🥘🍰المطبخ الحضرمي 🍱 لتعليم الطبخ 🍛: 🌸بسم الله الرحمن الرحيم🌸 💗الحمدلله الذي بنعمته تتم الصالحات وصلوات الله وسلامه على الحبيب المصطفى المختار💗 نقدم لكن عزيزاتي ثالث ملفات مجموعة:~ #المطبخ_الحضرمي🥘 ستجدون العديد من الوصفات المجربة من قِبل عضوات قروبنا على الواتس اب📱 مع خالص شكري الجزيل لكل من شاركت بوصفه او معلومة او فائده ونسأل الله لي ولهن الاجر والثواب ❤️ 《اغلب الوصفات حضرميه من الوادي والساحل لذا تغلب ملفاتنا اللهجة الحضرمية الأصيلة😎》 __nwara4024___ نبدأ بملفنا الثالث🍀الملف الخطيرر🔥فقط لعشاااق 🌶️ طرق مختلفة وسهلة لتحضير البسباس🌶️🔥 (السحاوق=الصمبل=الصنبل=الشتني) مجربة من عضوات قروب __🌸__ ▫️▪️ المطبخ الحضرمي▪️▫️ __🌸__ اولاً نبدأ بمصطلحات حضرميه من الوادي ممكن تكون صعبة على القارئه🙈👇🏼 《بليشان او بلاشان =بهار اندونسي=معجون الجمبري》+《فحيط=سمسم》+《البصل المقشر=بصل مقلي》+《طماطم قصاع=معجون الطماطم او طماطم معلبه》《شخاية=هذاره او مبشره بصل》《شبرم=كزبرة ناشفه او حبوب》 《بسباس طري او عروق=بسباس او فلفل طازج🌶️ 》+《بسباس عدني=بسباس هندي كبير يجي يابس وبارد》+《جنضال=باذنجان》+《نشخي البصل=نفرك البصل في المبشره حتى يصير حلقات رفيعه》+《حواج=بهارات مطحونه منوعه》+《عشار=مخلل الليمون》 __nwara4024__ ثانياً طريقة حفظ البسباس او الصمبل ل اطول فترة ممكنة✌🏻تتراوح مابين الشهر الى٣ اشهر 👇🏼👇🏼👇🏼 بعد طحنه او خلطه احفظيه بحافظه محمكه الاغلاق او برطمان زجاجي معقم 👍🏼 ولما تاخذي منه خذي بمعلقه ناشفه وحطيه بالفريزر واذا تبغينه خرجيه قبل فتره علشان يذوب ويصير نفس الجديد او بعدي لك من البسباس بعلبه صغيره حق يومين او ثلات وكلما خلص ارجعي حطي فيها ليومين او ٣ بيجلس معك اكتر من شهر __🌹__ 1.بسباس🔥 طماطم تشويها ع النار وتزيلين قشرها كم عرق بسباس اخضر وضرس ثوم وعصره ليمون وبالخلاط.. بسمه أمل ✨ __🌹__ 2.بسباس احمر با الطماطم المكونات طماطم بسباس احمر مطحون ليمون الطريقه نجيب ماء ونحط فِيَھ حبه طماطم وخليها تفور وبعد ما تبرد نزيل القشره. ونعصرها ونضيف لـٍهآ البسباس الاحمر المسحوق والليمون والملح وشوي كمون وبالف عافيه تحياتي ام تركي باشادي🥰 __🌹__ 3.طريقه بسباس🌶️ طماطم🍅 عصري بسباس عرقين اخضججر وطماطم حبه ولا حبتين لا عصرتيهم حطي لهم ملح وليمون وبلعافيه ام سامي __🌹__ 4.طريقه البسباس الاحمر🌶️🔥 عباره عن بسباس احمر يابس او طازج🌶️ كم ضرس ثوم 🧄وقليل بليشان ويخلط بعصير الليمون من غير ماتحطي ولانقطه مويه يجلس معك اكثر من شهر مايخرب/بسمة امل __🌹__ 5.