د پوهنځيو تر منځ د ېووالي په نامه د والیبال بازيو ټورنمينټ پېل سو د کندهار پوهنتون د محصلانو د خدماتو او انسجام آمریت اړوند د ورزشي عمومي مدیریت، د پوهنځیو تر منځ د «ېووالي» په نامه؛ د والیبال بازيو ټورنمنټ پېل کړ، چي د نهو پوهنځیو د لسو لوبډلو تر منځ د لېګ په سیستم ترتیب سوي، چي د جوزا میاشتي تر ۳مي نېټې پوري به دوام وکړي او هره ورځ به سهار او ماپښین کېږي. د ټورنمينټ لومړۍ بازي د طب پوهنځي او ښووني او روزني پوهنځي لوبډلو تر منځ وسوه، چي د ښووني او روزني لوبډلي وګټله؛ دوهمه بازي د ژبو او ادبیاتو پوهنځي او انجينېري پوهنځي لوبډلو تر منځ وسوه او د انجنیري پوهنځي لوبډلي وګټله. نېټه: ۱۴۴۶/۱۱/۲۳ د عامه پوهاوي او اړيکو آمریت