*تہران پر اسرائیل کا زبردست فضائی حملہ؛ دارالحکومت میں زبردست دھماکے اور سیکیورٹی کی صورتحال/ کچھ سرکاری اہلکاروں کے گھروں کو نشانہ بنایا گیا* ۔ رسانک نیوز کے مطابق ابھی ابھی ایک درجن سے زیادہ زور دار دھماکوں کی آواز نے ایرانی دارالحکومت کو ہلا کر رکھ دیا۔ یہ دھماکوں کی آوازیں تہران کے مختلف علاقوں بشمول جہاں کودک چوراہے، ونک چوک، ملا صدرا اسٹریٹ، شمالی اور مغربی علاقوں کے علاوہ مشرقی تہران میں سنی گئیں اور بعض اطلاعات سے معلوم ہوتا ہے کہ ایران کی حکومت کے سرکاری اور فوجی اہلکاروں کے رہائشی مکانات کو نشانہ بنایا گیا۔ مقامی ذرائع نے شدید زمین ہلنے، کچھ علاقوں میں عمارتوں کے شیشے ٹوٹنے اور سیکورٹی فورسز کی وسیع تعیناتی کی اطلاع دی ہے۔ دارالحکومت کے عوامی مقامات کو انتہائی سکیورٹی اور کشیدہ قرار دیا گیا ہے اور امام خمینی ایئرپورٹ سے کئی پروازیں معطل کر دی گئی ہیں۔ مصدقہ اطلاعات کے مطابق اسرائیلی فوج نے صبح(ایرانی وقت کے مطابق)کی اولین ساعتوں میں ایران کے جوہری پروگرام اور ملک کے مختلف حصوں میں فوجی تنصیبات سے متعلق درجنوں اہداف کو نشانہ بناتے ہوئے فضائی حملے کیے، عبرانی نیوز ذرائع نے اطلاع دی ہے کہ ان میں سے کچھ اہداف ایرانی دارالحکومت میں واقع تھے۔ اسرائیل کے ایک سینئر سیاسی عہدیدار نے ایران انٹرنیشنل کو بتایا کہ ایراں کے اعلیٰ فوجی اور سیاسی عہدیداروں کے گھر حملے کے اہم اہداف میں شامل تھے، اس بات پر زور دیتے ہوئے کہ شہریوں کو نشانہ نہیں بنایا گیا۔ ابھی تک ایرانی حکام نے ان حملوں پر کوئی ردعمل ظاہر نہیں کیا ہے اور ممکنہ جانی یا مالی نقصان کے بارے میں کوئی خاص تفصیلات جاری نہیں کی گئی ہیں۔ دھماکوں کی جگہ سے حاصل ہونے والی ابتدائی تصاویر میں تہران کے کچھ حصوں میں آگ اور دھواں پھیلتا دکھائی دے رہا ہے۔ ان واقعات کے بعد امام خمینی بین الاقوامی ہوائی اڈے سے پروازیں بھی معطل کر دی گئی ہیں اور ہوائی اڈے کے حکام نے اعلان کیا ہے کہ سول ایوی ایشن آرگنائزیشن کی جانب سے نئی شرائط کے اعلان تک پروازیں معطل رہیں گی۔ یہ تباہ کن اور خطرناک حملے ایک ایسے وقت میں ہوئے ہیں جب علاقائی کشیدگی اپنے عروج پر ہے اور ایرانی حکام کی جانب سے واضح ردعمل کی کمی نے عوام میں مزید الجھن اور بے چینی پیدا کردی ہے۔