبقي متجوزة قبل كدة 13 مرة. ههههههههههه حلا بخجل:هههههه. فادي بس بقي بنكسف. فادي عض شفايفه بحب: تنكسفي مني انا ده انا حبيبك. بقولك ايه. حلا : اهممم. فادي قرب منها بمكر: انا ناوي نفضل هنا اسبوع كمان. بصراحة انتي وحشاني موووت . ولسة ماشبعتش منك. حلا بدلع: بس انا عندي شغل ولازم نرجع. فادي بغيظ بعد عنها: شغل ! شغل ايه ده اللي اهم مني انتي باينك عايزاني اقلب علي محطة زمن العند الجميل. حلا بهدوء ودلع قربت من خده وباسته : الله مالك يا روحي انا بقول اللي المفروض يحصل . مش اللي انا عايزاه وهعمله. فادي هدي ولان وبصلها بإشتياق: وايه هو بقي اللي هتعمليه ده؟! حلا عضت شفايفها بخبث وحضنته: هسيب العالم كله وافضل في حضنك . انا عمري ماهشبع منه. انت مخليني مش عايزة حد غيرك انت وبس. فادي اتولدت جوااه ناار حبها وشوقه ليها في ثانية . ضمها بقوة وهو بيدفن راسه في شعرها الملخبط من النووم. فادي: ياااه . انتي ازاي بقيتي كدة. ازاي بقيتي بنزليني من سابع سما لحضنك بشوق وسهولة كدة. حلا انا اكني فعلا لسة متجوزك جديد لسة مشتاق لحضنك وكل حته فيكي . اكني لسة عريس من اسبوع واحد. مش مالل ولا زهقان. عايز افضل هنا في الشاليه ده وفي السرير ده وانتي في حضني . مش عايز اسيب حضنك . حلا ضمته بحنان كل سنين حبها: فادي انا اتحرمت منك ومن حنانك سنين. كنت معايا ومش معايا جنبي وبعيد. كنا محتاجين اللي حصل ده علشان قلوبنا تفوق وترجع. عارف اللي حصلنا ده زي ايه. فادي خرجها من حضنه وابتسم وهو بيلعب في شعرها: زي ايه! حلا دمعت: زي المريض اللي بيموت وقلبه بيقف. ويحاوله ينعشوه بصدمات كهربة ومع كل صدمة قلبه يدق دقة. لحد ماقلبه رجع يدق ويرجع لاحياه من تاني. احنا حبنا كدة بالظبط كان محتاج صدمة . بس لاسف الصدمة دي كانت طلاقنا. انا لحد دلوقتي مش قادرة اصدق انك قدرت تقولها لا وكمان بعدت وعاندت. انت وجعت قلبي اوي يا فادي اوي. فادي قلبه اتألم لحزنها ووجعها. هو نفسه مش مصدق انه قدر يعمل كدة في حبيبته. مسح دموعها بحنان وباسها من خدها برقة مش متعود عليها. فادي: اسف . اسف ياعمري. صدقيني انا مش عارف ازاي هنا علي بعض بالشكل ده. قوليلي ايه اللي يرضيكي وانا اعمله . تحبي تاخدي حقك مني ازي. انا اهو مش هلومك اعملي اللي يعجبك. حلا كانت في اللحظة دي اكنها مسكت النجوم بإيديها مش مصدقة ولا مستوعبة ان ده فادي جوزها. يااااااه يا فادي معقول انت قاعد بتصالحني وتحايلني بالشكل ده. انا مش هقولك انك رجعت زي زماااان. لا لا انت اتولدت من جديد. انا دلوقتي خلاص اخدت حظي ونصيبي من الدنيا وفرحتها مش عايزة حاجة تاني عايزة فادي حبيبي وبس اشوفه واملي عيوني منه. فادي ابتسم: يعني خلاص نسيتي اللي كان وجعك مني. خلاص سامحتي حبيبك. حلا غمضت عنيها :تؤتؤتؤ. كدة كتيير بجد. فادي هو انا صاحية مش بحلم فادي ضحك من قلبه: هههههههههه. لا مش بتحلمي انا اهو بين ايديكي. حلا بدلع: ياللههههوي لا بحد اقرصني عايزة اتأكد اني مش بحلم. فادي شدها لحضنه وبمكر جيناات الحديدي : تؤتؤتؤ. قرص ايه ده بس. ده انا هدبحك دبح علشان أأكدلك انك صاحية بس اياكي يطلعلك صوت فاهمة. حلا بخوف منه هي عارفة هو بيلمح لإيه حاولت تقوم من السرير: لا لا انت ناوي علي ايه. فادي لحقها وكتفها وبعنف حبيب ودايب:هكتفك واقرصك. حلا : ههههههههههه. لا لا فادي وحياتي بلاش. فادي : ششششش مااسمعش صوتك هتفضحينا. ...................................... في ڤيلا أكمل التهامي چنا لسة واصلة البيت وبتسلم علي عائلتها. تسنيم حضناها بقوة : وحشتيني يا قلب ماما وحشتيني . چنا هي كمان حضناها اوي: وانتي كمان يا مامي وحشتيني موووت بجد. أكمل واقف مبتسم: ياسلاااام. وبابي مالوش