*Қасым-Жомарт Тоқаев: Ұлт рәміздері – Тәуелсіздігіміздің киелі бойтұмары* Президент Мемлекеттік ту көтеру рәсіміне қатысты. Қасым-Жомарт Тоқаев елордадағы "Атамекен" этномемориалды кешенінде өткен Мемлекеттік ту көтеру рәсіміне қатысты, деп хабарлады Ақорданың баспасөз қызметі.  Құрмет қарауылының бастығы салтанатты іс-шараға дайындығы туралы президентке рапорт берді. Содан кейін еліміздің әнұраны шырқалып, көк байрағымыз көтерілді. Қасым-Жомарт Тоқаев жиынға қатысушыларды Мемлекеттік рәміздер күнімен құттықтап, бұл еліміз үшін мән-маңызы айрықша мереке екеніне тоқталды.  https://informburo.kz/kaz/newskaz/qasym-zomart-toqaev-ult-ramizderi-tauelsizdigimizdin-kieli-boitumary