🥘🍰المطبخ الحضرمي 🍱 لتعليم الطبخ 🍛: 🥘🍰المطبخ الحضرمي 🍱🍛: 🌸بسم الله الرحمن الرحيم🌸 💗الحمدلله الذي بنعمته تتم الصالحات وصلوات الله وسلامه على الحبيب المصطفى المختار💗 نقدم لكن عزيزاتي ملفنا الثاني عشر لمجموعات:~ #المطبخ_الحضرمي🥘 ستجدون لدينا العديد من الوصفات المجربة من قِبل عضوات قروبنا على الواتس اب📱 💞مع خالص شكري الجزيل لكل من شاركت بوصفه او معلومة او فائده ونسأل الله لي ولهن الاجر والثواب ❤️ 《اغلب الوصفات حضرميه من الوادي والساحل لذا تغلب ملفاتنا اللهجة الحضرمية الأصيلة😎》 nwara4024_ نبدأ بملفنا الثاني عشر 🍀 طرق مختلفة ومجربة لعمل الشوربة الرمضانية مجربة من عضوات قروب 🌸 ▫️▪️ المطبخ الحضرمي▪️▫️ 🌸 1. شوربة التونة طريقتي احط ماء وبر وملح وعليه فلفل حبوب ورقه غار ع جنب اكشن بصل طماطم ثوم بسابس اخضر كاري كمون حواج مخلوط صلصه بسابس احمر واحطه ع البر والماء ونخليهم على نار هادئة او بالتنار/ ام احمد 🍀🌿‌🍀🌿🍀🌿🥣🥣🍀🌿 2. شوربة الحنيد التريمية *نكشن بصلة لما تذبل نحط ثوم وطماطم حبوب وحنيد وطماطم معلبة وكمون وقليل فلفل أسود* لما تتكشن نحطها ونزودها موية وبالعافية💞🥰 _معلومة لو ماتوفر حنيد ممكن تحطي سمك او لحم😍_#شيخة عربها😌 🌿🍀🌿🍀🥣🥣🌿🍀🌿🍀 3.شوربة لحم نجيب اللحم ونقطعه ونحط بصل وثوم وطماطم واذا تسبكت نحط مويا ونحط الشوربه الحبط وبهارات ونخليه على نار هادئة/ام نوف 🍀🌿🍀🌿🥣🥣🍀🌿🍀 4.شوربة سمك كشنه بصل ثوم طماطم وسمك ومويا وبهارات ونضيف شوربه وعلى نار هادئة وعوافي 🌿🍀🌿🍀🥣🥣🍀🌿🍀🌿 5. الشربه المسربه نحط ماء وحب الشوربه واذا فارت نحط عليها بصل مقطع وثوم مدقوق وطماطم مخلوطه في الخلاط ونحط شويه زيت طبخ وابزار وكمون وملح/ام نوف 🍀🌿🍀🌿🥣🥣🌿🍀🌿🍀 6.شوربة احط في القدر ماء وبعده طعام لهو البر حق الشربه بعدين اقطع بصل وطماطم واحطها وادق ثوم وفلفل اخضر واحطها واحط ملح حواج فلفل اسود وكمون وطماطم قصاع (صلصه ) واحط لها لحم اذا ماشي احط سمك😍/ام عمار 🍀🌿🍀🌿🥣🥣🍀🌿🍀🌿 7.طريقتي بشوربه 🍜 ع النار بصل مفروم مع شويه زيت احرك شوي لين يذبل احط ثوم مهروس وطماطم واغطي عليه لين تذبل الطماطم أزيد عليه بهار مشكل وصلصه طماطم ورشه هيل واتركه يتسبك شوي اذا بتحبي تزيدي مرقه دجاج اختياري بعدين أزيد المرق مع اللحم الملح اضيفه في المرق مع اللحم ممكن تسوي دجاج بدل اللحم بعدين اضيف الشوربه واحطها بتنار تتسكن وتستوي وبلعافيه 💕 ام صالح حسين 💕 🍀🌿🍀🌿🥣🥣🍀🌿🍀🌿 8.شوربه. بالتونه نحط ماء وحب الشوربه ونخلط بالخلاط بصل وثوم وطماط ونضيف البهارات والملح والتونه اهم البهارات للشوربه ابزار وشوية كمون نكتفي بزيت التونه فقط ما نضيف زيت طبخ/ام نوف 🍀🌿🍀🌿🥣🥣🍀🌿🍀🌿 9.