صمبل بالكاري🌶️ باذنجان وبطاطس وطماطم مقطعين وبسباس احمر وفلفل اسود وكاري وملح وبالعافيه يطلع رووعه محبتكم/بشائر __🌹__ 6.صمبل فحيط فحيط مطحون وجبن حبتين وثوم وفلفل أخضر وليم/ام تركي __🌹__ 7.صنبل فحيط🔥 اطحن كميه من السمسم(الفحيط) لي بتكفيكم واقطع طماطم🍅 شرائح طويلة وتكون رفيعة وفلفل أخضر شرائح وحطي السمسم في الصحن وحطي له الطماطم والفلفل وحطي له ماء بس مو كثير وليم وملح👌🏻بشائر __🌹__ 8.صمبل باذنجان🔥🍆 أقطع باذنجان دوائر واحطها في الدقيق واقليها بزيت بعد ما تنجح احطها في الخلاط واحط سمسم مطحون وفصين ثوم وفلفل أخضر وليم وملح/بشائر __🌹__ 9.صنبل🔥🌶️ فحيط إلى هو سمسم نطحنه قد الكميه لي تحبي هو الاكثر يكون السمسم المطحون واحط له فلفل احمر مطحون قد الحراره🔥 لي تحبينها وبليشان وملح وليمونه👌🏻🤤/بشائر __🌹__ 10.صمبل الدوام🔥🌶️ ذا الاحمر حق كل يوم فلفل احمر حار وليم معصر ونخلطه وبعدين نحط له ملح وبلاشان وبس والبعض يحط بديل الليم خل ابيض __🌹__ 11.صمبل شتني🌶️🔥 قطعي بصل وغسليه بماء وملح عشان تروح الرائحة طماطم وفلفل اخضر وملح وليمه وبالعافية ...سعادتي رضاك😘 __🌹__ 12.بسباس باذنجان🌶️🍆 قشري حبه باذنجان🍆 وبعدين غسليها وسلقيها لا نجحت نزلي ان عاد شي ما بقا وعصريها مع بسباس اخضر وضرس ثوم وحطي لها ملح وليم افضل ليمه حبه طريه وبلعافيه ام سامي __🌹__ 13.بسباس محمس🔥 بصل مفروم ناعم وهو يتحمس اطرحي معلقه صغيره كمون ثم اطرحي طماطم معصوره مع بسباس ونص مكعب مرقه وطماطم قصعه وشوية هيل وملح وعود قرفه وخليه ع نار هادئه وبالعافية اختكم/جواهر __🌹__ 14.بسباس بالعشار 🔥🍋 بصل وطماطم وثوم وبسباس نقطعهم وعلى النار مع شوية زيت وملح وفلفل اسود ونحمس لمدة ١٠ دقايق بعدين نحطهم فالخلاط مع علبة عشار عادي مو احمر ونخلط ونحط ملعقتين الي نص كوب سكر حسب ماتحبي الحلوه😋 ونخلط وبالعافيه خنتبت اصابع 🌚💗 __🌹 __ 15.طريقتي للبسباس الاخضر🔥 بسباس عروق اخضر وملح وثوم وليم حامض معلقتين لبن او معلقتين زبادي او حبتين جبن اعصريهم مع بعض واسكبيه في برطمان نظيف او حافظه وعالثلاجه __🌹__ 16.البسباس الاحمر 🌶️🤯 بسباس عروق احمر وجزر قطعيه وثوم وليم واعصريهم مع بعض وبرطمان نظيفه وبالعافيه __🌹__ 17.البسباس العدني🌶️😋 بسباس عدني فوريه نصف ساعه بعد مايبرد حطيه فالخلاط وحطي عليه ثوم كثري ومعلقه كمون وملح واعصريهم زين خرجيه من العصاره واطرحي له عشار اذا توفر عندك واذا مو متوفر شوية خل ينفع✌🏻تغميسه شبس 🍟 اختكم/جواهر __🌹__ 18.