حضن ماوحشكيش. چنا سابت تسنيم وضحكت وجريت علي حضنه: حبيبي يا كيمو وحشتني بشكل رهيب. أكمل ضمها بحنان: وانتي ياعيون كيمو. وحشتيني. كنتي واخدة حتة من قلبي معاكي يا چنا. انا غلطان اني طلبت منك. تشتغلي في المشروع ده . بعدك عننا وخدك واحنا يادوب في البداية اومال قدام شوية هنعمل ايه بس. چنا : ههههههههه. لا مستحيل حد ياخدني منكم . بس معلش ده شغل وانت اكتر واحد بيحب الشغل صح. أكمل : صح . قوليلي بقي عاملة ايه مع الناس هناك. حد ضايقك. قوليلي. چنا افتكرت مروان ووجوده جنبها طول الوقت وانه دايما بيحاوطها بعيونه ومش ليخلي مخلوق يفكر انه يقولها كلمة واحدة تزعلها. چنا ابتسمت: بصراحة يا بابي مستر مروان دايما معايا مش بيسبني لوحدي. واي مشكلة مع المهندسين او العمال. هو اللي بيحلها مش بيدخلني طرف فيهااصلا. حقيقي انسان رائع. أكمل : عندك حق مروان ده من الناس المحترمة بجد. راجل تعتمد عليه بلد بحالها. طول عمره واقف في ظهر رعد وانا هكون مطمن طول ماهو معاكي . خصوصا انه ماخلفش فأكيد انتي بالنسبة ليه زي ابنته تمام ومش هسمح لحد يضايقك. چنا ملامحها غضبت من كلام أكمل : بببس هو مش كبير اوي كدة هو مش من سنكم مش كدة. أكمل: لا طبعا هو اصغر مني انا ورعد وعدي. بس بردوا زي ابوكي. دول تقريبا 20 سنة. چنا بحزن: هو فعلا يستاهل يكون ااب بس مالوش نصيب حظة تعيس. أكمل: عندك حق. انا حتي لسة لما كنت قاعد مع رعد بيقولي ان حزين علي حاله هو وريما. حتي ريما مصممة تشوف موضوع تأجير الرحم ده. بس مروان ورعد رافضين. چنا بصدمة ازاي تأجير رحم والعيب من مروان: هو العيب من مين يا بابي هو ولا مراته. أكمل: لا ريما مراته هي اللي مش بتخلف. بس مسكينة حاولت كتيير بس ربنا مش رايد. چنا كدة اتأكدت ان مروان قالها ان العيب منه علشان يحافظ علي شكل ريما قصادها حبته اكتر واحترمته اكتر. حاست قد ايه ان لسة فيه رجالة عندها قلب وبتعمل حساب جرح الناس بالشكل ده . تسنيم حاست ان چنا مهتمة زيادة وبتسأل بإهتمام شديد . تسنيم: ده نصيب كل واحد في الدنيا بياخد نصيبه. انا وبابي كمان حاولنا كتيير قبل حمزة وماكملش. لحد ماربنا كتبلنا الخلفة. بس انتي كنتي ماليا عليا حياتي. عارفة وقتها كنتي لسة صغيرة جدااا. ومروان وريما بيتجوزوا. چنا بحزن: بس انا خلاص كبرت ومابقتش صغيرة. أكمل بقلق: مالك حبيبتي انتي في حاجة مزعلاكي. چنا بتحاول تداري حزنها: لا ابدااا. انا كويسة. قولولي هو حمزة فين مش شايفاه. تسنيم : هيكون فين نايم طبعااا. كان عنده حفلة امبارح ورجع متاخر. چنا ابتسمت: طيب انا طالعاله عن اذنكم. طلعت چنا وتسنيم فضلت تبص عليها قلبها بيقولها ان چنا مخبية حاجة ومش اي حاجة. دي حاجة وجعاها اوي . اكمل قرب منها وحضنها . أكمل: سمسمتي سارحانة في ايه ! تسنيم ابتسمت: ههههههه. هو انا لسة سمسمة خلاص بقي كبرت علي كدة. أكمل لفها لحضنها وبص في عنيها: العيون دي مستحيل تكبر. هتفضل مغرقاني في بحرها كدة لحد ما اموت. تسنيم ابتسمت بحب: هو لسة في رجالة زيك كدة يا كيمو. رجالة بجد. أكمل: بصراحة مش كتيير كلهم بقوا كسر. حبيبتي انتي بس اللي كان حظك حلو. تسنيم : عندك حق. انا فعلا محظوظة بيك . ونفسي ربنا يجعل لچنا نصيب مع راجل زيك يخليها ملكة علي قلبه . أكمل بثقة: طبعااااا. چنا دي حتة منك يوم ما تحب لازم يكون راجل يعرف قيمتها ويقدرها . ويحطها في عنيه. تسنيم اتنهدت بأمل: يااارب. في أوضة حمزة نايم ومستغرق في النوم. دخلت چنا وقعدت تصحيه. وتضحك. حمزة بزهق: يووووووه بس بقي. چنا قرصته من خده: بتزعق لمين يا تافه. حمزة سمع صوتها قام بسرعة وحضنها: حبيبتي وحشتيني . چنا حضنته اوي بحنان: وانت كمان حبيبي طمني عامل ايه. حمزة: الحمد