🥘🍰المطبخ الحضرمي 🍱 لتعليم الطبخ 🍛: 🌸بسم الله الرحمن الرحيم🌸 💗الحمدلله الذي بنعمته تتم الصالحات وصلوات الله وسلامه على الحبيب المصطفى المختار💗 نقدم لكن عزيزاتي المترقبات *خامس* ملفات مجموعتنا:~ #المطبخ_الحضرمي🥘 ستجدون العديد من الوصفات المجربة من قِبل عضوات قروبنا على الواتس اب📱 مع خالص شكري الجزيل لكل من شاركت بوصفه او معلومة او فائده ونسأل الله لي ولهن الاجر والثواب ❤️ 《اغلب الوصفات حضرميه من الوادي والساحل لذا تغلب ملفاتنا اللهجة الحضرمية الأصيلة😎》 nwara4024_ نبدأ بملفنا الخامس🍀 طرق مختلفة لطبخ اللحم🍚 🐏🐑🐐 مجربة من عضوات قروب 🌸 ▫️▪️ المطبخ الحضرمي▪️▫️ 🌸 اولاً...بهارات اللحم💗 غالباً مانكثر في البهارات للحم علشان ماتطغى على الطعم ونحط فقط (ملح..فلفل اسود..صفره..وفضخه..واحيانا كركم) ♡ *طريقة عمل بهار الفضخه* هو نوع من انواع البهارات يستخدم للشربه والمرق واللحوم والكشنات بكل انواعها *المكونات* ( بصل مجفف : هيل حبوب : فلفل اسود حبوب : شبرم ، كزبره جافه حبوب : كمون حبوب :ملح حبوب) من كل نوع قليل 🌞🍂 الطريقه :- ابرشي البصل في مبرشه البصل او السلطه او قطعيه رقيق وحطيه في صحن او ملف كبيره في الشمس من الصبح الى المغرب وغطيه بشبك او نقبه نظيفه وخفيفه كل ساعه قلبيه بملعقه خشب خليه في الشمس يومين او ثلاث في الصيف ييابس بسرعه تملى الطاحونه حق البهارات بصل مجفف وتملى المعلقه حق الشاهي فلفل اسود وملح وشبرم كله حبوب ( كمون وفي طرف الملعقه كركم اختياري ) من اعداد *هناء* ♡ 🍗🍗 ( الصفره ) من بهارات اللحم الحضرميه تضاف الى المرق 🤤🤤 وكذلك تضاف للشربه بديل طماطم علب 🥣 🤤🧅🌶️ مكونات الصفره : ذره بيضاء . هرد ( كركم ) هيل . قرفه . كمون . شبرم ( كزبره حبوب .فلفل اسود) حمصي الذره في كري او مقلاه على نار متوسطه بدون توقف مدة خمس دقائق بعدين نزليها في صحن وضيفي باقي المكونات وخليها تبرد وطحنيها في طاحونة البهارات لازم تخلينها ناعمه علشان يبان اللون الاصفر وسلامتكم 😘 *اختكم هناء* _♡__ نبدأ بوصفاتنا الجميلة 1.لحم بالحومر سوي اللحم فالضغاط لين ينجح خرجي المرق وخلي قليل فيه وحطي عليه حومر (تمر هندي)منقوع بنص كوب ماء حار ملح وفلفل اسود رشة هيل نخليهم على نار وسط لين يتسبك تمام ويتناقص المرق والف عافيه ع قلبك ❤️ خنتبت اصابع 🌚 ♡ 2.للحم عده طرق ١.ابهره بملح وفلفل واحطه بضغط لازم احط شي تحته بدون اضافه اي ماء 🌿🍃🌿🍃 ٢.ابهره بملح وفلفل واحطه بورق زبده واحط فيه بصل كامل وثوم كامل والفهم بالقصدير واحطه بالضغط 🍃🌿🍃🌿 ٣.ابهره واحطه بالفرن 🌿🍃🌿🍃 ٤.او اسويه مرق وانزل اللحم واكشنه مع الرز كبسه او برياني او زربيان او مكشن احمر 🍃🌿🍃🌿 ٥.او احطه بالضغط مع خضار او بطاطس 👍🏻👍🏻 ♡ 3.لحم تنوري أجيب اللحم اغسله تمام وافوره مرتين ننزل الغشبه وزهمته... وثم ارشن عليه بقدر..لين يتناشف وينجح ..ثم أجيب تاوه او مقلاه واطرحه فيها وارش عليه ملح فلفل وبهارات اللحم وكمون ..وهيل..واطرحه ع التنار شوي اخليه مكشوف بدون غطاء...والتنور شوي مفتوح..منشان.