🥘🍰المطبخ الحضرمي 🍱 لتعليم الطبخ 🍛: مطبخ ام نسمه: 🌸بسم الله الرحمن الرحيم🌸 💗الحمدلله الذي بنعمته تتم الصالحات وصلوات الله وسلامه على الحبيب المصطفى المختار💗 ~نقدم لكن عزيزاتي ملفنا الثالث عشر لمجموعتنا:~ #المطبخ_الحضرمي🥘 ستجدون العديد من الوصفات المجربة من قِبل عضوات قروباتنا على الواتس اب📱 مع خالص شكري الجزيل لكل من شاركت بوصفه او معلومة او فائده ونسأل الله لي ولهن الاجر والثواب ❤️ 《اغلب الوصفات حضرميه من الوادي والساحل لذا تغلب ملفاتنا اللهجة الحضرمية الأصيلة😎》                nwara4024_ نبدأ بملفنا الثالث عشر 🍀 هالمره ملفنا اسهل واروع اكله يحبوها الصغار والكبار الاندومي🫕 👌👌تعالوا معاي لنخرج عن الطبخ التقليدي ونخترع اكلات جديدة من اشياء متوفره بالبيت😋😉 ■□■🍝🍝🍝□■□ مجربة من عضوات قروب 🌸 ▫️▪️ المطبخ الحضرمي▪️▫️   🌸 1- اندومي بالتمر الهندي(الحومر) اول حاجه فوري بطاطس لحالها وانقعي حومر وبسباس عدني او هندي لي يجي بارد وسوي الاندومي عادي بطريقتك المعتادة حطي بهارات الاندومي وملح وفلفل وبسباس اخضر مقطع (اختياري) واسكبي الحومر فوق الاندومي مع البطاطس ولو تحبي سوي كزبرة وليم حامض يجنن يلهب ويخدر 😳😋لمحبين الحموضة واللهبة😋 محبتكم♡ام نسمه ■□■🍝🍝🍝□■□ 2- شوربة اندومي بالخضار قطعي اي خضار متوفره معك كوسا بطاطس بيبار باذنجان جزر طماطم بصل دبا وحطيهم بالقدر وحطي له مويه وملح وبهارات اندومي وفلفل وبسباس وخليه على نار هادئة    وبعد مايتسبك وتبدأ الخضار تنضج حطي كيسين او ٣ اندومي اي نكهة تحبي وقلبيها وغطي القدر وبعد ٥ دقايق تكون جاهزة بالعافية👌😋 محبتكم♡ام نسمه ■□■🍝🍝🍝□■□ 3-كبسة اندومي يميمي🤤🤤 حمس بصل وبطاطس بشوي زيت مع زيت الاندومي بعد مايذبل حط له طماطم حبوب وثوم وفلفل وملح وبهارات اندومي وشوي بهارات مطحونه وخليهم يتسبكوا شوي واسكب ماء مغلي قياس الاندومي وحط الاندومي وقصر النار يتسبكوا مع بعض وقدمه وبالعافية🤤مرررره خطير مع بيبسي اففف🫕🍷🤤 محبتكم♡ام نسمه ■□■🍝🍝🍝□■□ 4-اندومي مكشن حمسي بصل بشوي زيت وزيت اندومي وبعد مايذبل حط له بسباس مقطع وطماطم وثوم وبهارات اندومي وفلفل وملح وعلى جنب فوري الاندومي نص نجاح وحطيها فوق التحميس وحطي شوي ماء خليهم يتسبكوا على نار هادئة وبالعافية محبتكم♡ام نسمه ■□■🍝🍝🍝□■□ 5- اندومي الجبن اندومي بالطريقة المعتاده قبل ماينضج بشوي حطي له ٣ ملاعق جبن سائل او ٣ حبات جبن مثلث ومعلقتين مايونيز وفلفل اسود مسحوق وبهارات الاندومي حركيه وقدميه وبالعافية مرررره لذيذ😍😋 محبتكم♡ام نسمه ■□■🍝🍝🍝□■□ 6-مكرونه بالاندومي فوري مكرونه مع اندومي وحمسي بصل وطماطم وثوم وحطي لهم بهارات اندومي وبهارات مشكله وفلفل وملح واخلطي الاندومي والمكرونه مع التحميس  وبالعافية محبتكم♡ام نسمه ■□■🍝🍝🍝□■□ 7-اندومي بالبشاميل