لله. ايه راجعة بغلاستك. بتصحيني ليه يارخمة. چنا بحزن مصتنع: اخس عليك يعني مش عايزني اسلم عليك. حمزة: ههههههههههه. لا يا ستي صحيني براحتك انا راضي. المهم طمنيني عنك عاملة ايه في الشغل الجديد. چنا : الحمد لله كله تمام . المهم انت كويس والحفلات تمام. حمزة اتنهد وسند ظهره علي السرير: والله انا كويس ومش كويس. چنا بقلق: مالك حبيبي فيك ايه بس. حمزة غمض عنيه واتنهد بمرار: اااااه يا چنا اخوكي علي قلبه حمل كبييير. ومش عارف هيقدر يشيله ولا لا. چنا قربت منه وحضنت وشه بين ايديها : مالك حبيبي. حمزة انتي اه اخويا الصغير بس بحس انك ابني. طمني عنك ايه الوجع اللي في صوتك وملامحك ده. حمزة بصلها بحزن: هو فعلا وجع. وشايله لوحدي. بس سامحيني مش هقدر احكيلك حاجة. چنا قلقت اكتر: ليه بس. ده انت سرك طول عمرك معايا عمرك ماخبيت عليا حاجة. حمزة بحزن: علشان المرة دي مش سري لوحدي في حد ناني طرف معايا. ومش من حقي اني اطلع سره لحد. ماتزعليش حبيبتي بس غصب عني. چنا بتفهم: ولا يهمك حبيبي انا بس اللي يهمني راحتك انت. قولي هو مفيش استوديو النهاردة. حمزة ابتسم: لا طبعاا فيه بس كلنا هنروح متأخر علشان الحفلة بتاعة امبارح. چنا:طيب ايه رئيك اجي اقضي اليوم معاك هناك. حمزة ابتسم: يا سلام وده من امتي بقي. چنا اتنهدت بحنين: ابداااا حاسة اني نفسي اوي اسمعك بتغني. حمزة: تمام هخد حمام واجهز واجيلك اوك چنا: اوك وانا كمان هاخد حمام والبس بسرعة يالا اقوم بقي. حمزة: ايوة اهو خلاص قايم . حمزة وچنا لبسوا فعلا ونزلوا وركبوا في عربية حمزة. وهو في الطريق. كلم فتون علشان يعدي ياخدها. چنا: مين دي ! وليه هتعدي تاخدها من البيت . حمزة: دي فتون بتشتغل معانا جديدة. بنت جميلة اوي هتحبيها بس هي لاسف ظروفها سيئة كل ما تكون في مكان لازم تلاقي اللي يطمع فيها. فانا وعدتها اوصلها مل يوم وارجعها. چنا بخبث: امممممم. بس مافيش سبب تاني ! حمزة بتوتر: يعني هيكون فيه ايه. لا هو كدة بس. چنا: طيب لما نشوف بقي. وصل حمزة عند بيت فتون ولما نزلت وشافت چنا قاعدة جنبه حاست بغيرة وحزن خصوصا ان چنا جميلة جدااا. هي مش عارفة دي تبقي مين. فتون ركبت ورا وهي ساكتة بس حمزة اخد باله انها حزينة . حمزة: مالك يا فتون انتي تعبانة! فتون كانت باصة علي چنا : لا ابدا انا كويسة. حمزة بص لچنا علشان يعرفهم علي بعض. حمزة: دي فتون يا چنا اللي كلمتك عنها. ودي تبقي .... چنا قطعته علشان مايقولهاش اختي. چنا لفت ليها: چنا انا چنا. مبسوطة اني شوفتك يا فتون. فتون بوجع:متشكرة ليكي. انا كمان مبسوطة حضرتك جميلة اوي. چنا : بس مش اجمل منك. حمزة استغرب من چنا ليه قاطعته بس سكت خصوصا ان چنا غمزته. چنا: يالا يا حبيبي بقي اطلع واقف ليه. حمزة:حاضر اهو مالك بس متصربعة ليه. چنا: علشان وحشني صوتك يا حبيبي عايزاك تغنيلي النهاردة. حمزة : هههههههه. من عيوني انتي تؤمري. هو انا عندي اغلي منك يا حبيبتي. چنا : ههههههه حبيبي ربنا يخليك ليا. فتون غصب عنها عنيها دمعت حاست بوجع. افتكرت ان چنا تبقي حبيبته او خطبته هي ماتعرفش هو خاطب ولا لا. بس مافيش في ايده دبلة. فتون: انتي هبلة وغبية صح. كنتي فاكرة انه ممكن يحبك او يشوفك اصلا. بصي شوفي القمر اللي جنبه شوفي شكلها ولبسها. هتيجي انتي ايه جنبها شوفتي وهمك وصلك لإيه.