🥘🍰المطبخ الحضرمي 🍱 لتعليم الطبخ 🍛: 🌸بسم الله الرحمن الرحيم🌸 💗الحمدلله الذي بنعمته تتم الصالحات وصلوات الله وسلامه على الحبيب المصطفى المختار💗 نقدم لكن عزيزاتي رأبع ملفات مجموعة:~ #المطبخ_الحضرمي🥘 ستجدون العديد من الوصفات المجربة من قِبل عضوات قروبنا على الواتس اب📱 مع خالص شكري الجزيل لكل من شاركت بوصفه او معلومة او فائده ونسأل الله لي ولهن الاجر والثواب ❤️ 《اغلب الوصفات حضرميه من الوادي والساحل لذا تغلب ملفاتنا اللهجة الحضرمية الأصيلة😎》 __nwara4024___ نبدأ بملفنا الرابع🌊سنغوص 🏊🏻‍♀️في اعماق البحار لنصيد لكم👇🏼 طرق مختلفة وسهلة لعمل السمك 🐟والتونه🐋 واللخم وهو(سمك القرش المملح🦈) والحنيذ او الحنيد(السمك المجفف🐠🐟) وصفات مجربة👩🏻‍🍳 من عضوات قروب _°•🌸•°_ ▫️▪️ المطبخ الحضرمي▪️▫️ _°•🌸•°_ اولاً:بهارات السمك (1) ملعقه كبيره ثوم بودر ملعقه كبيره كمون ملعقه كبيره كركم ملعقه كبيره بابريكا ملعقه كبيره فلفل اسود نصف ملعقه كبيره هيل تستخدم للسمك المقلي و المشوي 🧡🧡🧡 بهارات السمك (2) ملعقه كبيره و نصف ثوم بودر ملعقه كبيره و نصف كمون ملعقه كبيره و نصف كزبره ملعقه كبيره كركم ملعقه صغيره بابريكا نصف ملعقه صغيره هيل نخلط المكونات مع بعض ونحطهم في برطمان و تستخدم لجميع انواع السمك 🧡🧡🧡🧡 🐟🐠ريحة قلي السمك🐠🐟 لما تقلي السمك اعملي رشه فانيلا اول ماتحطين الزيت وهو بارد ولاتخافين ماتعمل ريحه ولاطعم بتضيع لك الريحه والزفارة حق السمك جربتها جدا جميله وتعطي البيت ريحه حلوة👌🏻 °•👩🏻‍🍳•° لكي تبعدي رائحه السمك او اللخم🐠🦈 من يداتك😉👌🏻 بقيت الرائحه في يدك ومعاكي مناسبة او ماتحبي الروائح تعلق بيدك طبقي هالخطوه✌🏻بعد ماتخلصي التنظيف والطبيخ او الاكل🦈🐟 اغسلي يدك بسائل غسيل الايادي ثم بشاهي نعناع 🌱او شاهي اخضر🍃 او اوراق النعناع الطازجه🍀 افركيهم في يدك👏🏻 ٥ دقايق وغسليها بالمويه واستمتعي باحلا رائحه😍🤤 محبتكم ♡ام نسمه _nwara4024__ 1.السمك المشوي ننظف السمك ثم نغمره بماء ورشه خل عشان رائحة السمك ثم ننشف السمك تمامأ من الماء ونضعه على جنب ثم نبدا بعمل التتبيله ناخذ صحن عميق ونضيف له ليمون وزيت زيتون وبهارات مشكله وقرفه مطحونه وزنجبيل مطحون وفلفل احمر مطحون وكاري وكركم يعني رشه من كل هذه البهارات وايضأ ثوم مدقوق وملح ونضعهم فوق السمك ونضعه على الشوايه اوفوق نار على التاوه مع شويه زيت اويوضع على صحن ويدخل الفرن،،، وبالهناء٠٠٠ام زين _°•👩🏻‍🍳•°_ 2.السمك اغسله.تمام.واطرحه.ع التاوه.ع النار.وشوي.زيت.واجيب.تمر هندي.انقعه.واصفيه...واخلط.التمر.مع صلصه.طماطم.شوي.وملح.وفلفل.وهيل...