آپ نے اکثر دورانِ مطالعہ کتبِ احادیث کے نام پڑھے ہونگے جیسے جامع صحیح بخاری و معجم کبیر و سنن نسائی وغیرہ کیا آپ جانتے ہیں عندالمحدثین جامع یا معجم یا سنن کسے کہتے ہیں؟ اگر آپ ان اصطلاحات کو یاد کرلیں تو احادیث کی کتب پڑھنے کا لطف و مزہ دوبالا ہوجائے گا۔۔۔ 1- صحیح۔۔ سے مراد یہ ہے کہ مصنف نے اپنی کتاب میں صرف صحیح احادیث لانے کا التزام کیا ہو جیسے صحیح بخاری، صحیح مسلم وغیرہ 2-جامع۔۔ جس میں آٹھ عنوانات کے تحت احادیث درج ہو سیر ، آداب، تفسیر، عقائد ، فتن ، احکام، شروطِ قیامت، مناقب جیسے جامع بخاری، جامع ترمذی 3-سنن۔۔ جس میں صرف احکام کے متعلق احادیث لائی جائیں جیسے سننِ ابوداؤد، سنن نسائی،سنن ابن ماجہ وغیرہ 4-مُسند ۔۔۔ جس میں ہر ہر صحابی کی احادیث الگ الگ جمع کی جائیں جیسے مسندِامام احمد بن حنبل 5-معجم۔۔ جس کتاب میں شیوخ کے اسماء کے لحاظ سے احادیث ترتیب دی ہوں جیسے معجم الکبیر للطبرانی 6- ۔مستخرج۔۔وہ کتاب جس میں اک مصنف نے دوسرے مصنف کی کتاب میں اپنی اسناد سے احادیث بیان کی ہوں جیسے مستخرج علی الصحیحین لابن نعیم اصفہانی 7-مستدرک ۔۔ ایسی کتاب جس میں کوئی مصنف کسی دوسرے مصنف سے رہ جانے والی احادیث اس کی شرائط کے مطابق جمع کرے جیسے مستدرک للحاکم 8-رسالہ - آٹھ عنوانوں سے اک عنوان کی احادیث کسی اک کتاب میں جمع کریں جیسے امام احمد کی کتاب الزہد ، امام جریر طبری کی کتاب التفسیر 9-جزء ۔۔ جس میں صرف اک موضوع کے تحت احادیث ہوں جیسے جزء القراہ للبخاری 10- اربعین۔۔ جس میں چالیس احادیث جمع کی گئی ہوں جیسے اربعینِ نووی حنفیات انسٹیٹیوٹ