يطعم.تنوري👌🏼 روعه...محبتكم.ام فهد😘 ♡ 4.لحم بو مرق اجيب اللحمه واغسلها واحطها في قدر واحطها ع النار واضيف له مويه واضيف عليه ثلاثة عروق بصل صغيرة وكمه فصوص ثوم مدقوق وحبة طمام واسوي له شوي بهارات مشكلة وهيل وقرفة ملح وفلفل وبالعافية /أم محمد ♡ 5. لحم محمس اغسل اللحمه واقطعها قطع صغيرة واحط لها شويه مويه وملح وفلفل وحبة هيله وبالعافية خصار للخبز والرز ~أم محمد ♡ 6. طريقيتي في اللحم المدهور 🍗🍖 اغسلي اللحم وجهزي التتبيلة زبادي ملح بهارات بابريكا بسباس احمر وفلفل اسود (ابزار) هرد كاري بودرة بصل وثوم ليمون وشوي خل وزيت زيتون ....ممكن تضيفي ، قرفه مطحونه وهيل ..التوابل طبعا على حسب الرغبة . تتبلي اللحم وتخليه مدة ساعة ع الأقل يكون الطعم أحلى تحطي اللحم في التنار وتخليه إلين يبدأ يتغير لونه إلى اللون الذهبي الغامق ...تخرجيه في قدر وتحطي له ورق غار وممكن ليمون مجفف أو قرفه تغطي القدر بور ق القصدير وترجعيه في التنار وتتنتبهي من قوة النا ر لأجل مايحترق في حالة يكون اللحم كبير شوي ممكن تضيفي شوية ماء إليه يساعده على النجاح واذا كان أكبر ممكن تضيفي نوى التمر ...يساعد في نجاح اللحم بسرعة . أو كنتي مستعجلة ،أو كان اللحم من النوع الكبير (العنوز مثلا) .🐪🐂🐏أو جمل وبقري . تبقي تقلبي في اللحم من فترة لأخرى لأجل مايحنذ أو يحترق ، وممكن ترفعيه على حديدة إذا زادت النار مثلا ولا بتتحكمي في النجاح وبالهناء والعافية🍃 مع تحيات أم عبد الله💚 __♡__ 7. اللحم بالقصدير اقطع بصل وطماطم وبطاط وبيبار وبسباس أخضر وكبزره واخليهم على جنب أخذ اللحم واغسله وابهره وملح واحطه في القصدير مع الخضار اخلطهم مع بعض والف القصدير عدة لفات واخليه في الضغاط يستوي تقدري تسوي بدل اللحم دجاج او سمك وتحطي الخضار اللي تحبيها 🤤 اسماء الحداد __♡__ 8. لحم بالحومر فوري اللحم بالطريقه الروتينيه وبعد صفيه وخلي قليل مرق تحته حطيله ملح وفلفل اسود وشوي كمون وحومر مغسول وخليه على نار هاديه لين يتسبك ويختفي المرق والف عافيه خنتبت اصابع 🌚💗 __♡__ 9. لحم بالطماط لحم فوريه عادي وصفيه وخلي قليل مرق وحطيله ملح وفلفل اسود وملقتين طماطم قصاع وكمون وهيل وسكر وخليه يتسبك والف عافيه 👍🏻😍 خنتبت اصابع 🌚💗 __♡__ 10. لحم الانقاذ 😂😅 سوي اللحم بالطريقه المعتاده وبعد صفيه وخلي قليل مرق وبهريه ملح وفلفل اسود واذا عندك سمن بحري حطي سيله وخليه يتسبك والف عافيه 😴🙂 خنتبت اصابع 🌚💗 __♡__ 11. كبسه الحم بصل ثوم طماطم بطاطس فلفل اخضر خطيهم في القدر وقطعي لحم وصل متوسطه وكبيه وحطي البهارات لحم ملح فلفل اسود ورق غار ليم مجفف ومعجون طماطم كله مع بعض لين ينجح وبالعافية ع قلوبكم ام سالم __♡__ 12. طريقة مرق اللحم 💪🏻 لحم مغسول تمام ونغمره بماء يمكن لتر ونص ونحط بصل مقطع ارباع وطماطم مقطع ارباع وفصوص ثوم وفلفل اسود حبوب وهيل حبوب وملح على حسب ماتحبي ملوحته ونغطيه ونسربه فالتنار او على الغاز زي ماتحبي وخليه لين ينجح تمام .. وبعدها تقدري تاكليه مع رز ابيض او خبز والف عافيه 😍❤️ خنتبت