اول حاجه اعملي تحميسه او كشنه بصل مقطع مع بطاطس حمسهم بزيت الاندومي وشوي زي طبخ ولين يذبلوا حط طماطم حبوب وبهارات اندومي وبهارات مطحونه وفلفل وملح ورشة زنجبيل مطحون وثوم مدقوق وخليهم يتسبكوا مع بعض واخر شي  اطرح تونه واذا معاكي دجاج مطبوخ او ني حطيه مع الطماطم🖒 وعلى جنب صلح الاندومي سويت ٤ اندومي النكهه اللي تحبوها بالطريقة المعتاده خليها تكون مفرفره يعني اطبخيها ٣ دقايق فقط وبعدها سوي الباشميل لكل كوب حليب معلقة زيت ومعلقه دقيق🖒 انا سويت معلقتين دقيق ومعلقتين زيت وحركت عليهم وطفيتهم بكوبين الحليب  (٦ ملاعق حليب بودرة كوبين ماء دافي ) وبعدها حطيت مرقة دجاج اي نوع معك ورشه ملح وفلفل و٣ جبن مثلث او٤ ملاعق جبن سائل وحرك عليه بالخباطه اليدويه لين يغلظ طفي النار ويكون جاهز معاكي اضافات(قشطه..مايونيز ..اجبان) جيبي صينيتك اول طبقه معلقتين بشاميل وثاني طبقه اندومي وبعدها الكشنه وبعدها اندومي واذا تحبي اضافه خيار وجزر وكوبيش وفلفل رومي ضيفيه بعد الكشنه وطبقه اندومي وبعدين طبقه بشاميل واخر شي ابرشي جبن موزريلا او كرفت حسب الرغبه وعلى الفرن من تحت شوي وبعدها من فوق لين تتحمر وعواااافي هالوصفة عشششششق لاينتتتتتهي محبتكم♡ام نسمه ■□■🍝🍝🍝□■□ 8-اندومي بشاميل اندومي مفور وبعدين تونه صافي بعدين طماط مقطع بعدين بطاط مقلي بعدين خيار وجزر مبشور بعدين كبزره بعدين بيبار مقطع بعدين جبن كرافت مبشور وآخر شي  طبقه بشاميل مكون من دقيق و زبده او زيت وحليب سائل و جبن سالم او كرافت مبشور و بهارات الاندومي     وعووافي /ام عبدالله ■□■🍝🍝🍝□■□ 9- اندومي😋 الطريقه غليت ماء طرحت اندومي خلتها تسوي شوي سويت معجون طماطم و مرقه والبهارات حقها وسويت حواي بس طلعت روعه😋😋   بن النهدي ✌️😎 ■□■🍝🍝🍝□■□ 10-اندومي بطريقتي 😋  احط الاندومي ع النار عادي مع البهار والزيت لكذها نص نجاح نكسر بيض ونغطيها بعدين اضيف بسباس مقطع حار والي مايحب الحار يسوي بيبار واعصر ٢ ليمون واذا تحبي سوي ملعقه صغيره معجون طماطم في ماء الاندومي وبعدين باقي الطريقه ذي وبلعافيه😋ام صالح حسين ■□■🍝🍝🍝□■□ 11-اندومي بطريقتي جبت بصل.قطعته.صغار.وحمسته.همكته.تمام.واضفت.الاندومي...وبهاراتها.وقليت.شبس..نصها.قطعت.صغار.مربعات.وعكستها(خلطتها).مع.الاندومي.ونصها.خليتها.طويله.👍🏽ام فهد ■□■🍝🍝🍝□■□ 12-اندومي بالجزر حمسي فلفل رومي وجزر مبشور ودبس الرمان وليمون وعرق مقطع اختياري واحطي مويه والاندومي وبهاراتها😋😋وعووافي😋😋ام سالم ■□■🍝🍝🍝□■□ 13-اندومي بالفرن اختراااعي حمسي بزيت الاندومي وشوي من زيت الاكل بصل وجزر  وبيبار مقطعين طوال وبطاطس مقطعه مكعبات متوسطه واذا تبغيها مقليه او مسلوقه براحتك👍🏼 حمسيهم لين يذبلوا حطي طماطم مقطعه صغننه وفصين ثوم مهروسين ومعجون طماطم ورشه بهارات وملح