بسباس حار 🤯🌶️ اخلط بسباس عروق أحمر 🌶️وليم 🍋وثوم🧄 وكمون حبوب وجبن مثلثات🧀 وشوي زيت وعصرهم في الخلاط🌪️ وبعدين أضيف ملح🧂 وبالعافيه أم سعيد __🌹__ 19.بسباس🌶️باذنجان🍆 نقشر الباذنجان ونقليه وونزله ونجيب المدق وندقه مع ثوم وبسباس اخضر ونسوي ملح روووعه/أم فهد __🌹__ 20.بسباس بثوم🧄 ثوم وطماطم حبوب وبسباس اخضر ونحطه في الخلاط 🌪️ ونحط زيت في قدر على النار ونحط الخليط وملح ومرقة وهيل وعوافي أختكم/أم الخير __🌹__ 21.الصنبل🔥🌶️ المكشن بصل مقشر ندقه ونحطه في القدر ونحط له شوي ماء ونحمس عليه بعدين نهرس بليشان في شوي ماء ونحطه على شوي شوي بعدين نحط فلفل احمر مطحونه وحنيد مدقوق وطماطم صلصة🥫 وفحيط إذا كان موجود او مو ضروري وجه القمر🌝 __🌹__ 22.بسباس اخضر 🌶️🔥 نجيب بسباس عروق اخضر ونصفيهن واطحنهم بالخلاط 🌪️واضيف فصين ثوم🧄 وحبه جبن🧀 وليم🍋وشويه زيت أم فهد __🌹__ 23.بسباس فحيط😋 نطحن الفحيط لحاله ونجيب الخلاط...ونعصر🌪️طماطم حبوب ولاتعصرت اضيف الفحيط وليم واخلط🌪️تمام.... أم فهد😘 __🌹__ 24.بسباس بصل محمس🌶️ نجيب بصل ونقطعه ارباع وطماطم ارباع وفصوص ثوم وع النار🔥احمسهم تمام واضيف عرق بسباس احمر🌶️وملح وشوي بلاشان وطماطم قصاع🥫...وحمسهم تممام وحط شوي سكر...لبرد اخلطه بالخلاط.🌪️.روووووعه... محبتكم...ام.فهد _🌹 25.بسباس محمس🔥😩 اول احط بالخلاط بصل وبسباس اخضر واطحنهم🌪️ بعدين احمسهم مع بعض في الزيت واضيف ملح...اخليهم يتحمسوا اخر شي أضيف طماطم قصعه🥫 وشويه سكر واخليهم يداخلوا مع بعض ويطلع حلوو ام تمام💗 __🌹__ 26.بسباس باذنجان🍆😋 اقرش الباذنجان واقطعه شرايح سمينه واقليه بزيت اذا حمر شوي ننزله لابرد اجيب الخلاط وحطه وازود كم فصوص ثوم وطماطم حبوب وليم وعرق بسباس احمر واطحنه🌪️تمام.👍🏻 محبتكم...أم فهد __🌹__ 27.بسباس مكشن🤤🌶️ المكونات بصلند ثوم بسباس اخضر طماطم الطريقه نحمس جميع المقادير بس ما نخليها تذبل وبعدين احطها في الخلاط 🌪️مع شوي مرقه دجاج وليمون وملح وبلعافيه يجلس معك فتره في الثلاجه تحياتي ام تركي باشادي 🥰 __🌹__ 28.طريقتي ب السحاوق طماطم، ثوم، كزبره، رشه ملح فلفل حار🌶️ و بالخلاط الكميه ع حسب احتياجك انا احط طماطم حبه كبيره و2 فص ثوم وكزبره شوي وفلفل حار اخضر 2 او 1🔥 واخلطهم🌪️ واقدمهم وبالعافية اختكم يارا محمد 🇸🇦🤍 __🌹__ 29.الصنبل الحار 🌶️ فلفل احمر عروق وليم وطماطم وثوم ونخلطه بلخلاط نخرجه من الخلاط نحط له ملح وبالعافية 😘 30.