واطرحهم.ع التاوه..وذا.تحبي.بطاطس.اطرحيها.وسطه.... محبتكم.افهد.😘 _°•👩🏻‍🍳•°_ 3.طريقتي باللخم افوره بعد ما ينجح ننظفه وفصين ثوم ندقهن وشوي زيت وفلفل اسوي وهيل وكمون وقرفه احمسهن وبس تبغينه مع الخبز او الرز... ام تركي _°•👩🏻‍🍳•°_ 4.موصوص اللخم بالثوم يصم الراس😉 تحطين شوي زيت وكثري ثوم وتحركيه وتضيفي له طمطمة مقطعة واضيفي له اللخم المصفئ وماء ع حسب الكمية لي تبغينها وضيفي البهارات المطحونه والملح واتركيه ع النار الين تطلع رايحتة واذا تبغي حنيد اضيفيه مع البهارات وبلعافية اختكم/ام محمد صبري _°•👩🏻‍🍳•°_ 5.طريقتي في عمل السمك أول نفوره نص نجاح بعدها اصفيه من الجلد واي شي مثلا نحن نسميه شغمير😂😂 بعدها افتته وبقدر احط طماطم مقطعه حسب لي تبغي وشوحها مع زيت. لما تذبل احط السمك وفلفل احمر وكاري وملح واي بهارات انتي تحبيها. ومع عيش أو خبز تنور تطلع طعم خرافي🤤👌🏻"بشائر♥️ _°•👩🏻‍🍳•°_ 6.صنبل لخم لذيذه بشكل 🤤❤️❤️❤️❤️ حمست بصل وحطيت عليه ثوم وطماطم وشوية بهارات مشكله وملح وعرق بسباس حار وخليتهم يتسبكوا ع نار هاديه اللخم المفور اصفيه تمام من الجلد والملوحه الزايده واحطه فوق الصنبل مع ربع كوب ماء واخليه لين يسبك تمام ويستوي والف عافيه ع قلبك ❤️خنتبت اصابع 🌚💗 _°•👩🏻‍🍳•°_ 7.طريقتي بالسمك& رووعه 🥀 احط زيت في قدر وبعدين اضيف ثوم يتحمس شوي واحط السمك فوقه وبعدين ملح وفلفل اسود وحواي مشكل واخليه لين قريب ينجح واخر شي اضيف معجون طماطم واخليهم يتسبكوا وينجح... وبالعاااااافيةة.. ام تمام _°•👩🏻‍🍳•°_ 8.صنبل لخم بالكيشب(الصويا الحلوة) فوري لخم ونظفيه وقطعيه قطع صغيره ونتركه ع جنب .. نقطع حبه بصل ونحمسه لين يشقر ثم نحط فوقه حبه بيبار مقطع طولي وحبه طماطم كمان مقطعه طولي ونحمس عليه بعدها نضيف اللخم وثوم المهروس ومعلقتين ببربيكا وملعقه بسباس حار بودها اختياري ونصف حزمه كزبره مفرومه نقلبهم مع بعض شويه واخر شي نحط له شويه كيشاب وبالعافيه __°•👩🏻‍🍳•°_ 9.#طريقه _السمك على التاوة او المقلاه نجيب المقلاه نحط فيها زيت لين يحر نحط شوي ثوم يتحمس وملح وفلفل وفانيلا بودرة بعدين نحط السمك ونغطيه بعد شوي نقلب عليه آخر شي نسكر النار ونجيب كوب فيه زيت ونحط الجمرة ونسكر عليه روووووعه🤤 احلام العامري:ام هادي🌹 _°•👩🏻‍🍳•°_ 10.لخم محموس تقدري توكلينه مع أي رز احمر او ابيض فوري اللخم ونضفيه ونزلي الجلد ودقيه في الصحفه حق الثوم ونزليه بلقدر ضيفي معي ثوم مهروس ملعقه صغيره معجون طماطم ملح وفلفل اسود وملعقه حنيد وملعقتين جوز هند وشوي زيت حركي عليه ع النار لين يتجانس وينتثر وقدميه مع أي رز معك وعوافي😋ام صالح حسين __°•👩🏻‍🍳•°_ 11.