*పత్రికా ప్రకటన* మహిళా అభివృద్ధి మరియు శిశు సంక్షేమ శాఖ ఆంధ్ర ప్రదేశ్ ప్రభుత్వం తేదీ: 12.06.2025 కడప *అంధ్రప్రదేశ్ రాష్ట్ర బాల హక్కుల పరిరక్షణ కమిషన్ – చైర్‌పర్సన్ మరియు సభ్యుల నియామకానికి దరఖాస్తులు ఆహ్వానం* ఆంధ్రప్రదేశ్ ప్రభుత్వం యొక్క ఆదేశాల మేరకు, కొత్తగా ఏర్పడుతున్న ఆంధ్రప్రదేశ్ రాష్ట్ర బాల హక్కుల పరిరక్షణ కమిషన్ (APSCPCR) లో చైర్‌పర్సన్ ఒకరు మరియు కనీసం రెండు మంది మహిళలతో కలిపి మొత్తం ఆరు సభ్యుల నియామకానికి అర్హులైన అభ్యర్థుల నుండి దరఖాస్తులు కోరడమైనది. ఖాళీల వివరాలు: చైర్‌పర్సన్ – 1 ఖాళీ – గరిష్ఠ వయసు 65 సంవత్సరాలు సభ్యులు – 6 ఖాళీలు – గరిష్ఠ వయసు 60 సంవత్సరాలు (కనీసం 2 మంది మహిళలు తప్పనిసరిగా ఉండాలి) అర్హతలు: గుర్తింపు పొందిన యూనివర్సిటీ నుండి పోస్టు గ్రాడ్యుయేషన్ డిగ్రీ. విద్య, బాల ఆరోగ్యం, శిశు సంక్షేమం, జువైనైల్ జస్టిస్, బాల కార్మిక నివారణ, బాల మానస శాస్త్రం, బాలల హక్కుల చట్టాలు వంటి రంగాల్లో కనీసం 10 సంవత్సరాల అనుభవం ఉండాలి. అభ్యర్థి ఆంధ్రప్రదేశ్ నివాసి మరియు భారతీయ పౌరుడు అయి ఉండాలి. దరఖాస్తు విధానం: ఆసక్తి గల అభ్యర్థులు వారి బయో డేటా మరియు సంబంధిత ధృవపత్రాల (స్వీయ ప్రమాణీకృత ప్రతులు) తో కూడిన దరఖాస్తులను 2025 జూన్ 19 సాయంత్రం 5:30 గంటల లోపు కింది చిరునామాకు పంపించాలి: ఆఫీస్ చిరునామా: సంచాలకులు మహిళా అభివృద్ధి మరియు శిశు సంక్షేమ శాఖ, 4వ అంతస్తు, జంపానీ టవర్స్, అమరావతి రోడ్, గుంటూరు – 522006. ఫోన్: 0863 2332587 వెబ్‌సైట్: https://wdcw.ap.gov.in గమనికలు: ఒక అభ్యర్థి చైర్‌పర్సన్ మరియు సభ్య పదవులకు ఒకే దరఖాస్తు ఫారమ్ లో దరఖాస్తు చేయవచ్చు. ఈ నియామకాలు రెగ్యులర్ ప్రభుత్వ ఉద్యోగాలు కావు; అవి గడువు ఆధారిత నియామకాలు. అభ్యర్థులకు రాష్ట్ర ప్రభుత్వం నిర్ణయించిన పారితోషికం చెల్లించబడుతుంది. పూర్తి అర్హత కలిగిన అభ్యర్థుల ఎంపికను కమిటీ వ్యక్తిగత ఇంటర్వ్యూల ద్వారా నిర్ణయిస్తుంది. ఇతర వివరాలకు కింది నంబర్‌ను సంప్రదించవచ్చు: 9440814416 (ఆఫీస్ సమయాల్లో మాత్రమే) ఇట్లు, శ్రీ లక్ష్మి, జిల్లా మహిళా శిశు సంక్షేమ మరియు మహిళా సాధికారిత అధికారి, YSR కడప జిల్లా.