شتني جنضال🍆🌶 اقلي حبتين الى ثلاث حبات جنضال مقشر ومقطع دوائر او انصاف وايضا اقلي حبة بطاطس متوسطة وبعدها صفيهم من الزيت وحطيهم بالخلاط الكهربائي وحطي معاهم بسباس احمر عروق🌶 او اخضر حسب الحراره اللي تبغيها وحبة كبيرة طماطم حبوب وحطي له ٦ فصوص ثوم ورشه كزبره ناشفه وربع المعلقه الصغيرة كمون ورشه ملح وشوي ماء واخلطي وبالعافية مع رز ابيض او تغميسات سندوتشات او مقليات __🌷__ 31.بسباس اخضر🌶 نحط بالخلاط بسباس اخضر وثوم وملح وكمون وخل او ليمون وزيت 🌶🌶🔥🔥🔥 ....ام سالم .... __🌷__ 32.بسباس بالجزر ع طريقتي🌶 بصل..طماطم..ثوم..واحد جزر..وشوي ملح..وشوي زيت..ورشه سكر..وشوي طماطم قصاع لاتزودي حطيه ع النار لين ينجح خليه يبرد..وخلطيه بالخلاط محبتكم ام فاروق✨ _🌷_ 33.بسباس مكشن 🌶😋 نحط زيت وبصل وبسباس عروق مقطع وطماطم وصلصه وكمون وثوم وحلبه اختياري ونكشنهم على النار وبالعافيه ام سالم😊 _🌷__ 34.بسباس ع طريقتي🌶 بصل..طماطم..ثوم..واحد جزر..وشوي ملح..وشوي زيت..ورشه سكر..وشوي طماطم قصاع لاتزودي حطيه ع النار لين ينجح خليه يبرد..وخلطيه بالخلاط..وحطيله خل. هذا من غير حواجات..اذا بغيتي حطي له شويه كمون بسسس محبتكم ام فاروق✨ _🌷_ 35.بسباس مكموت نحط زيت وبصل وبسباس وجزر وطماطم ويوم وهيل وكمون ونكمته ويذبل نخليه يبرد ونحطه بالخلاط مع خل ام سالم _🌷__ 36. بسباس ام سالم فوري بسباس بشوي ماء كوب تقريبا وكمتيه لين يتغير لونه حطيه بالخلاط مع ثوم وخل وكمون وعوافي💖ام سالم _🌷_ 37.بسباس عدني نفور البسباس ونصفيه من البذور ونحطه بالخلاط.مع ثوم وبسباس اخضر عرقين او ع حسب الحراره وهيل وكمون وخل .....ام سالم❤️..... _🌷_ 38.البسباس الاخضر العادي🌶 قطعي بسباس كثير جدا وحطيه بالخلاط وحطي له حبتين جبن مثلث او نص مربع جبن مالح واعصري له ليم كثير وحطي له رشه ملح وحطي له شوي خل يعني اما الخل او الليمون يكون بديل للماء علشان يختلط👍 وانتي تخلطي حطي شوي زيت وبالعافية ينفع مع الكبسات او للعزائم👌محبتكم♡ام نسمه _🌷_ 39.طريقتي بالبسباس عرقين بصل وحبه طماطم وعرق بسباس واربعه فصوص ثوم كلهم مقطعين ارباع وحبه هيل وملح وشويه بليشان إضافي اذاتبغيه او استغني عنه وشويه زيت وعلى نار هاديه لين يذبل اطفي وخليه يبرد واخلطه ...ام محمد صبري _🌷_ 40.صمبل فحيط اختراعي قطعي بسباس كثير وحطي له طماطم وجزر وبصل وبطاطس وفحيط مطحون او عادي وبليشان وملح وكمون وكزبره خليهم شوي على النار واخلطيهم وبالعافية محبتكم♡ام نسمه __🌷__ 41.بسباس جنضال.. جنضاله مقليه بدون قشر وابردها وعلى العصاره حبتين طماطم وعرق بسباس وثلاثه فصوص ثوم وليمه معصره وملح وكمون وبالعافيه ...ام محمد صبري... _🌷_ 42.