بروست سمك🍟🍤 غسلي السمك ونظفية من الجلد يفضل لو كان سمك نوعيه حلوة مثل الثمد او الابيض خليه على جنب👍🏼وتعالي معي نعمل التتبيله🏃🏻‍♀️ تتبيلتي عباره عن فلفل اسود _ملح_زبادي_كمون _رشه فضخه_حلبه_رشه قرفه_بودره ثوم_رشتين كركم _وقليل معجون الطماطم_بهارات سمك من عند العطار او فيك تعمليهم👆🏼مثل اول الملف نوعين٢ المهم اخلطيهم مع بعض المقادير ماحطيتها لانه على حسب السمك اللي معش غمسي السمك فيه وخليه يتغلغل😂(يغوص داخل التتبيله )علشان يتشربها كامل وبعدها على الثلاجه نص ساعه الى ساعه وهاتي البقسماط(روتي مجفف مطحون او مدقوق بالهاون(المدقه) ناعم)وحطي في صحن بيضه ورشه ملح وفلفل وشويه خل وغمسي السمك في البقسماط ثم البيض ثم البقسماط وعلى الزيت الحار اذا تبغيه بزيت كثير واذا تبغيه شويه براحتك واللي يناسبك غطيه وهدي النار وخليه شوي وقلبيه على الجهة الاخرى وعووافي مع عيش او رز ابيض وشبس مرره لذيذ محبتكم♡ام نسمه __°•👩🏻‍🍳•°__ 12.صانه اللخم بلحومر😋😋 كشنه عاديه حطي عليها لخم وقليل حنيد وباذنجان وبطاطا او بطاطس وقليل من الماء وكزبره خضراء ان وجدت والحومر المنقوع والمنشول ويترك على نار هادئة حتي يستوي وبالهنا والعافيه 🤤 ام هشام _•°👩🏻‍🍳•°_ 13.طريقتي باللخم افوره بعد ما ينجح ننظفه وفصين ثوم ندقهن وشوي زيت وفلفل اسوي وهيل وكمون وقرفه احمسهن وبس تبغينه مع الخبز او الرز... ام تركي _•°👩🏻‍🍳•°_ 14.للتغيير من السمك المقلي حطي سمك ورشة ملح وفلفل اسود وطماط مقطع فلفل رومي وملعقتين زيت او سمن نحطهم على نار هاديه لين مدة توصل من ربع ل ثلث ساعه مع التقليب بين فتره وفتره دي الطريقه تجنن تتبل السمك لين داخل حتى لو السمك من الرخيص 😅💔 الف عافيه ❤️❤️ خنتبت اصابع 🌚💗 _•°👩🏻‍🍳•°_ 15.السمك المقطع الطريقه:سمك+بصل+ملح وفلفل+شويه هيل+وزيت لتحميس البصل . نحمس البصل لين يتحمر ونضع السمك المقطع مكعبات ونضع الملح والفلفل والهيل ونخليه لين يستوي.وانتهت طبختناا😊 وبالنسبه للسمك الافضل يكون خالي من الشوك والجلد والافضل يكون ثمد،نغسل السمك ما نفوره...؛ وبالعافيه🌹 ✨بسمة امل✨ __°•👩🏻‍🍳•°__ 16.لخم مقلي نظفي اللخم من الجلد والشوائب وغسليه بالمويه تمام وبعدها رشي عليه فلفل اسود وبالمقلاه نحط معلقتين زيت نخليه يسخن نوطي النار ونحط اللخم ونغطي عليه ونقلبه🤤 مرهه حلوو مع البراوطه او رز ابيض محبتكم♡ام نسمه __°•👩🏻‍🍳•°__ 17.