د بلخ ولایت حیرتان سوداګریز بندر له لارې د اوزبیکستان هېواد لخوا د خوراکي مرستو یوه جوپه د دې ولایت سیمه‌ییزو چارواکو ته وسپارل شوه. یادو مرستو کې ۴۸ ټنه اوړه، ۲۹ ټنه وریجې، ۲۲ ټنه بوره، ۲۰ زره لیټره غوړي، ۲ لکه پاکټه مګي آش، ۱۰ ټنه لوبیا، ۱۰ ټنه مۍ او ۲۰ ټنه نور خوراکي توکي شامل دي. د اسلامي امارت له بیا واکمنېدو څخه وروسته دا ۱۶م ځل دی، چې اوزبیکستان له افغانستان سره د خوراکي او غیرې خوراکي توکو مرسته کوي. #ملي‌تلویزیون