بسباس سريع اشوي طماطم على الشوله ودق بسباس في مدق الثوم وحط له فصين الى ثلاثه ثوم وبعد مايندقوا تمام حط الطماطم ودقها اهرسها جيدا وبعدها حط لها ملح وكمون وبليشان وليم او خل وخلطهم بالمعلقه مع بعض وبالعافيه يمي روووعه محبتكم♡ام نسمه _🌷____ 43.طريقـتي بالبسباس: اجيب طماطم وبسابس اخضر اطحنهم بطاحونه اليد وعلى النار شوي زيت واحطه؛ شوي ملح وشوي مرقه ماجي وعصره ليم واخليهم شوي يتسبكو؛: وبالعافيـه أم سلطـان💕🥀. __🌷__ 44.صمبل بليشان حمس بصل مع طماطم وبسباس وثوم وبعد مايبرد حطه بالخلاط مع رشة ملح وبليشان وكمون وشبرم وخلطه بليم او خل🤤يميمي لذيذ🤤وبالعافية محبتكم♡ام نسمه __🌷__ 45.بسباس اصفر بسباس عروق اخضر وثلاثه عروق ثوم وجبنه مالحه وملعقه صغيره حلبه وملعقة صغيره هرد وشوي خل لمان يختلط وملح ونخلطهم في الخلاطه أم صافي __🌷__ 46.بسباس حضرمي مكشن بصل مقطع ارباع طماطم مقطعه ارباع بسباس احمر او اخضر عروق حسب رغبتش في الحراره ثوم كم فص حطهم بالطس على النار واحط له زيت احمس عليه وبعدها احط ملح ..فلفل..كمون كثري شوي منه..بهارات مشكله مطحونه..شبرم اخليه لين يذبل شوي وكل شوي احرك عليه وطفيه وخليه يبرد وعلى الخلاط 😋😋🌾 البهارات تعطيه طعم خراافي🤤👌🏻 اضيف له شوي ماء عند ال خلط علشان ماتتغير خلاطتك انا احط الماء بالطس اللي حمست فيه علشان يخرج اللي يلزق اضافات للبسباس المكشن باذنجان او بطاطس او جزر ضيفي له قطعه بطاطس صغننه وثنين جزر مقطع خليه لين يدبل طفي النار وخليه يبرد واطحنيه بخل صافي او خل وليم 🤤 واستمتعي بالطعم 😋 محبتكم♡ام نسمه __🌷__ 47..طريقتي في البسباس بسباس اخضر. احاطه في خلاط اليد. اللي بدون كهرباء اجيب قدر وعلى النار. احط شوي زيت. وثم البسباس. ثم الطماطم واحرك عليه لين يضحن ثم اضيف البلاشان وليم. ام عبدالله يضخن* الطماطم والبسباس بل خلاط اليد __🌹__ 48.بسباس باذنجان 🍆 باذنجان طماطم حبوب ثوم ملح مرقه ماجي الطريقه نقطع الباذنجان والطماطم الي اربع اقسام ب الطول ونقليه في الزين نحضر الخلاط ونضفع فيه الباذنجان والطماطم المقليه وباقي المكونات وبسباس اذا حابه ونخلط يطلع احلا بسباس باذنجاااان 👌🏻😋 ملحوضه --- اذا تحبي تقلي الثوم عادي قليه مع الطماطم والباذنجان ( ام محمد ) __🌹__ 49.طريقتي بالبسباس الاحمر احط البسباس في قدر وافوره وبعدين اصفيه من الماء واخليه يبرد وبعدين احطه في الخلاط مع ليم وملح وبلاشان وحبه طماطم وثوم وبصل مقشر وبالعافيه ام مناف💜 __🌹__ 50.بسباس عبير اقطع عرقين بسباس وحمسها بالزيت واضيف له حبة طماطم وثوووم واضيف صلصة طماطم وملح وفلفل اسود وشوية كمون ومرقة وبسابس مطحون وبالعافية ' أم محمد ' __🌹__ 51.