ياريت بعد كدة تبقي تبصي وتحلمي علي قدك. ده بيقولها يا حبيبتي وهي يا حبيبي . ااااه يارب. و صلوا كلهم الاستوديو. وچنا سلمت علي ريم بترحاب وعلي ايمن وكل الفرقة. چنا شافت حزن فتون واتأكدت انها سبب انشغال حمزة وان هي كمان مشغولة بيه. چنا مسكت ايد حمزة : تعالي يا حمزة عايزاك. حمزة : استني طيب بنجهز الالات. چنا واخداه علي المكتب ودخلت وقفلت الباب: انا عايزاك في حاجة اهم. حمزة:ممكن اعرف مالك بقي مهيبرة ليه النهاردة كدة. چنا : قولي فتون هي الشخص اللي موجوع علشانه ومش عايز تقولي صح. حمزة :فففتون. اشمعن هي اللي قولتي عليها كدة. چنا ابتسمت: علشان ماشوفت غيرتها عليك من وقت ماشافتني . متخيلة اني حبيبتك. حمزة ابتسم وافتكر فعلا شكلها وضيقتها وهي بتركب العربية بعد ماشافت چنا. كمان وهي برا شكلها زعلان. حمزة بيحك شعره بتفكير: اممممم. تفتكري فعلا غيرنا. چنا غمزته: عيب احنا بنات زي بعض والحاجات دي بتتفهم بسرعة. بص بقي انا عمري ماكنت شريرة كدة. انا عملت كدة بس علشان اتأكد ان هي اللي شاغلة بالك. انده عليها بقي وعرفنا ببعض علشان حرام. انا مش متحملة شكلها كدة. حمزة ابتسم : عندك حق استني. فتح الباب ونده عليها . فتون .. فتون تعالي بسرعة. فتون دخلت المكتب وهي عيونها محبوسة فيها الدموع. ومكسورة. فتون بحزن: نعم . حمزة : انا شايف انك الوحيدة اللي لسة ماتعرفتيش علي چنا اختي . وغمز چنا . الكبيرة . فتون فتحت عنيها بصدمة وبصتله بدهشة وبصت لچنا وقلبها دق من الفرحة وابتسمت. فتون: اختك! هي الانسة چنا اختك . چنا ابتسمت: اه يا ستي اخته اومال فاكراني مين؟! فتون بخجل : لا لا ابدا. ااصله بيقول اخته الكبيرة. وبصراحة شكلك صغير جداااا. انتي جميلة اوي بجد. چنا : والله ماحد يجنن وقمر غيرك. هو فيه جمال كدة. فعلا صدق اللي سماكي فتون. يالا انا هروح اشوف ريم. وانت يا حمزة شوف كنت عايز فتون في ايه. وغمزته وخرجت. حمزة قفل الباب ورا چنا ولف لفتون وقرب منها . حمزة بمكر: الا قوليلي انتي من الصبح شكلك متغير كدة ومش مظبوط في حاجة مزعلاكي؟! فتون قلبها بيدق حاسة انه مش متحمل فرحته لانها رجعت تحس بالامل من تاني: لا ابدا انا كويسة. ااانا هخرج اشوف شغلي. حمزة شدها ورجعها مكانها تاني وحاوطها بيإيده علي الجدار اللي وراها بقي قصادها وبص في عنيها. حمزة: كنتي فاكرة چنا حبيبتي صح! فتون ارتبكت من الوضع ده وقربه منها كدة. كمان نظرته ليها تدوب اي ذرة ثبات جواها . فتون بإرتباك:رببصراحة اه. بس عادي انت حر. حمزة ابتسم: لا مش عادي ومش حر. اصل انا عمري ماحبيت. بس يادوب قلبي من كام يوم بدأ يدق ويحب بس بقي تقيلة اوي عليا مجنناناي معاها . فتون بتنهااار من كلامه معقول هي المقصودة: ومممين سعيدة الحظ دي. حمزة غمزها: لا بقي دي حاجة ماتتقلش تتحس. فتون غمضت عنيها بحب واتنهدت: ومين دي اللي ما تحسش بيك. حمزة قرب اكتر وهو بيحرك شعرها بخفة: يعني حسيتي. في اللحظة دي الباب انفتح ودخلت ريم. شافتهم قريبين من بعض بالشكل ده وقفت مصدومة وبغضب. ريم: اقدر اعرف ايه اللي بيحصل ده. انا من الاول قولت انها بنت مش تمام وهتشبهنا بقذارتها. ادي النتيجة. فتون عيطت : واللله انتي فاهمة غلط. حمزة بغضب: فتون اسكتي انتي. وبص لريم بغيظ. لا انا ولا فتون مجبرين نبررلك حاجة. لان اصلا انتي مش من حقك تدخلي لا في حياتي ولا في حياتها. ثم انتي ازاي تدخلي من غير ماتخبطي انتي مالك بتدي نفسك حقوق مش بتاعتك ليه. ريم بدموع: مش من حقي عشرتنا سنين وكل اللي بينا ومش من حقي اومال من حق مين الهانم دي !