اصابع 🌚💗 __♡__ 13. لحم مضبي اغسله زين اقطع الحم قطع صغيره اشغل النار ع صاج وحط الحم أخليه شويه واحط البهارات الحم ملح فلفل هرد وخليه لين ينجح وبالعافية ع قلوبكم ام سالم __♡__ 14. لحم محموص في التنار بطريقتي قطعي اللحم ونطفيه تمام وحطيه بالقدر مع ورق غار علشان يساعده يفرز الزيت ويكون القدر بدون مويه وخليه على نار هادئة جداا واذا تغير لونه حطي ملح وفلفل وقرفه وهيل فقط او اذا معاكي بهارات لحم مطحونه حطيها وحطيه في التنار الحطب على دهره خبز اسمر👍🏼ارفعي القدر بالمثلث الحديد وغطي التنار وبعد نص ساعه شوفيه وحركيه وكذا لين ينجح اذا نجح نزليه من التنار علشان ماييبس ويصير حانذ جدا🥲🥲 وعوووافي مع رز ابيض مفرفر يجننننن محبتكم♡ام نسمه __♡__ 15. لحم بالحومر بطريقتي قطعي اللحم قطع صغيره وحطيه بالقدر على نار هادئه اذا مافي شحم فيه حطي قليل جدا زيت وعلى جنب حمسي بصل وطماطم وبسباس مقطعين صغار وحطي الثوم واذا نضج اللحم نص استواء حطي اللحم فوق الكشنه وحطي بهارات اللحم وملح وفلفل وكمون وحلبه وقليل معجون طماطم وخليهم يتسبكوا مع بعض وعلى جنب تكوني مجهزه الحومر (التمر الهندي) منقوع من قبل وانشليه وخليه ثقيل لاتكثري مويه وحطيه فوق اللحم وحركيهم وهدي النار وخليه على مهله لين ينجح يكون الحومر شوي ثقيل وبالعافية🤤 محبتكم♡ام نسمه __♡__ 16. لحم بالحومر والبطاطس نقعي حومر بمويه كثيره قطعي اللحم وغسليه تمام وقطعي بطاطس ارباع واذا كانت صغيره خليها كامله👍🏼 وحطيهم بالقدر وخليهم على نار هادئة جدااا لين تنجح البطاطس حطي الحومر المنقوع والمنشول من البذور👍🏼 وحطي ملح بس لاتكثري وفلفل اسود وكمون وحلبه مطحونه وثوم كثري منه الحومر يقع حلو بالثوم👍🏼🤤 وخلي المويه حق الحومر فوق اللحم بصبع او اصبعين✌🏻 ولين ينجح المويه تكون كثيره يعني تكون احلا شي هالطبخه مع رز ابيض رطيب يصترط تو😋😂 وبالعافيه 😂 محبتكم♡ام نسمه __♡__ 17. صانة القورين .. المقادير : كبده وقليل لحم وطماطم وقليل طماطم علب وبصل محمس (اي يوضع ع النار) وثوم وبهارات(هيل ,كمون، بلاشان،ملح حسب الرغبه ، زبادي ، بصل عروق ) الطريقه : ١) نغلي اللحم ثم نضع الكبده حتي ينضج الجميع.. بعد كذا تخلط البهارات مع طماطم والثوم والبصل العروق في الخلاط .. بعد كذا نضعه بقدر ونحمس عليه وبعد كذا نضع الصلصه والبهارات ونحمس عليها .. بعدين نضع اللحم والكبده بعد تقطيعها على التحميس ويضع الزبادي ونحمس عليه.. بين نضع الماء المتبقي الي أغلينا فيه الحم والكبده وتترك ع النار الي أن تثقل القوام .. وبالعافيه😋 اختكم (قمر الهواشم ) __♡__ 18. المحقوطه اغسلي الكبد زين وقطعيها قطع متوسطه واذا معش فصل لحم قطعيه وحطيها عليها بهريها بملح.. وفلفل.. وكمون.. وهيل.. وفضخه.. وقرفه.. وخليها تتسبك ع نار هادئه نزلي عليها شوي ماء واذا تحبيها حمراء اضيفي قليل من معجون الطماطم وخليها ع نار هادئه وبالعافيه جواهر __♡__ 19. لحم مدخن .