*معاملات او عبادات* د الټو موټر څښتن چې د موټر د پطرولو ستنې ته وکتل؛ نو ويې ليدل چې پطرول ختمېدو ته نېږدې دي. لۀ لږ مزل وروسته د پطرولو پمپ ته ورتاو شو، د پمپ کارمند ته يې ووئيل چې: د موټر ټانکۍ(تېلو زېرمه) راته ډکه کړه! لږ وخت وروسته د پمپ کارمند ورته ووئيل چې: محترمه! موټر ته مو ۴۴ لېتره تېل ور واچول، پيسې يې راکړه! د موټر څښتن حيران شو! او ويې وئيل چې: زما د موټر ټانکۍ مکمل ظرفيت ۳۲ لېتره دی. ۴۴ لېتره څنګه پکې ځای شول؟ کارمند ته يې ووئيل: زۀ غواړم چې د پمپ لۀ مالِک سره ووينم. مالِک چېرته دی؟ کارمند ووئيل: هغه خو د عُمرې لپاره مکې ته تللی دی.