*••┈┈┈┈┈┈┈┈┈┈┈┈┈┈┈••*‏ *⤸إســـڪـࢪيــــــبــ¹¹ـــت🤎🧋↻* *••┈┈┈┈┈┈┈┈┈┈┈┈┈┈┈••*‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ _ صدقيني كل الشباب و البنات دلوقتي بقو مرتبطين و مفيش حاجة اسمها جواز صالونات . تنهدت بضيق مسكت تليفوني ،جيبت صورة ليا بتجمعنا بـ إتنين من أصدقاء من أيام الجامعة. _ دي علا و دي ليلي توأم زي منتي شايفه ما شاء الله بنتين مختمرتين و باين عليهم الإيمان و التقوي . البنتين دولي كانوا محترمين أوي و شاطرين في دراستهم و ميتخيروش عن بعض . في يوم من الأيام جت بنت و اتصاحبت عليهم و بقوا يمشوا مع بعض و يحضروا محضراتهم سوا و شبه بقوا قريبين أوي من بعض، البنت دي كانت بتقول زيك كده مفيش حاجة اسمها جواز صالونات هي مش تلاجة جاي يتفرج عليها المفروض يرتبطوا شوية و لو فهموا و حبوا بعض يجي و يتقدم مع إن دا برضو اللي بيحصل في فترة الخطوبة . كان دا مبدأها و علا و ليلي كانوا عارفين دا منها علا كانت مش مقتنعه أبدًا بكلامها أما علياء كانت بتسكت لأنها كانت شايفه كلامها منطقي شوية . و في يوم ليلي لاقت شاب داخل يكلمها و يقولها إنه معجب بيها و حابب يتكلموا يتعرفوا على بعض ،ليلي حكت لأختها و علا حذرتها و قالت ..... _ أنتِ اتجننتي عاوزة تردي عليه ،المفروض تعملي بلوك منغير متفكري . ردت ليلي و قالت ... _ براحة بفكر معاكي بصوت عالي و بعدين فيها إيه يعني لو رديت عليه مش ممكن يبقي شخص كويس و يتقدملي. _ دا انتِ اتهبلتي فعلًا ،أنتِ مش عارفة إن دا حرام ،أنتِ عارفة حدود الاختلاط كويس ازاي تفكري مجرد تفكير إنك تردي عليه ، أظن إنك عارفة كويس لو بتشتغلي أو بتدريسي في مكان مختلط مينفعش تتكلمي في موضوع خارج نطاق المصلحة اللي بتعملوها و مينفعش حتي تهزروا و سيادتك عاوزة تتعرفي على شاب . نهت علا جملتها بعصبية ردت ليلي بسرعة و قالت ... _ واطي صوتك بابا هيسمعنا كده . _ يعني خايفة من بابا و نسيتي ربنا . ليلي لما لقت رد عنيف من أختها زعلت و ادايقت لأنها نفسها تجرب إحساس الحب و انها تتكلم مع حد من الجنس الآخر طول الليلة دي الشيطان بيوسوس ليها و مش سايبها في حالها و يحلل الحرام و زي مبيقولو بيعمل البحر طحينه . تاني يوم حكت لـ سها صحبتها اللي حصل ... _ و انتِ رايحه تقولي لأختك اكيد هتقولك لأ ، فكك منها و ردي عليه عادي بس اتقلي في الكلام و بعدين مش ممكن فعلًا تكون نيته حلوة و نفرح بيكِ يا لولا . _ يعني عادي يعني مش حرام . _ ايه يا بنتي الحرام دا شات يعني متكبريش الموضوع و أنا يستي هقولك على كام حركة تعمليهم و أختك مش هتشك فيكِ أبدًا . للأسف وافقتها و بدأ فعلا تتعرف عليه ولأنها ديما كانت قافله على نفسها من أول كام كلمة معسولة حبته و مبقتش تقدر تبعد عنه و للأسف أهملت دراستها و كان باين على مستوي تقديراتها اللي قلت خالص و دينها اللي نسيت منه الكتير و من كلامها مع الشخص دا بقا بيحللها الحرام و بقت تقع من على سطور كتيرة في الدين زي انها قلعت الخمار لانه بيكبرها و مداري جمالها و دا طبعًا كان رأي الشاب اللي كلمته ،تخيلي لو هو كان بيحبها بجد كان هيقولها كده ولا يحسها انها تستر نفسها أكتر . خلال الفترة دي كان في شاب على قدر عالي من الدين و العلم