وفلفل  واضفت لهم دجاج مقطع صغنن من باقي الغدا وحطيت البهارات حق الاندومي وحطيت ماء خليتهم يتسبكوا شوي وحطيت الاندومي وغطيت عليه اذا شفته لسى يبغى ماء حطيت له واذا لا حطيته بصينيه وحطيت فوقها ٣ او٤جبن مثلثات او سائل وبيض وحليب بودرة٥ ملاعق ودقيق قياس معلقتين ورشه ملح وفلفل وقليل ماء وانا اخلط احط الزيت  زي الخيط قياس فنجان القهوة او اقل وعلى وجهه الاندومي وبالفرن من فوق وعووافي /محبتكم♡ام نسمه 🍝🍝🍝 14-اندومي بالبيض .فتحت حبه بيضة ع التاوه وطرحت خيار مقطع وجبن سائل والزيت حق الاندومي وسطه ومعي بيضه مفوره طرحتها كمان وبطاطس قليتها وقلبتها كمان...وسويت اندومي لحالها بعد مانضجت قلبتها معها ماسويت بسابيس لانها لعيالي🥰 ام فهد ■□■🍝🍝🍝□■□ 15-اندومي بالحومر اندومي فورتها مع شويه حومر وبعدين صفيتها وحطيت الحواج تبعها وملح وبسباس احمر بودره وبس            روووعه 💜ام مناف💜 ■□■🍝🍝🍝□■□ 16-في كمان طرييقه للاندومي بعد ماتسوين الاندومي بطريقتك المعتاده خلطي 2بيض وصبيها فوقه وحطيه في الفرن ويطلع زي الكيك😋عامريه♡ ■□■🍝🍝🍝□■□ 17-اندومي تحطيها مع حليب وجبن اندومي بطريقتك المعتاده تحطي اخر شي جبن وتزينيه بالبيض المفور وشطه اندوومي بالطريقه المعتاده تحطي عليها حليب سائل وتخليها شوي لين تنشف  /ام فاروق ■□■🍝🍝🍝□■□ 18-اندومي مع مكرونه كل اربع حبات اندومي يمكن نص حبه مكرونه أو اقل مع مكعب ماجي تطلع حلوووه😍 وتكسرين المكرونه صغيرررر وتفورينها مع الاندومي واحط ملح شوي والزيت حق الاندومي وبالعافيه ^_^ام بدر ■□■🍝🍝🍝□■□ 19- اندومي نضيف إليه حليب ممتاز وجبن مثلث وشوي كركم /ام صافي ■□■🍝🍝🍝□■□ 20-اني اسوي اندومي واحط، فيه حومر اسود وشوي طماطم قصعه😋😋يطلع الطعم جنان/عامريه♡ ■□■🍝🍝🍝□■□ 21- اندومي بالجبن فوري ماء لمن يفور الماء افعلي الاندومي خليه يفور شويه مع الاندومي بعدين حطي الجبن والبهارات اني سويت ثلاثه اندومي وثلاث جبن عادي حسب رغبتك^•^نسووب      ■□■🍝🍝🍝□■□ 22-سويت اندومي فورته وضفت عليه كراث وطماطم وبيض وقليل ملح والبهارات حق الاندومي. كلهم خلطهم معه بعض وبعدين. سويتهم في التاوه. زي القرص حق البيض😋ام عبدالله😋 ■□■🍝🍝🍝□■□ 23-الاندومي بطريقتي 🤤🤤 حمس بصل وشوي زيت عادي مع زيت الاندومي وحطيت فوقه صلصه وكاتشب شوي وصوص صويا شوي وحمست وبعدين حطيت ماء حسب كمية الاندومي واحط الاندومي واخليه الين ينشف الماء واحط بهارات الاندومي وببريكا حاره واحرك واحط جبنه موزريلا شويه وبالعافيه ام مرام♥️🤤المطبخ الحضرمي ■□■🍝🍝🍝□■□ 24-🫕اندومي بالبفك بطريقتي🍜 مره حلوو ولذيذ كتغيير المقادير:: اندومي العدد لي تحبي قليل كراث وحبتين بفك او شاتوس او فشفاش 😅😅 ومعلقتين زيت 2 جبن الطريقة:: نسلق الاندومي بدون بهارات ولا زيت وننشلها على جنب ونحتفظ بالماء او المرق