(زي حق العرسات)🤤🤤 صفي اللحم زييين من اي شوائب ونزلي شوي من الشحم حقه وخليه ع جنب لا ترميه . وحطيه ع قدر الضغط وحطي له ملح وبزار وزوديه ماء اللي يغطيه تقريبا او اقل . وغطي عليه وخليه نص ساعه او اكثر قليلا حتى يستوي تماما... بعد ماتطفي عليه طلعيه من المرق وبهريه مره اخر لحاله ب .. ملح بزار رنق اصفر وشوي زيت يدهن به بعد التبهيىر وحطيه ف الشبكه بعد دهنها بالزيت حتى لا يلتصق فيها ودهري له ف التنار دهره ليست كثير يعني تقريبا كربه وعودين سيسبان بس وقصام طبعا للدهر..وجيبي الشحم اللي نزلناه من اللحم ف الاول ووزعيه فوق الجمر ف التنار كل مازاد الشحم ف الجمر يطلع ذوق اللحم افضل . خليه لين يدخن(وهذا هو السر اللي يخليه زي حق ال عرس ) حطي الشبكه اللي فيها اللحم وكمتي يعني غطي التنار كله بغطاه وخليه نص ساعه تقريبا ثم طلعيه ونزليه من الشبكه وحطيه ف قدر ورشي عليه مرق أو ماء عشان مايكون يابس وغطيه لين وقت التقديم.... اذا لم تتوفر لديك شبكه حق الشوي بامكانك تستخدمي اي قدر وتخليه مكشوف من غير ماتغطيه يعني أو قصدير بس هذه الطرق ماتخلي اللحم يطعم مدخن سوا حق الشبكه تخليه زي حق العرسااات بالضبط.... وللمعلوميه تقدري تعملي نفس الطريقه للدجاج يطلع جنااان🤤 غالبا نستخدمها في العيد يغرموا ع الغداء مع ارز مصفر بالمرق حق اللحم وااااوو يجنن أو ارز محمس بالثوم والمرق🤤🤤 وبالعافيه..🍚🍙 شيفتكم...ام أنسام وعمر 😇 __♡__ 20. مندي لحم اغسلي اللحم وحطيه فقدر فيه ماء وخليه لمن يفور نزلي الغشبه الي تتطلع من فوق وهو يفور وحطي البهارات (ملح.. وحواج.. وهيل.. وفلفل حب.. وكركم او صفره.. وعود قرفه..) والثوم وحبه طماطم صغيره مقطعه وع التنار او نار هادئه ساعه اواقل نزلي اللحم من المرق وحطيه في صينيه مدهونه فالفرن من تحت وفوق يتحمر وبالعافيه جواهر __♡__ 21. المحمس لحم مقطع قطع متوسطه وكثري من المغاضيف😉 وبهريه بالملح والفلفل والهيل والكمون والفضخه وع مقلاه فيها شوية زيت وحركيه وخليه ع نار هادئه وغطيه كل شوي حركي حتا مايحترق وبالعافيه مع بر رهيف حياه😍 جواهر __♡__ 22. اللحم بالقصدير اقطع بصل وطماطم وبطاط وبيبار وبسباس أخضر وكبزره واخليهم على جنب أخذ اللحم واغسله وابهره وملح واحطه في القصدير مع الخضار اخلطهم مع بعض والف القصدير عدة لفات واخليه في الضغاط يستوي تقدري تسوي بدل اللحم دجاج او سمك وتحطي الخضار اللي تحبيها 🤤 اسماء الحداد __♡__ 23. طريقه اللحم المحمس بالحومر غسلي اللحم وحطي بقدر ورشي عليه فلفل اسود وهيل وكمون وملح وعندك حومر مصفي اخلطيه مع صلصله طماطم وكبي ع اللحم وداخليه وحطي بقدر الضغط اذا اللحم مستوي من قبل، وع تنار اذا اللحم لسه طري وقت التقديم كبي عليه صلصه الصويا وبالف عاافيه بسمه أمل __♡__ 24. الحم المندي في تنار😋😋 اول شي اخمر طين وبعدين اسوي، دهره زينه في التنار وبعدين اغسل الحم وسويله ملح عيد،، هو الملح الصفر،، اوملح عادي ونسويله بهارات مخلطه ونجب معشره دويله اطرح المعشره وسط، التنار ثم نرص الحم ونجب شمله حق رز ونشعقهاا نخليها عريضه تكون مخمره بماء ونغطيبهاا التنار ونطرح فوق التنار الغطا حق، تنار بس، ضروري يكون يغطي التنار تماام الغطه ونمحض الجوانب حق التنار بطين ع الشمله ونخليه الاين وقت الغداء 😋ام صالح باراشد😍 __♡__25.