شوربة العدس نحمس بصل وثوم وطماطم حب وصلصه طماطم وفلفل اخضر وبهارات ملح وفلفل اسود وكمون وشبرم وماجي وتونه ونحط العدس وكمان بطاطس مقطعه مكعبات صغيره ومعكرونيه طويله وكلهم يغلو مع بعض لين ينجح /بنت السميـــــري 🥰 🍀🌿🍀🌿🥣🥣🌿🍀🌿🍀 10.شوربة بطريقتي بصل +ثوم +طماطم حبوب +وطماطم معجون+ملح +حواي +لحم او سمك او تونه يفضل باللحم تكون احلى + بر الشوربة+ماء الطريقه :نحط المكونات كلها بقدر وع النار لين تفور ثم ع التنور ونسوي دهره قويه وتحطيها ف التنار كم ساعات مو تو تستوي ع التنار تكون حلوه وتنجح مثلا في رمضان بتسوينها الساعه وحده وحده ونص ثنتين لين وقت اكلها طلعيها من التنار يمكن تكون غليضه كذا او بغت لها ماء رشني عليها وسوي لها ماء عدلي في الماء وبالعافيه/محبتكم اماني❤️ 🍀🌿🍀🌿🥣🥣🍀🌿🍀🌿 11.شربة تغلي ماء وتحط الحب البر حق الشربه في سخانه من السحور وتصكر عليه الين العصر يكون استوئ بعدين سوي الكشنه فنفس طريقة ام عيشه 🌿🍀🌿🍀🥣🥣🌿🍀🌿🍀 12. انا عن.نفسي طريقتي لشربه اكشنها بصل طماطم ثوم بهرات ومرقه دجاج ماجي بعد احط ماء قبل تحر احط شربه احرك عليه لين شوي تثقل احطه وسط فرم على نار هادي شربه مرقه دجاج تعطيك ذوق روعه 😋 بعد تستوي حطي ليمون فلفل مكشن وووف روعه /ام عبدالله 🍀🌿🍀🌿🥣🥣🍀🌿🍀🌿 13.نوع شربه.برز. تقطعي حبه دجاج تحطيه ماء عليه حبه بصل وثوم جزر بطاطس كلها مسرب بهرات كاري شبرم فلفل اسود وكزبره اخضر كلها مسرب وسوي رز ابيض حاله زودي ماء خليها رطبه بعد ما تستوي رز ضعيها في صينيه كيك اضغطي عليه لين يسوي صنيه خليها يتمسك يبرد وقطعيها مكعبات في صحن غويط صبي شربه عليه بل عافيه 😍😋 طعم ولا اروع 😋🤤 لو حابه حطي بصل ناشف محمس في زيت رشي عليه وشوي كزبره اخظر وليمون/كثيرية✌️ 🌿🍀🌿🍀🥣🥣🌿🍀🌿🍀 14.طريقتي لشوربه اقطع بصل وطماطم وافرم ثوم وأحط زيت وحواي فلفل اسود مطحون وشبرم وكمون وقرفه وكاري ومرقه دجاج وطماطم قصاع وإذا معش حنيد اودجاج او لحم اوتونه أو سمك ثمد واخليها تغلي وتكون الشوربه معي جاهزه مغسوله ومنقوعه في ماء علشان يسهل نجاحها وتخليها تغلي شويه ع الغاز وبعدين احطها ع الكانون لييين وقت تقديمها احرك عليها بس كل شوي وإذا بغت ماء احطها وبلعافيه مع ليم تطلع روووعه وبعضهم يحبون لها خل 🤤ام مروان🌹🫶🏻 🍀🌿🍀🌿🥣🥣🍀🌿🍀🌿 15.شربة العلب بالتونة اكشن بصل مع توم وطماطم مقطعة وحواج وملح وصلصة طماطم وأضيف نص التونة للكشنة وفي قدر اخر أضع الماء واسخنه قليل واحط الشوربه(علب) واضيف الكشنة وباقي التونة وملح وملعقة فلفل اسود واحرك عليها كل شوي وهي تنضج بسرعة والطعم ما شاء ألله روعة هذة طريقتي 🌹ام سالم 🌿🍀🌿🍀🥣🥣🌿🍀🌿🍀 16.