تبعها بقدر نحط الزيوت ونحط الكراث عليه ونحرك ونغطيه يتسبك تمام اذا حسيتيه يلشع حطي من مويه الاندومي عليه وحطي بهارات الاندومي وحطي الاندومي عليه وعلى جنب معلقه زيت احط عليها البفك وحركه وحط الجبن وحرك وحط مويه من حق الاندومي وطفي النار وحرك لين يعطيني القوام اللي زي الصوص ويذوب البفك كامل حطه على الاندومي وخلي شوي للزينه 🙈😅وحركه تمام وحطه بصحن التقديم وخططت الباقي عليه وزينته بشوي كراث وعووافي مرره رووعه وتغييير جدا حلوو🤤👌🏻 يجي طعمها حلو على مالح على حار 👌🏻🤤 محبتكم💖ام نسمة ■□■🍝🍝🍝□■□ 25-اندومي بدون تكاشين حطيت ماء بالقدر واحط ع طول معاه بياري وخيار وجزر وكراث كزبرة اهبدي الي معك من الخضار واحط ملعقة معجون طماطم وحطيت بابريكا وسفره او كاري وكمون ومرقة وصلصة صويا وشطة حمراء وشطة خضراء واخليهم يغلون وبعدها كسرت الاندومي وحطيتها فوق الماء خليتها تغلي لين تصير ناشفة معي وآخر شي عصره ليمون فوقها لان الليمون يقر اذا حطيتيه قبل وحطيت البهارات وزيت الاندومي وخلطتهم وزينتها ببسباس مجروشش وكراث وبس وبالعافية للي يحبون الاشياء الشمقه بتعجبكم جربوها                                            أختكم شهد❤️❤️. ■□■🍝🍝🍝□■□ 26-*أندومي خضار*°°°°••••°°°.                                                    حطيت زي ت الاندومي وعليه سلطة مقطعه صغنن لما أستوى كبيت  الاندومي المسلوقة   وحطيت بهارات الاندومي وبالاخير حطيت جبنة                                                                          الــعــsabriــنـود♥️...... ■□■🍝🍝🍝□■□ 27-اندومي مكشن بالخضار تسوي في طسسست جزر مبشور ملفوف مقطع فلفل رومي مقطع فلفل حار حسب الرغبه تقطعي كم ماتحبي حبتين طماطم حبوب والا حبه وخيار حبه مقطعه كله ذا يكون مقطع قطع صغيره او تبشرونه  + البهارات كمان كلها نحطها فيه وصلصه معجون طماطم معلقتين فقط تجيبي بطاطس مقطعه مربعات صغار تقلينها في الزيت وتحطينها فوق الطست يلي سوينا فيه الخضار المقطعه ونحطه ع النار ونحط له زيت شوي ونكمته كله لين يستوي شوي   تاني شي  نحط في القدر ماء ع النار يفور ونكسر الاندومي فيه بس عبال ماياخد فوره وحده نطفي عليه ونصفيه ونكبه فوق الخضار يلي استوت وبالعافيه عليكم  محبتكم أم جنى🫶 ■□■🍝🍝🍝□■□ 28-اندومي بالبفك او الفشفاش والشبس اسلق الاندومي 3 دقايق تقريبا  وانشله من المويه وخلي المويه على جنب وحط البهارات على الاندومي وجبت قدر حطيت له زيت الاندومي وشطه حاره وشبس وبهارات الاندومي  وحبتين جبن مثلث او 2ملاعق جبن سائل او جبن شرائح  وحرك شوي والنار هادئه وبعدها حط فشفاش  الرنجو ومويه الاندومي وطفي النار وحرك عليه لين يذوب كامل بواسطه مويه الاندومي وبعدها حطه فوق الاندومي اخلطه تمام واستمتعي باحلا ذوق وبالعافيه