اللي مش من مستواك ولا تشرفك حمزة اللي الكل بيستني حفلته والبنات بتتمني تقرب منه. اخرتها تكون دي دي اخرها تكون خدامة هنا مش اكتر. حمزة كان غصب عنه وصل لمرحلة من الغضب عمته رفع ايده وضرب ريم بالقلم. حمزة بعنف: اياكي تقولي عليها كدة تاني دي هتبقي مراتي. ريم انصدمت وفتون مش اقل منها صدمة. ريم: مراتك . دي مراتك وبتضربني علشانها . دي اخرتها يا حمزة . دخل كل الاستوديو وشافوا ريم وهي بتبكي وكلامها ولاموا حمزة علي تصرفه. ايمن بعتاب: ايه اللي عملته ده. ازاي تضرب ريم . علشان واحدة لسة تعرفها من كام يوم. حمزة بعصبية: الواحدة دي هتبقي مراتي واي حد يتكلم عنها نص كلمة مش هسكتله حتي لو كان مين. فاهمين. كلهم خرجوا وسابوهم فتون كانت بتبكي من الوجع والاهانة اللي سمعتها ريم انضربت بس الكل كان معاها لانهم زيها. لكن فتون لازم تتلام لانها مالهاش سند زيهم. حمزة قرب منها بحنان . حمزة: كفاية عياط يا فتون انا مستحيل اسمح لحد يضايقك. اانا.. فتون سكتته وحطت ايديها علي شفايفه بحزن: ماتكملش. اللي حصل ده كان لازم يحصل علشان يفوقني ويفوقك. انا مش لازم ابص لفوق. وانت مش لازم تبص لتحت. دي عينة من اللي ممكن يحصل وتسمعه لوفكرت تقرب مني اكتر. حمزة : انتي بتقولي ايه اانا ب فتون: ماتقولهاش. علشان لو قولتها مش هتشوفني تاني وهخرج من حياتك انت محتاج حد احسن مني. ارجوك خالي اللي بينا زي ماهو . انا راضية. بس بلاش تدخل نفسك في متاهة زي دي انت مافيش حاجة. تجبرك علي كدة ارجوك يا حمزة لو ليا عندك معزة بلاش تخليني اشوف نقصي وزلي في عيون الناس وانا جنبك. حمزة بحزن حضن ايديها وباسها بقوة : عمري ما ازلك ابدااا وانتي مش ناقصة حاجة انتي في عيوني اجمل واكمل النساء. فتون اعتمدي عليا وثقي فيا انا جنبك هقويكي. فتون بدموع : انت كدة بتهد نفسك ومستقبلك صدقني حمزة احنا خلاص ماينفعش نفضل مع بعض بعد كدة . انا هشوف شغل في مكان تاني. حمزة بعنف ضمها بقوة: اياكي . اياكي تفكري تبعدي عني مش هسمحلك ابدااا. فتون لاول مرة تكون في حضنه. حاست انها محتاجة اوي في اللحظة دي تكون في حضن احن وارجل انسان قابلته. اتعلقت بيه اوي وبكت بحرقة. فتون: هو احنا اتقابلنا ليه وليه اتعلقنا ببعض كدة. انا كنت عايشة وراضة بحالي والله كنت راضية بس قلبي مش بإيدي غصب عني والله غصب عني. حمزة خرجها من حضنه ومسح دموعها : انا بقي حبيتك بإرادتي وعايزك وهتحدي الدنيا كلها بيكي وعلشانك. فتون: حتي اهلك! حمزة ابتسم: اهلي بالاخص عمرهم ماهيقفوا قصاد سعادتي وانا سعادتي معاكي. فتون بحزن: حمزة ممكن اطلب منك طلب. حمزة: اؤمري. فتون: بلاش تاخد اي خطوة دلوقتي. نستني يمكن اللي جواك ليا ده مجرد اهتمام وعطف. حمزة قرب منها وسند جبينه علي جبينها واتنهد:عمره ماكان ولا هيكون عطف. ده حب انا بحبك يا فتون بحبك. فتون غمت عنيها بحزن: وااانا ااانا كمان ببحبك بحبك اوي. حمزة ابتسم: فتون احنا لازم نتجوز. انا النهاردة هطلبك من والدتك. فتون: قبل ماتكلم ماما. لازم تكلم اهلك الاول. واياك تعارضهم او تقف قصادهم. عمري ما هقبل اتجوزك غصب عنهم. فاهم. حمزة ابتسم بحب: فاهم. بحبك. فتون ابتسمت : بحبك ...................................... في روما شهاب وتمارا في باار قاعدين ومتابعين شخص بإهتمام. تمارا بضيق: اوفففف . احنا هنفضل لحد امتي قاعدين كدة انا زهقت. طيب مش المفروض ناخد خطوة ماهو الحيوان ده قصادنا ايه اللي مانعنا عنه. شهاب اتنهد بثبات: تمارا انتي عايزة تتعملي ولا لا. وعايزة تنجحي في المهمة دي ولا لا؟ تمارا بتصميم: طبعااا عايزة اتعلم ولازم ننجح. شهاب بجدية: يبقي تراقبي وتتعلمي بهدوء من غير تسرع وعنف. احنا ايوة قصادنا مهدي. بس ده مش اي حد. ده كان ظابط مخابرات ومش اي ظابط ده كان كفؤ جداا . كمان انتي مش شايفة الحرس اللي حاوليه. ثم احنا مش ممكن نتدخل الا لما نتأكد ان الميكروفيلم معاه . يعني لازم نتصرف بحساب وندرس كل خطوة كويس. فاهمة. تمارا بتفهم: فاهمة. طيب هو ممكن يكون سلم الميكروفيلم للمافيا دي. شهاب: المعلومات بتقول انه لسة معاه لانه رافض يسلمه الا لل Boss بتاعهم. والBoss مابكشفش شخصيته لحد. وهما حاليا في فترة تفاوض. ومش قادرين يخلصوا عليه علشان محتاجين الميكروفيلم. تمارا: هو