شوربة بطريقتي اطحن او افرم بصل وطماطم وبسباس اخضر وحبه ثوم واحط فوق الشربه ب صحن واحط له شوي ماء ومرقه دجاج وكمون وفلفل اسود ولين الماء يغلي اظيفها ع القدر واظيف لها ملح وحومر او بما يسمئ تمر هندي يعطي طعم احلا وطماطم معجون . وقت التقديم تقدري تظيفي ليمون او شطه حس الرغبه .النسبه لي استخدم شوفان العلب وب العافيه 😋😋 محبتكم /العنود جمعان 🍀🌿🍀🌿🥣🥣🍀🌿🍀🌿 17.طريقتنا في الشمال شربة حليب بصل طويل يقطع صغار وعلى زيت يحمر يغسل الجشوش او البرغل ويضاف الى البصل ثم ماء و ملح و فلفل اسود يترك يغلي ثم نطفي النار عليه نرجع له مره ثانيه يكون جاهز ضيفي الحليب وخليه يفور قليل و بالعافيه/نجاة علي 🌼 🌿🍀🌿🍀🥣🥣🌿🍀🌿🍀 18.شوربتي باللحم او السمك ( الثمد ) أحط القدر ع النار وأضيف له زيت وأقطع بصل وأضيفه الئ الزيت ثم أضيف قطع اللحم أو الصيد واقلب وأقطع طماطم خضراء وأحطها على المكونات وقليل طماطم معلب وبهارات مشكله أطحنها ناعمه وملح ومكعب مرقه وأضيف جريش البر واسكب عليه الماء المغلي واتركها على النار لين تستوي ثم أخلط شوي ماء ودقيق وأضيفها لخليط الشوربا حتي تتماسك وقبل ماخرجها اسوي لها شوي سمن بلدي ولو معك شوي كزبرة أقطع لها شوي وحطه بالآخر تطلع ياسلااااام محبتكم أم إبراهيم 🍀🌿🍀🌿🥣🥣🍀🌿🍀🌿 19.شوربة أسخن ماء في قدر حتى الغليان وأضيف له قليل ملح وأحط عليه جريش البر لين يستوي وفي قدر أخر اسوي الكشنه حقها وهي زيت وبصل ثم طماطم خضراء ومعلبه وبهارات مشكله ومرقة ماجي وكزبرة وقبل ماحط الكشنه أخلط شوي دقيق وماء المسمئ عندنا عشاء الشوربه وهو يساعد على تماسكها وكثافته وحط الكشنه حقها وشوي سمن بلدي ورشة الكزبرة الخضراء ويكمل بشوي خل /أم إبراهيم 🌿🍀🌿🍀🥣🥣🌿🍀🌿🍀 20. شوربة باللحم بطريقتي... زيت وعرق بصل قطعه واحطه فوق الزيت واغطيه لين يذبل ثوم مهروس وطماطم مقطعه وملح وبهارات مشكله واللحم مقطع صغار ومعجون طماطم واغطيه لين يذبل.. اضيف ماء شويه حسب كميه الشوربه لي عندك.. واغسل الشوربه واحطها فوقه.. واغطيها لين تنجح.. انا بالصراحه احطها بالتنار... وبالعافيه 🌹 أم مارية 🌹 🍀🌿🍀🌿🥣🥣🍀🌿🍀🌿 21. _🥘شوربه باللحم_ لذيذه جداً 🤎 _اول شي ع النار شوي زيت واحط البصل ع مايستوي واحط اللحم بعدين اكون جهزت الطماط والثوم وسكبببه فوقه وخليييه شوي ع مايستوي وبعدين احط البهارات وبعدين احط الشربه وعلئ التنور وعافيه وصحه) أميرة محمد)_ 🍀🌿🍀🌿🥣🥣🍀🌿🍀🌿 22. الشوربه 🥘 حمسي عرق بصل صغير وضيفي له عرقين ثوم وحبتين طماطم ولا هتمك شوي طرحي له شبرم وملح وقليل هيل وبزار حبوب ومرقه وزيديه ما۽ وبعدين حطي الشوربه ملا كوب الصباح وعالتنار واحلۑ شوربه 🌸رقيه 🌿🍀🌿🍀🥣🥣🌿🍀🌿🍀 23.