كبسه لحم الطريقه. قشرنا بصل و علبه زبادي. حتله ثوم وخمس طماطم حبوب. وبهارات. منووعه. ونحطه في الصفاره. مع لحم وبطاطس. وخليه ساعه. وبعدها نسلق الرز وننشله. نشل قليل من اللحم والكشنه ونحط الرز ونحط اللي شليناه من اللحم والكشنه يعني الخصار من تحت وبعدها رز وبعدها خصار من فوق واذا تحبي تبخريه يطلع لذيذ وبلعافيه ☺️ ام بشار __♡__ 26.اللحم المدهور... تبلت اللحم بل البهارات الملح وبزار والكمون وهيل والكاري وكركم وحطيته في التنار وكمتت التنار بل العجين (دقيق ..ماء) يعني الغطاء حق التنار دريتبه بعجين وخليته لين بنجح تقريبا اخذ معي فتره 2 او 3 ساعات ماافتحه ابد لين تعبر الساعات عافيه وصحه ام سعيد☺️ __♡__ 27. رز ب اللحم المدهور 🍖🤤. اغسل اللحم واحطه بصفاره يستوي نص نجاح اضيف شوي ملح معه ،،، بقدر ع النار اضيف زيت مع ثوم أدق معه عودين قرنفل وهيل وقرفه ادقه تمام واضيفه ع الزيت اقلب شوي واضيف مرق اللحم واذا احتاج ماء أزيد شوي واضيف الرز بعد نقعه ساعتين وملح ومرقه دجاج واسكنه بتنار ،،، اللحم أرش عليه ملح وفلفل اسود ولون اصفر وشوي زيت احطه ع الشبك وع التنار يأخذ شوي طعم ولون وانزله ع بوعاء واغطيه بورقه قصدير واحطه فوق الرز لين وقت التقديم ازينه ببصل مقلي وبطاطس ملونه مقليه ويقدم وبلعافيه 😋 ممكن تقدمي معي مكشكش وبسابيس فحيط واخضر ،،، ام صالح حسين♥️ __♡__ 28.لحم في قصعة(علبة) اللبن الطريقه نغسل اللحم وبعد ذلك نرش له ملح وبزار ونحطه في قصعه لبن.او نسويه في قصعة الزيت حق التقسوم يومها كما قصعة اللبن ونغطيها بصحن ونقطع حبة طماطمـ ونحطها وسط القصعه مع اللحم وندهر له في التنار ونحطـ القصعه ونغطيها وطبعا لازم نسوي فتحه في الغطا علشان الهواا ينزل وياسلام يطلع ايش علا لحم زين ولونه محمر يعجب وذوق من 👃🏻 ويقدم مع الرز وبالعافيه/ام رقيه __♡__ 29.لحم بتاوه لحم مسلوق نص سلقه ومقطع نحطه بتاوه مع شوي زيت وملح وفلفل اسود نقلب عليه بعدين نضيف حبه طماطم وحبه بيبار مقطعه بطول واذا تحبي بطاطس ونقلب عليه ونغطيه شوي نضيف ملعقه من الصلصه الحلوه ونقلب عليه لين ينشف الماء ويطلع الزيت ويتحمر شوي ،، وبلعافيه ام صالح حسين🥰 __♡__ 30.لحم بالطماطم حطيه بقدر الضغاط مع شووي ماء خليه شوي وبعدين افتحي القدر وحطي له طماطم معصره بالخلاط مع كمون وملح وهيل وفلفل اسود وقفلي عليه لين ينجح ويكون شوي تحته صوص يعني لاتتركيه يطلع ناشف مره ام الحسنين __♡__ ~*تم بحمدلله وفضله الانتهاء من ملفنا الخامس نسأل الله ان يوفقنا في ملفاتنا القادمة*~ *مين تقدر تحزر ايش ملفنا القادم؟ فهو جدا مميز بحضرموت😋*😉 ~لتعرفوا ماهو الملف عليكم الانتظار بكل شوق وحماس😉~ _ولا تنسوا الاشتراك في حسابات قروبنا في الانستقرام والتيلجرام ليصلكم كل جديد في المطبخ الحضرمي_ @nwara4024 https://t.me/anwara62 ~صادر عن إداره المطبخ الحضرمي~ دمتم بوود🥰🌹