الميكروفيلم ده عليه بس اسماء الاغتيالات. شهاب: اسمائها ومواعيدها واماكنها. كمان سلسلة الانفجارات في كل بلد. ده غير الاسماء الكبيرة اللي متورطة في كل العمليات دي في كل بلد من البلاد دي. تمارا بتجز علي سنانها: ابن ال... انا بجد نفسي افرغ المسدس ده في دماغه. شهاب ابتسم:تعرفي انتي لما بتبقي في الشغل بتكوني مختلفة بحب اشوف تصميمك ده واصرارك انك تنجحي. تمارا ابتسمت: امممم. شامة ريحة مش تمام. كمان دقيقة هتقلبها تريأة. شهاب ضحك: ههههههههه. ليه بس . لا يا ستي امسكي انتي لسانك وانا مش هتريق. قرب منهم ويتر وهو بيقدم ليهم المشروبات. شهاب: بقولك ايه ماتشربيش هتفضحينا. تمارا:هههههه. لا ياعم انا ماليش في الشرب. الويتر: ليك والله ما احلاكن. انتم عرب. شهاب بصله بإستغراب: ايوة وانت. غريب: نعم حبيبي . انا غريب من لبنان. انتم مصرين صحيح . شهاب: ايوة مصرين. اهلا بيك ياغريب. غريب: لك والله العظيم انا فرحت لشوفتكم انا كتيير بعشق مصر واهلها. شهاب ابتسم: متشرك اوي يا غريب. انت عايش هنا بقالك كتيير. غريب: نعم. انا هون بقالي 5 سنين شهاب: كويس مرتاح بقي ! غريب بحزن: شو بدي قلك خي. الغربة مرة. والله عم بشتاق لاهلي وضيعتي واخواني ولمتنا. بس شو فيني ساوي. المصريات هي اللي عم بتتحكم فينا مو نحنا . شهاب : عندك حق.ربنا معاك. غريب: لهلأ ماتعرفت فيكم. شهاب: انا جاسر ودي مراتي سهر. غريب ابتسم: انتم عرسان مو هيك. شهاب رفع حاجبه :وانت عرفت منين! غريب: حبيبي الشغلة مو محتاجة ذكاء مبين عليكم عرسان جداد. انا هلأ راح ضايفكم ضيفة عقدي. بس بوعدكم باكر ان شالة بواعدكم ورفرچيكم علي مكان جنان بنتچمع فيه نحنا العرب هون كل ويك اند . بنتعرف ونتكلم واللي بده مساعدة بندبرله اياها. هاه شو قلتوا. شهاب ابتسم: تسلم يا غريب واجبك وضيافتك وصلت. ماتكلفش نفسك. بس اكيد هنتقابل بكرة. غريب: بس يحرسكم مالعين كتيير لابقين لبعض. يخربيتكم كتييير حلوين. شهاب بص لتمارا اللي تقريبا فاضلها دقيقة وتقوم تاكل غريب مش هضماه وكتم ضحكته: احممم. متشكر اوي يا غريب. الدم بس هو اللي بيحن . غريب: هي ليش المدام ماعم تتكلم. انشالة مااكون ضايقتم بعتذر. شهاب: لا لا ليه بتقول كدة هي بس بتتكسف وكلامها قليل. غريب: الله يهنيكم. راح روح هلأ غيبت كتيير بس راح ارجع واقلك علي المكان اللي راح نتقابل فيه بكير. مشي غريب وتمارا زفرت بضييق: اوففففف. ياليلة هباااب. ايه الواد ده. ده بالع راديو. اوففف. شهاب: ماله بس ماهو الراجل حبوب اهو. تمارا بسخرية: اهاه حبوب اوي. ده واد ملزق. ده شبه البنات. هو ده راجل! شهاب: اممم. ليه اومال الرجالة بتبقي عاملة ازي ! تمارا بإندفاع عفوي: هو ايه اللي ازي ده كان بيتمايص وهو بيتكلم . شوف انت مثلا مممكن تتقارن بيه انت حاجة تانية. شهاب بخبث ابتسم: اممم. وايه سمات الرجولة من وجهة نظرك. تمارا : هي دي عايزة كلام. الراجل اللي بجد بيبان من اول مرة. لازم تكون الرجولة دي في كلامه . شخصيته صوته نظرته. انا الراجل الخرع مايملاش عنيا. شهاب سند ظهره وابتسم: اممم. تمام . قوليلي انتي عمرك حبيبتي. تمارا بصتله وارتبكت: ااانا. لا لا طبعاا. شهاب : مالك اتلخبطي ليه بس. ده سؤال. هو الحب عيب. تمارا: ايوة انا شايفاه ضعف. وانا مابحبش الضعف. شهاب: تعرفي انا كمان بفكر زيك . الحب ده اكتر احساس ممكن يدمر انسان. تمارا : هو انت حبيت قبل كدة. شهاب بصلها بحيرة: ياريت مانتكلمش في الموضوع ده. تمارا: تمام براحتك. تمارا بصت علي مهدي لقته بيبتسم ليها ويرفع ليها كأسه. استغربت. تمارا: شهاب انت شوفت البغل ده عمل ايه. شهاب عقد حاجبه:بغل مين! تمارا بغيظ: مهدي هو فيه بغل غيره. شهاب بص عليه لقاه بيبص علي