Ҳиндистонда “Эйр Индиа” авиакомпаниясига тегишли Boeing 787 Dreamliner учоғи қулади Ҳиндистон ғарбидаги Аҳмадобод шаҳри аэропорти яқинида “Эйр Индиа” авиакомпаниясига тегишли учоқ қулади. Ҳалокат жойида қуюқ тутун кўтарилаётганини кўриш мумкин. Ҳалок бўлганлар бор-йўқлиги номаълум. Тармоқда тарқалган видеотасвирларда тез ёрдам машиналари яраланганларни олиб кетаётгани акс этган. “Эйр Индиа” ширкатининг хабар қилишича учоқ парвоз пайтида қулаган. Flight Radar маълумотларига кўра, AI 171 рейси бўйича Boeing 787 Dreamliner учоғи Лондоннинг Гатвик аэропортига учаётган бўлган. Учоқ Лондоннинг Гатвик аэропортига 12 июн куни маҳаллий вақт билан 18.25 қўниши керак эди. Аввалроқ самолёт Англиянинг бошқа бир шаҳри — Бирмингемга учаётгани хабар қилинганди. Полиция маълумотларига кўра, учоқ бортда 242 йўловчи бўлган. Учоқ ҳавога кўтарилгани заҳоти экипажи дарҳол авария сигналини берган. 🔴 Батафсил видео Озодликнинг YouTube каналида яқин орада.