سائیں لیاقت کا مزار۔ مظفر اباد کی سڑکوں پر پتیلا باندھ کر پھرنے والا مجذوب سائیں لیاقت مر گیا لیکن مری کے عباسیوں اور کشمیر کے لوگوں میں ایک بہت بڑا جھگڑا شروع کر گیا۔ کشمیر کے باسیوں اور اہلیان مری کے ہنر مند باخوبی جانتے ہیں سائیں لیاقت مرا ہوا وہ ہاتھی ہے جو انکی نسلیں سنوار دے گا۔ دونوں اطراف سے ڈیڈ باڈی کےحصول کیلئے تنازعہ اس قدر بڑھ گیا ہے گزشتہ شب اسلام اباد انتظامیہ نے ڈیڈ باڈی دوبارہ ایک فریق سے لے کر پمز ہسپتال کے مردہ خانہ میں جمع کرا دی ۔ مظفر آباد کے تاجروں کا ایک وفد چار اشخاص سائیں لیاقت کا چچا اور بھتیجے ظاہر کر کے گزشتہ روز پمز پہنچا اور سائیں لیاقت کی ڈیڈ بادی تدفین کیلئے حاصل کر لی۔ یہ لوگ بقول ان کے سائیں لیاقت کے مزار کیلئے جگہ کا تعین کر چکے تھے تاہم اس بات پر بھی تنازعہ ہے کہ "ازاد کشمیر کے متعدد شہروں میں سائیں لیاقت کے مزار کے دعوے کئے جا رہے ہیں" سائیں لیاقت کی ڈیڈ باڈی ابھی قافلے کے ساتھ روانہ نہیں ہوئی تھی مری کی عباسی برادری کا ایک بڑا گروپ پمز پہنچ گیا اور یہ کہہ کر ڈیڈ باڈی پر قبضہ کر لیا مرحوم مری کے عباسی ہیں جو تیس سال پہلے گھر سے چلے گئے تھے۔ دونوں گروپوں میں شدید جھگڑے کے بعد پولیس طلب کر لی گئی اور سائیں لیاقت کی ڈیڈ باڈی مارچری منتقل کر دی گئی۔ دونوں گروپ مزار بنانا چاہتے ہیں اور مزار کے مجاور بننے کے خواہاں ہیں۔ دونوں گروپوں کو یقین ہے مزار سے ماہانہ لاکھوں روپیہ کی امدن ہو گی اور اطراف میں دوکانیں بنا کر بھر پور بزنس ہو گا۔ فریقین میں سے جو بھی کامیاب ہوا وہ سونے کی کان حاصل کرے گا۔