سمك بالطماطم🐠🍅 نقطع ٤ طماطم او اكثر وحبتين جزر وبالقدر نحط زيت ونخليه قليل يسخن نحط ثوم مدقوق ونحمس ونحط الطماطم والجزر واذا تبغي تحطي بطاطس ونحرك عليه ونغطيه ونهدي النار بعد ١٠ دقائق نحط السمك والبهارات المطحونه او بعارات السمك والكمون والفلفل والملح وحركيه بهدوء علشان مايتكسر السمك وخلي النار هادئه لين ينجحون وعووافي مع رز محمس او منذق🤤محبتكم♡ام نسمة __°•👩🏻‍🍳•°__ 17.سمك تنوري اول اغسل السمك واتبله بملح وفلفل أسود ورصه بالشبك وحطه بالتنار وارجع بعد شوي اقلبه وبالعافية &أم محمد & __°•👩🏻‍🍳•°__ 18.لخم محمس اجيب اللخم وافوره واجيب بصلة اقطعها واحمسها وبعد ماينجح اللخم طفي النار عليه واشيله اغسله واقطع اللخم قطع صغيرة (مفتفت)وحطه في البصل ورش عليه ملح وفلفل اسود يطلع لك اش على ريحة واش على طعم 🤤 "أم محمد " __°•👩🏻‍🍳•°__ 19.طريقتي باللخم افوره بعد ما ينجح ننظفه وفصين ثوم ندقهن وشوي زيت وفلفل اسود وهيل وكمون وقرفه احمسهن وبس تبغينه مع الخبز او الرز... ام تركي __°•👩🏻‍🍳•°__ 20.السمك المشوي ننظف السمك ثم نغمره بماء ورشه خل عشان رائحة السمك ثم ننشف السمك تمامأ من الماء ونضعه على جنب ثم نبدا بعمل التتبيله ناخذ صحن عميق ونضيف له ليمون وزيت زيتون وبهارات مشكله وقرفه مطحونه وزنجبيل مطحون وفلفل احمر مطحون وكاري وكركم يعني رشه من كل هذه البهارات وايضأ ثوم مدقوق وملح ونضعهم فوق السمك ونضعه على الشوايه اوفوق نار على التاوه مع شويه زيت اويوضع على صحن ويدخل الفرن،،، وبالهناء٠٠٠ ام زين __°•👩🏻‍🍳•°__ 21.السمك اغسله.تمام.واطرحه.ع التاوه.ع النار.وشوي.زيت.واجيب.تمر هندي.انقعه.واصفيه...واخلط.التمر.مع صلصه.طماطم.شوي.وملح.وفلفل.وهيل...واطرحهم.ع التاوه..وذا.تحبي.بطاطس.اطرحيها.وسطه.... محبتكم.افهد.😘 __°•👩🏻‍🍳•°__ 22.طريقة الرز المخسخس نحمس.بصل.وطماطم.وثوم ونطرح.حنيد.وتونه.ولخم.مع.التحميس.همكي.عليهن.وبهارات.ملح.وكمون.وحواي.وعرق.بسباس.وطماطم.قصاع.وطرحي.الرز.حركيه.مره.وزودي.الماء.ولاسكن.ع التنار...... وطريقه.اخرى.اذا.بتسوي.الرز.وحده.بعضهم.يصطلونه.وبعدين.يخلطونه.مع.التحميس....او سويه طبقات رز وتحميس __°•👩🏻‍🍳•°__ 23. 1.سمك غسليه وحاويه بزار ملح وهاتي قرطاس وطرحيه فيه ودهري في التنار.ولا باقي دهرت الصبوح وبلعافيه** 2..غسلي سمك حاويه وحطيه في صفريه ومرس شوي حومر وبزار وملح وطماطم معجون وملعقه زيت حق الاكل وكمتيه وبل عافيه ام سامي __°•👩🏻‍🍳•°__ 24.حنيد.محمس... نجيب بصل نهمكه.واضيف.طماطم.حبوب.مقطع.قطع.صغيره.وبهارات.وملح.وطماطم.قصاع.وعرقين.بسبتس.اخضر.وحنيد...نخليه.شاهب...ناشف... 