🕉️ *വഴിവിളക്ക് ( ചോതി* *വിളക്ക്‌* ) കൊട്ടിയൂർ ശ്രീയാഗോത്സവ ഭൂമിയിൽ പടിഞ്ഞാറെ നടയിൽ മണിത്തറയോട് ചേർന്ന് സ്ഥാപിച്ചിട്ടുള്ളതും,ഭണ്ഡാരം എഴുന്നള്ളത്ത് യാഗഭൂവിൽ എത്തി അടിയന്തരങ്ങൾ സമാരംഭിക്കുന്നതോടെ തെളിയിക്കുന്നതും കലശാട്ട നാൾ കാലത്തു വരെ അണയാതെസദാ എരിഞ്ഞു കൊണ്ടിരിക്കുന്ന തുമായദീപമാണ് വഴിവിളക്ക്. ഇതിന്റെ മേൽക്കുര ഒരു ഓലക്കുടയാണ്. കാലാകാലങ്ങളായി ഈ വിളക്കും കഴുകുകയോ തുടച്ച് വൃത്തിയാക്കുകയോ ചെയ്യാറില്ല. പഴക്കവും നിർണ്ണയിക്കപ്പെട്ടിട്ടില്ല. യാ ഗോത്സവത്തിൽ വിളക്കുകൾക്ക് വളരെ പ്രാധാന്യമുണ്ട്. അതിൽപ്രധാനപെട്ട താണ് വഴിവിളക്ക് . തൂക്കുവിളക്കുകൾ ഇവിടെ ഉപയോഗമില്ല.യാഗോത്സവം ദീപത്തിന്റയും പ്രകാശത്തിന്റയും (വെളിച്ചത്തിന്റെ) ഉത്സവമാണന്നു അനു മാനിക്കുന്നതിലും തെറ്റില്ല. പടിഞ്ഞാറെ നടവഴി ദർശനത്തിനെത്തുന്ന ഭക്തൻ ഇടവാവലി കഴിഞ്ഞ് തിരുവഞ്ചിറ ഒഴുകി വരുന്ന എടത്തോട്ടിൽ കാൽ സ്പർശിക്കുന്നതോടെ ഇരുട്ടിൽ നിന്നും നമ്മെ വെളിച്ചത്തിലേക്ക് നയിക്കുന്നവഴിവിളക്കിലെ ജ്വാലകൾ നയനങ്ങളിൽ കൂടി ഹൃദയത്തിലെത്തുന്നു. ചോതിവിളക്ക് എന്നും ഇതിനെ പറയുന്നു. നെയ്യാട്ട നാൾ മൺ താലങ്ങളിൽ തെളിയിക്കുന്ന മൂന്നു ദീപങ്ങളിൽ ഒന്നായ ആവഹനീയ സങ്കല്ല ജ്വാലയിൽ നിന്നും അഗ്നി പകർന്നിട്ടാണ് വഴിവിളക്ക് തെളിയിക്കുന്നത്. വഴിവിളക്കിലെ അഗ്നി ദർശിക്കുന്ന ആൾക്ക്സായൂജ്യം ലഭിക്കുമെന്നാണ് ഭക്തരുടെ വിശ്വാസം. 🕉️