🥘🍰المطبخ الحضرمي 🍱 لتعليم الطبخ 🍛: 🌸بسم الله الرحمن الرحيم🌸 💗الحمدلله الذي بنعمته تتم الصالحات وصلوات الله وسلامه على الحبيب المصطفى المختار💗 نقدم لكن عزيزاتي عاشر ملفات مجموعتنا:~ #المطبخ_الحضرمي🥘 ستجدون العديد من الوصفات والاصناف الذيذة و المجربة من قِبل عضوات قروبنا على الواتس اب📱 مع خالص شكري الجزيل لكل من شاركت بوصفه او معلومة او فائده ونسأل الله لي ولهن الاجر والثواب ❤️ 《اغلب الوصفات حضرميه من الوادي والساحل لذا تغلب ملفاتنا اللهجة الحضرمية الأصيلة😎》 nwara4024_ نبدأ بملفنا العاشر🍀 بدائل في المطبخ تحتاجها كل شيف وربة بيت مجربة من عضوات قروب 🌸 ▫️▪️ المطبخ الحضرمي▪️▫️ 🌸 بدائل في المطبخ😌🍅🧄🧅 تبغي تسوي طبخة وماعندك كل المكونات😔لا تحتاري ونفذي كل طبخاتك واستمتعي بكل وجباتك يلا تعالي معنا وطبقي حبيبتي 😘 💖💖💖💖💖💖💖 1… بديل بودرة الثوم قرشي الثوم وغسليه وجففيه في الشمس فوق منشله او فوق الثلاجه وفوقه منشله او خيشه على شان الحشرات ولقد يبس تماما اطحنيه ويصير احلا بودره ثوم محبتكم❤ام نسمه 💖💖💖💖💖💖💖 2…بديل بودره البصل قرشي البصل وغسليه قطعيه ملحيه شوي حطيه بالشمس وفوقه منشله او خيشه وقلبيه بمعلقه ممنوع اليد ولقد يبس طحنيه محبتكم❤ام نسمه 💖💖💖💖💖💖💖 3…بديل بودره الطماطم الطماطم نفس طريقه البصل والثوم تغسيل تقطيع وتحطين عليها ملح كميه حلوة وتحطينها بالشمس ضروري شمس او بتعفن عليكي ولازم تقلبيها بمعلقه نظيفه وبدون ماء كل يوم لين ينشف الماء وتيبس ثم اطحنيها يحفظون في علب محكمه الاغلاق بدون ثلاجه عادي في رف البهارات😇 محبتكم❤ام نسمه 💖💖💖💖💖💖💖 4… بديل الحليب المكثف هالطريقه رووعه احلا من الجاهز بكثير ونفس الوقت ارخص مره المقاس بالكوب المعياري او مايعادله بكاس العصير او الجبن المهم تستخدمي نفس مقاس الكوب الطريقة::- كوب حليب بودرة كوب سكر يفضل يكون بودرة نص كوب ماء دافي معلقة زبدة او زيت او بامكانك الاستغناء عنها رشه فانيلا الطريقة:: يخلط الجميع بالخلاط الكهربائي ثم يوضع في برطمان زجاج نظيف ومعقم ويدخل الثلاجه ساعتين ويكون جاهز للاستخدام ويحفظ بالثلاجه شهر او اكثر محبتكم💖ام نسمة 💖💖💖💖💖💖💖💖 5… صوص الشوكلاته متعدد الاستعمالات بطريقتي نص كوب حليب بودره نص كوب سكر ٥ او ٤ ملاعق كاكاو جالكسي بودره معلقةخ،ثغ نسكافية بياله او اكثر ماء ربع كوب زيت او حسب ماتبغي اخلطي جميع المكونات بالخلاط ماعدا الزيت وانتي تخلطي نزليه من الفتحه اللي في غطاء الخلاط وخليه ينزل زي الخيط لين يعطيش القوام المطلوب وقفي الزيت👌🏻👍🏼 وعلى البرطمان وبالثلاجه وبالعافيه🤤ادممماااان استعمليه للكيكات والدونات او الحلا وكل انواع الحلويات او حتى للفطور عشششق وادماااان😩 تحفظ بالثلاجه لمده شهر او اكثر في علبة زجاج معقمه محكمه الاغلاق ولما تاخذي خذي بملعقه نظيفة واحكمي اغلاقه محبتكم❤ام نسمه 💖💖💖💖💖💖💖 6… ارخص واحلا ثوميه ذوبي نشاء ذره في مويه وبعدها حطيه على النار لين يثقل حطيه بالخلاط مع ثوم وملح واخلطي وانتي تخلطي حطي زيت خليه ينزل على شكل خيط لين يعطيش القوام المناسب محبتكم❤ام نسمه 💖💖💖💖💖💖 7…ثومية زبادي في الخلاط حبه او حبتين صغار بطاطس مسلوقه تماما . .