👍🏻أم فهد😘 __°•👩🏻‍🍳•°__ 25. صنبل حنيذ حمسي بصل مفروم وهو يتحمس حطي ثلاث معالق حنيذ وخليه يتحمس زين واطرحي عليه طماطم معصور وطماطم قصعه ومعلقه حواج وعودين قرفه وشوي هيل وملح كاس ماء واذا عندك بطيط قطعيها دوائر وحطيها وعرقين بسباس وعلى نار هادئه او فالتنار والا البابور يطلع زين جواهر __°•👩🏻‍🍳•°__ 26.الصنبل مكشن بصل مقشر ندقه ونحطه في القدر ونحط له شوي ماء ونحمس عليه بعدين نمرس بلاشان في شوي ماء ونحطه على شوي شوي بعدين نحط فلفل احمر مطحونه وحنيد مدقوق وطماطم صلصة وفيحط إذا كان موجود مو ضروري وجه القمر🌝 __°•👩🏻‍🍳•°__ 27.سمك اغسل السمك واسخن شوي زيت واتبل السمك بملح وفلفل واحطه بالزيت واجيب حبتين ثلاث بطاطس وحبتين جزر اقطعهم ورش عليهم ملح وفلفل واحطهم مع السمك واغطيه وحطهم على نار هاديه وبالعافية / أم محمد __°•👩🏻‍🍳•°__ 28.السمك بالحومر 🦈 تنظفي السمك وتتبليه ..ملح ابزار بسباس أحمر كاري بودره بصل وثوم وتمكن تحطي الثوم مع الحومر انقعي الحومر ونشليه من النوى والقشر . جهازي تاوه على قدر السمك الي معك حطي شوية زيت أي نوع لاتكثري الي يقلي السمك سطحي فقط وشوحي السمك على النار من الجهتين نص نجاح ،اضيفي الحومر يكون ثخين وخليه يغمر السمك وطفي النار وغطي الكري، أو التاوه الصاج المهم يكون سطحي . خليه إلين ينشف ...قريبه مع الخبز أو الأرز وبالهناء والعافية 🍃☘️ أم عبد الله💚 __°•👩🏻‍🍳•°__ 29.السمك الرمادي تقطعي السمك شرائح والطبخة هذه تحتاج سمك ثمد منزوع الحسك(الشوك ) والجلد القشر تتبليه فقط بالابزار والملح وليمون ولا شويه خل . تقطعي طماطم وبصل وفليفله شرائح رقيقه مرة 🍅🧅🫑 على الصاج تحطي شوية زيت أي نوع وتحطي السمك الشرائح ترصيها جنب بعضها البعض ماتراكميها . تحطي فوقها الخضرة الشرائح وتكون النار مرتفعة شوي مدة دقيقتين . وكيف النا وغطي التاوه وخليها مدة ربع ساعه ارجعي قلبي السمك على الوجه الثاني بحرص لأجل مايتفتفت وطبعا بيكون الخضار ذبلت وبتنقلب معه ...خليه عشر دقائق على حسب نوع السمك ولطفي من تحته .يطلع لون السمك رمادي اللون. وبالهناء والعافية 🤍 أم عبدالله 🍃☘️ __°•👩🏻‍🍳•°__ 30.سمك في العبّار( السطل) نغسل السمك ونتبله (ملح وبزار( فلفل اسود)وكمون وبهارات مشكلة وقرفة مطحونة)وفي العبّار (السطل)نحط شوي زيت مانكثر ونخليه شوي يحر فوق النار وبعدين نحط السمك ونضعه في التنار الدهرة حق التنار تكون أقل من حق الدجاج (دايم نحطه بعد ماننزل الخبز ونحط تحته شي يرفعه من النار )ونقلبه بعد نص ساعة او اكثر علشان مايحترق طعمه روعة😍 يصير زي التونة وعلى حسب نوع السمك ♥بنت صالح ♥ __°•👩🏻‍🍳•°__ 31.