"خوشا وہ دن حرم پاک کی فضاؤں میں تھا زباں خموش تھی دل محو التجاؤں میں تھا در ک" – وتعاونوا علي البر والتقوى, June 4, 2025

خوشا وہ دن حرم پاک کی فضاؤں میں تھا زباں خموش تھی دل محو التجاؤں میں تھا در کرم پہ صدا دے رہا تھا اشکوں سے جو ملتزم پہ کھڑے تھے ، میں ان گدائوں میں تھا غلاف خانہ کعبہ تھا میرے ہاتھوں میں خدا سے عرض و گزارش کی انتہاؤں میں تھا حطیم میں مرے سجدوں کی کیفیت تھی عجب جبیں زمین پہ تھی ذہن کہکشاؤں میں تھا طواف کرتا تھا پروانہ وار کعبے کا جہان ارض و سما جیسے میرے پاؤں میں تھا مجھے یقین ہے میں پھر بلایا جاؤں گا کہ یہ سوال بھی شامل مری دعاؤں میں تھا ان شاءالله😭🤲🌹

Comments