تمارا بإعجاب. شهاب لاول مرة يحس انه غيران عليها. اتعصب. شهاب: احممم. هو كدة نقطة ضعفه الوحيدة الستات. بس المفروض الستات الحلوة زي الاربيچية اللي قاعدين جنبه دول. مستغرب بيبصلك ليه . تمارا بغضب: قصدك ايه بقي هاه . اني مش ست ولا حلوة. شهاب: مش ده كلامك. وانا قولت ايه جديد. تمارا حاست انها انجرحت في انوثتها وده احساس جديد مابقتش تحس بيه الا من يوم ماعرفته. قبل كدة ماكنش فارق معاها رأي حد. تمارا حاست انها عنيها بتدمع بس تماسكت: عموما رئيك مايهمنيش. انا عارفة نفسي كويس. شهاب حاس انه ضايقها: احممم. تحبي نروح. تمارا: ياريت. انا زهقت من المكان ده. شهاب :طيب يالا بينا. قاموا علشان يروحوا وغريب قابلهم وادالهم العنوان للمكان اللي بيتقابلوا فيه .وهما في العربية. شهاب : تحبي تتعشي ايه. تمارا بزهق: ماليش نفس. شهاب : انا كمان زهقت من اكل المطاعم. تمارا: عارف انا نفسي في ايه. شهاب: في ايه! تمارا : طبق اسكلوب كدة وخضار ومايونيز واعيش بقي . بس بيتي مش مطاعم شهاب: اممم. معني كدة انك بتعرفي تتطبخي! تمارا بإحراج : ايه اااه طبعا بعرف انا بعرف اعمل كل حاجة. شهاب عارف انها بتكدب وبخبث: حلو اوي تعالي بقي انا هخليكي تعملي اللي نفسك فيه. تمارا: ازاي! شهاب غمزها: اتقلي وهتعرفي. شهاب اخدها علي السوبر ماركت. ودخلوا قسم اللحوم. تمارا: احنا بنعمل ايه هنا. شهاب بمكر: مش عايزة اسكلوب وبيتي يالا شوفي هتحتاجي ايه وهاتي كل حاجة وتعشينا الليلة من ايديكي. تمارا بلعت ريقها بخوف: ااانا! شهاب هز راسها بإستفزاز: ايوة انتي يالا بسرعة جعاان. تمارا محتارة هي ولا بتفهم في اللحوم وانواعها ولا ايه المناسب. تمارا اختارت قطعة لحمة وشاورت عليها. للبياع. تمارا: هاخد دي. شهاب بصلها بسخرية: بس دي مش اسكلوب. تمارا بإرتباك : ايه يياراجل والله اتلخبطت . مش مركزة. شهاب: ههههههه. ايوة ماهو باين فعلا. ولف للبياع. لو سامحت عايز دي. وشاور علي قطعة تانية خالص. مشيوا وراحوا عند الخضار. شهاب بسخرية: هاه مركزة ولا اختار انا! تمارا ابتسمت بسماجة: والله ده يبقي من زوقك. انا النهاردة مش في المود شهاب بمكر: ولا يهمك انا هختار . وانتي كفاية هتعملي العشاء ده شكله هيبقي عشاء تحححفة. تمارا لوت شفايفها بخوف: هو من جهة تحفة فهيبقي تحفة اوي. ربنا يستر . شهاب اختار كل حاجة ورجعوا البيت و غيروا هدومهم شهاب لبس بنطلون قطني رمادي وتيشيرت ابيض. خرج المطبخ ووقف يتفرج عليها وهو ساند علي الثلاجة بكتفه وحاطت ايده في جيبه وبيكتم ضحكته. تمارا كانت واقفة تبص للحاجات بارف ومش عارفة تعمل ايه . شهاب : هههههههه. مالك يا سكر شكلك عامل كدة ليه. تمارا لإحراج حكت شعرها : بص بقي من الاخر كدة وبصراحة انا ماليش في المطبخ . انا اخري اكل بس . شهاب ضحك بقوة: ههههههههههه طب ما انا عارف. تمارا بإستغراب: عارف! ولما انت عارف دبستني في كل الحاجات دي ليه بقي. شهاب راح ووقف قصادها وخبط علي خدها. شهاب: علشان تحرمي تكدبي عليا تاني مرة وتعملي فيها سبع رجالة. تقولي مابعرفش. تمارا بغضب طفولي: انت اللي دبستني انا كنت جعانة. هنعمل ايه دلوقتي هموت من الجوع. شهاب شاف فيها طفلة بريئة بتتكلم بعفوية شديدة ابتسم: وانا مايهنش عليا تموتي من الجوع انا اللي هعشيكي ومن ايدي. تمارا فتحت عنيها بصدمة: انت بتعرف تطبخ. شهاب بثقة: طبعاااا. انا ياما عشت لوحدي في سفر. واتعلمت. وغمزها. تعالي للمعلم بقي واتعلمي . اخدها ووقفها قصادهه وبدا يقطع اللحمة هو بإيده شرايح استيك. شهاب كان جواه احساس جميل وهي قريبة منه وبيعلمها. مسك ايديها ومسكها السكينة وبدأ هو يمسك ايديها بالسكينة ويقطع بخفة وهدوء. شهاب: اولا تثبتي قطعة اللحمة بإيدك