شوربة الخضار تقطعين خضار مكعبات صغيرة جزر بصل فلفل بارد كوسة دبه وممكن فاصوليا خضراء وتفورينها مع مويه ومكعب ماجي وإذا ما تحبين مرق الدجاج عوضي بملح وشوي كمون ورشة بهارات مخلطة اوكاري وخليها لما تستوي الخضار بدون ماتنهرس ضيفي ملعقتين شعيريه عادية وخليها دقيقتين ذوبي معلقه دقيق ومعلقه حليب ف مويه وضيفيهم بالمصفاه الشوربة خليها شوي وطفي النار زينيها بالبقدونس والكزبرة وتهني باحلى شوربة صحيه ولذيذه ام فارس مؤمن 🦋 🌿🍀🌿🍀🥣🥣🌿🍀🌿🍀 24. شوربه العدس حطي ع النار مويه مغليه اضيفي لها عدس وخضار الي معاش مقطعه بصل جزر كوسه دبه فلفل بارد وم زيت ومعاها مكعب ماجي أو استبدلي بكمون وفلفل اسود وملح خليها لما تستوي لا قد استوت خليها تدفا وحطيها ف الخلاط واخلطيها زين رجعيها ع النار تأخذ غلوة واضيفي بقدونس وكزبرة حسب الرغبه وبالف هنا وعافية لذيذة وصحية وتنفع للاطفال الي مايحبون الخضار ما تظهر قدامهم /ام فارس مؤمن 🌿🍀🌿🍀🥣🥣🌿🍀🌿🍀 25.شوربة الذرة تجيبين حبه بصل ووفصين ثوم تطحنينهم ف الخلاط زين وتحمسينهم مع شوي زيت لما يتغير اللون حطي ماجي أو كمون وملح وفلفل اسود وحركي اضيفي الدجاج يكون مقطع صغير وحمسي لما يستوي الدجاج هاتي نص علبة قشطة خفيفيها بكوب ماء واضيفيها ضيفي الذرة المعلبة بعد ماتصفينها من الموية حقها وخليها تغلي شوي زينيها بالكزبرة والبقدونس وبالف هنا /ام فارس مؤمن 🍀🌿🍀🌿🥣🥣🍀🌿🍀🌿 26.شربة اللحم او الدجاج بطريقتي بقدر على النار نضع ماء واللحم او الدجاج بعد تنظيفهم طبعا وبالخلاط نضع بصل وماء وثوم وطماطم ونخلطهم تمام ونحطهم فالقدر ونحط ورقه غار وملح وفضخه وصفرة ورشه فلفل اسود ورشه بهارات مطحونه مشكله ومعلقه صغيرة طماطم معجون ونخليها لين تفور نحط البر حق الشوربة ونخليها شوي ونحطها بالتنار الحطب ونتركها لين وقت التقديم نقدمها مع الليمون والشطة والخل الابيض وبالعافيه/محبتكم💞ام نسمة 🌿🍀🌿🍀🥣🥣🌿🍀🌿🍀 27.شوربتي في قدر على النار نضع الماء ونقطع البصل والطماطم ونحطهم ونحط الصفرة والفضخه وفلفل وكمون وملح وقليل مرقه ونضع اي شي معنا سوا كان لحم او دجاج او سمك ونضع الثوم المدقوق والبر ونخليه يفور وبعدها نهدي النار او نحطه بالتنار من الساعه وحده ونص لين الساعه ٥ وعوافي محبتكم💞ام نسمة 🍀🌿🍀🌿🥣🥣🍀🌿🍀🌿 28.شوربة الشوفان لومعك لحم اسلقيه او سمك اكمتيه لين ينجوا لأن الشوفان سريع الطهي ثم نحضر الضغاط ونحط شوي زيت وبصل وثوم وبهارات وكاري وطاطم خضراء ومعلبه وملح ثم اللحم أو السمك والشوفان ونجهز ماء مغلي ونضيفه ع المكونات وشوي كزبرة خضراء اني معتمدتها في أغلب الشوربات والصوانين والطبيخ تطلع الطعم وفي الا خير شوي سمن بلدي نحن نسميها زمن زينه ☺️وعند التقديم شوي خل او ليمون حامض وع حسب الرغبه ربه ساعه وتكون جاهزه مع أزمة الغاز وشغلاته(أم إبراهيم) 🍀🌿🍀🌿🥣🥣🍀🌿🍀🌿 29.