فيه ناس بتجرب الكيتو دايت 🥩🥑 وبتتفاجئ إن الكوليسترول عندهم ارتفع بشكل كبير جدًا، وخصوصًا الـ LDL أو اللي بيتقال عليه "الضار" 🧬. بعض الناس بيقولوا: "ما تقلقش، دا ارتفاع طبيعي ومش خطر"، وطلع دراسة حديثة جداً إسمها KETO-CTA 📄 بتقول إن ممكن الارتفاع دا مايزودش تصلب الشرايين عند ناس معينة. 📌 الدراسة دي اتعملت على 100 شخص جسمهم رفيع 💪 وبيأكلوا كيتو بانتظام، والكوليسترول الضار عندهم وصل لأرقام مرعبة 😱 (أكتر من 250!)، ومش بياخدوا علاج! وعملوا لهم أشعة على شرايين القلب 🫀 في البداية وبعد سنة، علشان يشوفوا هل حصل تطور في التصلب ولا لأ. 👈 النتيجة؟ الشرايين فعلاً حصل فيها زيادة في تصلب الشرايين مش نقصان. يعني الناس دول – رغم إنهم رفيعين وبيأكلوا أكل "نظيف" 🍳🥓 أو الكيتو دايت– حصل عندهم تقدم في المرض 🛑. لكن الباحثين حاولوا يقنعونا إن دا مش مهم! 😕 وإن دول "نوع خاص" من الناس ومش بينطبق عليهم نفس قواعد الطب! 🤔 ❌ المشكلة بقى في كذا نقطة: 🔹 الدراسة كانت بدون مقارنة مع أي دايت تاني (زي دايت البحر المتوسط 🫒🍅). 🔹 كانت على عدد صغير جدًا ومختارين بعناية 🎯. 🔹 النتيجة الرئيسية (تقدم تصلب الشرايين) مشروحة بشكل غامض 😐 ومش واضح في الدراسة (يعنى مدفونة جوه الكلام كده و مش ظاهرة فى النتايج بشكل واضح 😏😉) 🔹 فيه ٧٠ سنة أدلة علمية 📚🧪 بتقول إن ارتفاع الكوليسترول الضار مرتبط بتصلب الشرايين، ومش محتاجين دراسة صغيرة تخلينا نشك في دا. 🎯 طب يعني إيه الكلام دا؟ لو عملت كيتو وطلع كوليسترولك عالي جدًا 🧪📈 (خصوصًا LDL-C فوق 190)، ماينفعش تقول عادي! 🚫 لازم تحلل وتستشير دكتورك 👨‍⚕️👩‍⚕️، مش تمشي ورا كلام ناس على الإنترنت بتقولك “متقلقش” 💬❗ 👟 الجسم الرشيق مش دايمًا معناه صحة قلب ممتازة ❤️، وارتفاع الكوليسترول الضار ممكن يسبب مشاكل حتى لو باين عليك إنك رياضي 🏃‍♂️💥. ✋ ماتغامرش بقلبك علشان دايت موضة! ⚠️ #د/أحمد_بندارى #إفتكر_إنى_قلتلك #الدايت_والقلب #الكيتو #إذكروا_الله ❤ #صلى_على_الحبيب_قلبك_يطيب❤