جه أتقدم لأختها كانت مستغربه تصرفات علا جدًا . _ دا انتِ باقيلك أسبوع بتفكري و لغاية دلوقتي لسه مقررتيش ، أنا لو مكانك بعد مشوفت العريس القمر دا كنت قلت جوزوني دا كفاية تعليمه و مستواه المادي . _ عمر مكان الشكل ولا التعليم أو المستوي المادي والاجتماعي سبب كافي إنك توافقي على الشخص اللي قدامك اه هما مهمين و كاد تكون ظروق الحياة محتاجة شخص عنده الحاجات دي لكن أنتِ مش بتتخاري شخص يشاركك حياتك و يبقي شكلكم ثنائي حلو قدام الناس و بس ،بتختاري أب لولادك شخص تبقي واثقه انه هيساعدك تربوا تربية سليمة تعلموا ولادكم دينهم كويس و توعوهم بقدر كافي في ظل الحياة الصعبة دي ، محتاجة شخص عارف دينه كويس مش هقولك متدين لكن يكون فاهم أصول الدين ديما يحثك على الخير و الطاعة ،طبيعي أخد الوقت دا كله عشان أفكر، اه أنا كل مصلي استخارة أحس براحة لكن في خوف مستيطر عليا . _ إيه المحاضرة دي كلها الحوار مش عاوز كل الفلسفة دي . _ لا محتاج اكتر من كده كمان . بعد أيام من النقاش دا علا قالت لوالدها انها موافقه و تمت الخطبة لكن وافقت بعد مفكرت بعقلها كتير و بدأت توازن الأمور صح و برضو بعد كلامها مع الطرف التاني و يقينها بالله إن دا إن شاء الله شخص مناسب . مع خطوبة علا بدأت ليلي تحس بالغيرة و تتخانق مع الشخص اللي مرتبة بيه إنه ييجي يتقدماها خاصا إنها خلاص اتخرجت مفيش حجه و هو بدأ يتهرب منها شوية مش فاضي الوقت مش مناسب و شوية عنده شغل و حجج فارغة . طبعا هي مكانتش عارفة تعمل إيه فحكت لـ سها اللي ناصحتها بخطة نفذيتها مع جوزها و نجحت و بالفعل عملت زي ماقلتلها و الشخص دا جه و اتقدم .م كانت ليلي في غاية السعادة و مش مصدقه إن خلاص حلمها اتحقق و لما الشخص دا دخل بيتهم و والدها قعد معاه لقاه شخص مش مناسب لبنته و باين عليه لعبي و مش لمس فيه الدين ولا الأخلاق فبتالي رفض قبل ميعرف رأي بنته . أما هي لما عرفت انهارت و مبطلتش عياط و قالت لتجوزه لتنـ ـتحر في البداية أهلها كانوا مفكرين دا تهديد و بس، لكن صدقوا لما قطـ ـعت واريدها تخيلي كانت هتنهي حياتها و تخسر دينها عشان سبب زي دا، معتقدش إن في حاجة في الدنيا تستاهل انها تخسر دينها و الجنة لأجلها. _ هي حرة تروح تتجوزه و اللي بيشيل قربة مخرومه بتخر فوق دماغة . قالها والدها بعصبية ردت علا محاولة تلطيف الجو . _ ممكن يكون كويس بس حضرتك حكمت غلط . _ كويس إيه، باين عليه واد صايع من السلاسل اللي لبسها دي ولا الحاجات اللي في إيده . ردت ليلي بعياط. _ أنا اتأكد إنك بتحب علا أكتر مني وافقت على خطيبها و كنت بتقنعها أما انا عاوزني أعنس . رد والدها بعصبية و قال ... _ أنتِ واعيه بتقولي إيه يا بنتي أنا لو مش بحبك كنت قلتلك اتجوزيه مع السلامة لكن أنا خايف عليكِ الشخص دا مش مسوؤل . _ بس أنا عوزاه . _ أنتِ حرة دي حياتك أنا مش هجبرك على حاجة متأكد أنها الصح روحي اتجوزيه لكن لما تطلقي متجيش تعيطي. و كأن مع جملت ابوها دي اتكتب السعادة و مصدقتش إن أخيرًا والدها وافق ، طول فترة الخطوبة كان بينهم مشاكل و خصام عكس أختها و بدأت الغيرة تزيد من ناحية ليلي لعلا إنها عايشه مع خطيبها بهدوء و حياتها أحسن منها و علاقتهم اتوترت بسبب خناق علياء