السمك التونه سمك ثمد نوع جيد وقطعيه شرائح تغسليه جيدا واضيفي إليه ملح فقط تحطيه في قدر بحيث مايتراكم مع بعضه واضيفي إليه زيت الي يغمره، أي نوع زيت ،غطي القدر بالقصدير، وحطيه في التنار وتخليه إلين ينشف السمك يعني ينجح ع شوية صلابة مو يحنذ وتستخدميه مع الطبخات أو لوحده ،أو في الحشوات زي التونه تمام 🤍👌🏻 وبالهناء والعافية 💚 أم عبد الله 🍃 __°•👩🏻‍🍳•°__ 32.عمل الحنيد بطريقتي هاتي أي نوع سمك من الي تفضلينه ولو كان سمك ثمد بيكون أفضل اغسلي السمك وتفورينه مع ملح كثير فورتين مش كثير تنشلي السمك وتخليه ينشف ،تبرحيه في مكان نظيف أو توضعيه في فرن محكم أو في التنار على باقي نار مش حرارة كثيره وتخليه كم أيام إلين ينشف من غير تعريضه للتلوث . وتدقينه ، أو تطحنينه ،ويطلع أحلى حنيد أو حنيذ 👌🏻🦈 وبالهناء والعافية🤍☘️ أم عبد الله 🍃 __°•👩🏻‍🍳•°__ 33.صمبل حنيد حلوه وتنفع للرز وخصار للخبز بصل وطماطم نحمسهم بالزيت وبعد مايذبلوا نحط ملعقتين كبيره حنيد مطحون ونحرك تمام نحط طماطم قصاع وشوي سكر وهيل وكمون وعرق بسباس ونضيف شوية ماء عشان يتسبك ونغطيهم شوي والف عافيه ع قلبك ❤️❤️ خنتبت اصابع 🌚💗 __°•👩🏻‍🍳•°__ 34.طريقتي للسمك اغسل السمك حطه بالقدر وحطه ع النار وحط عليه ملح وفلفل اسود وثوم وعرق بسباس وحبه بطاطس مقطعه وجزر مقطع وحبه او حبتين طماطم حبوب وشوي معجون طماطم وزيت وشوي ماء وخليهم لين يصير نااشف وبالعافية ~أم محمد. صنبل سمك بصل، ثوم، طماطم حبوب، معجون طماطم، سمك (سمك ثمد)، فلفل اسود ملح ، بهارات مشكلة، مرقة ،هيل ، اقطع البصل واحمسه لين ينضج وحط السمك والثوم ورش عليه ملح وفلفل واخليه شوي وحط الطماطم حبوب وجميع البهارات وبعد شوي ثانية حط معجون الطماطم.. @أم صالح @ __°•👩🏻‍🍳•°__ 35.طريقتي في عمل التونة😋 أقطع طماطم مكعبات صغار وحطه بالقدر مع زيت وملح وكاري ولمن يستوي احط التونة واحرك شوي واحط لها فلفل اخظر كامل وإذا تخلي تقطعيه صغار عادي أختكم في الله "بشائر♥️ __°•👩🏻‍🍳•°__ 36.طريقتي في عمل السمك احط قطع سمك واغسلها واحطها في القدر وأجيب بصل صغير واخليه كامل واقطع طماطم 🍅 وبطاطاس وزيت وحط البهارات كاري وملح وفلفل اسود وقرفه وحط لها شوية مويه علشان ما تحترق واخليها تستوي 😋😋 أختكم في الله /بشائر♥️ __°•👩🏻‍🍳•°__ 37.فوري اللخم وصفيه وبعدا في مقلاه حطي زيت وحمسي كم عرق بسباس اخضر مع للخم حتي يحنذ وبعدا خرجي وضيفي صلصه طماطم مذابه بقليل مويه وسكبي ع الزيت يلي قليتي، اللخم فيه طبعا الزيت مو كثير وبعدا نزلي اللخم وتركي يتسبك شوي وطفي النار ،،وبالعافيه 😋 بسمه أمل __°•👩🏻‍🍳•°__ 38.