دي. وهنا تثبتي السكينة وتبدأي تقطعي بسمك مناسب كدة .. تمارا كانت اصلا مش مركزة في كلامه كل اللي جواها لخبطة وتوتر من قربه الزايد وكمان لمسة ايديه لإيديها ونفسه اللي بيتنفسه في رقبتها بإنتظام. كانت مغمضة عنيها وجواها لاول مرة احساس بالسعادة. ولاول مرة تتمني انه مايبعدش عنها ويفضل قريب كدة. شهاب حاسس بنفسها العالي ودقات قلبها اللي زادت. هو كمان في احساسيس بتتولد جواه ناحيتها مش فاهمها بس عجباه ومستمتع بيها. شهاب بصوت مجهد من كل المشاعر اللي اتملكته في اللحظة دي: هاه فهمتي. تمارا : مش سامعة حاجة هي لسة مسجونة جوا احتوائه ليا اللي هز كيانها بقوة. شهاب لقاها مش بترد بعد عنها بهدوء:تمارا .. تمارا. تمارا انتبهت انه بعد عنها وحاست ببرودة بعد ماكانت في دفئ حضنه. تمارا بلخبطة: نننعم. نعم بتقول حاجة. شهاب ابتسم: انتي جعانة فعلا لدرجة انك سرحتي في الاكل. تمارا ابتسمت وافتكرت هي كانت عايشة ايه من لحظات: ههههه. هو فعلا اكل بس لذيذ اوي. هههههههه شهاب : ههههههههه. باين عليكي سكرتي من ريحة اللحمة.تعالي بقي علشان نسويها ونحضر الخضار. شوفي يا ستي. وابدا شهاب يجهز الخضار وتمارا مبهورة من مهارته وسرعته في التحضير والتقطيع. كمان تسوية اللحمة جهز كل حاجة بسرعة وقعدوا علشان يتعشوا. تمارا بتاكل بنهم فظيع من جمال الاكل. تمارا: اممممم. مش ممكن انت شيف عالمي يا بوب والله. شهاب: هههههههه. بالهنا والشفا. اهو رحمت نفسي لتكليني ولا حاجة. تمارا: ماهو بالطريقة دي لو انا اكلتش اكل حلو زي ده كل يوم كدة فعلا ممكن اكلك. شهاب: ههههههه. لا ماتخديش علي كدة لازم تتعلمي. يا امورة. تمارا: اممم ححاول اتعلم. واضح كدة اني هتعلم منك حاجات كتيير. شهاب قرب منها وبص في عنيها: كتييير اوي بس وعد تبسطك اكيد. رن فون شهاب فبعد عنها وراح يرد. تمارا: اوفففف. يا نهااار الوان. هو ايه اللي بيحصل ده . انا بيجرالي ايه. يخرب عقلك ياشهاب انت فعلا مصيبة ...................................... في ڤيلا مروان. ريما بعصبية: هو ايه اللي لا لا. انا تعبت منك حس بيا انا عايزة ابقي ام حرام عليك. مروان بغضب: وانا مش هجيب ابني من الحرام قولتهالك بدل المرة الف. جايبالي واحدة الله اعلم هي مين واصلها ايه وعايزاها تشيل ابني انتي اتجننتي. ريما: يا اخي قرفتني ابني وحرام واصل وفصل . ايه بقي حرام عليك انا بموت وانت مش حاسس. انا عايزة طفل في حياتي تعبت منك ومن عنادك. حتي التبتي رفضدتوا قولي اعمل ايه علشان ابقي ام قولي حرام عليك. وانهارت من العياط والوجع وكسرة القلب. مروان غمض عنيه واتنهد بمرار واخدها في حضنه: يا حبيبتي كفاية بقي. حرام عليكي نفسك. انا وانتي تعبنا ارجوكي افهميني وحسي بيا. لو علي الولاد انا مش عايز خلاص. ريما بعدته بعنف: انت مش عايز بس انا عايزة . انا عايزة طفل . افهم بقي. انا انت مش عايز انت حر بس ماتحرمنيش من حقي ده . مروان بصلها بلوم وعتاب: يعني انتي عايزة طفل وهو ده اللي يهمك بس. حاضر ياريما انا هخليكي ام بس بطريقتي انا مش انتي. وقام وسابها وخارج. ريما : رايح فين! مروان: اظن مش لازم تعرفي . خليكي في اللي يهمك. انا بقي سبيني لنفسي . عن اذنك. خرج مروان مجروح منها هي كل اللي بتفكر فيه من وجهة نظره الطفل وبس وهو خلاص نسيته اهملته مش بتفكر هو مرتاح ولا لا ؟عايز ايه ؟محتاج ايه؟خلاص هو بقي وسيلة تخليها ام وبس. وريما كمان بكت بحرقة هو من وجهة نظرها اناني مش حاسس بيها وبكسرتها ووجعها. هي من حقها يكون فيه في حياتها طفل. بس هو ليه مش متساهل. ليه بيعقد الامور. متناسية اي خطأ او حرمانية في الوسيلة اللي هي عايزة تكون ام بيها. وده مش لوم عليها. هي غصب عنها لجأت للحل ده من يأسها.