🌸 *کبھی کبھی اللہ سے باتیں ضرور کیا کرو...* 🌸 اے ابنِ آدم! لوگ تمہیں طعنے دیں گے، تمہاری کمزوریوں پر ہنسیں گے، تمہارے راز سنبھالنے والے کم ہوں گے، اور بعض تو تمہارے مسائل کو مزید بڑھا دیں گے۔ ایسے میں اُن کے در پر جانے کے بجائے اُس پاک ذات کے در پر جاؤ — جو تمہارے دل کا حال جانتی ہے، جو نہ صرف تمہیں سنتی ہے بلکہ تمہیں بہتر راستے کی طرف بھی رہنمائی کرتی ہے۔ وہ اللہ جسے لفظوں کی بھی ضرورت نہیں، جو خاموشیوں کو بھی سن لیتا ہے، جو دلوں کے رازوں سے واقف ہے۔ *بس اُسے اپنا ہمراز بنا لو...* جب سارا زمانہ تمہیں چھوڑ دے، وہ تب بھی تمہارے ساتھ ہوتا ہے۔ جب سب بات سن کر بھول جائیں، وہ تب بھی تمہارے ہر آنسو کا حساب رکھتا ہے۔ اپنا رابطہ اس سے مضبوط کر لو — جو تمہاری شہ رگ سے بھی زیادہ قریب ہے۔ لوگوں سے تعلق بناؤ، لیکن *اپنا سب سے خاص دوست صرف اللہ کو بناؤ۔* اسی پر یقین رکھو، اسی سے مانگو۔ وہ تمہیں صرف سنے گا نہیں، تمہیں سمجھائے گا بھی، صبر دے گا، ہمت دے گا، اور وہ سکون بھی عطا کرے گا جو کہیں اور نہیں ملتا۔ سوچو، اگر کوئی پوچھے: *تمہارا سب سے قریبی دوست کون ہے؟* اور تمہارا جواب ہو: *"اللہ!"* تو دل میں کیسا سکون، کیسا فخر، کیسی خوشی بھر جائے گی نا؟ اپنے رب سے تعلق مضبوط کرو، کیونکہ وہ پہلے ہی تمہارے بہت قریب ہے... بس تم نے دل سے پکارنا ہے۔ 💞 *نیکی کی دعوت دیں، یہ صدقہِ جاریہ ہے، چینل فالو کریں اور دوست احباب کے ساتھ شیئر بھی کریں* https://whatsapp.com/channel/0029VaVOhoZKWEKlq0DqFd0P