الدايم مع أختها . و بعد فترة الأختين اتجوزا طبعا علا كانت حياتها هادية و مستقرة لأنها اختارت شريك حياتها بعقلها و فكرت كويس في صفات الشخص اللي معاها هل هتقدر تعيش معاه ولا لأ و لو قابلتهم مشكله بيقدروا انهم يحلوها بتفاهم . و علي النقيض كانت حياة ليلي طول الوقت مشاكل و خناق لأنهم مختلفين تماما اختيارهم لبعض كان عن طريق الحب أو الشكل عامتا ، للأسف الإختبار على حسب الشكل و منظر و الكلام المعسول اللي خلي قلبها بيسحبها بدون متفكر كويس في الزواج دا و عقوبته . و بعد ست سنوات من زواجها أطلقت و كان معاها طفلين و حامل في طفل بسبب خلافهم الدايم مقدرتش تتحمل أكتر من كده بالإضافة لضرب و إهانة جوزها ليها و كل الحب اللي بينهم اتبخر و حل مكانه كرة من كلا الطرفين طول الوقت كان بيزلها و انها بنت مش كويسة، اكيد كانت بتكلم شباب غيره و ضحكت عليه ، بيقارنها بإختها في أدباها و طاعة زوجها و كأنه الملاك و هي الشيطان و بتالي حياة زي دي مستقرتش . في نفس الوقت اللي ليلي حياتها ادمرت كانت علا بتعيش أحسن وقت في حياتها مع عيلة صالحة و زوج بيحبها و بيرضيها طول الوقت ،الحب اتبني بينهم بالمعاشرة الطيبة و المعاملة الحسنة و انهم اتاكدوا انهم الاختيار الصح . أخدت نفسي بعد مخلصت الحكاية . _ أنا نصحت و حكيتلك سر صحابي و أنتِ حرة اختاري زي متحبي لكن خليكِ فاكرة إنك المسؤوله و ليكِ حرية الاختيار . _ طب البلوجر و كل الكابيلز المشهورين متجوزين عن حب و حياتهم ناجحة . _ انتِ مش عايشة معاهم عشان تشوفي حياتهم خلف الشاشات هما بيرسمولك الحياة المثالية لكن طبعا مفيش حياة مثالية بالشكل دا بل الحياة مليانة ضغوطات كتيرة . تعرفي إن أغلب الارتباط اللي بيقوم عن طريق القلب بيخسر عشان كده نسبة الطلاق زادت للأسف الاختيار دا بيبقي قايم على الشكل بس، كلا الطرفين بيعجبوا بشكل بعض و طريقة الكلام و اللبس لكن كشخصية ففي الغالب بتبقي سيئة أما إختيار العقل فهو بيختار بيقارن من كل المقاييس و بيقيس إن كان الشخص دا كويس ولا لأ . _ كلامك صح يا ماما لكن للاسف كل الناس كده و مش لاقيه حد يثبتني . _ لما تلاقي حد من صحابك بيتكلم في موضوع زي دا ابعدي عنه غمضي عيونك و استغفري ،اشغلي نفسك في اي حاجة ، حبيبتي انتو لسه في ثانوي يعني كله كلام عبيط و مراهقه و صدقيني الارتباط أكتر شيء موؤذي في عالمنا دلوقتي احمي قلبك و صونه لزوجك اللي يستاهله و خليكِ متيقنه إن قلب البنت بيحب واحد بس حافظي عليه عشان يكون لزوجك . _ هعمل زي ما بتقولي يا ماما عشان ربنا يرزقني بزوج حنين زي بابا . نهت جملتها و كان أحمد زوجي بيقفل باب الشقة اتكلم و قال ... _ جابين سرتي في إيه؟ ضحكت و قلت ... _ لا دا ريناد بتدعي بزوج زيك . _ إن شاء الله ربنا هيرزقك بأحسن مني. تمت بحمد الله يسكاكر😂🥹 `إذا اڪملت القراءة ضع تفاعل جميل شبهك يغاليه 💜` *--------------♡--------------* اختم القراءة بذكر الله 💜 * سُبحان الله * الحمدلله * لا إله إلا الله * اللهُ أكبر * سُبحان الله وبحمدهِ * سُبحان الله العظيم * استغفر الله العظيم واتوب إليهِ * لا حول ولاقوة إلا بالله * اللهُم صلِ علي نبينا محمد * لا اله الا انت سبحانك اني كنت من الظالمين