شربتنا بالبيضاء جيبي بصل مقطع صغار وحطي فوقه الزيت وحمريه وبعدين حطي الحم وخليه يتكشن سوا وبعدين حطي حبه صلصه الضيافه وحبتين طماط معصور وبسباس وثوم وفلفل مطحون وكزبرة مطحون وملح وبهارات وبعد مايسبكو سوا حطي الحب حب بر وملعقتين شوفان وحطي الماء وغطيها بقدر الضغط تستوي براحتها وعوافي/ ام عبدالله 🌿🍀🌿🍀🥣🥣🍀🌿🍀🌿 30.شوربة سريعه جدا نعمل ماء فاير نحط فيه الشوربه تو بعد الظهر ناتي بقدر حق الشوربه و نحطها فيه مع اضافه الدجاج او لحم ثم نحط البهارات نحطه فوق الشواله ويكون على نار متوسطه ونقلب كل فتره حتى نلاحظ ادا نجح الدجاج وبعدين نوطي على الاخير النار ونتركه شويه حتى يتسبك مع بعضه وبالعافيه معكم ام مقداد 🍀🌿🍀🌿🥣🥣🍀🌿🍀🌿 31.شوربتي احمس البصل مع فلفل حبوب وعود قرفه اسيبهم شويه وبعدين أضيف لحم او دجاج إلخ..... واحمسهم سوا واضيف ثوم مدقوق كميه وفيره و طماطم مقطعه مكعبات صغيره بعدين اضيف الحواج شبرم وكمون مطحون وفضخه (بودره بصل) وملح ومكعب ماجي اخر شي معجون طماطم واسيبه يتحمس شوي واخر شي اقيس واضبط الماء وبعدين احط الشوربه واحرك انتظر لين تثخن شوي وع التنار لين بعد المغرب اقدمها مع خل وليمون🧂🍵🍋 (ام ليان) 🤍 🌿🍀🌿🍀🥣🥣🌿🍀🌿🍀 32.*شوربه العدس* 🫕 المكونات عدس كوب طماطم حبه بصل حبه بطاطس حبه جزر حبه مكعبات ونحط لهن كوبين ونص ماء ومكعب ماجي وملح وعلئ النار لين يستوي وبالعافيه لذيذه.فاطمة 🍀🌿🍀🌿🥣🥣🍀🌿🍀🌿 33.الشوربه نحمس بصل بزيت لا نجح البصل احط طماطم لاباس بها وثوم وفلفل اخضر وهيل دقيه مع بعض والبهارات مخلطه وطماطم قصاع وسمك نقليه ونفتفته فيها.ونحط الشوربة وماء ونخليها بالتنار وبالعافيه/ام هيثم 🍀🌿🍀🌿🥣🥣🍀🌿🍀🌿 33. شوربة كويكر بطريقه الوالده اولا تحمس بصل لين يصير ذهبي تحط له طماطم وثوم وملح او ماجي وطماطم معلبه وبهارات وفضخه وصفره وتخليها تتسبك تمام ثم تحط تونه او دجاج باقي معها وتذوب كم ملاعق شوربة في ماء حار لين يذوب تحطه فوق الكشنة وتخليه شوي وتحط ماء يغابيها فقط وتخلي النار هاديه جدا وبالعافية/محبتكم💞ام نسمة 🌿🍀🌿🍀🥣🥣🌿🍀🌿🍀 34.شوربة محمسه بقدر على النار جيب الخصار حق الشوربه سوا كان دجاج او سمك حمس البصل لين يصير ذهبي وحط الطماطم والثوم وورق الغار والصفرة والفضخه وبهارات مطحونه مشكله وملح او ماجي وحط الشوربة المغسله ثم حركهم تمام بهدو وحط الماء المغلي وعلى التنار لين وقت التقديم/محبتكم💞ام نسمة 🍀🌿🍀🌿🥣🥣🍀🌿🍀🌿 35.