علبه زبادي..ملح..ثوم..عصره ليمون..قليل خل..قليل زيت وانتي تخلطيه نزليه شويه شويه واستمتعي باحلا ثوميه للمشويات والمقليات وبيتزا الشاورما😍😋 محبتكم❤ام نسمه 💖💖💖💖💖💖💖 8… بديل لمحسن الكيك عن تجربه وهو سر الكيك العالي والهش 👌 بعد ماتخلصي خلط جميع المقادير قبل لاتحطينه بالصينيه جيبي ملا الغطاء خل حطي فوقه نص معلقه كربونات الصوديم وخليه يتفاعل وحطيه فوق الخليط وحركي بسرعه لين يندمجل ل٨ ل ٨ قع ثمع جميع مكوناتك حطيه بالصينيه ودخليه الفرن 👌جدا جميل بيخلي الكيك هش ولذيذ وينفخه عن تجربة الكربونات الصوديم موجوده عند العطارين لها عده اسماء (صوداء بيضا..بكنج صوداء..مفوشه بسكت غالبا تستخدم لبسكت تريم وكثير بسكوتات) محبتكم❤ام نسمه 💖💖💖💖💖💖💖 9... بديل للكاتشب علبة طماطم معجونه حجم وسط نحطها بقدر صغير نحط لها معلقتين سكر ومعلقه كبيرة خل ابيض ومعلقة كبيرة بصل بودرة ورشتين فلفل اسود ورشتين ملح وكوب ماء نحركهم سوا وبعدها نحطهم على النار مع التحريك المستمر وعلى جنب نذوب معلقتين نشاء في قليل ماء ونحطها فوق الطماطم ونستمر بالتحريك الى ان يثقل الخليط معنا ننزله من النار ويكون جاهز للاستعمال وماوصف لكم الطعم احلا من الجاهز بكثيير وبدون مواد حافظه يجلس بالثلاجه من 5 ايام الى اسبوع محبتكم❤ام نسمه 💖💖💖💖💖💖💖 10…لمضاعفة القشطة في حشوة البسبوسه والكنافة والكيك الحلزوني والقطايف كوبين حليب سائل ربع كوب نشاء معلقتين سكر نحركهم على النار الهادئه لين يذوبوا ويتضاعف حجمهم ونحط العلبه القشطه ونحرك دقيقتين لين يغلي نطفي النار ونخليها تبرد شوي ونستعملها بحلوياتنا محبتكم❤ام نسمه 💖💖💖💖💖💖💖 11...بديل للقشطه في الكيك الحلزوني والقطيف والحلويات سوي حبتين جبن مثلث و3 ملاعق زبادي اخلطيهم تماااام وحطيه بكيس وسويه بالكيك او القطايف او جبن مالح مع شوي ماء اخلطيه او ثلاث ملاعق نشأ وثلاث ملاعق حليب وكوب ماء ورشه فانيلا ونحركهم على نار هادئه لين يثقلوا واستخدميهم بالف عافيه 💖💖💖💖💖💖💖💖 12...بديل البصل في الرز او الخصار كوبيش (ملفوف او كرنب)او كراث او غثاء😊 💖💖💖💖💖💖💖💖 13... 🌰 بديل النوتيلا 🌰 🍫علبة قشطة 🍫معلقتين كبار كاكاو بودرة 🍫نصف كوب سكر 🍫ربع معلقة نسكافيه 🍫ظرف كريم كراميل 🍫رشة فانيليا ✨تخلط جميع المكونات بالخلاط وبالعافية♥️ كثيريه 💖💖💖💖💖💖💖 14...بديل لزبدة الفول السوداني خذي فول سوداني(كوشان_كيشان) وحمصيه وبعدين اطحنيه بالخلاط مش حق البسباس اللي تجي حق البهارات الين ماتحسيه زي العجينة /فاطمه 💖💖💖💖💖💖💖 طريقه أخرى لزبده الفول السوداني نحط له زبده نحميها ونحط الفول السوداني في كأس الخلاط مع الزبده وإذا ثقل نضيف له شوي ماء ونرجع نخلط لين الاقي القوام الي يناسبني يطلع كانه من برا 😁❤️ 💖💖💖💖💖💖💖 15...بديل المهلبيه الجاهزة 6 ملاعق نشاء... 4 ملاعق سكر... فانيلا او ماء ورد لاتكثرين و3 ملاعق حليب بودرة اخلطيهم بماء قياس كوب ونص تقريبا وبعد مايذوبوا حطيهم على النار لين تثقل وحطيه بكاسات التقديم وبإمكانك تحطي لنص من الخليط كاكاو بودره او روح الموز او نكهات تحبينها وتفضلينها وعلى الثلاجه يبرد وبالعافيه محبتكم❤ام نسمه 💖💖💖💖💖💖💖 16...