محبتكم💖ام نسمة ■□■🍝🍝🍝□■□ 29-اندومي خضار بطريقتي             بقدر على النار اسلق الاندومي مع واحد زيت وواحد بسباس تبع الاندومي طبعاا وخليهم على جنب بقدر اخر احط زيت  اندومي وزيت طبخ واقطع بطاطس قطع صغيره وجزر مقطع شرائح رقيقه وباذنجان مقطع صغير وبسباس مقطع دوائر صغيره واحمسهم تمام لين ينجحوا احط لهم ثوم مدقوق وطناطم حبوب وبهارات الاندومي والبسباس وشوي بهارات دجاج وبابريكا وخليهم يتسبكوا تمام واحط الاندومي وخليه شوي على النار وبالعافيه بامكانك اضافه دجاج مقطع مكعبات او تونه مع الخضار يطلع الذ🤤 وعلينا وعليكم بالف عافية🌿محبتكم💖ام نسمة           ■□■🍝🍝🍝□■□ 30-طريقتي ل بولا الاندومي🍜 اسلقي البطاطس واضيغي لها بهارات الاندومي وملح واهرسيها وحشيها بالجبن او اي حشوه تحبينها وكوريها بعدين غمسيها بالدقيق والماء وكسري الاندومي وحطيها فيه وبعدين قليها بالزيت وبالعافية 😋 ❤️ _صفاء_ 🦋🦋 ■□■🍝🍝🍝□■□ 31-بطاطس الاندومي فوري بطاطس لاقذ نجحت خرجي الماء واهرسيها بعدين حطي بهارات واذا تبغين حق الاندمي حطيها وبعدين كعرريها سويها دواير واخلطي دقيق مع ماء وغمسي البطاطس فيه وبعدين حطيها ف الاندومي (كسريها الاندومي قطع صغيره) وبعدين اقليها وبالهاء والشفا /روان ■□■🍝🍝🍝□■□ 32-سويت سمبوسه بل الاندومي فورت الاندومي وسويت حواجاته فيه بس خليته ناشف وحشيته ولفيته في ورق السمبوسة بالعافيه ام سالم😊 ■□■🍝🍝🍝□■□ 33-كرات الاندومي بطاطس فوريها وبعدين كوريها وحشيها بجبن والبهارات حق الاندومي سويها في البطاطس وهاتي الاندومي كسريها وبعدين حطي البطاطس المكورة فوقها وثم قليها وبالعافيه وبعد اسوي مكس اندومي مع زبادي مع شوية شطه/خدو ■□■🍝🍝🍝□■□ 34-كرات البطاطس والاندومي فوري بطاط وحطي فيه بهارات الاندومي واي بهارات تحبي وملح وكذا وحشيه جبن وسويهم دواير زي كرات البطاط وسوي دقيق وماء خلطيه وغمصي الكرات فيه وفتفتي الاندومي صغار وبعد الدقيق غمصيه فالاندومي وقليه فالزيت وبالعافيه🤍ام فجر ■□■🍝🍝🍝□■□ 35-شوربة الاندومي بقدر على النار نضع الماء واي خضار تحبوها قطعوها تقطيع ناعم اذا نجحت اذا تبغون تخلطونها براحتكم واذا تبغونها عادي براحتكم كله ينفع ثم نحط ملح وبهارات الاندومي وثوم ولو تبغين ذوبي معلقتين شوربة كويكر (انا ها ماسويها) وخلطيه معه وفيكي تستغنين عنها ونكسر الاندومي لكسر صغيرة جدا ونطفي النار ونحط الاندومي ونحركه ونغطيه ونتركه ينضج لحاله والنار مطفيه وبالعافيه /محبتكم💞ام نسمة الملف الثالث عشر تم نشكر كل من شاركت وساهمت في اكتمال الملف😘❤️للمزيد تابعي حساباتنا👍😊 لاتنسوا لايك وكومنت وحفظ ومتابعة😍حسابات قروبنا على الانستقرام @nwara4024 @anwarammar3809 قناتنا بالتيليجرام https://t.me/anwara62 تابعونا ليصلكم كل جديد في عالم المطبخ الحضرمي