جب موت کسی عزیز کو ہماری زندگی سے چھین لیتی ہے، تو یوں محسوس ہوتا ہے جیسے وقت تھم سا گیا ہو۔ ہر دیوار، ہر کمرہ، ہر خاموشی اُس کی یاد میں بھیگ جاتی ہے۔ پہلے پہل تو آہیں، آنسو، اور دعاؤں کی صداؤں سے گھر گونجتا ہے، مگر وقت کے ساتھ سب کچھ معمول پر آتا دکھائی دیتا ہے... صرف دکھائی دیتا ہے۔ گھر کے باسی بظاہر زندگی کی رو میں بہتے نظر آتے ہیں، مگر اندر ہی اندر وہ ایک ایسے سمندر میں ڈوبے ہوتے ہیں جو پُرسکون تو لگتا ہے، مگر اُس کی تہہ میں جدائی کا طوفان مچلتا رہتا ہے۔ کسی خوشی کے موقع پر، کسی تہوار پر یہ سمندر اپنی لہروں کو چھپا نہیں پاتا، آنسو آنکھوں کے کناروں تک آ جاتے ہیں، اور دل پھر سے اُس خالی جگہ کو محسوس کرنے لگتا ہے جہاں کبھی ہمارا پیارا ہنستا، بولتا، جیتا تھا۔ یادیں چپکے سے دروازہ کھٹکھٹاتی ہیں، اور دل کہتا ہے: کاش ایک بار اور... بس ایک بار اور دیکھ لیتے۔ 💔 اے ربِ کریم! ہمارے اُن پیاروں پر اپنی بے پایاں رحمت نازل فرما جو اب ہمارے ساتھ نہیں ہیں۔ اُن کی قبروں کو جنت کے باغوں میں بدل دے، اُن کی لغزشوں کو معاف فرما، اور اُنہیں اپنی رضا اور قربت عطا فرما۔ آمین یا رب العالمین 🌹