بسباس سدو بصل مقشر يكون لونه اصفررر وحبه طماطم وعرق بسباس احمر وشوي ليم وملح وخلطيه بالخلااط وبسسس 🤤 ام الحسنين __🌹__ 52.بسباس أخضر تفوري بسباس أخضر تنزلي بذوره مع شويه ملح وثوم وبصل وتخليه دقيقه فقط والماء قليل حطي الكل بالخلاط مع الماء القليل لازم يكون الماء شوي الي يخلطه فقط أضيفي جبن مثلث ولا مالح حسب الرغبة وشوي زيت الزيتون واخلطيهم ،وبالهناء والعافية أم عبدالله💚🍃 __🌹__ 53.البسباس العشار 🌶️ تفوري بسباس أحمر أي نوع مع ثوم اطحني البسباس مع قليل من ماء التفوير وتقطعي ليمون حامض مع قرشه تنزلي بذوره بس وتحطي شويه خل وملح وسمسم وشويه زيت الزيتون وشويه بودرة بصل اطحني الكل بالخلاط الين يتجانس وحطيه في البرطمان ،عقميها قبل أفضل ،مع فصوص ثوم وعروق بسباس أخضر وشوية حبه سوداء وحطي على السطح زيت زيتون يحفظه من التعفن ولا حطيه بالثلاجة.🌶️ للحفاظ عليه أكثر وبالهناء والعافيه أم عبدالله🤍☘️ __🌹__ 54.بسباس احمر حاااارر ناااااارر 🌶️🥵 في قدر ع النار واحد بصل واحد طماطم و٣ ثوم وشوي بلاشان ورشه ملح وملعقتين سكر احمر وشوي زيت احطهم ع النار لين يذبل شوي واحطهم بلخلاط مع ملعقتين خل والبسباس الاحمر مقطع ومنضف من البذور واخلطهم تمام واحطهم بعلبه زجاج نضيفه وناشفه وع الثلاجه لحين الاستعمال وبلعافيه ،،، ام صالح حسين🥰 _🌹____ 55.بسباس محمس المقادير بصل وطماطم حبوب وعلب وزيت وملح وكمون وفلفل أحمر مطحون وفلفل أخضر عروق الطريقه نشخي البصل ونقطع البسباس ونضعه في القدر ونضيف الزيت ونحمسه زين ثم نضيف الطماطم حبوب والعلب وبقية المكونات ويقدم بالعافيه ام جوهرة __🌹__ 56.طريقتي للبسباس افور بسباس اخضر بطاطا لين ينجح احطه بالخلاطه واحط له كمون سكر هيل ثوم خل وملح ونخلطه والطعم يجنن وبالعافيه ساره أم فاطمه🌹 __🌹__ 57.البسباس الزهري🌸 ٢ او٣ بصل مقطع 🧅ارباع ٢ او ٣🍅طماطم مقطعه ارباع ٤ فلفل اخضر مقطع 🌶️مقطع ٤فصوص ثوم 🧄 في مقلاة حمسيهم بشوي زيت لين يذبلوا زين حطي شوي بلاشان وملح🧂 على حسب ذوقك😍 وبعدين خليه يبرد واخلطيه بالخلاط 🌪️وحطيه في برطمان وبالثلاجه🍥 وعوافي عليكم ام صالح سالم 😎 ___nwara4024 ___ _تم بحمدلله وفضله الانتهاء من الملف الثالث ملف البسابيس والصنابل🌶️🔥_ *نسأل الله اننا قد وفقنا في ملفاتنا 🥺🌹* اذا عجبك الملف علقي بدعوه لطيفه🥺 وانتظري الملفات الجايه بكل نشاط وهمه وحماس😍🤝💪🏻 *ولاتنسوا متابعه حسابات القروب في التيلجرام والانستقرام ليصلكم كل جديد في المطبخ الحضرمي* @nwara4024 https://t.me/anwara62 ~مع تحيات ادارة قروب المطبخ الحضرمي~