مطفايه سمك معجون فلفل عدني طريقته٠٠٠ تنقعي بماء ساخن لمده 3 _4 ساعات وبعدها طلعي البذور منه وحطيه في الخلاط مع شوية ماء وملح وكم فصوص ثوم الطريقه: يتبل السمك بملح وفلفل وكمون ويقلى بالزيت ويوضع على جنب نقطع بطاطس شرائح متوسطه في السمك وتقلى في الزيت وعلى جنب مع السمك في قدر نحمر بصل و4 فصوص ثوم وفلفل اخضر ثم يضاف حبه طماطم معصره وملعقه صلصه طماطم وشوي ملح وكمون وكاري ونص كاس معجون فلفل احمر المحظر من قبل ونقلب المكونات مع بعض ثم يضاف نص الكاس ماء ساخن ثم السمك المقلي والبطاطس ويغطى ويوضع على نار هاادئه حتى يتسبك ٠٠٠٠ وبالعافيه /ام زين __°•👩🏻‍🍳•°__ 39. محار لخم وحنيد 🤤 في طس حط زيت وبصل مقطع لما يذبل حط حنيد وطماطم حبوب مقطعه وشبرم وكمون وطماطم قصاع ورشة ملح وقليل ثوم واللخم بعد ماتتسبك حط ماء ملئ الطس ودق ثوم وحطه ورفع النار بعد الغليان توطي النار بعد ثلث ساعه فتحي الغطاء بيكون الماء نقص طفي وحطي الخبر مفتوت بعد نص ساعه عشاء جاهز والحمدلله 🤤🤤 االكشنه تنفع للرز الاحمر بدل الخبز تحطي رز وعرق بسباس اخضر 🌶️ 😘 اختكم هناء __°•👩🏻‍🍳•°__ 40.كفتة سمك 🐟 الطريقه 1 نجيب سمك ونهرسه زي البطاطس او ندقه في المدق ونتبله ب ملح وفلفل وبهارات مشكله ونخلطه جداً ونكوره زي الكفته ونقليه في الزيت الطريقه 2 نحضر كشنه عاديه بصل طماطم حبوب وطماطم علب وبسباس وبهارات مشكله وقبل ماتطفي عليها بكم دقائق ضيفي كرات السمك المقلي وخليها شوي وطفي عليها ،،،، رووووعه 👌🏻😋 وتقدم مع رز ابيض ( ام محمد) __°•👩🏻‍🍳•°__ 41.اوتو اوتو (صمبل لخم) فوري قطعتين لخم وصفيها ثم افرميها او دقيها بمدقة الثوم وقطعي بصل قطع صغيره وحمسيه على النار اول مايبدا يتغير لونه الى الذهبي حطي..الثوم المهروس مع الحنيذ ..والبسباس الاخضر المقطع وحطي له معجون الطماطم وحطي شوي مرقه دجاج لاتكثرين ورشه بهارات وحطي اللخم المدقوق وقلبيهم مع بعض وخليه شوي على نار هادئة وبالعافية محبتكم♡ام نسمة __°•👩🏻‍🍳•°__ 42.طريقتي بالسمك المقلي غسل السمك ونظفه من الشوك والجلد ورش عليه ملح فلفل..بودره ثوم ..صفره..فضخه..كمون وكركم وبعدها حط المقلاه على النار وحط معلقه اكل زيت ورشه فانيلا وهو بارد طبعا خليه لين يحر شوي هدي النار وحطي السمك حقش وكمتيه بصحن او وعاء وخلي النار هادئة قلبيه مرتين وبس بالعافية _nwara4024_ تم بحمدلله وفضله الانتهاء من الملف الرابع نسأل الله اننا قد وفقنا لما نعمل وانتظروا ملفنا القادم باذن الله😘 لاتنسوا متابعةة حسابات قروبنا على الانستقرام @nwara4024 والتيليجرام https://t.me/anwara62 ليصلكم كل جديد ورائع في عالم الطبخ الحضرمي