🌸بسم الله الرحمن الرحيم🌸 💗الحمدلله الذي بنعمته تتم الصالحات وصلوات الله وسلامه على الحبيب المصطفى المختار💗 نقدم لكن عزيزاتي سادس ملفات مجموعتنا..♡ #المطبخ_الحضرمي🥘 ستجدون العديد من الوصفات المجربة من قِبل عضوات قروبنا على الواتس اب📱 مع خالص شكري الجزيل لكل من شاركت بوصفه او معلومة او فائده ونسأل الله لي ولهن الاجر والثواب ❤️ 《اغلب الوصفات حضرميه من الوادي والساحل لذا تغلب ملفاتنا اللهجة الحضرمية الأصيلة😎》 __nwara4024___ نبدأ بملفنا السادس🍀 طرق مختلفة وسهلة لطبخ الرز الكشري او القشري مجربة من عضوات قروب __🌸__ ▫️▪️ المطبخ الحضرمي▪️▫️ __🌸__ 1.طريقتي للقشري المكونات بصل، ثوووم، طماطم حبوب، دجر، لخم، جنضال، البهارات : حواي (بهارات منوعة )،مرقة، ملح، شوي فلفل اسود معجون طماطم، رز . 🌿🍃 الطريقة :😋 حمس البصل لين يستوي حط الثوم والجنضال والطماطم حبوب وحط جميع البهارات وخليه لين تستوي الطماطم بعدين حط معجون الطماطم وخليه شوي واضيف الدجر واضيف له ماء كوب كوبين وخليه ع النار بعدين حط ماء كثير على حسب اذا تبينه رطب كثري بهارات ومكونات وكثري الماء ولمن يفور الماء حط الرز المنقوع واللخم المفور و لا فار حطيه بالتنار ..، لمن يكون للعشاء سويه من اول العصريه والا من الظهر يطلع زين رااااسخ وبالعافية.. ~أم محمد~ __💞__ 2.الكشري نحمس بصل زودي الزيت نخليه يتحمر نضيف طماطم وندق الهيل مع الثوم ونضعه فوق البصل والطماطم ونضيف عرق بسباس والبهارات والملح ونقطع باذنجان ونضيف فوق التحميس ونخليه يتسبك وننظف اللخم ونضيفه فوق التحميس ونضيف الدجر والرز ونضيف له ماء حسب كميه الرز وعلى التنار وبالعافيه __💞__ 3.الكشري حطي مويه بالقدر وضيفي الدجر عليه وتركيه يغلي وفي قدر ثاني حمسي البصل وضيفي عليه الثوم واذا حابه ضيفي عليه بهارات شبرم وكاري قليل ومرقه ماجي وحنيد ثم ضيفي طماطم قصاع اذا حابه تضيفين طماطم حبوب براحتك وتركيها تتسبك وبعدها ضيفي الكشنه ع الماء والدجر وتركي يغلي شوي بعدا اضيفي الرز واللخم وتركي يغلي ثم ضعيه بالتنار والفرن لوقت التقديم وبالعافيه __💞__ 4.الكشر طريقتي للكشري نغلي الماء ونوضع فيه الدجر. ونوضع بصل وثوم وحبتين طماطم وحنيد وملح نقاص وحواي ومرقه دجاج وزيت ومعجون طماطم كل ذا نسربه فيه. لحد مايغلي تمام 👌🏻 بعدين نوضع الرز ونسرب شوية بطاطس وباذنجان ، ونسرب(نحط) اللخم بعد تفويره طبعا وع التنار ☺️ وعند التقديم اعملو له سمن بحري وبالعافيه *صمت الحياه __💞__ 5.الكشري طريقتي احط المويه والدجر وخليها تغلي لين يستوي الدجر ونضف اللخم وحطه فوقها وكشن ولا تسبكة الكشنه احطها فوق الدجر والخم ورز كذه مغسول وسكبه فوق بعض وحط الملح وخليه لين يستوي فوق الشوله وحط الشبك تحت القدر ولاين يتسكن وياسلام ومع الفلفل المكشن 😋😋 __💞__ 6.الكشري طريقتي للكشري اقطع عرق بصل متوسط واضعه في القدر واضيف له زيت وملح وبعد شوي اضيف له حبتين طماطم وثوم مدقوق واحمس شوي وبعد ذلك اضيف ملعقتين حنيد وشبرم وشويه ماء وايضا قليل طماطم قصاع واحط الدجر قياس كوب الصبوح دجر مجروش طبعا وايضا قليل ماء وغطيه اخليه يتحمس شوي وبعد قليل اضيف له ماء اللي بيكفي الرز واخليه يفور قياس عشر دقايق او ربع ساعه وبعدين ضيف الرز واللخم وبعد مايفور احطه في التنار وبالعافيه __💞__ 7.كشريي... نحمس بصله وطماطم وثوم والدجر والحنيد ونطرح بهاراته وصلصه نزودها شوي.... ونخليه يتحمس زين.وبعدين ضيف الماء ونخليه يفور ونطرح الرط زد ونغسل اللخم ونطرحه فوقه أوقه وابيض اذا تحبي وع.التنار.........😋 __💞__ 8.كشري بالبصل المقشر بقدر حطي الدجر على النار معالماءخليه يفور وبقدر ثاني حطي زيت وبصل مقشر وطماطم وصلصة طماطم وحمسي زيين وحطي ثوم وحواي وحنيد وملح وخليه يتسبك شوي وحطي فوقه الدجر والرز وقريب بيتسكن حطي اللخم وسمن بحري وعالتنار و عواااافي 😋ويقدم مع الشتني والعشار اواليمون الاخضر ام الحسنين __💞___ تم بحمدلله وفضله الانتهاء من الملف السادس نسأل الله ان يوافقنا لما يحب ويرضى ~ملفاتنا القادمه ملفات الحلويات فانتظرونا 💞💞~ تابعو حسابات القروب في الانستقرام والتيلجرام ليصلكم كل جديد في المطبخ الحضرمي @nwara4024 https://t.me/anwara62 ~اداره المطبخ الحضرمي~