شوربة الاندومي بقدر على النار نضع الماء واي خضار تحبوها قطعوها تقطيع ناعم اذا نجحت اذا تبغون تخلطونها براحتكم واذا تبغونها عادي براحتكم كله ينفع ثم نحط ملح وبهارات الاندومي وثوم ولو تبغين ذوبي معلقتين شوربة كويكر وخلطيه معه وفيكي تستغنين عنها ونكسر الاندومي لكسر صغيرة جدا ونطفي النار ونحط الاندومي ونحركه ونغطيه ونتركه ينضج لحاله والنار مطفيه وبالعافيه /محبتكم💞ام نسمة 🌿🍀🌿🍀🥣🥣🌿🍀🌿🍀 36.الشوربه حقنا انتي حسب امكانياتش ان كانت بالتنار او بقدر الضغط وانا اسويها ماشاءالله بالنضر وبحاول نكتب معاير وبعدين بنضبطها بحط الطريقه تكفي 5 اشخاص تقريبا في القدر ع النار نحط ٣ كاسات ماء تقريبا ننخل كوب معير من البر الحب اللي طحناه في الطاحونه شوربه... مش في البيت نطحنه، نطحنه عند رجال متخصص... اذا نخلناه الناعم نحطه في وعاء خارجي.، والمجروش نحطه في القدر نقطع بطله وسط كتقطيع حشوه السامبوسه ونحطها في القدر ونحط ربع دجاجه منزوع الجلد، او لحم او تونه في الخلاط نطحن كلا من ٣حبات طماطم بريه، ثوم، ملعقه ك طماطم قصاع مع القليل من الماء. ونسكبه في القدر نخليه ع نار نرتفعه وأول ما يتفاور نقلل من النار اقل شي لاننسى نحط ع القدر عرق بسباس اخضر وفلفل حب او مطحون انتي حره، وقرنفل حب و اعواد قرفه وملح ونحركها بين الحين والاخر تذكرون الشوربه لما نخلناها البودره اللي حطيناها في وعاء خارجي نحن بمصطلحنا نسميه عشاها يعني عشاء الشوربه، هذا نضيف اليه ملعقتين دقيق ابيض او احمر براحتش ونحط بهار مطحون هذا نسويله ماء من الحنفيه ونخلطه ونحطه ع جنب تقريبا عبر نص ساعه من يوم حطينا القدر ع النار نشوفها لهي تتحرك بسلاسه تمام وان هي قعت لكده🫣 نخففها بماء علشان تسير معانا نحط خلطه العشاء عشاء الشوربه ع القدر مع التحريك المستمر حتى ما تتحرقص او تكون كلاكيع نحركه واول ما يغلي نسكر القدر جييييدا بالغطاء ونخليه ساعه، بهد ساعه نطفي النار ونخليه مسكر علشان الحراره اللي داخلها عادها بتتفاعل مع المكونات اللذيذه ونفتحها ونشوف كيف اذا هي غليضه نخففها بماأ وان هي قعت مرررره سائله نذوب ملعقتين دقيق ابيض في ماء ونسكبها ع الشوربه مع التحريك وضبطي ملحها وبعد ماتسكبيها انتي حره بتحطين لها خل او لا كلين برغبته بعضهم يحطون بسباس الحومر والبعض يعيني يفتون فيها باقيه او مقرمش السامبوسه ..............................أم عمار 🌿🍀🌿🍀🥣🥣🌿🍀🌿🍀 الحمدلله تم الملف الثاني عشر نلتقي بكم بملفات اخرى باذن الله لاتنسوا لايك وكومنت وحفظ ومتابعة😍حسابات قروبنا على الانستقرام @nwara4024 @anwarammar3809 قناتنا بالتيليجرام https://t.me/anwara62 تابعونا ليصلكم كل جديد في عالم المطبخ الحضرمي