بديل الدقيق الابيض في الحلويات... هو النشاء 💖💖💖💖💖💖💖 17...بديل البقسماط روتي (صامولي_صموني) اذا كان بايت معك أو اخذتيه جاهز عندك طريقتين لتيبيسه الطريقة الأولى :: اذا كنتي مستعجله جيبي روتي جاهز وكسريه كم كسره وحطيه في صينيه وعلى الفرن من فوق قلبيه شوي علشان ياخذله قليل تحميره منشان ييبس تماما ونزليه ودقيه بالهاون او المدق او اطحنيه بحقت البهارات واستمتعي باحلا بقسماط الطريقه الثانية:: تجيبي الروتي اللي متبقي معك بالبيت مرحبا وتحطينه بصحن او تبسي وتغطينه بشبك مخيش وتحطينه فوق ثلاجه او دولاب او اذا كانت ماشي رياح تحطينه فوق تنار ولا شي في الحوش او الريم لين ييبس اطحنيه او دقيه طريقة ثالثه بالعيش::نفس طريقه الروتي الطريقه الرابعة::. شوفان علب او أكياس. نطحنه او ندقه ونستخدمه الطريقه الخامسه :: كورن فلكس نطحنه او ندقه ونستخدمه استخدامات البقسماط للبروست(دجاج. سمك. لخم) لحلا عيش السرايا البطاطس وكثير افكار وكثير استخدامات محبتكم💖ام نسمة 💖💖💖💖💖💖💖 18…بديل للخفاقه اليدويه للكابتشينو علبه ماء صحه😎 اعملي بعلبه الصحه معلقتين نسكافيه ومعلقتين سكر ومعلقه ماء بااااااااررررد وغطي العلبه وهززززززيههههااااا كثييييير لين تتضاعف الكميه حطيها نص ساعه بالفريزر وتكون صالحه للاستعمال سواء قهوة بارده او حارة محبتكم💖ام نسمة 💖💖💖💖💖💖💖 19…طريقة عمل الفضخه بالبيت الفضخه بلبصل بطريقتي قطعي البصل شرائح مدوره رقيقه وطرحيه في مسرفه كبيره او في معشره كبيره وفرقعي البصل وطرحيه في الشمس كل يوم دريي عليه حركيه لمان كله يقع ناشف ويابس نزليه من الشمس وطرحي له بهارات مشكله وبسباس احمر قليل وطحني على قليل قليل لمان يغلق كله بعد طرحي له عادش كركم ويتمي معش حتى سنه مايتغير طعمه او لونه بعدين حطي منه لا اي مرق معش انه حق لحم او دجاج او لخم(اروى) 💖💖💖💖💖💖💖 20...طريقة عمل الفضخة هو نوع من انواع البهارات يستخدم للشربه واللحوم والكشنات بكل انواعها ( بصل مجفف : هيل حبوب : فلفل اسود حبوب : شبرم ، كزبره جافه حبوب : كمون حبوب :ملح حبوب) من كل نوع قليل 🌞🍂 الطريقه :- شخي البصل في شخاية البصل او قطعيه وحطيه في معشره كبيره في الشمس من الصبح الى المغرب وغطيه بشبك او نقبه نظيفه وخفيفه كل ساعه قلبيه بملعقه خشب خليه في الشمس يومين او ثلاث في الصيف ييابس بسرعه ملئ الطاحونه حق البهارات بصل مجفف وملى الملعقه حق الشاهي فلفل اسود وملح وشبرم وكمون كله حبوب وفي طرف الملعقه كركم اختياري ) اطحنيهم واحتفظي بهم في علبه محكمه الاغلاق خارج الثلاجة اختكم♡هناء 💖💖💖💖💖💖💖 21...بديل لبهار البابريكا جيبي بيبار( فلفل رومي /بسباس بارد ) قطعيه شرائح ويبسيه بالشمس او فوق ثلاجة ويكون مغطئ باي غطاء خفيف لين ييابس حطيه بالطاحونه واستعمليه مع بهارات للكشن وصواني الفرن والدجاج يعطي مذاق جداا رائع ومميز🥰👌محبتكم💖ام نسمة 💖💖💖💖💖💖💖💖 *اتمنى انكم استفدتم من مايوجد بملفنا نعود لكم من جديد بملفات اخرى بإذن الله* °°لاتنسوا متابعةة حسابات قروبنا على الانستقرام°° @nwara4024 والتيليجرام https://t.me/anwara62 *ليصلكم كل جديد ورائع في عالم الطبخ الحضرمي*